دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Tuesday, October 30, 2007

وودوا لو تكفرون




تحس ان الموضوع اللى هكلم فية انهاردة مش موضوع معين

وعلى الارجح مش هيكون مرتب واحتمال يكون غير مفهوم قصدة عند الناس

بس انا جوايا تساؤولات وتناقضات عايزة اخرجها

يعنى هو اية اللى هيحصلنا اكتر من اللى احنا فية؟؟؟؟

هو لسة فى مراحل أسوأ هنتعرض ليها تانى ؟؟؟؟؟

ولا كفاية علينا اللى احنا فية ؟؟؟؟؟؟

هو قناة الحيات وزكريا بطرس عايزين اية من المسلمين؟؟؟؟؟

انا مش عارفة اكلم عليها غير انى اقول حسبنا الله ونعم الوكيل

لان الناس دى بتضرب فى قلب الاسلام

وتلاقى بقة عدم احترام اثناء الحوار والسخرية الزائدة عن الحد لدرجة انة يستهزى بالقران الكريم وبمحمد صلى الله علية وعلى اله وسلم

بعدها اسكت شوية وافتكر اللى حصل لمحمد صلى الله علية وسلم واقول اكيد دة محصلش جزء من اللى اتعرض لية

المصطفى اشرف الخلق اجمعين صلى الله علية وسلم

شوف قد اية عدد المسلمين دلوقتى ومع ذلك لسة الاسلام بيتهاجم من عدد قليل جدا محصولش حتى ربع المسلمين

فما بالك ايام النبى صلى الله علية وسلم اللى كانوا مكملوش حتى عشر اللى كانوا موجودين

تتخيل بقة مدى الايذاء اللى كانوا بيتعرضوا لية

ولكن استحملوا وصبروا واحنا دلوقتى مش قادرين نصبر على كلمتين يطلع يقولهم زكريا بطرس دة ولا حتى الدنمارك لما تعمل زى اللى عملتة

يااااااااااااااااااااة دة احنا ضعاف بشكل؟؟؟؟؟؟؟

ومظنش هيا دى الصورة اللى كان مستنيها النبى صلى الله علية وسلم من اخوانة اللى هما احنا

واظن اللى احنا فية دلوقتى دة بسببنا احنا

ولكن ارجع واقول ما لازم الاسلام هيحصلة كدة لان النبى صلى الله علية وسلم بلغنا بكدة

بدأ الاسلام غريبا وسيعود غريبا فطوبى للغرباء

صدق رسول الله صلى الله علية وسلم

قال رسول الله ( صلي الله عليه وآله ) : يأتي على الناس زمان الصابر منهم على دينه كالقابض على الجمر )) الأمالي ص 484 .

صدق رسول الله صلى الله علية وسلم

فا المفروض نفرح لان كلام النبى صلى الله علية وسلم اتحقق عشان الناس اللى بتشكك فى نبوة محمد صلى الله علية وسلم تعرف انة على حق

وانة اخر نبى بعث

انا مش عارفة انا قادرة اوصل اللى فى دماغى ولا

لكن افتكر مرة كنت بكلم مع زميلة مسيحية وكنت بتناقش معاها فى الدين المسيحى وكدة

ولما حاولت افهم منها شوية الدين المسيحى قائم على اية بالظبط

امتنعت عن الكلام وقالتلى عايزة تعرفى الدين المسيحى اقرى فى الكتب ومتاخديش العقيدة من شخص

لانى انا جزء من الكل

فى حين ان زكريا بطرس بيحاول يوضح الاسلام وعقيدتة من خلال المشايخ

لانة فى الحقيقة مش لاقى حاجة يقولها عن الدين فا كان حوارة كلة عن المشايخ والحوارت اللى بتحصل امام الكاميرات

لا حول ولا قوة الا بالله

انا دلوقتى افتكرت الاية

(ان تمسسكم حسنة تسؤهم , و ان تصبكم سيئة يفرحوا بها).

قد اية كانت القناة دى كانت هتكون افيد ليهم هما لما يبدؤا يعرفوا الناس على دينهم

لو يبطلوا بقة غل وحقد للاسلام اكيد كانوا هيكونوا أحسن



{ ولا يزالون يقاتلونكم حتى يردوكم عن دينكم إن استطاعوا } ( البقرة : 217 )

..

{ وودوا لو تكفرون كما كفروا فتكونون سواء } (الممتحنة : 2 ) .


