دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Tuesday, May 1, 2007

من غير لا احم لكن .......بالدستور

روحت الشغل كعادتى يوميا
وبعد عناء شديد فى المواصلات ادينى اخيرا وصلت ومضيت تأخير كعادتى باردو
ودخلت سلمت على البنات اصحابى
ولقيت واحدة زعلانة قوى
سالتها مالك يا........؟
قالتلى : شوفتى اللى حصلى امبارح؟
قولتلها: لا والله معرفش خير اية اللى حصل؟
قالتلى :امبارح حوالى الساعة 3 الفجر لقيت ناس بتهبد على باب الشقة
طلعت جرى انا وجوزى وفتحنا الباب لقينا
ضباط وعساكر دخلوا علينا من غير لا احم ولا ستور وفتشوا الشقة
وسألوا جوزى على البطاقة وجابها ليهم وبعدين سألوة على ورقة التجنيد وجابها ليهم
وبعدين سألوة شوية اسئلة غريبة كدة
وفى الاخر قالنا ادخلوا واقفلوا الباب ومتفتحوهوش ابدا
وطلعوا على فوق ونازلوا وفى ايديهم شباب
وحمدت ربنا انهم مأخدوش جوزى
لا تعليق على قانون الارهاب
فى كل الدول المتقدمة ما فيش حاجة اسمها ان ضابط يدخل يقلب الشقة
ويمشى كدة
مين ادلة الحق دة؟
تحت اى سلطة نسميها الحركة دى؟
وروح انت يا مواطن اشتكى ان شاء الله لوزارة الدخلية
واخبط دماغك فى الحيطة
لا حياة لمن تنادى
كأن البلد بلد ابوهم واحنا شغالين عندهم
الشعب فى خدمة الشرطة
عجبت لك يا زمن........

6 comments:

مـحـمـد مـفـيـد said...

وليع العجب
هما مش عملوا استفتاء استرتش علي مزاجهم للدستور علشان يمرروا قانون الارهاب اللي يخليكي ومن سكات تدخلي الزنزانه علشان رميتي كيس شيبسي في الارض
وحنا طبعا ساكتين و راضيين
فلخلاص يعملوا اللي عايزين يعملوه
عليه العوض

نبض اسكندرية said...

محمد

والله لو السبب انى ارمى كيس شيبسى على الارض يبقى استهال فى نظرى

لكن دة مافيش سبب اصلا

لكن والله ان الفرج لقادم

وكل سنة وعبدالله طيب يابو عبدالله

تحياتى

شادي فايد said...

لا والله من غير دستور برده

Moh said...

بلاش سياسة يا نبض اسكندرية
دستور اية بس وشرطة اية بس

ناس بتقبض علي دكاترة جامعة من غير سبب وبتهين قضاة وبتغتصب ولاد بلدها وبتزور انتخابات ومغربة كل البلد وفضحانا في كل حتة وبتقبض علي الكافر والاخواني والمتشدد في سجن واحد بتهمة واحدة وسمعتنا بقت تحت الارض وعايزاهم يقولو احم
الدستور يعطيكي حقك ان تعترضي وهي قمة الديمقراطية ويعطيهم الحق في عرضك علي اقسام الاسكندرية من بحري لحد ابوقير في فترة لا تزيد عن 6 شهور قابلة للتجديد وبدون تهمة

بلاش سياسة خلينا نفتكر بلدنا بحاجة حلوة

M.F.A

واحد من الناس said...

ادخلوا واقفلوا الباب ومتفتحوهوش ابدا
رساله لكل مصري

http://1minelnas.blogspot.com

نبض اسكندرية said...

شادى

ميرسى ليك ونورت ياباشا

ــــــــــــــــــــــ
اسكندرانى مجهول

لا يخاف يطلع برة على راى حسن حسنى

انا بحاول انقل صورة حية للدستور

مش اكتر

وبعدين الريس عطيلنا الديمقراطية للكلام فانا بقول كلمتى مش اكتر

وبعدين يعملوا اللى يعملوة

تحياتى

ـــــــــــــــــــــــ
واحد من الناس

ممن زمان مدخلتش لعل المانع خير

بس انا مش معاك فى الرسالة دى

لا زال الخير فى امتى

افتكر الكلمة دى

وبعدين لو احنا اللى متكلمناش مين اللى يتكلم

حتى تبقى حاجة نقدر نرد بيها عن نفسنا يوم الدين

تحياتى