دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Tuesday, May 22, 2007

حاجات تحرق الدددددددددددددم

50 الف شاب مصرى متزوجين من يهوديات


احصائية اعلنها برنامج 90 دقيقة على قناة المحور

و18 قضية تجسس من قبل مصريين

بصراحة اتفاقية السلام اللى ما بنا وبين اسرائيل عمت على مصر بالخير خالص

لدرجة ان الشباب بيتجوز يهوديات وبيتجسس على بلدة لصالح الصهاينة

لا واية؟؟؟؟؟؟؟؟؟؟؟؟؟

فى الشريعة اليهودية ان الشخص لما يتجوز من يهودية ويعيش فى اسرائيل

المولود يكون يهودى الديانة والجنسية

يعنى ولد المفروض انة مصرى الجنسية وعلى ديانة والدة يروح هناك يبقى يهودى من كلة

ويتعلم انة يضرب فينا وازاى يتعدى على حقوق الاخرين

يجى يضرب فى خالة وخالتة وعمة وجدة عشان النشأة الصح اللى اتولد فيها

يبقى المفروض ومن رايى ان اتفاقية السلام اللى بنا وبنهم دى تتلغى وكفاية مهانة بقة

احنا الدور جى علينا يعنى جى مافيش مفر

يبقى متهيالى من المفروض

ان الحكومة الناصحة بتاعتنا تعمل حاجة

مش مسجونين مصريين يتعذبوا ويتقاتلوا هناك ومافيش حد يرد

مصريين يتجوزوا يهوديات والاولادهم يهوديين ومافيش حد بيتكلم

دة اية الارف اللى الواحد بقة يشوفة دة؟

وبعدين لية الشاب المصرى يجوز يهودية؟

هما المسلمين خلصوا ولا اية؟

23 comments:

شادي فايد said...

هو حرام ان مسلم يتجوز يهودية

وهي الاحصائية قالت انهم مجوزين يهود اسرائيليات
ولا حتي قالت انهم عايشين بره مصر

يعني واحد متجوز واحدة ان شالله بوزية
وعايش في بلده

ايه المشكلة
؟؟؟

مـحـمـد مـفـيـد said...

هي فعلا حاجه تحرق الدم
بس تعالي نفكر شويه
الشباب دول لو لاقيه شغل ولاقيه معامله كويسه جو البلد
مكانوش سافروا ولا اتغربوا ولا اتجسسوا

مش مبرر للدفاع عنهم ولكن لنظره لحال الشباب كلهم
والخوف من القادم

نبض اسكندرية said...

شادى

ميرسى لمرورك

لا انا مقلتش حرام وهو مش حرام اللى حرام هو العكس

لكن اللى بقة بجد يبقى حرام علينا ان يكون انا ابنى مصرى ويخلف يهودى بناء على الشريعة اليهودية ويروح يعيش جوة اسرائيل ويرجع يتجسس على البلد ويطلع ينقل الاخبار

هو استفاد اية؟؟؟؟

اية الخير اللى عم علية وعلينا وعلى الاولادة؟؟؟؟؟

وبعدين من الاولى انة يتجوز مسلمة لية يتجوز يهودية وهو عارف انة مش هيقدر يغيرها ولا حتى يخليها تسلم

لان ربنا وصفهم بالمغضوب عليهم

ما يتجوز واحدة مسلمة ويخلفوا الاولاد يعلمهم انة ميضربش فى بلدة يعلمة انة يضرب فى الاعداء


متهيالى المنطق والعقل يوافق كلامى

وميرسى لردك الكريم

تحياتى

نبض اسكندرية said...

محمد

طب قولى انت هو لقى المعاملة الكويسة جوة اسرائيل لية عشان هما عاوزين يعملوا ليهم جواسيس

بس كل اللى فاهموا الشباب انة هناك احسن من مصر وانة مرتاح لما يكون هناك ومش عارف العواقب

ياسيدى يسافر برة يسافر اسرائيل يسافر حتى المريخ بس فى الاخر ميضربش بلدة

ميجبش اولاد تضرب فينا

ميبقاش هو مسلم ويخلف يهود

هل هذا يعقل؟؟؟؟؟؟؟

مـحـمـد مـفـيـد said...

انا مش بدافع
بس انا بقولك عملت ايه ليهم مصر
التهمييش بولد عدم الانتماء
علي ده وقيسي بقي

نفسنا said...

