دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Sunday, March 29, 2009

رحلة فى خيال المدونين...أعرف نفسك بجد


اما عن موضوع انهاردة هحاول فية افيد نفسى ونستفيد من الكلام اللى هاقولة والبوست دة مش انا اللى هاكتبة بالعكس

ردود السادة المدونين هيا اللى هاتكتب البوست دة واقولكم الحكاية من اولها

وانا فى الشغل انهاردة دخلت عليا واحدة زملتى تسألنى عن بعض أسئلة وكانت غريبة لكن جميلة بشكل

وبعد ما جاوبت عن كل الاسئلة وجدتها تشرح لى كل سؤال ومعنى اجاباتى وبدأنا نسأل واحدة تلو الاخرى

لدرجة اننى كنت سعيدة جدا بردود الناس حتى أننى بدأت اغير من تفكيرى فى كذا سؤال من اجابات بعض الصديقات

وجاء فى ذهنى ان اكتب هذة الاسئلة فى بوست واشوف ردود اخواتى واصدقائى المدونين

وانا على يقين بأنى سأرى اجابات اكثر من رائعة واعذورنى سأطيل مدة هذا الموضوع حتى نستطيع ان نكتشف انفسنا بأنفسنا

وأما عن الاسئلة هتكون محتاجة منكم شوية تخيل جامد وفى نفس الوقت احساس قوى

ومش هحدد اجابات للاسئلة انا هاسبها مفتوحة كل واحد يكتب اجابتة زى ما هو حابب

ومش هعمل فيها دكتورة وهاقولكم انت شخصيتك كذا او كذا انت اللى هتبدأ تعرف نفسك بنفسك

لما انزل معنى كل سؤال فى بوست اخر ان شاء الله

بس انا عايزة اية بقة ابداع يا مبدعين عايزة اجابات خرافية عايزة اتعلم منكم بجد

وان شاء الله هابقة اكتب ردودى مع الناس كا نوع من المشاركة

ودلوئتى هانزل الاسئلة وهما عبارة عن تسعة أسئلة

تذكير هام: تذكر بأن تتخيل نفسك فى الاماكن التى سأذكرها وحاول ان تستشعرها ودع قدراتك الخالية تعمل مع الاسئلة

لو ماشي فى صحراء تخيل احساسك هايكون ازاى؟ متصورها ازاى؟ وهتعمل اية؟

لو ماشى فى غابة أحساسك هايكون أية؟ متصورها أية؟ وهتعمل أية لو لقيت نفسك فيها ؟

لو لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟

لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟

لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟

لو لقيت ماج فى الصحراء تفتكر هايكون شكلة ازاى؟ وهتعمل بية اية؟

لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟

لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟

لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟

الاسئلة كدة انتهت ولو فى مشكلة فى اى سؤال بمعنى انة مش مفهوم او مش واضح ياريت تكتبولى فى الردود

وان شاء الله البوست اللى بعدة هانزل فية معنى كل سؤال واية المخزى منة

وبكدة هاتكون عرفت نفسك بنفسك وحاول انك تستفيد وانا كمان استفيد من ردود الجميع

لانة فى الغالب هتلاقى اراء احسن بكتير من ارائك زى ما حصل معايا بالظبط

واتمنى كل واحد يحاول يبعت البوست دة لاكبر عدد من المدونين حتى نرى اراء وتفكير وخيال الجميع

انا مش هعلق على البوستات لانة مش بوست شخصى لكن ممكن نعلق على اراء بعضنا البعض

دمتم بخير

.................

25 comments:

http://kasperb4.blogspot.com/ said...

طيب انا بسجل حضور بس دلوقت وهرجع تاني ان شاء الله
لأن أصلا ده موضوع مش محتاج مجرد تعليق
ده عايز أجندة لوحده عشان اكتب فيها الإجابات
:D

http://kasperb4.blogspot.com/ said...

بس إيه الفضا اللي انتو فيه ف الشغل ده ههههههههههه

نبض اسكندرية said...

هههههههههههههه

يعنى هو دة الموضوع اللى لفت انتباهك فى البوست كلة

:)

فين الردود يا استاذ

♥نبع الغرام♥♪≈ said...

السلام عليكم ورحمة الله وبركاته
تقبلنى صديقه دائمه لمدونتك الجميله وده اول زياره ومش اخر زياره ان شاء الله ربنا يبارك فيك يارب ويكرمك
لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟

لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟

لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟

لو لقيت ماج فى الصحراء تفتكر هايكون شكلة ازاى؟ وهتعمل بية اية؟

لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟

لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟

لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟
بصراحه اسئلتك صعبه لحدا ما
بس انا بصراحه بخاف ولو حصل وكنت فى الاماكن دى هجرى واصوت لانى بخاف مووووت
تقبل تحياتى ومرورى
سلالالالالالالالالامى

شيماء جمال(شيمو القمر) said...

