دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Saturday, March 24, 2007

ابوقير للاسمدة تنتهك حرية الهواء

صحيت فى يوم والشمس منورة الدنيا

وشعاعها داخل ما بين شيش الشباك

وصوت العصافير مالى الكون

والاطفال لابسة الزى المدرسى

واخدين الشنطة على ضهرهم ورايحين على مدارسهم

فى جو الصباح الجميل دة

قمت عشان اروح شغلى وفعلا قضيت يوم شغلى والحمد لله

ورجعت البيت واتغدينا وقعدنا مع بعض فى صحبة الشاى بتاع الغداء

والكل نام ساعة القيلولة

وما احلالها من ساعة

وصحينا خرجت انا واختى وكانت هنا الكارثة

فى توضيح بسيط

انا اسكن فى مدينة تعتبر من المدن الصناعية

نظرا لوجود

4شركات بجوارنا

ومن اخطرها هيا شركة ابوقير للاسمدة

تسببت هذة الشركة من اعدام لصحة عامليها

حيث ان 90%من الذين يعملون بها

مصابون بامراض بالجهاز التنفسى

ما علينا لان الموضوع دة بقى طبيعى عند الناس دول

الاخطر انها بدات تؤثر على العالم الخارجى

بمعنى ان الغازات والاسمدة بدات تخرج من الشركة الى الهواء

وما ادراك ما هى هذة الرائحة عندما تخرج

لتقتحم الجهاز التنفسى دون سابق انذار

نحن لانتنفس هواء نحن نتنفس الموت البطى

ومن الواضح ان الانابيب التى تمر بها هذة الاسمدة

تعرضت لثقوب واسعة جدا تؤدى لتسرب

هذة المواد السامة القاتلة الى هوأنا

هيا الناس دى اية اتعدمت الرحمة من قلوبهم

عشان يطلقوا الغازات دى على الناس كدة

هيا الناس ناقصة ما كفاية اللى هيا فية

ولو جينا نتكلم اكيد هيقولوا دى مدينة صناعية

اية اللى مساكنكوا فيها

هيا حياة الناس ملهاش قيمة قوى كدة

دة يا جماعة كدة انا ذكرت تلوث واحد بنتعرضلة

لسة فى ان الشركات دى بتصب صرفها فى مياة البحر

غير التلوث السمعى

الذى تطلقة بين حين واخر هذة الشركات

الناس دى لا ليها حاكم ولا رابط

اتمنى ان رسالتى دى توصل للناس بتوع البيئة

ولا حتى وزير البيئة

يمكن يقدر يعمل حاجة

قبل ما الناس تموووووووووووت

حسبنا الله ونعم الوكيل

23 comments:

مـحـمـد مـفـيـد said...

للاسف لا احد يسمع
لانهم للساطه عايزين كده

فكره البوست جميله
:))

نبض اسكندرية said...

حسبى الله ونعم الوكيل

ميرسى يا محمد على المرور والتعليق

تحياتى

محمد صلاح العزب said...

أطمنك
مش هتوصل

Hannoda said...

بتتكلمي فايه بس؟؟؟

كام مرة الدنيا قامت و قعدت على مواسير الصرف الصحي اللي فالبحر أديها قاعدة فى محطة الرمل قدام أعين الكل ..

تفتكري هم محتاجين نقول عشان يستوعبوا؟؟
الكل مستوعب كل حاجة


عندك مصانع دبغ الجلود و الريحة اللي تعمي لما تعدي منعندها

هي ده محتاجة مننا اننا نقول

عزيزتي

في مصر.. حبيبتنا.. أكبر هراء ممكن نتكلم فيه هو مصلحة المواطن... رغم إن البلد ايه غير مواطنين؟؟؟


ربنا يعينكم

ويعين مصر ع اللي ماسكينها

Anonymous said...

عزيزتى
كان الله معكم
لابد من اثبات ذلك بمحضر رسمى بقسم الشرطه اللى تابعين له و رفع قضية مستعجلة لوقف الضرر و المطالبة بتعويض من الشركة عن الاضرار الصحية و غيرها طبعا هتثبتوها بتقارير طبية
- يعنى مجموعة من السكان او كلهم يتفقوا مع محامى للقيام بهذه القضية
و ان لم يكن فرجاء ترك المكان كله و السكن بمنطقة بعيده سليمة لان صحة الانسان لا تعوض
ارجو اخذ الموضوع بجدية و احييكى لايجابيتك فى الاعتراض و كتابة البوست واصلى و استمرى باصرار
وربنا معاكم
ياريت تنورينى و تسعدينى بزيارة مدونتى المتواضعة انا اسكندرانيه مثلك
حوريه
nadiataha.maktoobblog.com

Diyaa' said...

سلام عليكم
إنتي طيبة أوي يا بنتي
دي أول جملة جات في بالي
تاني جملة ...البني آدم ميساويش تمن هدومه في البلد دي طالما ملوش ضهر ..العمال ملهمش ضهر والناس العادية كمان
موت يا حمار بقي ..بجد أنا مش عايز انقلك اليأس بس الموضوع محتاج ثورة فرنسية مع فهم الدين سواء اسلامي أو دين الأقلية المسيحي عشان البلد محتاجة طوفان أخلاق مع مسح القديم بأستيكة
وجعتيني أكتر ما أنا موجوع
زهقت من مصر دي أوي ايه ده :(
أخر حاجة .. بحييكي علي حبك لبلدك وخوفك عليها
والسلام ختام
يا نبض الانسانية مش الاسكندرية بس

-_- said...

