خلينا ننسى الطبيعى ونتعايش مع اللى مش طبيعى

تنبية هام.....

البوست دة اظن انة غير مفهوم وبوست حزن فا اللى مش عايز يوجع دماغة ميقراش البوست دة وشكرا للزيارة طبعا

لية؟

لية الطبيعى فى زمانا.. مبقاش طبيعى

ولية اللى مش طبيعى فى زمانا.. بقى طبيعى

والغريب

ان اللى مش طبيعى فى زماننا بقينا نقول علية طبيعى واللى طبيعى بقينا نقول علية هو دة اللى مش طبيعى

والله انا حاسة ان كلمة طبيعى تعبتلى من كتر ما بقيت اقولها

لية زمان كان بجد زمان ونتمنى اننا كنا نعيش زمان ولو كنا عشنا زمان ياترى كنا هنرضى بية ولا هنكون زى حالنا دلوقتى

نقول ان زمان زمان كان احسن من زمان

الامام الشافعى بيقول

نعيب زماننا والعيب فينا ومال لزماننا عيبا سوانا

يعنى هو فعلا الغلط فينا

هو راحت فين القيم والمبادى؟؟؟؟؟؟؟؟؟؟؟؟؟

هو الناس عارفة تتأقلم مع الجو دلوقتى

يعنى قادرين تعيشوا من غير قيم ومبادى

انا مش عارفة اقول غير انى بجد نفسى اشوف انسان فرحان فى الزمن دة

نفسى يجى يووم القيامة قوى نفسى اشوف الناس اللى ظلموا دول هيكونوا ازاى؟؟؟

نفسى نبطل غنى عن الحب والحزن ؟؟؟؟ وكأن مافيش غيرهم فى حياتنا..... كأن هما دول المشكلة الرئيسية فى حياتنا

نفسى نبطل نقول هو النمص حلال ولا حرام هو البنطلون الواسع حرام ولا حلال

نفسى القوى يرحم الضعيف لكونة القوى

عمنا جاهين زمان قال: حاجة بجد حلوة بس ياريتنا نعرف نعملها

صبرك ويأسك بين ايديك وأنت حر

تيأس ما تيأس الحياة راح تمر

انا دقت من دا ومن دا

عجبى لقيت الصبر مر وباردوا اليأس مر

وقال كمان

حاسب من الاحزان وحاسب لها

حاسب على رقابيك من حبلها

راح تنتهى ولابد يوم راح تنتهى

مش انتهت احزان من قبلها

كنت قاعدة اقرى فى يوم اجندة مذكراتى

الاجندة دى مش فيها اية اللى بيحصلى كل يوم لكن بكتب فيها اشياء بتؤثر فى شخصيتى وفى تكوينها

ومن ضمنها كنت قريت كتاب علم نفس ولقيت فية تعريف الشخصية

اللى يهمنى فى تعريفها هو لا يوجد انسان معدوم الشخصية

والغريب ان كلمة شخصية مصدرها لاتينى معناها القناع فقد كان بعض الممثلين على المسرح الاغريقى يلبسون أقنعة تخفى عيوبهم الخلقية

فهل معنى ذلك ان الشخصية هى القناع الخارجى الذى نلبسة لنخفى الحقيقة الداخلية؟؟؟؟

السؤال اللى عايزة اسالة

لما بنقابل الناس الكدابين والغشاشين والظالمين والحاقدين بيكونوا عارفين انهم لابسين القناع دة؟

ولو كانوا عارفين ازاى بيصنعوا القناع دة؟

وياترى دة كمان بقة من الطبيعى اللى بقينا طبيعى اننا نشوفوة

انا اسفة لكل انسان هايقرى البوست دة بس انا فى حالة انكسار وانقسام وعقبات صعبة قوى وتغير فى شخصيتى

اعذرونى على البوست الرخم دة

وودوا لو تكفرون

تحس ان الموضوع اللى هكلم فية انهاردة مش موضوع معين

وعلى الارجح مش هيكون مرتب واحتمال يكون غير مفهوم قصدة عند الناس

بس انا جوايا تساؤولات وتناقضات عايزة اخرجها

يعنى هو اية اللى هيحصلنا اكتر من اللى احنا فية؟؟؟؟

هو لسة فى مراحل أسوأ هنتعرض ليها تانى ؟؟؟؟؟

ولا كفاية علينا اللى احنا فية ؟؟؟؟؟؟

هو قناة الحيات وزكريا بطرس عايزين اية من المسلمين؟؟؟؟؟

انا مش عارفة اكلم عليها غير انى اقول حسبنا الله ونعم الوكيل

لان الناس دى بتضرب فى قلب الاسلام

وتلاقى بقة عدم احترام اثناء الحوار والسخرية الزائدة عن الحد لدرجة انة يستهزى بالقران الكريم وبمحمد صلى الله علية وعلى اله وسلم

