دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Saturday, March 3, 2007

بحب.... الشعر

بصراحة انا فى الموضوع دة هتكلم فية على حاجة انا بحبها هى الشعر انا بحب الشعر قوى لانى احيانا بلاقى فية طيب للجراح وكنت ناوية انزل المرة دى قصيدة لفاروق جويدة لكن وانا قاعدة بكتبها تليفون اختى رن وسمعت الاية دى هى من صورة الشعراء وعمرى ما سمعتها واستوقفتنى زى النهاردة
الاية بتقول
بسم الله الرحمن الرحيم
هل انبئكم على من تنزل الشياطين تنزل على كل افاك اثيم يلقون السمع واكثرهم كاذبون
والشعراء يتبعهم الغاون الم تر انهم فى كل واد يهيمون وانهم يقولون ما لايفعلون
الا الذين امتوا وعملوا الصالحات وذكروا الله كثيرا
صدق الله العظيم
الاية دى انا بحبها قوى وبحب اسمعها اكثر من الشيخ احمد بن على العجمى هو بصراحة بيقولها باسلوب يهز قوى لكن اللى حصلى ساعتها
انى ربطت بين الاية والقصيدة
............ مش عارفة
المهم انى لغيت الفكرة ورجعت
وانا بقى بمسح اللى كتبتة لقيت كومنت جديد جالى كان من محمد مفيد ولقيتة بيقولى طالت الغيبة
مش عارفة اللى حسيتة ساعتها انى عايزة اكتب الكلام اللى حصلى دة كلة عشان اقدر افهم اية اللى حصل ليا
انا حاولت اطلع اللى حسيتة
فى كلام اقدر اترجمة
بس متهيالى الشعر مش حرام ....بس كلام ربنا صح
انا دلوقتى فى اختلاف
ومش لاقية اجابة
!!!!!!!!!!!!!!!!!!

17 comments:

Sharm said...

سوسو

طبعا الشعر مش حرام و الاية ليها تفسير تاني

و اذكر ان سيدنا حسان بن ثابت شاعر الرسول صلى الله عليه وسلم حزن عندما سمع الاية و لكن النبي فسرها له و المقصود بها كما في التفسير الميسر

والشعراء يقوم شعرهم على الباطل والكذب و النفاق , ويجاريهم الضالون الزائغون مِن أمثالهم

الشعر حلال طبعا

Hannoda said...

أنا مش حاقدر أقولك معلومة مفيده زي ماشارم قال
بس أجمل حاجة فدينا إنه مدينا مساحة كبيرة من التفكير و الوصول لحقائق معينة بالمنطق
وتفكيري بيقوللي انه مش حرام

طالما متسع لمجالات كتير يبقى ليه حرام

فيه شعر بيقوي عزيمة المجاهدين
وشعر بيحرك مشاعر الناس للدين
وشعر بيعلم حب الوطن
و.... الأنواع كتيرة.. فيه منها حرام.. لكن أستبعد إن يكون المبدأ حرام

وأنا حاتابع الردود عندك لعلي أستفيد لإن ممكن أكون خطأ

وبحد شكرا على طرح الفكرة للنقاش

نبض اسكندرية said...

شارم

والشعراء يقوم شعرهم على الباطل والكذب و النفاق , ويجاريهم الضالون الزائغون مِن أمثالهم

انت رديت عليا

هل بقى الضالون دول هما احنا

وانا معاك انة مش حرام بدليل سيدنا حسان

وغير كدة ان سيدنا حسان كان شعره على قد معرفتى كان عبارة عن مدح فى النبى صلى الله علية وسلم وكان شعر عن الدين الاسلامى

مش عشان الحب والهوى زى ما اقصد انا

اشكرك يا شارم على مرورك والرد الجميل دة

تحياتى

نبض اسكندرية said...

هندوا

نورتى المدونة

وفرحت قوى لما لقيتك اسكندرانية

وكمان اسكندرية دى من المدن اللى يتقال فيها اشعار ومتوصفهاش باردو

ردك صح اكيد

بس اللى حصل ساعتها تناقض نفسى صعب قوى

يعنى اوضح اكتر
انى قلت لنفسى اية اللى انا هكتبة دة طب ما اكتب حاجة تفيدنى وترفع حسناتى احسن

بس

لكن ميرسى ليكى كتير

على ردك الجميل دة

تحياتى

مـحـمـد مـفـيـد said...

