دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Saturday, April 5, 2008

الحــــــــرية

تعريفات عن الحرية

جون لوك‏، يرى ..ان الحرية هي، القدرة والطاقة اللتان يوظفهما الانسان لاجل القيام بعمل، معين او تركه

‏جون ‏استيوارت، ميل‏، يقول: (ان الحرية عبارة عن قدرة الانسان على السعي، وراء مصلحته التي يراها، بحسب منظوره، شريطة ان لا تكون، مفضية الى اضرار الاخرين

‏كانت‏، فيقول: (الحرية عبارة عن استقلال الانسان عن اي، شي‏ء الا عن القانون الاخلاقى

آية اللّه جوادي :الحرية، من المنظور الاسلامي، عبارة عن، التفلت والتحرر من عبودية واطاعة غير اللّه تعالى‏

مع كل هذا لم نصل الى الحرية المطلوبة او الكافية لاتخاذ قرارت

فى الحقيقة ان البنت بوجة خاص فى مجتمعنا الشرقى حتى الان لم تملك الحرية الكافية لاتخاذ قرارت مصيرية فى حياتها ومنها مسألة الارتباط اذا كانت العائلة ترتضى للبنت هذا الشخص كازوج لها فاليس لرائيها قيمة فى هذة المسألة
فى عهد الرسول صلى الله علية وسلم كان للفتاة شأن عظيم وكانت لها الحرية اكثر من هذة الايام وبسبب الابتعاد عن الدين نوعا ما.. اختطلت الامور على الناس ولم يستطيعوا ان يستخدموا الحرية فى طريقها الصحيح
الحرية جزء لا يتجزأ من الانسان

ويقولون لما ازدادت معدلات الطلاق؟؟؟؟؟؟

8 comments:

http://kasperb4.blogspot.com/ said...

انا هكلمك بناء على تجارب حصلت ادامي
محدش حكالي عليها ولا حاجة

الأهل ليهم وجهة نظر غير اللي احنا بنشوفها
بجد وغالبا بتكون وجهة نظرهم هي اللي صح
الموضوع بس محتاج قعدة ونقاش هادي وتفاهم معاهم مش اكتر

Hannoda said...

أنامعاكي

بس كمان فيه نوع تاني من القيود اللي بتمنع حرية بنات كتير في الجانب ده بالذات
نوع من القيود نابعة من جواهم هم و من المجتمع كمان

كتير مظاهر زي مستوى الفرح و الشبكة و الشقة بتكون عائق قدام حرية إختيارها

ساعات العمر و سن العنوسة يكون عائق كمان أمام حرية الاختيار

عوائق الحرية مش من برانا بس
مفاهيم كتير اتعلمناها من حياتنا بتمثل عائق أمام حريتنا و حبنا أحيانا

لو على العوائق الخارجية لكانت المسألة أسهل بكتير

alexandrany said...

الحرية
هي أن تملك كلمة
لا

تحياتي

نبض اسكندرية said...

الام وامال

انت قلت غالبا مش دائما

محاولة فرض الشى وكبت الحرية فى البنت غالبا اللى بتكون مش فى مصلحة الاهل ولا البنت وفعلا الموضوع بيكون محتاج نقاش بس هتكلم مين

كل واحد بيكون متمسك برائية وعايز يقنع بية الاخرين بأى شكل حتى وان كان غلط

وكل واحد حقة انة يتشبث برائية لان الراى هيكون طالع نتيجة تفكير عميق

وفى الغالب النتيجة بتكون غير موفقة

نبض اسكندرية said...

هانودا

وحشتنى يا قمر وحمدلله على السلامة

بصى مسألة انة يتفرض عليكى انسان انتى مش عايزة دة اسلوب من اساليب القمع والضغط على الانثى فى مجتمعنا

فى ممكن اسباب تخلى البنت يضغط عليها فى المواضيع دى بالذات عشان الاسباب اللى انتى قولتيها

مع انها لو اتحسبت صح والله هتكون كل شى قسمة ونصيب

نبض اسكندرية said...

الاسكندرانى

فينك من زمان عمتا حمدلله على السلامة

جميل ردك بس احيانا لا مش بتكون صح

بس المهم صانع القرار يتحمل نتيجة قرارة

الشاعر والكاتب احمد هيكل said...

السلام عليكم ورحمة الله وبركاته
من اجل الحريه
من اجل كل مدون مصري
من اجل حقوقنا الأ نسانيه
من اجل بلدنا الحبيبه

يتشرف اتحاد المدونين المصريين بدعوة سيادتكم لحضور اجتماع الاتحاد يوم 25 / 4 فى كافيتريا المحروسة التابعة لفندق المحروسة للقوات المسلحة بالاسكندرية الساعة العاشرة صباحا .
وتفضلوا بقبول فائق الاحترام
مع تحيات اعضاء اللجنة الاجتماعية
وادرة منتديات اتحاد المدونين المصرين
ولي اي استفسر
ع البر يد التا لي
ahmedhiqal@yahoo.com
http://egtadwin.yoo7.com/index.htm

Diyaa' said...

المسألة دي معقدة شوية
بس رأيك هو الأقرب للصواب لأنك هتتحملي نتيجته
في حين إن رأي الأهل مش هيتحملوا نتيجته
لأني كتير في أبواب بريد الجمعة أو أريد حلاً ألاقي صاحبة المشكلة تقول خالفت أهلي وبعدين رجعت ندمانة..مش معني كده إن الأهل صح بس العاطفة والعند بيوجهوا غلط
بس لو الأهل قاموا بدورهم صح أعتقد إنهم هيقدروا يثقوا في أختيار البنت لكن لأنهم مش متأكدين من ادائهم للواجب بالشكل الأمثل بنوصل للعقدة دي
ومعدلات الطلاق زادت بسبب كده
التربية واخدة إعارة للمريخ ربنا يرجعها بالسلامة