متسكتوش

دي صحتكم و صحة ولادكم بعد كده

متسكتوش .. الغازات دي ممكن تؤدي لامراض كتير لو فضلت اكتب فيها مش هتكفينى ساعة قدام الكي بورد

اوعوا تتنازلوا عن حقكم

نبض اسكندرية said...

محمد صلاح العزب

ربنا يطمنك

ميرسى لمرورك ونورتنى

نبض اسكندرية said...

هانودا

ميرسى يا جميل على طرحك مشاكل اكتر

بس اكيد لو دورانا هنلاقى اكتر من كدة بكتير

حسبنا الله ونعم الوكيل

تحياتى يا باشا

ADMIN said...

ماشى يا سمسم يعدى بس ف احسن

نبض اسكندرية said...

حورية
انا اقترحت الموضوع والله على الناس

لكن لسة مش عارفة النتايج

حبيبتى انا يشرفنى انى ازور مدونتك

يا اسكندرانية يا جميلة

تحياتى

نبض اسكندرية said...

ضياء

ميرسى ميرسى ميرسى

تعليقك كان رقيق قوى

والوجع والله مالى الناس كلها

ومكنتش اقصد طبعا انى اوجعك او اوجع اى حد

لكن دى قسمتنا بقى

تحياتى

نبض اسكندرية said...

شارم اانا عارفة والله

المشكلة دلوقتى فى حاجة

ان الغازات دى كانت بتطلع كل شهر مثلا مرة

دلوقتى بقت كل يوم

لما الناس اتخنقت خلاص

ومش هسكت ان شاء الله

وربنا معنا

وميرسى ليك كتير

تحياتى

نبض اسكندرية said...

احمد

براحة علينا شوية

وان شاء الله

انزل اللى يعجبك

ومتخافش هعمل بكلامك

تحياتى يا اسكندرانى

إبـراهيم ... said...

هوا المهازل ف بلدنا دي ف كل حــاجة ..

بس أنا حبيت أقول لك إني عجبني المرور عنـدك ، وإن مدونتـك رقيقة وهادئـة .....

و إن الشـعـر مش حرااام أبــدًا


تحيااااتي

نبض اسكندرية said...

ابراهيم


ميرسى ليك ولردك ونورتنى والله

تحياتى

ليلى حسين said...

ديما عندنا كلام كتير وفتاوى من كل ناحية

ودة يحلل ودة يحرم

استفتى قلبك

والي عبده said...

اه لما الناس تتكلم ومش فهمه حاجه

والي عبده said...

ابو قير للاسمده بتحترم الناس وادامية الانسان والبيئه وبتحب الوطن اه والله ومفهاش تهريب لاني مينفعش وكمان بيتم تحديثها سنويا والوحيده مبترميش عوادم لانها بتستخدم عوادمها في اشياء اخري وبتحافظ ع الهواء يابتاع الهواء

والي عبده said...

كفايه حقد ياولاد ال حلال

m4ever2006 said...

أنت قلت شركه واحده
أبو قير للأسمده على فكره دلوقت مفيش روائح ممكن تنبعث إلى الخارج تعالى بقى لشركة راكتا نستيها دى بترمى سموم على الناس فعلا ولو عرفت ألتقط صوره لمداخنها هبعثها وفيه شركة مبيدات زراعيه قاتله أمام أبو قير للأسمده الناس فى العزب حواليها مره كسروا العربيات والبوابه الرئيسيه بتاعة الشركه بسبب الريحه النفاذه جدا

Anonymous said...

السلام عليكم ورحمة الله و بركاته
مما يدل ولا شك أن شعبنا المصري العظيم بيموت فى الزحلقة وركوب الموجة: الحوار اللى انتوا بتتكلموا فيه
شركة أبوقير للأسمدة تابعة لاتفاقية أيزو البيئة (3 مصانع كلها تابعة للأيزو)
وحتى عام 2005 كان أحد المصانع يخرج غازات نوكس تعادل الغازات المنبعثة من نصف عدد الشيش اللى لا موءاخذة فى أحد أصغر المقاهى حول الشركة.
وبعد ذلك الحين تم تركيب وحدة أنتى نوكس (للتخلص من عوادم النوكس)
أما الأبخرة التى يراها البعض من مداخن الشركة فما هي إلا بخار -بخار ماء يا متعلمون!!!-
حول شركة أبوقير للأسمدة 3 مصانع أخرى
راكتا للورق و الأهلية للورق و مصنع مبيدات زراعية
نترك لذوي الفهم استنتاج من أين تأتي الرائحة التى لا تطاق و الأمراض الرئوية من مصنع للأسمدة الكيماوية كل مواده الخام عبارة عن غاز طبيعي و ماء أم شركات ورق تطحن القش و مخلفات الأوراق أم شركة تصنع المبيدات المسرطنة
وكل شهيصة و انتو بخير
ويجعله عامر

Anonymous said...

تعليقا على ما تم كتابته فى الموضوع الاول الخاص بشركة ابو قير للاسمده عاوز اوضح شوية حاجات
انا احد العاملين بالشركه والحمد لله لا اعانى من اى شئ من الكلام الفاضى اللى قولته ومثلى مثل كثير من زملائى يا ريت بلاش نتزحلق كده على الصابون ونقول اى كلام منغير ما نعرفه