دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Saturday, May 9, 2009

بنى أدم شو


أنت بتقول أية؟

يعنى أنت عايز أية؟

سايقة عليكوا ولاد الحلال اللى يفهم البرنامج دة ييجى ويقولى؟

ولا هو برنامج زى البرامج الغريبة اللى موجودة دلوئتى؟

20 comments:

7oR@$ said...

أزيك يا أسماء عاملة إيه بقالي فترة مش بزور بلوجك بس الموضوع شدني أصلي بجد بحس إن أحمد أدم دة بيستظرف أووووووووووي وفاكر دمه خفيف

هوة بيحاول يناقش مشاكل البلد بس بطريقة سخيفة في نظري ممكن يكون الناس بتحب إلي يعرض الحاجات بطريقة ساخرة بس في فرق بين السخرية إلي أنا بحبها والأستظراف دة غير إنه عمره ما حاول يقدم حل للمشاكل دي أو هوة عايز إيه من كلامه في البرنامج دة عايز يقول إن البلد بايظة طيب وبعدين ولا حاجة صفر

تقبلي مروري

أحمد عنتر
حورس

عطش الصبار said...

نبض اسكندريه
احيانا لما الانسان يفلس يدور على دفاتره القديمه هو بيناقش مشاكل البلد اللى احنا عارفينها ولكن بيناقشها من غير ما يطرح حلول حتى ولو كوميديه يالا كله اكل عيش
فينك انتى وهنوده موحشتنى تعليقاتكم عندى

http://kasperb4.blogspot.com/ said...

الشهادة لله
هو الراجل فعلا اسلوبه مستفز أحيانا
ومتكلف زيادة عن اللازم
وصوت ضحك الجمهور اللي ف الخلفية فيهم واحدة مش محترمة وضحكتها مستفزة جداا

لكن
من نايحة المواضيع اللي بيقدمها هو فعلا بيطرح مشاكل حقيقية موجودة ف البلد
وهي على أي حال طريقة من طرق مخاطبة المسؤولين

لكن طبعا مش هنكر انه بيقدمه بالطريقة المستفزة دي عشان السوق عايز كده والجمهور عايز كده والإعلانات مش بتيجي غير بكده

وفي الآخر في حاجة م اللي بيعملها بتجيب نتيجة ولا لاء؟

ها أو

كان غيره أشطر

أهي تسالي يا أسماء

عاشقه الرومانسيه said...

اشمعنى يعنى البرنامج ده؟
هو مستفز اه
ويغيظ اه
ويجيب شلل
بس هو ايه فى بلدنا مش بيغيظ
يلا اهو بجمله الغلب اللى احنا شايفينه

Ehab said...

قبل التحيه وقبل الكلام
انا جاي اتاسف واجري قوام
علشان انا فعلا مقصر جامد جامد في حق حبايبي السكندريين
وليكوا عندي حق عرب جاااامد
وعزومه على فراخ وكفته لو نزلتم مصر ان شاء الله
بس خلوها اول الشهر
=====================

ثانيا البوست بقى
هو مش عايز يقول حاجه جديده هو عايز يرسم نفس برامج التوك شو الأجنبي متصور انه هياخد نفس النجاح بتاعها بأسلوبه ده
لكن للسف ده بيحتاج اولا كاريزما عاليا قوي
معد للبرنامج يكون قوي جدا
على المستويين ثقافيا وفكاهيا
وده للأسف قليل عندنا مش علشان معندناش ناس موهوبه في الحكايه دي لا علشان اللي موهوب فعلا معندهوش واسطه والمدعي الثقيل عنده وسايط كتير
مش بيقولك ابن الكبه طلع القبه وابن اسم الله على باب الله
وظاهرة تقليد ونسخ البرامج الأمريكاني دي منتشره جدا يعني ده القنوات العربيه بينسخوا البرنامج حتى باسمه
ما علينا
اهو شو بقى مشوهش هنعمل ايه
وسلامي لبنات اسكندريه الحلوين يا جميل

سلاااااااااااااااااااام
اخوكي ايهاب

اسماء واحلام فى وجدانى said...

اسماء واحلام فى وجدانى


لانى مش متابعه اصلا

بس انا باضم صوتى لصوت دودو

ست البيت said...

سلام عليكم
وآدي معانا واحدة كمان من اسكندرية
نبقى كده نعمل حزب بإذن الله
جانا وال جي
وأمولة
والأمة لله
ومجداوية
وانت
يا بنتي دا احنا نغلب حزب الأغلبية
منورة الدنيا
وأول زيارة ليه واول تعليق
بصي يا ستي أحمد آدم دا كان بيضحك زمان لما كان صغير
مش عارفة هو ليه مصر يخاصم سنه
كبر وما فيش فايدة
انا شفته وهو بتكلم مع عادل اللي لا هو عادل ولا إمام
وبيسخر
من ايه
بيقول لعادل واحد واقف جنب التاني في بيصلوا وعمال يبعد رجليه التاني يقرب
ما فيش فايدة قاله عشان الشيطان ما يدخلش
قالوا يعني هو الشطان حيسب كل دا ويدخل من هنا
يقصد الفرجة اللي بينهم يعني
ودا في حد ذاته خلاه يسقط من نظري
اما بنى آدم شو
والله ما ان فاهمه منه حاجة
كلام وبس ورغي وما لهوش معني
وايه اللي يضحك في اللي بيقوله
بجد ارحمنا يا رب
دمت بحفظ الرحمن يا أسما

اسماء واحلام فى وجدانى said...

