حملة حماية دى حملة اطلقها الاستاذ عمرو خالد من أجل ايقاف المخدرات وعلاج الشباب المدمنين والهدف من المشروع اننا نحاول ننشر الاستيكر بتاع حملة حماية فى كل مكان حتى لو كان على موبايلك يلا يا جماعة نكون ايجابين ونحاول نساعد فى الحملة دى وعايزة اقول ان الناس كلها مستنية متش الاهلى والزمالك اللى هيكون يوم الجمعة القادمة عايزة اقول ان الاستيكر بتاع حملة حماية هيكون متوزع على 30 الف مشاهد فى الملعب وغير احتمال يكون اللعيبة لابسة كمان تشيرتات مطبوع عليها استيكر حملة حماية اتمنى ان الشباب تستجيب للحملة وتبدأ فى عمل الخير
كمان لو تعرف حد مدمن حملة حماية بتدعوا المدمنين أن يتصلوا على الارقام الموجودة على موقع عمرو خالد عشان يتعالجوا وكمان لو اسرعت ممكن يكون العلاج مجانى وهيكون فى رعاية خاصة ومتابعة جيدة من قبل الاستاذ عمرو خالد واعضاء حملة حماية وعايزة اقول كمان ان قناة مودرن سبورت بترعى الحملة والبيت بيتك مع محمود سعد بيرعى الحملة ورياضين بيرعوا الحملة وى كمان فى دبى الشرطة بتاعت دبى بادرت على تنفيذ الخطة
مش ممكن تكون الناس دى كلها بتتحرك واحنا لسة واقفين...... انا قولت يمكن يكون جزء من اللى عندى
اخيرا... الللهم اجعلة فى ميزان حسناتنا
واهو لينك الموقع عشان نبدأبالتحرك والمتابعة هتكون مع عمرو خالد على موقعة
حملة حماية ... أوقف المخدرات.. غير حياتك
18 comments:
جميل والله
ربنا المستعان
جزاك الله خيراً
ربنا يوفقهم
وتعرفي ..أستاذ عمرو من الناس النادرة اللي ممكن يكون المجتمع هينصلح علي إيديهم
شكراً للتنبيه
اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
------ الى ----
( حملة حما يه )
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة
شكرا لك لقد تلاقينا بس ياريت حملة ترويج مثل التى اقوم بها بين المدونات
شكرا لك مرة ثانية وثالثة
:)
تبارك الله وأرجو أن تأتي هذه الحملة بثمارها
وقد قمنا في مدونتنا المتواضعة بحملة مشابهة على التدخين تحت شعار مسلمون لربهم طائعون في إطار حملة المدونون لنصرة الله تعالى والمصطفى صلى الله عليه وسلم. وبعض الأفكار تجدونها في الرابط التالي
http://kawlansadida.blogspot.com/2008/03/blog-post_09.html
مبروك النيو لوك
احلى بكتير على فكرة
انا حسيت براحة اول ما دخلت
بس مشكلة التامبلت دي انها مفتوحة على البحري
يمكن ده سر اعجابك بيها يا اسكندرانيه
:D
أنا جيت أهو عشان أقوللك إن أنا فاكرك طبعا طبعا ومبسووووووط جداااا جدا جدا إنك دورتي على المدونة واهتميتي تتابعي
بجد بجد فرحتيني جدا
مع إنك رجعتي بشعار وانتي حاطة شعار الأهلي
وأنا زملكاويييي صميم
بس مش مشكلة
ملحوقة
:)))))))
اتفرجت على الحلقة من برنامج الطبعة الاولي و كان مستضيف عمرو خالد و سمعته بيتكلم عن الحملة و فرحت بيها جدا إن ده مشكلة احنا كلنا بنعاني منها
مين فينا قلبه مش مقهور على أخوه و لا ابن عمه ولا جاره اللي شبابه و صحتة و كرامته ضايعة في القرف ده
مين مننا مابتبقاش خايفة وهي راجعة البيت لظرف ما متأخر أو نازلة الصبح بدري قوي و خايفة لا يقابلها شباب عقلهم غايب ويؤذوها
كلنا بنعاني من ده
كلنا عندنا إبن و زوج و أخ
بجد برافو عليكي على البوست ده .. أخدتي الفكرة من عقلي و بحييكي عليها
وإنشاء الله حيبقى عندي دم و حاتحرك و أعمل حاجة مفيدة عندي هنا
ويارب يحفظ ولاد بلدنا... وبناتها
تحياتي
محمود
شكرا لزيارتك
والله المستعان فعلا
تحياتى
محمد
نحن وأياكم
تحياتى وشكرا للمرور الكريم
حسن توفيق
شكرا يافندم على المرور الكريم دة
وجزانا واياكم خير الثواب
وشكرا ليك انت على مجهودك العظيم وجعلة الله فى ميزان حسناتك ان شاء الله
تحياتى
Whispers just for a Night
شكرا على المتابعة
تحياتى
الله يبارك فيك ياباشا
مزمز
ههههههههههههههه
يا زملكاوى
عارف لو كنت اعرف انك زملكاوى اكيد باردو كنت دورت عادى يعنى
عمتا عودا حميدا يا زملكاوى
ويلا بقة ورينا الحاجات الحلوة بتاعتك
تحياتى
هانوداااااااااا
كومنتك وصل بطريق مباشر على القلب
بجد انا اللى بحييكى على اسلوبك فى طرحك للمشكلة
وربنا يهدى كل الشباب
وانا وانتى واحد يا بلدياتى
تحياتى
ضياء الشمس
انا اسفة جدا جدا جدا
انا ماخدتش بالى والله ياباشا
وفعلا عندك حق استاذ عمرو خالدى دة من الوجوة النادرة فى مجتمعنا الاسلامى
تحياتى
Post a Comment