بعدها اسكت شوية وافتكر اللى حصل لمحمد صلى الله علية وسلم واقول اكيد دة محصلش جزء من اللى اتعرض لية

المصطفى اشرف الخلق اجمعين صلى الله علية وسلم

شوف قد اية عدد المسلمين دلوقتى ومع ذلك لسة الاسلام بيتهاجم من عدد قليل جدا محصولش حتى ربع المسلمين

فما بالك ايام النبى صلى الله علية وسلم اللى كانوا مكملوش حتى عشر اللى كانوا موجودين

تتخيل بقة مدى الايذاء اللى كانوا بيتعرضوا لية

ولكن استحملوا وصبروا واحنا دلوقتى مش قادرين نصبر على كلمتين يطلع يقولهم زكريا بطرس دة ولا حتى الدنمارك لما تعمل زى اللى عملتة

يااااااااااااااااااااة دة احنا ضعاف بشكل؟؟؟؟؟؟؟

ومظنش هيا دى الصورة اللى كان مستنيها النبى صلى الله علية وسلم من اخوانة اللى هما احنا

واظن اللى احنا فية دلوقتى دة بسببنا احنا

ولكن ارجع واقول ما لازم الاسلام هيحصلة كدة لان النبى صلى الله علية وسلم بلغنا بكدة

بدأ الاسلام غريبا وسيعود غريبا فطوبى للغرباء

صدق رسول الله صلى الله علية وسلم

قال رسول الله ( صلي الله عليه وآله ) : يأتي على الناس زمان الصابر منهم على دينه كالقابض على الجمر )) الأمالي ص 484 .

صدق رسول الله صلى الله علية وسلم

فا المفروض نفرح لان كلام النبى صلى الله علية وسلم اتحقق عشان الناس اللى بتشكك فى نبوة محمد صلى الله علية وسلم تعرف انة على حق

وانة اخر نبى بعث

انا مش عارفة انا قادرة اوصل اللى فى دماغى ولا

لكن افتكر مرة كنت بكلم مع زميلة مسيحية وكنت بتناقش معاها فى الدين المسيحى وكدة

ولما حاولت افهم منها شوية الدين المسيحى قائم على اية بالظبط

امتنعت عن الكلام وقالتلى عايزة تعرفى الدين المسيحى اقرى فى الكتب ومتاخديش العقيدة من شخص

لانى انا جزء من الكل

فى حين ان زكريا بطرس بيحاول يوضح الاسلام وعقيدتة من خلال المشايخ

لانة فى الحقيقة مش لاقى حاجة يقولها عن الدين فا كان حوارة كلة عن المشايخ والحوارت اللى بتحصل امام الكاميرات

لا حول ولا قوة الا بالله

انا دلوقتى افتكرت الاية

(ان تمسسكم حسنة تسؤهم , و ان تصبكم سيئة يفرحوا بها).

قد اية كانت القناة دى كانت هتكون افيد ليهم هما لما يبدؤا يعرفوا الناس على دينهم

لو يبطلوا بقة غل وحقد للاسلام اكيد كانوا هيكونوا أحسن



{ ولا يزالون يقاتلونكم حتى يردوكم عن دينكم إن استطاعوا } ( البقرة : 217 )

..

{ وودوا لو تكفرون كما كفروا فتكونون سواء } (الممتحنة : 2 ) .


{ ولن ترضى عنك اليهود ولا النصارى حتى تتبع ملتهم } .. (البقرة : 120)


, { ود كثيرٌ من أهل الكتاب لو يردوكم من بعد إيمانكم كفاراً } ( البقرة : 109 )


واخيرا انا بقول لزكريا بطرس دة

يمكرون ويمكر الله والله خير الماكرين

وبقولة اتقى الله انت تعلم ان الاسلام على حق ومن دونة هو الباطل

وبقول لاى واحد ايمانة ضعيف اثبت انت على الحق

عجبا لدهر ترى فية الكلاب ترقص على جثث الاسود. لاتحسبن برقصها تعلو على أسيادها..تبقى الكلاب كلاب والاسود اسود

وبقول لاى واحد ارتد عن دين الحق

يقول القرآن الكريم

ومن يرتد منكم عن دينه فيمت وهو كافر فأولئك حبطت أعمالهم في الدنيا والآخرة وأولئك أصحاب النار هم فيها خالدون البقرة 217 .