أنا هكون
أول شجاعة عندك واكتب الاجابات
بسم الله الرحمن الرحيم
احم احم
هبدأ أهو
1 _ وأنا ماشية فى الصحراء هكون تعبانة جدا وخايفة جدا وحرانة جدا وعطشانة جدا ومتبهدلة آخر بهدلة ، بس أنا من الآخر إيه اللى هيودينى الصحراء.
2 _ الغبة مش هكون خايفة قد خوفى من الصحراء لأنى بحب الأشجار بس اكيد هيكون عندى فضول أتفرج عليها وهكون ماشية بلف ورايا وأكمل مشى وأسيبها على ربنا وبس .
3 -أنا مغامرة جدا هفتح الصندوق أشوف فيه إيه ، متخيلة هيكون فيه حاجات نسيوها ناس قبلى حاجات شخصية مثلا هدوم أكل حاجة زى كده .
4-الحصان هيكون لونه بنى مثلا زى اللى بنشوفهم وهركبه أكيد علشان أأمن نفسى لأنى بحب الحصنة جدا .
5-لا هعرف مكانه وأمشى ولو احتاجته هرجع أخده تانى مش معايا الحصان اكيد ده هيساعدنى .
6-ممكن يكون الماج فخار وهخده معايا يمكن احتاج أشرب والا حاجة .
7-أكيد هكون خايفة جدا بس هحاول امشى براحة جدا بحيث أبعد عنه تدريجيا وهجمد قلبى على قد ما أقدر لحد ما أعدى الموقف ده واحاول ألاقى سكة بعيد عنه وأمشى فيها .
8-البحيرة هتكون فى منتهى الجمال وأكيد هتكون ميتها حلوة هشرب بالماج اللى معايا لأنى اكيد هكون عطشانة وأعيها بالحصان .
9-بدل هو عالىجدا جدا جدا مش هعمل فيها أبو الجبابرة واحاول كسره بس همشى معاه أشوف اخره إيه وأكيد هلاقى آخره سكة ترجعنى تانى للمدينة .
وبعد كده أصحى من النوم
أنا متشوقة اعرف النتيجة يا دكتور أنا عيانة والا ايه

تحياتى
شيمو القمر

شيماء جمال(شيمو القمر) said...

فيه سؤال عايزة اجاوبه إجابة تانية آخر سؤال
أرجع أخد السلم تانى وأعدى بيه السور العالى ده وأعتقد إن ده أفضل ولو كان السور أعلى بكتير من السلم هضطر إلى إنى امشى مع السور للآخر

تحياتى
شيمو القمر

Hanan Elshafey said...

السلام عليكم
سعدت برؤيتك وسعدت جدا بزيارتك
اما عن البوست
ادي الاجابات
1في الصحرا هكون مطمنه نوعا ما لاني بحبهابعدين هتبقي حر وفاضيه خالص من غير ناس وانا هبقي عطشانه جدا جدا وهدور علي ميه
2غابه بالنسبه لي يعني شجر كتير ومستنقعات وناااااموسوهبقي خايفه جدا وهحاول اطلع منها باي شكل
3الصندوق هحاول افتحه واعتقد هلاقي فيه كنز
4 الحصان ابيض وجميل وشعره طوييل وهركبه واجري بيه وسط الصحرا
5السلم هطلع عليه بعد ما اخده عند السور
6ماج هيكون شكله عادي يعني وممكن عليه اول حرف من اسمي كمان وهاخده اشرب فيه الميه اللي هدور عليها
7الاسد هجري منه مع ان عارفه هياكلني بس جايز خوفي يغلب افتراسه
8 في الغابه بحيره هتبقي مستنقع برده ومش هعديها الا لو احتجت لده جدا
9السور همشي وراه يمكن اوصل لاخر

جاوبت اهو
عايزه تقدير بقي عالاجابات دي
امتياز مثلا
ولا الاول نطمن عالحاله يادوك
سعيده بيكي
ودي

Hannoda said...

