مبروك يا اهلاوية

الاهلي كسب ووصل لدور الثمانية

هنا في الغربة الحاجة اللي بتلمنا الكورة لانها الحاجةاللي متفقين عليها من ريحة مصر

وصن داونز دة صراحة فرقة كانت غيظاني لان مدربهامعووووووووج قوي فكان نفسي الاهلي يقطعهم

من ساعة ما شفت الماتش وانا فاكر ان حد كان كاتب لو لم اكن اهلاويا لوددت ان اكون اهلاويا

فقلت ادخل اباركلك ملقيتكيش عاملة بوست عن الاهلي

فقلت ابعتلك ايميل

من الاخر مبروك للاهلي يا اهلاوية

M.F.A



بصراحة انا ملقتش كلام احلى من كدة اعمل بية بوست

اهنى نفسى واهنيك واهنى كل الاهلاوية على الفوز الغالى دة

الف مبروك يا اهلاوية وعقبال النهائى

ان شاء الله

ولكل امرىء ما نوى

فى يوم فتحت التليفزيون وشغلت الدش لقيتة فتح على قناة دريم2 وكان برنامج عم يتساءلون شغال فى الوقت دة

وكان مستضيف شيخ اسمة الشيخ صبرى عبد الروؤف على ما اعتقد والله لانى مش دة اللى شد انتباهى

اللى شد انتباهى ساعتها انهم كانوا بيقولوا ان الفنان الشعبى سعد الصغير كاتب كلام فى الجرايد على الشيخ المسير

انة تقاضى فلوس مش عارفة كام كدة من قناة مش محترمة يعنى وبيقول ان الفلوس دى حرام زى ما انتوا حرمتوا فلوس المسجد

طبعا انا قاعدة شايفة ناس عمالة تطحن فى بعض كلام واخيرا بدات افهم واللى فهمتة بقى هو ان الفنان سعد الصغير بنى مسجد

والشيوخ اجمعوا ان المسجد دة من فلوس حرام فا مينفعش حد يدخل يصلى فية

واتصل ساعتها سعد الصغير والقناة عرضت زى برموشن عن الشيوخ اللى قالوا انة حرام وكان منهم الشيخ المسير

والاستاذة سعاد صالح واللة هما دول اللى فاكراهم حتى ذكر الشيخ المسير لوصفة على الموضوع يعنى وعلق وقال

ياريتها ما زانت ولا اتصدقت

والاستاذة سعاد صالح قالت ممكن يكون عاملة من باب الرياء

لكن رد سعد وقال سبب بنى المسجد دة ان اخوة اتوفى واتمنى انة يعمل حاجة لله يعنى وكان بيشوف دايما والدتة بتبكى وهيا فى البلكونة

انا كدة حكيت القصة بالمختصر المفيد

لكن حابة انى اقول رايى

اولا \ انا اعترض على الهجوم اللى اتعرضلة الفنان سعد الصغير من قبل الشيوخ

ثانيا بقى\هو انا مش قادرة احدد ان كان المسجد بناءة حرام ولا حلال لكن لية الناس متدخلش تصلى فية

اية السبب اللى يمنع ان الناس تدخل المسجد دة ويتصلى فية زى باقى المساجد ولية الشيوخ على ما اظن حرموا دخول اى فرد يصلى فى

المسجد دة

وبعدين لية ظنوا فية الرياء وماظنوش فية خير اكتر من كدة

مش يمكن لما يدخل يصلى فى المسجد الشباب اللى وراة فى الرقص بتاعة دة تبقى وراة باردو فى الصلاة

مش يمكن يكون سبب لتوبتة او توبة شخص تانى

انا فاكرة ان مرة فى عهد الرسول صلى الله علية وسلم المنافقين وكان معروف عنهم فى وسط الصحابة انهم منافقين بنوا مسجد ودعوا

الرسول صلى الله علية وسلم للصلاة فى المسجد دة

فا ربنا جل وعلا نزل الاية دى\

بسم اللة الرحمن الرحيم

قال الله تعالى: (لمسجدٌ أسس على التقوى من أول يوم أحق أن تقوم فيه. فيه رجال يحبون أن يتطهروا والله يحب المطهرين)

صدق الله العظيم

والاية دى من سورة التوبة

بس المنافقين دول معروف عنهم انهم منافقين لذلك نهى الله رسولة الكريم عن الصلاة فى المسجد دة