{ ولن ترضى عنك اليهود ولا النصارى حتى تتبع ملتهم } .. (البقرة : 120)


, { ود كثيرٌ من أهل الكتاب لو يردوكم من بعد إيمانكم كفاراً } ( البقرة : 109 )


واخيرا انا بقول لزكريا بطرس دة

يمكرون ويمكر الله والله خير الماكرين

وبقولة اتقى الله انت تعلم ان الاسلام على حق ومن دونة هو الباطل

وبقول لاى واحد ايمانة ضعيف اثبت انت على الحق

عجبا لدهر ترى فية الكلاب ترقص على جثث الاسود. لاتحسبن برقصها تعلو على أسيادها..تبقى الكلاب كلاب والاسود اسود

وبقول لاى واحد ارتد عن دين الحق

يقول القرآن الكريم

ومن يرتد منكم عن دينه فيمت وهو كافر فأولئك حبطت أعمالهم في الدنيا والآخرة وأولئك أصحاب النار هم فيها خالدون البقرة 217 .

انا نوعا ما قلت شوية من الكلام اللى عايزاة اقولة لكن يبقى السؤال؟؟؟؟

ماذا يجب على المسلمين فعلة فى هذا الزمان؟؟؟؟؟

تحياااااااااتى

17 comments:

آلام وآمال said...

السلام عليكم ورحمة الله وبركاته
اولا طبعا انا بنصحك انك نتتفرجيش على القناة دي
وده مش لأني خايف عليكي من الفتنة ولا حاجة
لأن اللي عندو ذزرة من عقل اصلا ما يدخلش عليه ربع حرف من المهاترات اللي بيقولها الشخص المريض ده
لكن انا اصدي متتفرجيش عليها عشان هتحرقي دمك ع الفاضي

وطبعا الواحد بردو بيحزن لما يلاقي اشخاص زي كده بيرتعوا براحتمه بلا رادع او مانع
مع الأخذ في الاعتبار طبعا ان القناة دي مش عنوان لكل المسيحين لأن في مسيحين بردو مش حابين الأسلوب ده
فالأرجح والله أعلم واللي انا حاسس بيه ان دي مؤسسة يهودية من شأنها اشعال الفتن واثارة المسلمين

المهم سيبك منه
وعايز اقولك ان الشخص ده مش موجود بقوته هو ولا بشطارته
لاء
ده موجود بسبب ضعفنا احنا واهمالنا لعقيدتنا وديننا
وبالطبع لو كان للمسلمين شوكة او وحدة مكنش ممكن يطلع علينا تافه زي ده
ولكن هنقول ايه غير حسبنا الله ونعم الوكيل وربنا يصلح الأحوال

آلام وآمال said...

كنت عايز اسألك ليه صورة الشيخ الشعراوي في الأول
؟

مـحـمـد مـفـيـد said...

اتفق مع كلام الام وأمال
ولكن لنعلم جيدا ان هذا ابتلاء وان مستوي الحوار لن اتطرق فيه للحديث عن ذلك الشخص الحقير المدعو زكريا بطرس
لانه شخص لا يستحق ان يذكر
اعلمي ان الامه ستحارب الي يوم الدين
ولكن لابد من ان نقابل ذلك بوهن مننا
فنحن مسئولون امام الله عز وجل عن مدي تقصيرنا
لابد من العوده مجددا الي ديننا ودعي
فالكلاب تعوي

اسكندراني اوي said...

انه ابتلاء نزل بنا
ليست محطه الحياه فقط
والاستاذ زكريا ده لوحده
ولكن الكثييييرين جدا
بيقولو كلام فارغ كتييير

بس السؤال بقى
الناس دي بتعمل كده ليه ؟؟؟؟؟؟
والحل معاهم ايه ؟؟؟؟

ربنا يعين وينصر دينه وسنه نبيه

الشنكوتي الكبير said...

وهنفضل كده على طول
زي كل حاجه في الدنيا تلاقي الحق دايما بيتهاجم والظلم عمال يحاول يرسم انه هو الصح
سبحان الله
الناس دي مبيكفيهاش كم القساوسه اللي بيسلم كل سنه
ومش هاقول عن الأفراد العاديين لأنهم هيقولوا اصلهم مش فاهمين
لكن لما يبقى اكتر الناس اللي فاهمين بيقروا ان الأسلام هو الحق
يبقى ايه السبب
تيجي ليهم لما واحد كان ملحد او علماني ملحد او اي صفه الخلاصه انه معندهوش دين اصلا وفجأه يعلن انه بقى مسيحي طيب يعني هي فرقت معانا ايه
بالسلامه انت اللي خسرت لو كنت فضلت مسلم اسما بدون فعل كنت هتدخل النار لكن كنت هتبقى من الناس اللي بيرحمها ربنا لأنهم قالوا لا اله الا الله في حياتهم
لكن لما تموت كافر مش هتخرج من النار ابدا