تم أفتتاح العدد الأول من مجلة نفسنا
نتمنى منكم زيارتنا

نبض اسكندرية said...

محمد

بص مصر كفاية ان فيها نيل تقدر تشرب بية كل الناس اللى غيرنا مش لقينوا

مصر فيها امان تقدر تلاقية عندى وعندك بعيد عن السلبيات الكتير قوى اللى بنشوفها من الحكومة والشرطة وبعض الناس

مصر فيها امى وابويا واخويا وانت وعبدالله يعنى فيها الناس الطيبة

مش مسئولية مصر اللى انت بتكلم فيها دى

ومش زنب مصر ان اللى مسكها سرقها ونهبها واكل خيرها ومشى

مصر لقى فيها البيت بتاعة والجامع بتاعة ومدرستة واصحابة واخواتة

مصر ميكفهاش سنين عشان نتكلم عنها

لو هتحاسسبوا

حاسبوا الناس اللى مسكينها

انما هيا مالهاش زنب تلاقى فى يوم من الايام صاروخ جالها ومتعرفش زنبها اية

المفروض اننا احنا اللى نحامى على مصر

مش نطلع اسرارها برة

وعدم الانتماء دى

محدش رباها وقوها فينا ان دة وطنى وارضى وبلدى

زى ما تكون اختى وامى واهلى

ادفع عن وطنى زى ما ادافع عن اهلى بالظبط

مش مصر تبقى عندنا تحصيل حاصل

انا مش شايفة مبرر اللى عملة 50 الف شاب مصرى بصراحة؟؟؟؟؟؟

واحد من الناس said...

انا معاكي جدا جدا لان ايا كانت الاسباب متدعوش ان المصري تتجوز يهودية او حتي يسافر لاسرائيل ويهجر بلدة لا والاكتر ان يتجسس لاسرائيل علي مصر يااااااااااااة
مظنش ان في كمية احباط او كمية اغراء تخلي الجاسوس يعمل اللي بيعملة

وبالنسبة للزواج من اليهودية هوا مش حرام لكن الرسول صلي الله علية وسلم قال حديث فيما معناة ولامة مسلمة خير من غيرها

وفي الاخر ميرسي ليكي كتير علي الموضوع الهايل دة

انا وغيري متوقعين منك تستمري كدة زي منتي وللاحسن كمان

نبض اسكندرية said...

جرين ويف

نورت البلوج يا باشا

وردك احييك علية

تحياتى

واحد من الناس said...

هششششششششششششش
سيبيهم نايميين

نبض اسكندرية said...

واحد من الناس

فينك من زمان

عموما نورت والله

تحياتى

الشنكوتي الكبير said...

يا شادي يا مجنني
حرام طبعا يتجوز من غير ديانته
ثانيا ازاي تقبل فكرة انه يتجوز من ناس قتلوا واغتصبوا واهانوا كل ذره في الكيان العربي كله مسلمين ومسيحيين
______________________
يا اسكندرانيه هم مش بيتجوزوهم عشان شافوا فيهم الزوجات الصالحات اللي هتصونه وتحفظه لكنه هو خلاص بيدور على الماده بأي طريقه يعني هي هتوفرلوا اقامه سهله وفلوس ووظيفه مش مهم بقى على حساب دينه او كرامته او وطنيته لأنه اصلا باع الحاجات دي من زمان
حاجه كمان الناس اللي بتسافر تشتغل في اسرائيل وبيقولوا عشا بيدونا مرتبات حلوه يا اخي مهما كان المرتب حلو فكر انك بتسلعد ولو بنذر بسيط في تقوية اقتصاد ناس كل همهم يقتلونا ويغتصبوا حقوقنا
لكن اللي بنشوفه في بلدنا خلى الناس تنسى يعني ايه كلمة وطن ودين اصلا
سلااااااااااااااااااااااام

الشنكوتي الكبير said...

ممكن اعرف مين العسل اللي في اخر الصفحه
احلى صوره للجمال في الدنيا هي صورة بنت صغيره بتضحك
يا ريتها كانت بتضحك اكتر من كده
ماشاء الله عليها
سلاااااااااااااااااااااااااااااااام

عتيج الصوف said...

ممكن عشان المصرية مصاريفها كتيرة
و معظظم عقول البنات العرب سطحية و الشبان ليسوا بأفضل
ولكن أعتقد الإرتباط بأجنبية الفكر أفضل من شرقية الخصر

الشنكوتي الكبير said...