اظن المسلمين من خسرانين شى لو كان يقصد بالمسجد دة خير

لو كان يقصد بالمسجد دة رياء زى ما بيقولوا

ربنا يعفو عنه وعنهم اجمعين

ولا تزعل..عيدك عيدنا

يا لحظة عذاب.. غيبي عن صغار
غيبي عن براءة .. فوق كل اعتبار
دمعة طفل أسمر أغلى من نهار
غابت شمس حُبه .. بين حرب ودمار
***
ضحكة طفل لاهي .. بين مَيَّه وخضار
أجمل من حضارة.. يصرعها السعار
احموا الطفل منكم .. من ظلم الكبار
من لغو السياسة .. من طمع التجار
***
نظرة فيها حسرة .. فيها الجوع دموع
من عين طفل تايه .. لعنه على الجميع
***
نقطة دم سايحة .. من جسد الحضارة
طعنه للسلام .. في طفل المغارة
الطفل اللي فداكم بدمّه ..ارحموه
حبوا كل يتيم ..ضاعت منه أمّه
أو تاه عنه أبوه

كل سنة وكل طفل يتيم طيب

ويارب تخفف عنهم الامهم

وتفرحهم باليوم دة

وتقدرنا احنا كمان اننا نفرحهم اكتر

اميييييييييييييييين

ملحوظة

لكل شخص يود فى حضور حفل عيد اليتيم

تدعو قرية الموحدين للايتام بالاحتفال بهذا اليوم

هو سيكون بأذن الله تعالى يوم الجمعة القادمة

فى عنوانها الاتى

طوسون-خلف كلية التربية الرياضية

هيا فى طريق ابوقير

وتحياتى لكل طفل يتيم

********

ابوقير للاسمدة تنتهك حرية الهواء

صحيت فى يوم والشمس منورة الدنيا

وشعاعها داخل ما بين شيش الشباك

وصوت العصافير مالى الكون

والاطفال لابسة الزى المدرسى

واخدين الشنطة على ضهرهم ورايحين على مدارسهم

فى جو الصباح الجميل دة

قمت عشان اروح شغلى وفعلا قضيت يوم شغلى والحمد لله

ورجعت البيت واتغدينا وقعدنا مع بعض فى صحبة الشاى بتاع الغداء

والكل نام ساعة القيلولة

وما احلالها من ساعة

وصحينا خرجت انا واختى وكانت هنا الكارثة

فى توضيح بسيط

انا اسكن فى مدينة تعتبر من المدن الصناعية

نظرا لوجود

4شركات بجوارنا

ومن اخطرها هيا شركة ابوقير للاسمدة

تسببت هذة الشركة من اعدام لصحة عامليها

حيث ان 90%من الذين يعملون بها

مصابون بامراض بالجهاز التنفسى

ما علينا لان الموضوع دة بقى طبيعى عند الناس دول

الاخطر انها بدات تؤثر على العالم الخارجى

بمعنى ان الغازات والاسمدة بدات تخرج من الشركة الى الهواء

وما ادراك ما هى هذة الرائحة عندما تخرج

لتقتحم الجهاز التنفسى دون سابق انذار

نحن لانتنفس هواء نحن نتنفس الموت البطى

ومن الواضح ان الانابيب التى تمر بها هذة الاسمدة

تعرضت لثقوب واسعة جدا تؤدى لتسرب

هذة المواد السامة القاتلة الى هوأنا

هيا الناس دى اية اتعدمت الرحمة من قلوبهم

عشان يطلقوا الغازات دى على الناس كدة

هيا الناس ناقصة ما كفاية اللى هيا فية

ولو جينا نتكلم اكيد هيقولوا دى مدينة صناعية

اية اللى مساكنكوا فيها

هيا حياة الناس ملهاش قيمة قوى كدة

دة يا جماعة كدة انا ذكرت تلوث واحد بنتعرضلة

لسة فى ان الشركات دى بتصب صرفها فى مياة البحر

غير التلوث السمعى

الذى تطلقة بين حين واخر هذة الشركات

الناس دى لا ليها حاكم ولا رابط

اتمنى ان رسالتى دى توصل للناس بتوع البيئة

ولا حتى وزير البيئة

يمكن يقدر يعمل حاجة

قبل ما الناس تموووووووووووت

حسبنا الله ونعم الوكيل

فلسطين لاتعرف....الموت

حفاة على الجمر نسير، وعلى الجمر تحترق أمنياتنا

سنين الشوك غرسوها في صدورنا

فأنبتت جراحاً رويناها

بالذاكرة

يا أعوام النفي، يا كل الأعوام، يا طعم الصبر المملح بالعجز

يا شتات العشيرة، ويا ظمأ الأرض للكف السمراء، يا أعوام السجن

يا عتمة الزنزانة، يا صوت الجلاد ... ويا صمت الجدران

يا برد الجوع في الوطن المعتقل بين الأسلاك الشائكة

