دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Tuesday, June 12, 2007

ايها السادة.... احم احم

بصراحة البوست دة يمكن فكرتة متعجبش ناس

او ممكن ناس تدخل تقراة وتطلع من غير ما ترد علية

او يمكن ميهمش حد

لكن بصراحة انا محتاجة كل اللى يدخل بعد اذنة يرد على الاسئلة دى

لو سمحتم

والاسئلة كالاتى

1- اسم حضرتك؟

2- سن حضرتك؟

3-ديانة حضرتك؟

4- بلد حضرتك؟

5- المؤهل او المهنة؟

6- الحالة الاجتماعية؟

والسؤال الاجبارى بقة

7- اية رايك فى مدونتى؟

وشكرا ليكم يا جماعة لكل اللى هيرد واللى مش هيرد

سلام عليكم

44 comments:

مـحـمـد مـفـيـد said...

ايه ده
هو انتي مباحث ؟
:)

الشنكوتي الكبير said...

ايهاب
24 سنه
مسلم
مصر
محاسب
اعزب ونفسي اتجوز
سكر
اي خدمه ياعم الحاج انت بس تأمر
سلاااااااااااااااااااااام

نبض اسكندرية said...

محمد

يمكن؟؟؟؟؟

ولا عايزة اعيش الدور شوية

وعايزاك ترد لو سمحت

مع انى عارفة اجابتك

بس يلا غلاسة منى بقة

نبض اسكندرية said...

ايهاب

نورتنى وميرسى لردك يا باشا

وحلوة اعزب ونفسك تجوز دى

هيا مش فاتحناها خاطبة هنا

هههههههههههههههههههه

ولا اقولك انت صعبت عليا

هدورلك على سمكة صغيرة تجوزها

ماشى

kasperb4 said...

kasper b4
24
مصراوي من القاهرة
لسة بدرس ف تجارة ومش قادر على بعادها
لسة فرداني ومش عايز اتجوز

مدونتك حلوة وتدل على انك شخصية مطلعة على الاحداث

تقبلي تحيتي

خليك فى البيت said...

ندعوكم لزيارة مدونة خليك فى البيت والمشاركة فى الحملة

نبض اسكندرية said...

كاسبر

ميرسى ليك ونورتنى بس نسيت تكتب الديانة يا باشا

تحياتى

الشنكوتي الكبير said...

يعني حضرتك يوم ما تجيبي لي عروسه من اسكندريه تديني سمكه ماشي
ايه رأيك يا فالحه ان انا موافق اتجوز سمكه لو كانت من اسكندريه
بس يا ريت تكون حته بياضه كده
ماشي يا فالحه
سلاااااااااااااااااااااااااام

Anonymous said...

اسم حضرتي محمد
26 سنة
الحمد لله مسلم
بلدي للاسف مصر حبيبتي
بكالريوس علوم شغال في الخليج مجال الكمبيوتر
اعزب
رايي في مدونتك وبما انة سؤال اجباري
انا حبيتها من اسمها عشان انا اسكندراني وبحس انك اسكندرانية وبتفكريني بحاجات بحبها في بلدي بس بحس انها ملهاش خط ولا رؤية
مجرد انك تقرري انها ملهاش رؤية دة كفاية بس انتي لسة مقررتيش دة
من الاخر يعني ساعات بحس انك بتكتبي اللي جواكي ودة كويس وساعات بتكتبي ترضي الاخرين ودة اسوا حاجة

اي خدمة انا قلت اجاوبك عشان انتي كتبتي الاسئلة وعايزة ردها وياريت متزعليش

M.F.A

Sharm said...

1- اسم حضرتك؟

احمد

2- سن حضرتك؟

22

3-ديانة حضرتك؟

اكيد مش هندوسي

4- بلد حضرتك؟

مصر حبيبتي

5- المؤهل او المهنة؟

صيدلي

6- الحالة الاجتماعية؟

عازب ياختى .. معندكيش عروسة ؟

7- اية رايك فى مدونتى؟

مانتى عارفة
!!!