انا عايز سمك هاتولي سمك
انا عايز سمك هاتيلي سمك
انا عايز سمك هاتيلي سمك
انا عايز سمك هاتيلي سمك
******************
هو انا لازم اقولك هاتيلي كذا ولا كذا انتي اسكندراني يعني اول ما تخشي تقومي قايله ايووووووووووووووووووووه اسكندراني كده
وبعدين تقومي رازعاني علبة هريسه وعلبة بسبوسه من عند احمد حسنين وصينية سمك جباره
هو انا هاقولك على اسكندريه

بلاش يا ستي ده كله كفايه اسمع ضحكه اسكندراني صافيه من قلب اسكندراني جدع وحنين وبرده مقولتيليش صورة مين العسل اللي في اخر المدونه دي؟؟؟؟؟
سلااااااااااااااااااااااااااااام
يا عروسة البحر ايوووووووووه

نبض اسكندرية said...

شنكوتى

كنت عايزة اوضح انة مش حرام ان المسلم يجوز غير المسلمة يعنى مباح ليهم انهم يجوزوا من اى حد ان شاء الله هندوس

لكن اللى حرام انى انا كا مسلمة اجوز برة ديانتى لية بقة

لان الديانة للاولاد حسب الاب فانا لو اجوزت غير مسلم هخلف اولاد تبع ديانة الاب

لكن الاب لو اجوز اى حد الاولاد هيطلعوا مسلمين وهيا دى الفكرة

ثانيا بقة انى متفقة معاك فى باقى رايك

نورت الارض الاسكندرانية

ولو على السمك قدها وقدود تعالى بس وملكش دعوة

تحياتى

نبض اسكندرية said...

عتيج

لك ما شئت ودة رايك وطبعا احترمة

لكن ليسوا بنات العرب وبالتحديد مصر

اقل شأنا من اى بنت غربية

ولو كنا غاليين شوية فى المهر

فا دة لقيمتنا الثمينة

تحياتى

Hannoda said...

بجد بوست يستاهل الشكر

أنا مابحبش إلقاء الإتهامات بجهل.. لكن واضح زي الشمس إن اللي يقبل إنه يتجوز و يعيش و يخلف في إسرائيل يبقى أكيد مصر ولا في دماغه

مش ناقصين إحنا تشتت وخلط أكتر من اللي إحنا فيه

.:.-=- ELGaZaLy-=-.:. said...

همممممممممممممممم


طيب بصى يا نبض

كمية المصريين الى عايشيين فى اسرائيل بدون تراخيص وبيعدو من رفح او من اى منفذ من غير اى اثبتات اكتر من اى احصاء

الشباب دول بيكونو اسر هما اقل من انهم يكونوها وبيرجعو مصر هنا يتجسسوو


انا مش مع الشباب دول

الناس دى بتموت كل يوم الف مرة

وبعدين هما مش بيخنو مصر من وجة نظرهم انهم بيردو الجميل

للجزمة

اسف

اقصد للحيون

يوةةةةة


اقصد لطويل العمر يطول عمرة ويزهز عصرة

وحكومتة

وابنة

بلا قرف

نبض اسكندرية said...

اكيد يا هانودا يا جميلة

نورتنى بجد يا اسكندرانية

تحياتى

نبض اسكندرية said...

الغزالى

ياااااااااااااااااااااة


فينك من زمان

عموما نورت يا باشا

والله يا غزالى انا شايفة انكم بتدفعوا عنهم كدة

وبتبرروا التصرف المشين دة

وحتى لو كان هما تفكيرهم انهم بيضربوا فى طويل العمر دة ربنا يقصر عمرة ونخلص

يبقى دة اسمة قلة وعى

لان لما فى الاخر يحصل حاجة هو مش هيتأذى بحاجة

الشعب اللى طافح الكوتة دة هو اللى هيروح فيها

بجد حسبى الله ونعم الوكيل فى اسرائيل واللى بيساعدوهم وطويل العمر

أنا المصرى said...

هو فعلاً حاجه تحرق الدم
طب يقروا القرأن لو كانوا مسلمين
ده ربنا بيقول ولا تنكحوا المشركات حتى يؤمن ولامه مسلمه خير من مشركه ولو أعجبتكم "صدق الله العظيم" وربنا يهديهم اللهم أمين

أنا المصرى said...

أنا المصرى ده مين بقى يا سومه يا بنت عمى هه هههههه هههههههههههههههه