انا نوعا ما قلت شوية من الكلام اللى عايزاة اقولة لكن يبقى السؤال؟؟؟؟

ماذا يجب على المسلمين فعلة فى هذا الزمان؟؟؟؟؟

تحياااااااااتى

أهـــــ الهوى ـــــل..... الجزء الاخير

كنت عايزة فى البوست دة اكمل قصيدة اهل الهوى

للناس اللى مستنية تكملها انا هاعيد اخر بيت عشان كان فية غلط

من برق سيف الجدع.. يطلع صباح أملة

عنتر معنتر لكين مسكين أبوة هملة

بسيفة قدف فى بحر الدم عداة عوم

ولجل عبلة وقبلة منها.. ساد القوم

والحر لة يوم يدوق الشهد من عملة

عنتر من الغرب،أسمر،يندهولة عطيل

كلل على ديدمونة وشالها فى عينية شيل

بياض عيونة لمع من ضى حلاوتها

أولاد حرام غيروة بالغيرة موتها

والغيرة غشوتها ما تفرق نهار من ليل

كل الاحبة على حبال الهوى طالعة

فاكرين نجوم السما شبابيك غرام والعة

انظر لروميو الجرى طالع يشوف جولييت

نعرف بأن الغرام يكرة بيبان البيت

واإن كنت حبيت ما تهزم قلبك القلعة

الريح تباريح جريح ما ينتهيلة أنين

حسن قتيل من سنين ونعيمة فى المجانين

على كل ملقف هوا تستنى تستنى

يحيلها صوت كلة موت ويئن لة أنة

والحب لة ناس فى جنة وناس غلبانين

كان ياما كان فية ملك لكن مالوش أحباب

عشق رمى التاج وعاش العمر كلة شباب

فية ناس يقولوا علية مجنون وناس جاحد

وأنا اقول أبيع عمرى كلة بيوم غرام واحد

دة الحب والحق واحد يا أولى الالباب

عودة باشتياق ولكن

كل سنة وانتم طيبين

طبعا بشكر كل اللى عيد عليا وبتأسف للى معرفتش اعيد علية

بجد وحشتونى كتييييييييييييييييييييير جدا

ووحشنى التدوين كتير لكن

طالعة من رمضان والعيد فى حالة كسل فظيعة مش عايزة ادخل اكتب حاجة خالص عايزة افضل اقرى وبس

مش عايزة اكتب حاجة خالص

بس بجد رمضان السنة دى كان مختلف معايا بكل المقاييس والعيد كمان كان فرحة كبيرة قوى فى قلبى

بجد انا حاسة انة احلى رمضان عدى عليا

يااااااااااااااااة على الروحانيات اللى كانت فية

انا متهيالى ان انا كنت اخدة اجازة من كل حاجة واتفرغت لحاجة واحدة كنت سايبها بقالى فترة كبيرة وكنت بعيدة عنها

العبادة لرب العباد

القران حبيبى

محمد اللهم صلى علىحبيبى قلبى ونور عينى وعلى الهادى صاحب المقام الرفيع صلاة لم تصلى بها من قبل علية

بصراحة مهما اتكلم مش هقدر اوصف احساسى

عموما دة سلام على الماشى كدة

وان شاء الله هنزل توبيك قريب للمشتاقين أمثالى

تحياتى

خليها على الله

يا رب خليت السما بالشمس بتنور وهلال بيتحول قمر سبحان من صور انت ال عارف نيتي وبرحمتك عرفا مطرح ما عيني تلتفت في كل

شيء شايفا ففرحة ال مصلي الفرض فسجدة المؤمن عل الارض رضاك عني يا ام ال محلي الحياه فنصيحة ابوي لي خليها على الله بدوب في حبي لربنا ومحبتو عبادة النية صافية وجنبها سبحة وسجادة بنسى عدابي وشكوتي لما افضفض ليه وانده عليه فوحدتي قبل الندى القيه ففرحة ال مصلي الفرض فسجدة المؤمن عل الارض يال انت اقرب لي مني عمرك ما كنت بعيد الكون ده كل يمكن وانت بس ال اكيد يارب بحق ما شقيت لموسى جوه البحر طريق بحق ما رزقت مريم ميا تبل الريق بحق ما حفظت يونس جوه فبطن الحوت بحق ما نجدت ابراهيم من اللهب والموت بحق يوسف الامين على تلال المال بحق ايوب ما صبر صبرو يهز جبال ترزقني ضي فسكتي وكتابي باليمين وتصلي على سدنا النبي امام المرسلين عليه الصلاة والسلام