نبض اسكندرية said...

ايهاب

ههههههههههههههههههههههههه

دة اللى اقدر علية سمكة

وان كان عاجب

وبعدين انت طايل سمكة ولا ديل حتى

ومادام اتبطرت على السمكة

لا صوانى بعد اليوم

لا هريسة بعد اليوم

يلا بقة

الشنكوتي الكبير said...

خلاص حرمت سمكه سمكه مش مشكله
اهي اي حاجه من ريحة اسكندريه
اوعي تقطعي عني البسبوسه والهريسه الله يخليكي
انا حرمت خلاص
سلاااااااااااااااااااام

نبض اسكندرية said...

محمد باشا

نورتنى والله وردك كمان عجبنى

بس انا مستغربة مدام انت متابع المدونات كدة لية مش فتحت مدونة ليك

وبعدين اقولك المدونة بتاعتى هيا انا

يعنى لما بكون فى حالة الرومنسية تلاقينى بنزل شعر

لما تلاقينى فى فرحة بنزل توبيك عن كدة

لما بكون مضايقة من حاجة بنزل توبيك


بنزل مواقفى

بنزل نبض اسكندرية من خلال نبض اسكندرية

فا متحاولش تلاقى هدف مدوونتى

لان كل توبيك هتلاقية مالوش علاقة باللى قبلة

تحياتى واتمنى انى اوشف ردودك على طول عندى
تحياتى

نبض اسكندرية said...

احمد باشا

اخيرا تواضعت ودخلت عندى

انا زعلانة عشان مبقتش اشوفك عندى

وعموما نورت والله

وبالنسبة لموضوع العروسة دة

افكر........

وبعدين اية مافيش حد متجوز خالص كل اللى داخل عايز عروسة كدة

ههههههههههههه

انا هقلب المدونة خاطبة

ويابخت من وفق مدونين فى الحلال

تحياتى

نبض اسكندرية said...

ايهاب

لا خلاص مهما تعمل

صدر فرمان رسمى بقطع المعونة عنك

و كمان قالوا ان السمك غلط الصحة

الشنكوتي الكبير said...

اهيء اهيء اهيء اهيء
واء واء واء واء واء
اهيء اهيء اهيء اهيء
واء واء واء واء واءاهيء اهيء اهيء اهيء
واء واء واء واء واءاهيء اهيء اهيء اهيء
واء واء واء واء واءاهيء اهيء اهيء اهيء
واء واء واء واء واءاهيء اهيء اهيء اهيء
واء واء واء واء واءاهيء اهيء اهيء اهيء
واء واء واء واء واءاهيء اهيء اهيء اهيء
واء واء واء واء واءاهيء اهيء اهيء اهيء
واء واء واء واء واء

Ana keda said...

name:ana keda
age:18
religion:مسلمةوموحدة بالله الحمد لله
occupotion:student fee tagra e
state:single
my opnion:bgd madoona gamda ana bmoot fee asmha w el style bt3ha
7lewa fakrit ta2eemklilmdoona bgd ana matb3a men moda
tnx

kasperb4 said...

مسلم

نفسنا said...

ندعوكم لمشاهدة العدد الثانى من مجلة نفسنا

نفسنا said...

ندعوكم لمشاهدة العدد الثانى من مجلة نفسنا

Dalia said...

داليا

22

مسلمه و الحمد لله

مصر هى امى

لسه مخلصه و مستنيه النتيجه
ان شاء الله ليسنس اداب انجليزى

سنجل

مدونتك عسل اوى .. كفايه اسمها

انتى ماجاوبتيش على الاسئله دى ليه بقي ايشمعنى انتى

جار القمر said...

حضرتي أسمي محمد علي
سني 24
ديانتي والحمد لله مسلم
بلدي gareat egypt
ليسانس ىداب وبدرس سينما
للأسف أعزب
يمكن حسيت أنها مطرقعه حبتين بس كويسه
يعني

Hannoda said...