السلام عليكم
اختي العزيزه اعتقد اني غير اهل ان اقول حرام او حلال لانها مسأله اكبر مني بكثير ولكن بالرجوع لتفسير الايات

224 - (والشعراء يتبعهم الغاوون) في شعرهم فيقولون به ويروونه عنهم فهم مذمومون
225 - (ألم تر) تعلم (أنهم في كل واد) من أودية الكلام وفنونه (يهيمون) يمضون فيجاوزون الحد مدحا وهجاء
226 - (وأنهم يقولون) فعلنا (ما لا يفعلون) يكذبون
227 - (إلا الذين آمنوا وعملوا الصالحات) من الشعراء (وذكروا الله كثيرا) لم يشغلهم الشعر عن الذكر (وانتصروا) بهجوهم الكفار (من بعد ما ظلموا) بهجو الكفار لهم في جملة المؤمنين فليسوا مذمومين قال الله تعالى لا يحب الله الجهر بالسوء من القول إلا من ظلم وقال تعالى فمن اعتدى عليكم فاعتدوا عليه بمثل ما اعتدى عليكم (وسيعلم الذين ظلموا) من الشعراء وغيرهم (أي منقلب) مرجع (ينقلبون) يرجعون بعد الموت

والرسول عليه الصلاه والسلام عندما قابل احد الصحابه فقال له انت من قوم فلان الشاعر ورحب به واحتفي به
لم اتذكر نص الروايه تماما
فاعتقد ان الشعر ليس به شئ حرام الا من هو خرج عن المألوف وضرب بالقواعد والثوابت
احيكي علي تفكيرك وطرحك لهذه المناقشه
وأسف للاطاله
ولو عايزه أي حاجه بخصوص تلك الموضوع ايميلي علي البلوج ممكن ارسل ليكي الادله والله أعلم

نبض اسكندرية said...

محمد هايل هايل هايل بجد

رد مقنع جدا وتفسير ربنا يكرمك علية

لكن معلش عشان اقطع الشك باليقين

الا من هو خرج عن المألوف وضرب بالقواعد والثوابت

ادينى مثل لشعر كدة

او وضحلى اكتر بعد اذنك

وجزاك الله خيرا

مـحـمـد مـفـيـد said...

في اشعار الهجاء كامثله اشعار الجاحظ
او اشعار تمس الذات الالهيه
لم اتذكر اي منها الان لكن اعدك اول ما اتوصل لها سارسلها لكي

نبض اسكندرية said...

اشكرك على المتابعة

واشكرك على الرد

وحاول انك تلاقيها لانى محتاجة افرق بجد

وعلى فكرة انا دورت على الايميل ومش لاقية

تحياتى

مـحـمـد مـفـيـد said...

ارسلت لكي ايميل علي ايميلك
ارجو الرد

نبض اسكندرية said...

اشكرك يا محمد ووصلت

تحياتى

سجين فى قلب الوطن said...

أعتذر عن هذا التعليق مقدما

أقتراح لقاء شهرى لمدونى الأسكندرية
http://misryawey.blogspot.com/2007/03/blog-post.html

مزمز said...

وقع للتضامن مع كريم عامر وللدفاع عن حريتنا

http://blogger-in-jail.blogspot.com/

حوريه said...

عزيزتى
عجبتنى مدونتك جدا خاصة شعر نزار قبانى الرومانسى الرقيق الذى يعكس روحك المحبة الجميلة على مرآته
تذوقى الشعر يا عزيزتى و أحبيه لانه يرقق المشاعر و لا يشغل عن ذكر الله بالعكس فمن يفهم القرآن الكريم حقا ستتكون لديه موهبة تذوق الجمال فى أى شىء جميل حتى تخشع الروح لخالق الجمال
اعتقد ان الشعر المكروه هو الذى يحتوى الفحش من القول او النفاق الذى هو الكذب
اكتبى شعر فاروق جويده اتمنى قراءته عندك
و تحياتى لكى

واحد من الناس said...

الشعر كلام حلاله حلال و حرامه حرام

يعني لو كلام ليه معنى محترم وليه فايده يكون حلال

انما لو كان عينيكي و شفايفك ومش عارف ايه زي نزار قباني يبقى طبعا حرام

نبض اسكندرية said...

سجين فى قلب الوطن

اشكرك على الزيارة

مزمز

ميرسى لمرورك

نبض اسكندرية said...

حورية

اشكرك يا جميل على مرورك وردك الهايل دة

واوعدك انى هنزل شعر لفاروق جويدة عما قريب ان شاء الله

تحياتى لشخصك

نبض اسكندرية said...

واحد من الناس

فعلا عندك حق

واشكرك جدا

الصورة وضحت

تحياتى الك