كل سنة وانتوا طيبيبن رمضان خلاص هلالة نور علينا الدنيا

وادى الشيطاطين هتاخد اجازة لمدة شهر

وهيفضل لكل واحد نفسة يا ينتهز الفرصة ويقومها

يا خاب وخسر من ادرك رمضان ولم يغفر لة

اللهم بارك لنا فى شعبان وبلغنا رمضان اعوام عديدة

واجعلنا من عتقائك من النار ياارحم بنا من انفسنا

اللهم بلغنا العشر الاوخر من رمضان وبلغنا ليلة القدر

اللهم لا تحرمنا اجر هذة الليلة

بك استجير فمن يجير سواك

فاجر ضعيفا يحتمي بحماك

اني ضعيف استعين على قواك

ذنبي ومعصيتي ببعض قواك

اذنبت ياربي واذتني ذنوب

مالها من غافر الاك

دنياي غرتني وعفوك غريني

ماحيلتي في هذه او ذاك

يا رجائي

مننساش يا جماعة للصائم دعوة لا ترد عند فطرة فاياريت مننساش اخوانا المسلمين فى فلسطين

واخوانا فى كل مكان

الدعاء للاسلام والامة

هنقطع عن التدوين طول فترة الشهر الكريم

وان شاء الله هكمل القصيدة بعد رمضان لان معلش مافيش وقت انزلها

يارب لك الحمد حتى ترضى ولك الحمد اذا رضيت ولك الحمد بعد الرضا

تقبلوا فائق احترامى وتحياتى

أهل الهوى

اللحم طين والعروق دود من ديدان الطين

أدم وحوا على أرض العدم حاطين

عاقبهم الرب.. اخرجهم من الجنة

أدم عمل حضن حوا جنتة وغنى

الناس يتتهنى مهما يكونوا منحطين

الولف لو شاف وليفتة ورا الجبل هدمة

ياميت ندامة على جبلين واصطدموا

اتهد منهم جبل اسمة هابيل وانهار

قابيل اخوة اللى قاتلة سكب دموع أنهار

واللى افتتن بالنهار.. بالليل يا ندمة

مرات عزيز مصر شابة وجوزها راجل كهل

يوسف حليوة فلسطينى عديم الاهل

فؤادها قاد نار وصار تحت النهود لاعب

تهبش فى يوسف وتترجاة وتداعب

والعقل صاعب لكين خلق المتاعب سهل

وفى التاريخ كليوباترا الاسمرانية

كانت غرامها غرام اسكندرانية

غرام عنيف له حفيف تعبان ولسعة نار

من عشقها لحسنها خافت علية يحتار

واختارت الانتحار...المعجانية

من برق سيف الجدع..يطلع صباح أملة

عنتر معنتر لكين مسكين ابوة هملة

بسيفة قدف فى بحر الدم عداة عوم

ولجل عبلة وقبلة منها.. ساد القوم

دى كانت قصيدة اهل الهوى للمبدع صلاح جاهين

هيا لسة فيها باقى هاكملة فى البوست الجاى ان شاء الله

شط اسكندرية(الجزء التانى)تابعوا

مش هلاقى اكتر من الصور دى توصف جمال احلى مكان على الارض

اتمنى تكون الصور وضحت شوية من جمالها الاصلى

اسكندرية ماريا وترابها زعفران

يلا نغير اسلوب حياة

بصراحة من كتر ما اتعرضت للموضوع دة قررت اقول كلمة فية

احنا كلنا كا ناس وبشر من حقنا نحب اللى على مزاجنا ومنحبش اللى مش علي مزاجنا

كلام جميل

لكن ميفنعش انى اغصب عليك تحب واحد انت رافض تحبة او تكرة واحد لسبب انى مش بحبة

ومتهيالى ناس كتير تتفق معايا فى الراى دة

نفس الحكاية بالظبط

بعد كذا قرار كدة اصدرة المفتى \على جمعة وبالذات بعد موضوع تحريم ختان الاناث

سمعت والله ناس بتشتم وتسب وتلعن المفتى عشان اصدر القرار دة او الفتوى دى

هو يا جماعة الراجل مش دة اسمة مفتى

يعنى لة حق انة يفتى واحنا كا مسلمين ممكن ناخد بالفتوى ومش هيكون علينا وزر اكيد لو اتبعناها

لية ؟

لان على ابسط مثال لو بنصلى فى جماعة والامام غلط احنا كمامومين مينفعش نخالف الامام لازم نكمل وراة تمام كدة

ومش احنا اللى هنشيل الوزر فى الغلط دة

يعنى لو كانت الفتوى دى غير صحيحة او الاجتهاد دة بلاش نسميها فتوى غير صحيح

واحنا اتبعناه اللى هيشيل الوزر هو الشخص اللى افتى

مش بتكلم فى مسألة الختان بالاخص بكلم عموما

يعنى مش من حقنا اننا نشتم راجل زى دة عيب مش دى اخلاق المسلمين والله

احنا لازم نترفع عن هذا الاسلوب القبيح

اتمنى اى شخص سب الرجل دة او شتمة يستغفر ويتوب الى الله

وبعدين مش يجى واحد قاعد على القهوة عمال يضرب فى شيشة ويجى ويقولك على فكرة الفتوى دى مش صح