1- هند
2- 25.. بما إننا في 2007
3- مسلمة
4- سودانية.. مفاجأه
5- مدربة كمبيوتر.. بكالوريوس نظم معلومات
6- عزباء

7- السؤال الإجباري بتاع حضرتك خلاّني أراجع مدوناتك تاني رغم إن ساعةالإمتحان مافيش مراجعة.. بس معلش ..شوية تجاوز و عدّيها

مدونتك رأيي فيها إ،ها متفاعلى مع أحداث المدونات و الأحداث اليومية للبلد

فيها حتة منك.. وحتة مننا.. وحتو من مصر

الشنكوتي الكبير said...

هو فين الجديد بتاع سعادتك ولا انتي اخدتي على الكسل
سلااااااااااااااام

نبض اسكندرية said...

ايهاب

خلاص يا باشا

لغيت الفرمان

ومتزعلش كدة

نبض اسكندرية said...

انا كدة

سعيدة قوى بردك دة اللى زادنى حماسة اكتر

وميرسى ليكى يا جميلة على الرد

واتمنى انك تكررى الزيارة

تحياتى

نبض اسكندرية said...

كاسبر

ميرسى للمتابعة

وعلى فكرة دة يمكن اهم سؤال انا طرحتة

والحمد لله على نعمة الاسلام

نبض اسكندرية said...

داليا

طبعا نورتنى وميرسى للاجابة العسل اللى زيك

بس انا مش فاهمة الناس كلها عاجبها اسم المدونة قوى لية كدة

عموما الحمد لله انها نالت اعجاب معظم الناس

لكن بالنسبة لموضوع انى مردتش على الاسئلة

لانى انا كنت محتاجة اعرف كل الناس اللى بتدخل عندى اكتر

يعنى دة مش بالنسبة ليا بوست عادى

لا دى مسالة تعارف وكويس انى اتعرفت عليكى يا قمر

اتمنى انك تنورينى تانى

تحياتى

نبض اسكندرية said...

جار القمر

ميرسى ليك ونورتنى والله

بس حلوة للاسف دى

لما هو للاسف قاعد لية لغايط دلوقتى؟

عموما لو عايز عروسة اشوفلك وادخلك من ضمن الناس اللى بدور على عروسة اصلى هقلب خاطبة خلاص قريب

ورايك فى مدونتى

مش واضح قد كدة

بس عموما هعديها يعنى

نورتنى واتمنى انك تعاود الزيارة

تحياتى

نبض اسكندرية said...

هانودا حبيبتى

وحشتنى قوى يا جميل

مسالة سوادنية جديدة خالص

اللى يشوفك فى حبك لمصر يقول زرعة من ارضها يابنتى

عموما هيا مصر ام الدنيا لية عشان كل اللى منها ومش منها ميحسش باى اختلاف

نورتنى يا جميلة

وتجاوزنا المرة دى بس بعد كدة مافيش غش

الرد على طوووووووووول

نورتنى يا قمر

تحياتى

نبض اسكندرية said...

ايهاب

هو مش كسل قوى

هو كسل ربع نصف يعنى

لا والله ابدا هو ولا كسل ولا بتاع بس النت كان فاصل بقالة اسبوع مش اكتر

وعموما ميرسى لمتابعتك

تحياتى

Sharm said...

هو بيني و بينك يا نبض البنات الايام دي متنططة جدا و تفكيرها مادي للغاية

الواحد شكله هيعمل زي ابن بطوطة و ياخد جولة حول العالم يبحث عن عروسة متواضعة

والله بدأت اشك ان ابن بطوطة نفسه كان بيدور على عروسة

!!!

Diyaa' said...