فلسطين يا صخرة الانتظار تفرّق أبناؤك في السجون

أضعفت العتمة عيونهم

وداخل أسوارك يغفو النهار

فلسطين يا جرحى والذاكرة! فلسطين يا لوعة الموت حين تحفّه الزغاريد الباكية

يا صبر يا وجع يا حنين، فلسطين يا أقصى المصلين على حواف الموت

بين ذكريات الذبح والصمود

ويا زيتون الشهداء الملوث بضمائر من باع دمهم والأكفان

فلسطين سقوها من دمنا عبر سنين التشرد والعجز

من جماجم الصغار الملقاة على الطرقات

من بطون أمهات مزقت فيها براءة الأجنة

ومن عرض نساء تمنين الموت حين فقدن رائحة العروبة الغيورة

مذابح صنعوها لنا في كل المرافئ، لم تكبر كذبتهم، ولكن ... كبرت فينا الذاكرة

عندما قال المُغنّي: عائدون

يا فلسطينُ ومازالَ المُغنّي يتغنّى

وملايينُ اللحونْ

في فضاءِ الجُرحِ تفنى واليتامى ..

مِن يتامى يولدونْ

يا فلسطينُ

وأربابُ النضالِ المدمن

ونْساءَهمْ ما يشهدونْ

فَمَضوا يستنكِرون

ْويخوضونَ

النّضال اتِ

على هَزِّ القناني!

وعلى هَزِّ البطونْ عائدونْ

ولقدْ عادَ الأسى للمرّةِ الألفِ.

.فلا عُدنا !

ولا هُم يحزنونْ

ـــــــــــــــــــــــــــــــــــــــــــــــــــــــــــــــ

متابعة

برنامج دعوة للتعايش

للاستاذ عمرو خالد

سيتم عرضة كل يوم ثلاثاء

فى الساعة الثامنة مساءا بتوقيت القاهرة

http://www.amrkhaled.net/articles/articlessa24.html

ففى عينيك عنوانى

قالت: سوف تنساني
وتنسى أنني يوما
وهبتك نبض وجداني
وتعشق موجة أخرى
وتهجر دفء شطآني
وتجلس مثلما كنا
لتسمع بعض ألحاني
ولا تعنيك أحزاني
ويسقط كالمنى اسمي
وسوف يتوه عنواني
ترى.. ستقول يا عمري
بأنك كنت تهواني؟!
* * *
فقلت: هواك إيماني
ومغفرتي.. وعصياني
أتيتك والمنى عندي
بقايا بين أحضاني
ربيع مات طائره
على أنقاض بستان
رياح الحزن تعصرني
وتسخر بين وجداني
أحبك واحة هدأت
عليها كل أحزاني
أحبك نسمة تروي
لصمت الناس.. ألحاني
أحبك نشوة تسري
وتشعل نار بركاني
أحبك أنت يا أملا
كضوء الصبح يلقاني
أمات الحب عشاقا
وحبك أنت أحياني
ولو خيرت في وطن
لقلت هواك أوطاني
ولو أنساك يا عمري
حنايا القلب.. تنساني
إذا ما ضعت في درب
ففي عينيك.. عنواني

بحب.... الشعر

بصراحة انا فى الموضوع دة هتكلم فية على حاجة انا بحبها هى الشعر انا بحب الشعر قوى لانى احيانا بلاقى فية طيب للجراح وكنت ناوية انزل المرة دى قصيدة لفاروق جويدة لكن وانا قاعدة بكتبها تليفون اختى رن وسمعت الاية دى هى من صورة الشعراء وعمرى ما سمعتها واستوقفتنى زى النهاردة

الاية بتقول

بسم الله الرحمن الرحيم

هل انبئكم على من تنزل الشياطين تنزل على كل افاك اثيم يلقون السمع واكثرهم كاذبون

والشعراء يتبعهم الغاون الم تر انهم فى كل واد يهيمون وانهم يقولون ما لايفعلون

الا الذين امتوا وعملوا الصالحات وذكروا الله كثيرا

صدق الله العظيم

الاية دى انا بحبها قوى وبحب اسمعها اكثر من الشيخ احمد بن على العجمى هو بصراحة بيقولها باسلوب يهز قوى لكن اللى حصلى ساعتها

انى ربطت بين الاية والقصيدة

............ مش عارفة

المهم انى لغيت الفكرة ورجعت

وانا بقى بمسح اللى كتبتة لقيت كومنت جديد جالى كان من محمد مفيد ولقيتة بيقولى طالت الغيبة

مش عارفة اللى حسيتة ساعتها انى عايزة اكتب الكلام اللى حصلى دة كلة عشان اقدر افهم اية اللى حصل ليا

انا حاولت اطلع اللى حسيتة

فى كلام اقدر اترجمة

بس متهيالى الشعر مش حرام ....بس كلام ربنا صح

انا دلوقتى فى اختلاف

ومش لاقية اجابة

!!!!!!!!!!!!!!!!!!