أولا وحشتيني ي ي ي

ثانيا.. الاجابات

الصحراء
احساسي حايكون بالوحدة و الوحشة - متصوراها حر قوي و فاضية جدا - اللي حاعمله اني افضل ماشية لحد ما ألاقي أي صحبة

الغابة

احساسي اني حاكون خايفة قوي بس مبهورة قوي و عندي فضول - متصوراها متشابكة الاشجار و مليانة حجور لحياوانات ومناظرها خلاب جدا - ولو لقيت نفسي فيها كل اللي حاعمله اني اتفرج على النباتات و ادور في الحجور على الحياوانات باستمتاع كبير و خوف فظيع

الصندوق

حاحاول افتحه بحذر- متخيلة ان يكون نايم فيه حيوان مضر

الحصان

لونه بني - ومش حاركبه طبببعا لكن برضه مش حاسيبه و أمشي انما حاقرب منه و أحاول اطبطب عليه

السلم

لأ حاقف أبص عليه شوية و بعدين مش حاهتم و أمشي

الماج

متخيلاه أبيض و فخار و عليه كتابة مش رسمة - حاخده معايا و أمشي

الأسد
أكيد حاثبت في مكاني برعب شديد جدا و أكش في مكان كده يخبيني

البحيرة
شكلها واسع بس حدودها كلها على مرمى البصر.. هادية جدا (حصيرة) ولونها مش صافي قوي.. على رمادي يعني
- أكيد مش حاعديها عشان ده غابة واحتمال وجود تماسيح كبير جددددا

السور

حامشي معاه لحد آخره


متشوقة جدا اعرف الاجابات أخبارها ايه

بوست جميل على فكرة وأمتعني بالذات عشان وداني غابة و أنا بحب الحياوانات
:)

فرحت جدا اني اتعرفت عليكي وشفتك أخيرا

تحياتي يا جميل

Van Gogh said...

برغم إنى اول مرة ازورك
بس شدنى البوست ..وهشارك

لو ماشي فى صحراء تخيل احساسك هايكون ازاى؟ متصورها ازاى؟ وهتعمل اية؟

وحدة..رهبة..وشوية أمل..ومتخيلها رملة صفرة غامق..فى لحظة غروب ملهاش أخر...وصوت ريح حواليك خفيفة..بس مرعبةوشايفنى بجر رجلى وبحاول


لو ماشى فى غابة أحساسك هايكون أية؟ متصورها أية؟ وهتعمل أية لو لقيت نفسك فيها ؟

فضول...بتفرج على كل حاجة حواليا..وحذر..وممكن احساس بإنى مراقب..من بين الأشجار...متخيلها..أشجار كتيرة..دخله فى بعضها...وأصوات طيور وعصافير...تعابين...والوان كتير قوى..وندى مغطى اللون الأخضر..صوت مية فى جدول صغير

لو لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟

أكيد هفتحه...هلاقى رمل..بقالوا كتير جوه الصندوق..شكلع تراب..و قزاز ملون..مكسر


لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟

أسود...وأكيد هركبه..هحاول

لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟

سلم...هشوف لو بيطلع على مكان ممكن أطلع بحرص...لو لوحده على الأرض مثلاُ
مش هخده..بس ممكن اكسر منه حته..عصاية مثلاً..أطلع مسمار استخدمه بعد كده..اهوا اى مصلحة

لو لقيت ماج فى الصحراء تفتكر هايكون شكلة ازاى؟ وهتعمل بية اية؟

مج...هيكون ابيض..مشروخ..مترب طبعاً
هخده اغسله..واحاول استخدمه

لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟

هتثبت فى الأول...ممكن حتى متنفسش
ولو هقدر هعمل ميت..عشان الأسد مبيكلش الحاجة الميته..ولو مفيش فرصة او قلب لده..ممكن اجرى على اقرب شجرة واطلع


لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟

هتكون واسعة قوى..وفيها شلال جاى من حته عاليه...والمية رايقة..ومنعكس عليها لون السما....هنزل اكيد اعوم..والعب...هعديها طبعاً..وانا بودعها

لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟

حرمى اى حاجة من ناحيتى الناحية التانية..يمكن اسمع "أى" ..هنادى..واكيد مش هسيبه..همشى معاه لما اجيب اخره...ولو معرفتش اوصل لأخره..هكسره لو قدرت

شكراً على الوقت الظريف اللى قضيته وانا بفكر فى اسئلتك

والزيارة الجاية..متخيل نفسى فى مدونتك..بلف هنا وهناك..وعاملك دوشة

فان

Van Gogh said...

؟؟
ده عشان ال
follow up :)

يا مراكبي said...