مش ممكن ابدا؟؟؟؟

اخيرا فاتكرت موقف للامام الشافعى رحمة الله علية: اختلف العلماء المسلمين مع الشعراء على نوعية الكلام الموجود بالشعر

يعنى لكونة بيوصف حاجة معينة فى الجسد

شوف بقى حكمة الراجل دة درس الشعر مخصوص عشان يقدر يفهم فكرة الشعراء

رحمة الله علية

مش ممكن يطلع كل واحد يحلل ويحرم وهو مش دارس حاجة خالص واللى يغيظك انة يجادل اتمنى اننا بجد نتغير ونغير كتير من اسليبنا فى الحياة

تـــ.....ـــلـــ....ــــومنى ....الدنيـــا

تلومي الدنيا إذا أحببته
كأنني .. أنا خلقت الحب وأخترعته
كأنني أنا على خدود الورد قد رسمته
كأنني انا التي
للطير في السماء قد علمته
وفي حقول القمح قد زرعته
وفي مياه البحر قد زوبته
كأنني .. انا التي
كالقمر الجميل في السماء
قد علقته
تلومني الدنيا إذا ...
سميت من أحب .. أو ذكرته
كأنني انا الهوى
وأمه .. وأخته
هذا الهوى الذي أتى ..
من حيث ما أنتظرته
مختلف عن كل ما عرفته
مختلف عن كل ما قراته
وكل ما سمعته
لوكنت أدري انه
نوع من الأدمان ... ما أدمنته
لو كنت أدري انه ..
باب كثير الريح .. ما فتحته
لو كنت .. أدري انه
عود من الكبريت .. ما أشعلته
هذا الهوى .. أعنف حب عشته
فليتني حين أتاى فاتحاً
يديه لى ... رددته
وليتني من قبل أن يقتلني .. قتلته
هذا الهوى الذي أراه في الليل
علي ستائري
أراه ... في ثوبي
وفي عطري .. وفي أساوري
أراه .. مرسوماً على وجه يدي
أراه منقوشاً على مشاعري
لو أخبروني أنه
طفل كثير اللهو والضوضاء ما أدخلته
وأنه سيكسر الزجاج في قلبي لما تركته
لو أخبروني أنه
سيضرم النيران في دقائق
ويقلب الأشياء في دقائق
ويصبغ الجدران بالأحمر والأزرق في دقائق
لكنت قد طردته
يا أيها الغالي الذي ..
أرضيت عنى الله ... إذ أحببته
هذا الهوى أجمل حب عشته
أروع حب عشته
فليتني حين أتاني زائراً
بالورد قد طوقته ...
وليتني حين أتاني باكياً
فتحت أبوابي له ... وبسته

نزار قبانى

شـــــط ..........اسكندرية

شط اسكندرية

شط المندرة كنت نازلة مرة وعجبنى قوى شكل الشمس وهيا جوة البحر بجد كان منظر خرافى لما تلاقى اشعة الشمس مع موجة البحر عمالين بيعزفوا احلى لحن على وتر المشاهدة

انا هاسيبكوا تستمتعوا بالمنظر دة






هنا بقى كان فى شراع معدى لكن كان شكلة جميل قوى فى وقت الظهر

حسيت ولا كانة بحر الغردقة



والباقية تأتى مع ليالى الصيف السكندرية

بدون تعليق...صورة حية من مكان حكومى

يا جماعة الصور دى مش محتاجة تعليق ابدا الصور شارحة نفسها

وعموما هيا صور لمكاتب وكراسى بس اية اخر صايحة من مكان حكومى













بالامانة فى حد شاف حاجة زى دى فى اى مكان خاص محترم

دة منظر مكاتب ولا كراسى يقعد عليها بنى ادميين

لا حول ولا قوة الا بالله

ايها السادة.... احم احم

بصراحة البوست دة يمكن فكرتة متعجبش ناس

او ممكن ناس تدخل تقراة وتطلع من غير ما ترد علية

او يمكن ميهمش حد

لكن بصراحة انا محتاجة كل اللى يدخل بعد اذنة يرد على الاسئلة دى

لو سمحتم

والاسئلة كالاتى

1- اسم حضرتك؟

2- سن حضرتك؟

3-ديانة حضرتك؟

4- بلد حضرتك؟

5- المؤهل او المهنة؟

6- الحالة الاجتماعية؟

والسؤال الاجبارى بقة

7- اية رايك فى مدونتى؟

وشكرا ليكم يا جماعة لكل اللى هيرد واللى مش هيرد

سلام عليكم

من احمد فؤاد نجم لمحمد حسنى مبارك فى عيد ميلادة

سيدي الرئيس

في عيد ميلادك الكام وسبعين

كل سنة وأنت طيب

واحنا مش طيبين

كل سنة وأنت حاكم

واحنا محكومين

واحنا مظلومين

واحنا متهانين

ويا ترى يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون في عونك - هاتفتكر مين وللا مين