ماشي...نجاوب منجاوبش ليه

ضياء...السن في البروفايل..
12 / 11 / 85
الحمد لله علي نعمة الإسلام
بلدي اللي نشأت فيها منطقة في القاهرة اسمها الزاوية الحمرا ..عايش في 6 أكتوبر ومنسوب لمصر لكني لا أنتمي لكل ما سبق...أنتمي لمدينة مش موجودة علي الأرض أصلاً
لسه في حقوق سيادتك
الحالة الاجتماعية...أكيد تعرفيها
ورأيي في المدونة
كان زمان نفسي أقولك
متخلي اسم المدونة نبض اسكندرانية
يعني أعتقد إنها حاجة منك ...مبحسش إن اللي بتكتب بتحاول توصل احساس مزيف للي بيقري..وعلي رأي المثل
النبضة متكدبش ( مش القطنة بقي )
تحياتي ..ومحتاجة في مدونتك بس للانتظام
وأرجوكي متقوليلش باب النجار مخلع لأنك طلبتي رأيي :))
تحياتي ودمتي بخير

نبض اسكندرية said...

شارم

هههههههههههههه

يمكن لية لا؟

حلوة يا شارم

ميرسى للمتابعة

تحياتى

الشنكوتي الكبير said...

ايوه يعني هو حضرتك هاتفضلي تلمي السي فيهات بتاعتنا وتدرسيها وبعدين توزعينا على اقسام الشركه
ممكن اعرف حضرتك ناويه تتشطري وتكتبي بوست جديد امتى ولا هي الحر والرطوبه مانعينك
سلاااااااااااااااااااااام

نبض اسكندرية said...

ضياء الشمس

مش عارفة كل ما اجى انزل رد ليك والله النت يفصل عموما كنت هزعل قوى لو مكنتش رديت على البوست دة

و حلوة نبض اسكندارنية بس انا شايفة ان نبض اسكندرية اشمل يعنى يعنى اسكندرية فيها من كل واحد فينا

وميرسى لرايك كتير

وعلى فكرة مش هقول انى المفروض اقولك باب النجار مخلع خالص او مش موجود اصلا

ادينى مقولتش اهو

تحياتى

نبض اسكندرية said...

ايهاب

حاضر يا فندم

علم وجارى التنفيذ

Diyaa' said...

:))

نبض اسكندرية said...

ماشى يا ضياء

dr.belal said...

الإسم : بلال
السن: 18 سنه
الديانه: مسلم والحمد لله
البلد: طبعاً مصر يا سومه
المؤهل: طالب بصيدله القاهره
الحاله الإجتماعيه: أعزب بالطبع ولكنى مرتبط
أهو حاجه رأى فى المدونه:مش عايز أصدمك ولكن هقولك الصراحه ولكن بعد الفاصل..........هه هه هه

نبض اسكندرية said...

بلالالالالالالالالالالال

وحياة ربنا انا اول ما لقيت اسم المدونة عرفت ان انت مستنتش اشوف ردك

وردك اكدلى انة انت

الف الف الف مبروك يا باشا

نورت والله عالم المدونات وعايزين نشوف الشغل بقة

واووووووووووو

مفاجاة جامدة قوى يابن اللذينا

تحياتى يا فندم

heba labeb said...

1- اسم حضرتك؟
هبة الله

2- سن حضرتك؟
20 سنة

3-ديانة حضرتك؟
مسلمة والحمدلله

4- بلد حضرتك؟
اكيد مصرية بس طنطاوية

5- المؤهل او المهنة؟
كمان سنة هيبقى ليسانس اداب قسم اثار مصرية

6- الحالة الاجتماعية؟
مستنية العدل:d

والسؤال الاجبارى بقة

7- اية رايك فى مدونتى؟
مفيش اختيارات :D:D
لا بجد عجبتنى اوى
بس حاسة انها فيها طابع سياسى شوية
خافى على نفسك يا بنتى

وممكن اتراخم عليكى
وقاولك تجاوبى انتى كمان البوست دة:D
بما انى لسة مش اعرفك اوى عايزة اعرفك

dr.belal said...

ورجعنا تانى بعد الفاصل أعزائى المتفرجين
على فكره بقى يا سموه مدونه جامده طحن بجد بس فيها حجات تودى فى داهيه
بس ولا يهميك وراكى رجاله يا بنت عمى
اللقاء يتجدد قريباً

عروس البحر said...

ايه التحقيق ده انت متأكد ان اللي قتل سعاد حسني علي البلوجر
تحياتي