ده في الأخره
اما في الدنيا فبرده مش هتخسرنا حاجه لأنك مكنتش حجه في الأسلام علشان يتقال ده فهم الحقيقه علشان كده ساب دينه

وعموما الشخصيات اللي زي القسيس ده موجودين على كل المستويات مش بس في الدين
في كل حاجه تلاقي واحد شايل راية الجهل او الظلم او الشر
وعمال يدافع عنها بروحه
وكأنه على حق

واعوذ بالله ان ننحدر للناس دي

تسلم ايدك على البوست ومعلش طولت في الرد

سلااااااااااااااااام

alexandrany said...

جزاكي الله خيرا
بس كنت عايز اقولك ان الايه بتكتب كده
" ودوا لو تكفرون"
مش وودوا

alexandrany said...

جزاكي الله خيرا
بس كنت عايز اقولك ان الايه بتكتب كده
" ودوا لو تكفرون"
مش وودوا

الشنكوتي الكبير said...

هو عيد ميلادك فاضل عليه شهر بالظبط كده
صح
سلااااااااااااااام

نبض اسكندرية said...

انا بجد بشكركم كلكم

وميرسى لردودكم كتير جدا

وان شاء الله ارد على واحد واحد فى الفترة اللى جاية ان شاء الله

تحياتى

koukawy said...

انا شخصيا بتبع مبدأ
اللي ياكل علي ضرسه بينفع نفسه

koukawy said...

و مهما حصل ده مش هيغير من كوني مسلمه حاجه لا هيزود و لا هينقص

نبض اسكندرية said...

الام وامال

احب الاول احييك على المتابعة بتاعتك وبشكرك عليها

والله انا لما بتفرج عليها بفتكر حديث الرسول صلى الله علية وسلم

يأتى على الناس زمان القابض فية على دينة كالقابض على الجمر

لان الناس دى شاطرة فى الكلام وفى الفتنة

كان نفسى يطلع الرجل المعتوة دة يتكلم عن دينة شوية

كفى الله الاسلام شر المستهزئين

وكمان بفتكر الرسول حبيبى ابا القاسم قد اية استحمل اهانات الكفار والصبر عليهم تفتكر ان نبيك دة عظيم قد اية

صلى الله على محمد صلى الله علية وسلم

نبض اسكندرية said...

الام وامال

بص صورة الشيخ الشعراوى مكتوب عليها ان الشعراوى يرد على افتراءت بطرس زفت دة

بس الصورة هيا اللى صغيرة

نبض اسكندرية said...

ابو العبادلة

نورتنى والله

وكلامك فعلا صح

لاتحسبن برقصها تعلو على اسيادها ستظل الكلاب كلاب والاسود اسود

نبض اسكندرية said...

اسكندارنى قوى

الناس دى بتعمل لتشوية صورة الاسلام

الحل معاهم دى مش قادرة احدددها الصراحة

تحياتى يا اسكندرانى

نبض اسكندرية said...

ايهاب

والله الناس دى بتفكر فى حاجة معاينة

لما يكون راجل مثلا بابا فى الدين المسيحى وقرى عن الدين الاسلامى ولقاة الصح

يجى يقولك طيب انا هنا منصب بابا واخد وضعى بين الناس

هادخل الدين الاسلامى هابقى اية عادى من ضمن الملايين المسلمين مش هكون حاجة

لا خلينى كدة احسن

يبقى هو كدة فكر فى المنصب

واحد تانى مقراش عن الدين الاسلامى طلع لقى نفسة مسيحى ولقى اللى حوالية كلهم بيقولوا ان الدين المسيحى هو الصح

الراجل دة مشى مع قطيع الغنم

وفى الحالتين هما مش هيزواد الاسلام فى شى ولا حتى اللى هايستنصر هايزود الاسلام فى شى

لا تزر وازرة وزر اخرى

تحياتى يا شنكوتى

نبض اسكندرية said...

الاسكندرانى

جزاك الله انت الف خير

وشكرا على مرورك

ــــــــــــــــــــــــ

شنكوتى

عيد ميلادى عدا من زمان وقرب يجى تانى اهو

بس اشمعنا يعنى بتسال علية؟
ــــــــــــــــــــــــــــــ

كوكى

والله اعرف ان اللى بيكل على ضرسة بينفع نفسة دة مثل بس لو انتى اخدتية مبدأ يبقى الله ينور عليكى

وعندك حق يا جميل وميرسى ليكى على الزيارة الاولى وهستناكى تزروينى تااااااانى

تحياتى