في عيد ميلادك الكام وسبعين

بقول لك كلمتين

الأوله

شيلتنا طين

وهل تعلم أن النيل بقى رشاح

والجو أصبح بيئة والعيشة ولعة

والشرفا قلوبهم عالبلد والعة

وانت عاملهم مذبحة ولا بتاعة القلعة

والاقتصاد سداح

والسرقة بقت كفاح

ومصر متاحة بس للسياح

وعرض البلد بقى مستباح

والتانية

ورتنا الويل

دا الخطوة في عهدك بقت ميل

والضحك بقى نواح وعويل

والكوسة

عارف الكوسة

ممكن أقولك فيها موواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز على المتعلمين

والأساتذة بقم دجالين

والقادة بقم طبالين

واديني في الهايف يا حبيب الملايين

والتالتة

عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسة مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين

والرابعة

أمن البلد بقى تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام…. عام

والفساد…. ساد

وفي جتة بلدنا بيرعى

أفتكر لجنابك إيه وللا إيه

وكل ذكرى ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك تمنية وسبعين

بس هاكفيهم ورق منين

وكل سنة وأنت

واحنا طيبين

حاجات تحرق الدددددددددددددم

50 الف شاب مصرى متزوجين من يهوديات


احصائية اعلنها برنامج 90 دقيقة على قناة المحور

و18 قضية تجسس من قبل مصريين

بصراحة اتفاقية السلام اللى ما بنا وبين اسرائيل عمت على مصر بالخير خالص

لدرجة ان الشباب بيتجوز يهوديات وبيتجسس على بلدة لصالح الصهاينة

لا واية؟؟؟؟؟؟؟؟؟؟؟؟؟

فى الشريعة اليهودية ان الشخص لما يتجوز من يهودية ويعيش فى اسرائيل

المولود يكون يهودى الديانة والجنسية

يعنى ولد المفروض انة مصرى الجنسية وعلى ديانة والدة يروح هناك يبقى يهودى من كلة

ويتعلم انة يضرب فينا وازاى يتعدى على حقوق الاخرين

يجى يضرب فى خالة وخالتة وعمة وجدة عشان النشأة الصح اللى اتولد فيها

يبقى المفروض ومن رايى ان اتفاقية السلام اللى بنا وبنهم دى تتلغى وكفاية مهانة بقة

احنا الدور جى علينا يعنى جى مافيش مفر

يبقى متهيالى من المفروض

ان الحكومة الناصحة بتاعتنا تعمل حاجة

مش مسجونين مصريين يتعذبوا ويتقاتلوا هناك ومافيش حد يرد

مصريين يتجوزوا يهوديات والاولادهم يهوديين ومافيش حد بيتكلم

دة اية الارف اللى الواحد بقة يشوفة دة؟

وبعدين لية الشاب المصرى يجوز يهودية؟

هما المسلمين خلصوا ولا اية؟

واحد من الناس

ايها السادة

لقد تم قطع الارسال للاذاعة هذا النبأ الهام

لقد تم انطلاق المدونة الاولى للاستاذ جرين ويف

فى وقتة وتاريخة

وبقولة اهلا بيك فى عالم المدونات وان شاء الله نلاقى عندك كل هو مفيد دائما

وهذا لينك المدونة

http://greenwaveee.blogspot.com/

المئوية مع السنوية

حبايبى كل الاهلاوية

فى كل انحاء الدنيا

مش عارفة ابتدى ازاى واوصف فرحتى ازاى بفريقى

بجد الاهلى يستحق وبجدارة انة ياخد الدورى

يعنى لما يكون هو لوحدة 70 نقطة

والاسماعيلى 61 نقطة

والزمالك59 نقطة

يبقى فين الفريق اللى يقدر ياخد الدورى من الاهلى

متيهالى مافيش منافسة للنادى الاهلى

والناس اللى بتكلم وتقول الاهلى بيكسب بالحكام وى وى وى

متهيالى يعنى لو جت معانا مرة مش هتيجى كل مرة يعنى معنى كدة ان الاهلى فريق وفريق جامد جدا

