دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Friday, April 18, 2008

كلمتين وبس

من حوالى شهرين كدة اخدت تطعيم ضد الكبدى بى ودى كان اسمها جرعة اولى المفروض انهم بيكونوا 5 جرعات
المهم تانى جرعة بتكون بعد الجرعة الاولى بشهر من ميعاد الجرعة الاولى وفعلا بعد شهر من ميعاد الجرعة الاولى
اخدت الجرعة الثانية نسيت اقول انى لما اخدت الجرعة الاولى مافيش اى اعراض او اى حاجة حصلتلى باختلاف الجرعة التانية
حصلى العجب اول ما اخدتها وقفت دراعى كلة وبعدها بدأت الدوخة وىوىوىوىوىوى..... الـــــــــــــخ
المهم ان الامر كان غير طبيعى سألت الناس اللى اخدوها معايا اية الاخبار نفس الاعراض بالظبط
بدأ الشك يتسلل داخلى قولت اتصل بدكتورة كانت اخدة اخر جرعة معاها البيت عشان تاخدها فى البيت تقرا زجاجة التطعيم
وبالفعل حدث ما كنت اتوقعة..............
التطعيم غلط.......طعمونا حاجة تانية اسمها رباعى واللى يعرف التطعيم دة اكيد هيكون حاسس بينا كنا عاملين ازاى
بجد كنا بنموت من الالام الحقنة وانك تحس ان دماغك دى تقيلة قوى وفاضية ومعها اعراض تانية بلاش اقولها عشان محدش يقرف
المهم انهم قالوا ان لو عدا اسبوع ومحدش حصلة حاجة يبقى الحمد لله مش هايكون فى حاجة
وفعلا الحمد لله محصلش حاجة ودة بفضل ربنا بجد وربنا سترها مع الناس المسئولة
بس اللى كنت عايزة اقولة انى لما سألت دكتورة الصيدلة اللى عطتنا زجاجة التطعيم قالت انها معرفتش تقرا اسم التطعيم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يا جماعة فى حاجة اسمها اهمال واحيانا بتكون عواقب الاهمال دى خطيرة بجد
وترتب علية بقة ان الناس اللى كان ليها جرعة تانية مأخدتش طبعا جرعتها لانها خايفة يحصل نفس اللى حصل لينا
اتمنى اننا نراعى ربنا شوية فى اعمالنا وافعلنا لان لو ربنا معاك انهاردة وسترها معاك المرة دى
الله اعلم اية اللى هيكون المرة القادمة

12 comments:

مـحـمـد مـفـيـد said...

الف سلامه عليكي يا اسماء

آلام وآمال said...

الاهمال للاسف موجود في كل حتة
بس لما توصل لدرجة ان الصيدلانية متعرفش تقرا اسم التطعيم
يبقى مش اهمال
ده ولا مؤاخذة استهبال

المهم انك بخير الحمد لله
قدر الله وما شاء فعل

نبض اسكندرية said...

محمد

سلمك الله من كل شر يا ابو العبادلة

اشكرك

نبض اسكندرية said...

محمود

والله هو قدر فى الاغلب يعنى

لكن اتمنى اننا كلنا نراعى ربنا شوية فى كل حاجة بجد

وربنا يسترها وشكرا ليك طبعا يا محمود

تحياتى

الشنكوتي الكبير said...

من اوحش شنكوتي في الدنيا
الى اخلى اسماء في الدنيا
الف سلامه عليكي وسامحيني على الغياب
سلااااااااااااامتك

Hannoda said...

الاهمال ده حاجة تغيظ جدا
ومش عارفة ماله مسيطر علينا ليه بالشكل ده

يمكن ده أكتر حاجة لو حاربناها فينا مصر حاتتغير جدا

ألف سلامة ليكي يا سوسو
ومعلش ما تزعليش.. الحمد لله إنها جت سليمة و يارب المرة الجاية لما تاخدي التطعيم الصح تيجي سليمة برضه

ويارب ييجي اليوم اللي نشوف مصر كلها ناس دقيقة جدا و مخلصة جدا و دأوبة جدا
لاتسمح بغلط و لا إهمال ولا فهلوة

ياااه

حلم جميل قوي .. مش كده

ألف سلامة عليكي

Sharm said...

نصيحة صغيرة

متخديش تطعيمات في الصيدلية الا مصل التيتانوس لا قدر الله او تطعيم الانفلونزا السنوية

غير كده لا

الف سلامة

نبض اسكندرية said...

ايهاب

تقبلت اعتذارك

نورتنى

نبض اسكندرية said...

هند

بجد حلم كتير جميل وكتير نفسنا كلنا يتحقق بس اللى كنت عايزة اقولة ان مش مصر هيا اللى هتكون دأوبة المصريين هما اللى نفسنا يبقوا كدة لان مصر اللهم الا مكان يضم شعبها

اتمنى اننا نبقى احسن من اى حد تانى وان شاء الله يحصل يا هند والله الحلم مش بعيد هو محتاج منا مجهود مش اكتر

والله يسلمك ياغالية وخلاص حرمت يابية مافيش اى تطعيم هاخدة تانى بلا وجع دراع ودماغ وجسم وكل حاجة

نورتنى ياقمر

نبض اسكندرية said...

شارم

صدقنى اكيد هعمل بالنصيحة دى بس مشكلتها انها جت متأخر قوى يا شارم

بس قدر الله وما شاء فعل

وبعدين هيا الناس كلها دلوقتى مش بتحب الاهلى لية بقة؟

Diyaa' said...

الحمد لله جات سليمة وحمد الله علي سلامتك
وهيا دي مصر مبارك :(
سيدنا عمر كان بيحاسب نفسه علي الدابة اللي في العراق ..وإحنا هنا مش بيحاسب نفسه علي 65 مليون بني ادم في كل حتة وال 10 مليون الباقيين دول أصحاب الدماء الزرقا اللي مش بيخشوا مستشفياتنا ولا بيسكنوا في عماراتنا ولا بيركبوا مواصلاتنا ولا طبعاً بياكلوا أكلنا ويشربوا من نيلنا
وعمار يا مصر
مفيش دم :(

نبض اسكندرية said...

ضياء الشمس

ربنا يصلح الاحوال يارب

كنت فين بقالك فترة غايب لية؟