تصفيق حاد

ورفع القبعة ومع الانحناء

********

اشكرك جدا

ممكن بقى تنزلى القبعة دى

نبض اسكندرية said...

احمد

ازيك انت ؟ اة فعلا بقالك فتؤة مش بتدخل عندى

لعل المانع خير ان شاء الله

انا عارفة انة بيطرح مشاكل لكن مش مشاكل البلد هما كانوا اول حلقتين وبعد كدة بدأت حلقاتة تكون غير مفهومة وحتى الضحك اللى بيضحكة الناس اللى فى الاستديو بقة غريب لانة مكنش بيقول حاجة بتضحك

لكن اهو برنامجة باردو اعتبرها انا من مشاكل البلد

دمت بخير وخالص تحياتى

نبض اسكندرية said...

ماما

ازيك ياحبيبتى واسفة طبعا انى أتاخرت فى الدخول عندك

لكن حقك عليا ومش تزعلى

بالنسبة بقة لموضوع البوست

فا لو هيا الحكاية محسوبة أكل عيش فا لغاية امتى هانقعد ناكل من قفا بعض

ومش شاطرين غير فى اللى هو بيعملوة

ربنا يرحمنا

نورتينى ياحبيبتى

ودايما بخير

تحياتى

نبض اسكندرية said...

محمود

بالنسبة للجمهور فاهو بيضحك وبياخد فلوس

جميل واحنا بقة اخدنا اية؟

لو دى طريقة بيخاطب بيها المسؤولين فهو مش بيجيب مشكلة معينة ويكلم فيها

دة انت وانت قاعد تتفرج مش ببتفرج على ارجوز بيعمل حركات بهلوانية وصوت جمهور اهبل اخد صراصير قبل ما يطلع

لكن فعلا زى ماانت قولت

هاأو

حلوة هاأو دى

:]

نورتنى يا فنان
تحياتى

نبض اسكندرية said...

دودو

ازيك ياقمراية

نورتينى ياجميلة

وفاضل اية بقة يا دودو مش جالنا لسة

:)))

اة اة

فاضل الانفلونزا اللى هاتيجى تشيل الخنازير ان شاء الله

نورتينى يا رومانسية
تحياتى

نبض اسكندرية said...

ايهاب

هههههههههه

حق عرب مرة واحدة

وفراخ وكفتة احمدك يارب

:))))

ماشى ياايهاب تقبلنا الاعتذار

وبعد كدة فيها دم لو اتكرر بقة
انت حر وذنبك على جمبك
:)))

اها فعلا عندك حق هو تقليد امريكانى
لكن فاشل فاشل فاشل

وشكرا لسلامك
نورتنى
تحياتى

نبض اسكندرية said...

احمد

وانا بضم صوتى ليكو

فاليسقط الحكم

لالالالالالالالا

يسقط الاستعمار
لالالالالالا

مش ددى باردو

اها يسقط اللى يعادى الحكومة ياعم
:((((((

نبض اسكندرية said...

ست البيت

اسكندرية عروسة بيكوا انتوا ياقمراية

نورتينى بجد فى اول زيارة ليكى

وطبعا الموقف اللى انتى ذكرتية انا كمان كنت مدايقة منة
لان فى حاجات مش ينفع نهزر فيها او نقولها كأفية عشان نضحك بيها الناس وخصوصا انة بيتريق على حاجة من سنة النبى الكريم صلى الله علية وسلم

دمتى انتى بخير ياقمر

ومستنياكى تيجى مرة تانية

اة صح
على فكرة دخلت ندك لقيتك اللينك فى مشكلة ومش فتح معايا ياترى لية؟

:)))
تحياتى

نبض اسكندرية said...

احمد

حاضر يافندم

نزلنا القبعة ورجعناها لصاحبها اصلى كنت اخداها سلف

:)))

نورتنى

اسماء واحلام فى وجدانى said...

كمان

نبض اسكندرية said...

هههههههههه

ايوة

ومش عايزين احراج بقة

:)))

اسماء واحلام فى وجدانى said...

والله وجودك من القبعة كفاية

ولو عايزة ماتجيش فاضية ،،،

علبة جبنة مثلث للقطط

وربنا يجزايكى خير

الفقيرة إلى الله أم البنات said...

مستفز وغير مقبول