انا اعتز بانى اهلاوية ومتهيالى مافيش حد اهلاوى يقدر يقول غير كدة

وكفاية انى البطولة المية مع السنوية المية

يعنى مافيش بطولة دخلها الاهلى وخسرها

وشوف عظمة الناس دى لما يسألوهم ويقولوهم سر التفوق

يقولوا كلهم انهم منظومة واحدة ومتكاملة

وكمان مينسوش الناس اللى وراهم يعنى جمهورهم اللى بيشيدوا بفضلهم دايما

بجد انا فرحانة قوى بالنادى بتاعى ويارب دايما افضل اكتب كدة فى نجاحات وبطولات الاهلى

وان شاء الله على ايديهم ناخد كاس العالم

بجد تحياتى يا كل اهلاوى وتحياتى يا احلى نادى فى الدنيا

رابطة مشجعى النادى الاهلى

احلى تحية فى المئوية

بحببببببببببببببببببببببببببببببببببببببببببببببببببببك يا أهــــــــــــــــــــلــــــــــــــــــى

لــقــ........ــاء الغرباء

لقاء الغرباء

****

علمتني الأشواقَ منذ لقائنا

فرأيتُ في عينيكِ أحلامَ العُمر

وشدوتُ لحناً في الوفاءِ .. لعله

ما زال يؤنسني بأيامِ السهر

وغرستُ حُبكِ في الفؤادِ

وكلمامضت السنينُ أراهُ دوماً

يزدهر

وأمامَ بيتكِ قد وضعتُ حقائبي

يوماً ودعتُ المتاعبَ والسفر

وغفرتُ للأيامِ كُلَّ خطيئةٍ

وغفرتُ للدنيا .. وسامحتُ البشر

***

علمتني الأشواقَ كيف أعيشُها

وعرفتُ كيف تهزني أشواقي

كم داعبت عينايَ كل دقيقةٍ

أطياف عمرٍ باسمِ الإشراقِ

كم شدني شوق إليكِ

لعلهما زال يحرق بالأسى أعماقي

***

أو نلتقي بعد الوفاءِ ..

كأنناغرباءُ لم نحفظ عهوداً بيننا

يا من وهبتُكِ كل شيء

إنني ما زلتُ بالعهد المقدسِ .. مؤمنا

فإذا انتهت أيامُنا فتذكري

أن الذي يهواكِ في الدنيا .. أنا

فاروق جويدة

كنت عايز اقول كل سنة وانت طيب شاب اسكندرانى بمناسبة عيد ميلادك

وعقبال كل سنة وكل سنة وانت فى تقدم ورقى ومدونتك دائما الى الامام

وعلى فكرة انا كمان كان عيد ميلادى من يومين

...................................

الرحيـــــــــــل

أصبحت ذات يوم والشمس فى اجمل ما يكون

والاشعة تزينها وتضي جميع جوانب الارض

حتى كدت لا أستطيع فتح عينى من شدة الضوء

وكان الهواء نسيمى وربيعى جدا لدرجة تشعر ان الهواء يداعبك

وبالرغم من أن الجو يشعر بالبهجة لوجود الشمس والهواء مجتمعان سويا فى ذات اليوم

ويتوقف بنا الزمان قبل ذلك اليوم ولكن...امنيتى كانت من عدم

كانت دون جدوى

تمنيت لو أستطيع أن أوقف كل ساعات العالم ولا تتحرك دقيقة واحدة قبل ذلك اليوم

ولكن... أمنيتى رجعت لى ومعاه خيبة الامل

أنة يوم الرحيل

يوم رحيل اخى ونور عينى ومهجة قلبى وأبتسامة شفايفى

يوم أن يغادر البلد..تاركا لنا الاحزان والدمع والجراح والليل الطويل

أجد لحظة الفراق

أصعب لحظة يمكن أن يتعرض لها الانسان سواء كان حبيب أو أخ أو صديق

جميعهم سواء فى صعوبة الموقف وشدة الالم

أخى ... حبيبى

وحب عمرى ونبض قلبى وأشتياقى

يا من تعلمت منك وعلمتنى معنى الايمان أشهد لك بفضلك العظيم على بعد الله

أكتب لك كلمات أعلم أنك لن تعرف عنها شيئا ولكنك

أحسست بها حينما أخذتنى لحضنك وضمنتنى بشدة ورأيت دمعى ينهال ويتساقط على قميصك

دون أن أستطيع التحكم فية ووجدت صوتى لايستطيع الخروج لا يستطيع أن يقول كلمة الوداع

ولكنة نطق (لا اله الا الله) وأتمنى من الله أن يحفظك بحق هذة الكلمة

وتجمعنا مرة أخرى الايام ويجمعنا الله دون أفتراق

........................

وحشتنى قوى مع أن الطائرة لم تغادر المطار بعد

حفظك الله يا حبيبى

الليل لم يرحم رحيل الزيت من قنديلنا

أخفى شعاعا كان يحمله القمر

والشمعة الثكلى تساقط ضوءها

ثم انزوت تبكي على صدر الظلام

وأنا أحدق.. كل شيء صار بعدك صامتا

الليل والقمر الذبيح

الشمعة الحيرى ومزماري الجريح

من يأخذ الأيام والعمر الطويل

لتعود شمس مدينتي

يا شمس.. فارسك القديم..

