دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Friday, May 4, 2007

الرحيـــــــــــل

أصبحت ذات يوم والشمس فى اجمل ما يكون
والاشعة تزينها وتضي جميع جوانب الارض
حتى كدت لا أستطيع فتح عينى من شدة الضوء
وكان الهواء نسيمى وربيعى جدا لدرجة تشعر ان الهواء يداعبك
وبالرغم من أن الجو يشعر بالبهجة لوجود الشمس والهواء مجتمعان سويا فى ذات اليوم
ويتوقف بنا الزمان قبل ذلك اليوم ولكن...امنيتى كانت من عدم
كانت دون جدوى
تمنيت لو أستطيع أن أوقف كل ساعات العالم ولا تتحرك دقيقة واحدة قبل ذلك اليوم
ولكن... أمنيتى رجعت لى ومعاه خيبة الامل
أنة يوم الرحيل
يوم رحيل اخى ونور عينى ومهجة قلبى وأبتسامة شفايفى
يوم أن يغادر البلد..تاركا لنا الاحزان والدمع والجراح والليل الطويل
أجد لحظة الفراق
أصعب لحظة يمكن أن يتعرض لها الانسان سواء كان حبيب أو أخ أو صديق
جميعهم سواء فى صعوبة الموقف وشدة الالم
أخى ... حبيبى
وحب عمرى ونبض قلبى وأشتياقى
يا من تعلمت منك وعلمتنى معنى الايمان أشهد لك بفضلك العظيم على بعد الله
أكتب لك كلمات أعلم أنك لن تعرف عنها شيئا ولكنك
أحسست بها حينما أخذتنى لحضنك وضمنتنى بشدة ورأيت دمعى ينهال ويتساقط على قميصك
دون أن أستطيع التحكم فية ووجدت صوتى لايستطيع الخروج لا يستطيع أن يقول كلمة الوداع
ولكنة نطق (لا اله الا الله) وأتمنى من الله أن يحفظك بحق هذة الكلمة
وتجمعنا مرة أخرى الايام ويجمعنا الله دون أفتراق
........................
وحشتنى قوى مع أن الطائرة لم تغادر المطار بعد
حفظك الله يا حبيبى
الليل لم يرحم رحيل الزيت من قنديلنا
أخفى شعاعا كان يحمله القمر
والشمعة الثكلى تساقط ضوءها
ثم انزوت تبكي على صدر الظلام
وأنا أحدق.. كل شيء صار بعدك صامتا
الليل والقمر الذبيح
الشمعة الحيرى ومزماري الجريح
من يأخذ الأيام والعمر الطويل
لتعود شمس مدينتي
يا شمس.. فارسك القديم..
مازال يبكي عمره بعد الرحيل
فاروق جويدة

11 comments:

Moh said...

ربنا يرجعه بالسلامة
معلش انا عارف ان الغربة صعبة عليكي وعلية اكتر بس لازم يسافر
كل حاجة في البلد بتخلية يسافر
مش بس فلوس ولا اقتصاد لكن بلد كاملة بتنهار
مش هروب قد ما هو متعة انك تعيش انسان في بلد بتحترم كونك انسان
ويا ستي فكيها سنة ويرجعلك بهدية حلوة انشاء الله
هو سافر فين ؟

M.F.A

شادي فايد said...

الله اعلم الخير فين

Sharm said...

الهى يرجع بالسلامة

....

Hannoda said...

كلامك أبكاني يا سوسو.. هزتني مشاعرك لأخوك جدا و بالذات إني عمري ماجربتها ورغم كده قيمة الأخ الولد جواي كبيرة قوي

أنا حاسة بلحظة دخولك البيت بعد ما رجعتوا من االمطار
حاسة باللحظةاللي تصحي من النوم فيها و مع أول خيط نور يداهم عينك تفتكري إنه مش في البيت

حاساك

لكن الفراق نصيب.. يعني مكتوب من زماااان

ودايما بيكون الرضى سهل و هين قوي لما نركز على فكرة ان الفراق من عند الله
زي ما اللقا من عنده برضه

ربنا يرجعه بالسلامة ويهونها عليك

نبض اسكندرية said...

اسكندرانى مجهول

ميرسى ليك

هو سافر السعودية

وربنا يرجع كل الناس المتغربة لاهلها

تحياتى

نبض اسكندرية said...

شادى

عندك حق

الله اعلم

تحياتى

نبض اسكندرية said...

sharm

thank you

amen

نبض اسكندرية said...

هانودا

والله انتى كمان كلامك اثر فيا وخلانى افتكر اللحظة دى جدا قد اية كانت صعبة

وعندك حق

ربنا يرجع كل غريب لبيتة ولاهلة

ومافيش حد يفترق ابدا

امين

تحياتى

واحد من الناس said...

ربنا يرجعهولك بالسلامه
الفراق احساس فظيع ربنا يقدرك عليه

.:.-=- ELGaZaLy-=-.:. said...

رغم انى عادة انا الى بسافر ودة الى بيتعب اهلى

بس كلامك بكانى بجد

مفيش غير الدعاء لية وان شاء الله ربنا يرجعة بالسلامة قريبا باذن الله

ليكى ولاهلة

نبض اسكندرية said...

واحد من الناس

ميرسى لمرورك ولردك

تحياتى

ــــــــــــــــــــــ

الغزالى

اخيرااااااااااااااا

من زمان قوى مجتش عندنا بجد نورتنا

وميرسى لمرورك

وامين يارب