دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Wednesday, March 19, 2008

يوم فى حياتى...بس محدش يضحك

من يومين كدة كان فى زحمة عجيبة جدا من ساعة ما نزلت من البيت لغايط ما وصلت الشغل زحمة اول مرة اشوفها فى اسكندرية. عمتا وصلنا الشغل طبعا ومضينا تأخير على 15 دقيقة بس عشان لسة فى نصف الشهر ومش هاقولكوا بقة على دلع اخر الشهر بقة.
ما علينا باردو. اللى كنت عايزة اقولة أن زحمة انهاردة دى فكرتنى بموقف حصلى أيام دراستى بالمعهد
وأليكم الموقف يا حضرات بس محدش يضحك
كنت راجعة من منطقة أسمها الحضرة لو حد يسمع عنها المهم أن وسيلة المواصلات الوحيدة اللى تعتبر سهلة هيا القطر وفعلا قررت انى اركب القطر (ويارتنى ما ركبت) القطر فضل ماشى تمام قوى لغايط محطة ( الرمل) وصلنا بقة للمحطة اللى بعدها وهيا النقراشى( فكتوريا)
والقطر عطل قالوا محدش ينزل القطر اللى وراة هيحركة (ويارتنى نزلت) جة فعلا القطر وحرك قطرنا بكام متر بعد المحطة ووقف تانى أية يا جماعة اللى حصل القطر التانى وقف فى المحطة عشان ينزل ركابة....طيب ماشى
ربع ساعة عدت.........يا جماعة القطر عطل......يالهووووووووى
متخافوش فى قطر تالت هايجى يحرك القطرين( يزق بالعامية قوى) طيب ماشى وفعلا جة القطر التالت ( والتالتة تابتة) حرك هو كمان شوية وعطل .................... جة محصل التذاكر( الكومسرى) قال يا جماعة أنزلوا القطر دة هايروح الورشة
وطبعا من غير ما أوضح عملت خمسة رياضة ونطيت من القطر.......كان شكلى وحش قوى
وبعدين رحت على موقف المشاريع اللى فى فكتوريا..
اليوم واضح يا جماعة من أولة وصلت وملقيتش ولا مشروع
اسأل الناس هو مافيش مشاريع لية؟
واحدة قالتلى هو أنهاردة اية يابنتى؟
قولتلها الخميس يا حاجة قالتلى؟
أأأأأأأأأأأأأأأأأأأأأة عشان كدة
وبعدين انا أيدى وجعتنى من الكتابة هاكملكوا الموقف فى البوست الجاى ان شاء الله
لان اللى جاى محدش هيصدقة ابدا وبجد اليوم دة يعتبر يوم فى حياتى
وأستحالة انساة اصلها كانت مأساة والظريف فى الموضوع أن اليوم دة كنت مروحة فرحانة قوى عشان خلصنا محاضرت بدرى وهروح بدرى
ويا خيبة الامل..................أستودعكم الله

8 comments:

http://kasperb4.blogspot.com/ said...

يا خبر ابيض
تلاته يعطلو مرة واحدة
لا حول ولا قوة الا بالله
ههههههه

وبعدين انتي مقلتيش يعني انتي كنتي رايحة كوقف المشاريع ليه وليه اسمه موقف المشاري

معلش اصلي مش من اسكندرية
:D

لكن عموما يعني اديني مستني اشوف بقية الحكاية بس متتأخريش

مُزمُز said...

سؤال يعني ويا رب ميبقاش شكلي غبي

إيه موقف المشاريع ده؟

يبدو إن المشاريع دي حاجة بتتركب؟

طب إيه هي؟

:)

اسكندراني اوي said...

هو في ايه
اولا مافيش قطر بيروح محطه الرمل

وفيكتوريا ما تبقاش ابدا المحطه اللي بعد محطه الرمل

في ايه بقى البوست الملخبط ده

Diyaa' said...

خيبة الأمل راكبة جمل
لأ 3

نبض اسكندرية said...

محمود

انا كنت رايحة موقف المشاريع عشان اركب مشروع وبعدين هو اسمة اية عندكوا

معلش اصلى مش من القاهرة

نورتنى

نبض اسكندرية said...

مزمز

ياربنا هو انا كاتبة انجليزى يا معاذ مش ممكن شكلك وحش قوى يابنى

على فكرة المشروع دة هو عربية بحمار كدة بتتركب وانا بركب فوق الحمار

هههههههههههه

المشروع دة والله وسيلة مووصلاات
وبعدين قولى انت بقة اسمة عندكوا اية

نبض اسكندرية said...

اسكندرانى اوى

انا حاسة ان مافيش حد فاهم حاجة فى البوست دة

بص يا اسكندرانى انا مقولتش محطة الرمل اللى فيها سعد باشا انا اقصد المحطة اللى جنب غبريال اسمها الرمل ووضحت بعدها قولت ان فكتوريا دى النقراشى عشان تاخد بالك انها محطة قطر


لو كنت ركزت شوية اكيد كنت جبتها

لكن عمتا حصل خير واسفين على اللخبطة ياباشا

تحياتى

نبض اسكندرية said...

ضياء

حلوة دى وجديدة