مازال يبكي عمره بعد الرحيل

فاروق جويدة

من غير لا احم لكن .......بالدستور

روحت الشغل كعادتى يوميا

وبعد عناء شديد فى المواصلات ادينى اخيرا وصلت ومضيت تأخير كعادتى باردو

ودخلت سلمت على البنات اصحابى

ولقيت واحدة زعلانة قوى

سالتها مالك يا........؟

قالتلى : شوفتى اللى حصلى امبارح؟

قولتلها: لا والله معرفش خير اية اللى حصل؟

قالتلى :امبارح حوالى الساعة 3 الفجر لقيت ناس بتهبد على باب الشقة

طلعت جرى انا وجوزى وفتحنا الباب لقينا

ضباط وعساكر دخلوا علينا من غير لا احم ولا ستور وفتشوا الشقة

وسألوا جوزى على البطاقة وجابها ليهم وبعدين سألوة على ورقة التجنيد وجابها ليهم

وبعدين سألوة شوية اسئلة غريبة كدة

وفى الاخر قالنا ادخلوا واقفلوا الباب ومتفتحوهوش ابدا

وطلعوا على فوق ونازلوا وفى ايديهم شباب

وحمدت ربنا انهم مأخدوش جوزى

لا تعليق على قانون الارهاب

فى كل الدول المتقدمة ما فيش حاجة اسمها ان ضابط يدخل يقلب الشقة

ويمشى كدة

مين ادلة الحق دة؟

تحت اى سلطة نسميها الحركة دى؟

وروح انت يا مواطن اشتكى ان شاء الله لوزارة الدخلية

واخبط دماغك فى الحيطة

لا حياة لمن تنادى

كأن البلد بلد ابوهم واحنا شغالين عندهم

الشعب فى خدمة الشرطة

عجبت لك يا زمن........

وعادت لنا سيناء

بصراحة فى عيد تحريرك يا سيناء ملقتش احلى من الكلام دة اقولة

للدكتورة\هايدى شرف

و عادت لنا سيناءبعد نكسة كثر فـيها البكاء.

بعد شوقنا أن يأتي الجلاء.

انـطـفـي الـشـوق و عـادت لنا سيناء.

عادت بعد أن تعب مـن بعدها الشقاء.

عادت بعد أن اغرقت أرضـها الدماء.

أيـظـن عـدو غـاصـب أنـه بـنا سواء؟

أيـأخـذها و نحن ملاكها,لعمري إن هذا هراء

.والله ليجر أذيال الخيبة,فجزاءه بـئس الـجزاء.

وليخرجن منها صاغراً,و ليس له فيـها رجاء.

لا نـبـالي الـتـضـحـيـات,فـكـل شـئ لكي فداء.

دمـاؤنـا الـغـالية اسـتـرخـصـها لأجـلك الأبـناء.

والصبرعلي مرارالاحـتـلال حتـي رُفـع البلاء

.فـتـعــودي لــنـا حـرة و يـفـخر بعـلوك الـبـهاء.

و تـمـحـي آثـار العدا,و يعود إلي ترابـك النقاء

.من ظن بكِ خـضوعاً لهواه كـان قـدره الـفـنـاء

.سحقتي معتدين كثر,وانتِ مـن كـان لهـا البقاء.

ورغـم الأزمات ينهمـرمـن بيـن يديكي العطاء

.تـنـشـرِ الخير في كل مكان فتـنفتح لكي السماء.

سماء تمطرزاداًعليكِ,فيزداد في أرضك الثراء

.نسيج من القداسة و العراقة ينسجه لك الـضـياء

.مـتـي يــا سـيـنـاء آتـيـك؟مـتـي يـحـيـن اللــقـاء؟

مـتـي آتـيـك حـتي يغـمـرني الـجــمـال و الـصـفاء

.اسـيـر بـين رمـالك,فـيـعـــلـو عـلي خطاي الـبـناء.

أناالمصري,أملي أن يـكثرعلي يـدي فيكي الـنمـاء.

إن كان جدي استشهد لأجلك,ومصيره كان الخفاء.

فـحـريـتـك أزالـت الأحـزان و كـانـت هـي الـشفاء.

أنا الحفيد حافظ الجميل,فلن يظهر مني غير الولاء.

هـذه عـبـارات ثـنـاء عـلـيـكِ,ووالله مـاانتهي الثناء.

أسـأل الله أن يـعـم أبـداً بـيـن حـبـات رملك الرخاء

امين امين امين.