تخاريف

اعذرونى انى كتبت الاسم دة هو العنوان لانى ناوية اكتب فعلا تخاريف
ممكن تكون فى راى بعض الناس عبيطة وممكن ناس تانية تكون فى رايها فعلا مهمة لكن هو جت على بالى وكنت عايزة اقول
كل واحد فينا عدى بمراحل العمر المختلفة يعنى مثلا لما نكون فى مرحلة الطفولة نحب المرحلة دى لكن عندنا امنية اننا نكبر ونكون زى مثالنا الاعلى ولما نعدى المرحلة دى وندخل فى مرحلة المراهقة نبص على مرحلة الطفولة دى نلاقيها كانت هايفة قوى مع انها كانت جميلة واحنا عايشنها وكذلك الامر لما نكبر وندخل فى مرحلة البلوغ نبص على مرحلة المراهقة نضحك قوى على المشاكل اللى كنا متخيلين انها مشاكل استحالة انها تتحل زى المشاكل العاطفية اللى بتقابل كل بنت وولد فى المرحلة دى وكنت عايزة اوصل للنقطة دى
الحب فى مرحلة المراهقة اللى فى ناس ممكن تسمية الحب الاول
لكن فى نقطة غايبة عننا كلنا ان احنا لو حبينا عشرمرات هنقول هو دة الحب لكن باختلاف بقى الاول او الاخير
فى رايى
فى حياة الانسان وهما كبير اسمة الحب الاول
والحب الاول هو الحب الاخير الذى تعيش فية انت ويعيش هو بداخلك
ولا فى رايى تانى مختلف عنى