لو ماشي فى صحراء تخيل احساسك هايكون ازاى؟ متصورها ازاى؟ وهتعمل اية؟

أنا كتير مشيت في الصحراء ودايما بأشتغل في الصحراء .. مهمتي هي تحويل المكان القاحل ده لمكان يمكن العيش فيه .. أحفظ عن ظهر قلب قائمة بالأشياء التي أحتاجها وكيفية وترتيب خطوات العمل حتى أستطيع الحياة في تلك الصحراء . معتاد على ذلك تماما

*****

لو ماشى فى غابة أحساسك هايكون أية؟ متصورها أية؟ وهتعمل أية لو لقيت نفسك فيها ؟


لم يسعدني الحظ بعد في التجول في الغابات لكنني أخشى تماما تلك المفاجآت من القوارض والأفاعي والحشرات السامة .. ينتابني حالة من عدم الإطمئنان إزاء الغابات

إذا كنت هناك سأكون متيقظا بشدة ومحتاطا بشدة

******

لو لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟

أحاول أن أفتح الصندوق بالطبع وأنا أعلم أنه لن يكون بداخله كنز أو ما شابه .. بل متعلقات شخصية لأحد مر من هنا يوما ما


******


لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟


الخيول في الصحراء لونها بني يميل للصفرة .. لن يمكنني أن أركبه لأنه سيكون بريا غير مروض .. فبالتلي سأتركه وأمشي أملا في ألا يؤذيني

*****

لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟

السلم في الصحراء سيكون ملقى على الأرض .. ولن يكون ذو فائدة .. حمله سيكون ثقيلا ومتعبا للغاية لذا سأتركه

*****


لو لقيت ماج فى الصحراء تفتكر هايكون شكلة ازاى؟ وهتعمل بية اية؟


سيكون الماج بسيطا عاديا ويمكنني أن ألتقطه لأنه سيكون مفيدا في العديد من الأشياء


****

لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟


الأسد لن يهاجمني إلا إذا كان جائعا .. سلأنتظر رد فعله قبل أن أقرر ما أفعله .. غالبا سأجري

****

لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟


البحيرة في الغابة تكون غير نقية المياة .. تملؤها التماسيح والسلاحف والضفادع .. عبورها مغامرة غير محسوبة

******

لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟

السؤال لم يحدد ما هي الغاية منه؟ هل المطلوب هو معرفة ما وراء السور كنوع من الفضول؟ على العموم المجهود الذي سيبذل في المشي سيكون أقل من المجهود الذي نحتاجه لكسر السور

اللى تشوفه said...

السلام عليكم الاول

ع فكرة دا اول تعليق اكتبه بعد مابدأت مدونتى من شوية
يارب اكون خفيفة عليكم

لو ماشي فى صحراء تخيل احساسك هايكون ازاى؟ متصورها ازاى؟ وهتعمل اية؟

كان ف خيالى لغاية امبارح حاجة تانية ..رملة ناعمة جداااااااا حاجة زى بير مية ع مد بصرى-نخلة -صبار-
بس امبارح بئا كنت ف صحرا فعلا ..شمس هواااااا مفيش بير مية ولا حاجة حصان جمال كائنات زى تعبان او عقرب ..

لو ماشى فى غابة أحساسك هايكون أية؟ متصورها أية؟ وهتعمل أية لو لقيت نفسك فيها ؟

احساس رااااااائع خضرة وجمال واصوات طيور وحيوانات وورود وضل

لو لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟

هفتحه وابعد عنه عشان لو فى حاجة متخيلة يكون فيه حاجة حد قديمة وتاهت منه

لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟
بنى
مش هركب طبعا هتفرج من بعيد لبعيد وامشى بعيد عنه

لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟
هسيبه وامشى بس هعلم مكانه يمكن ينفع هعلم ف صحرا ازاى معرفش؟


لو لقيت ماج فى الصحراء تفتكر هايكون شكلة ازاى؟ وهتعمل بية اية؟

هاخده اكيد هينفع لو منفعش اهو تبئا ذكرى لو عشت

لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟

ولا حاجة هتسحب هستخبى ورا اى شجرة لغاية ماربنا يسهل

لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟
صغيرة حدودها متعرجة مياها صافية فى سمك قرب الشط لو ف عز الضهر عليها ورق شجر

لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟

هغير اتجاهى بحيث انى مهتمش بيه ارجع وابدا من جديد

جزاك الله خيرا ويارب تكون زيارتى خفيفة واتشرف بزيارتكم

فاتيما said...

الاول hزيك يا أسموءة
عاملة إيه
بصى بقى يا ست البنات
الاختبار دا واحدة صديقتى عملهولى من ييجى عشر سنين كدا تقريباً
و طلعت نيجته إنى واحدة رومانسية جدااااااا
النهاردة أخاف أجاوبه
لأنى غالباً إتغيرت ... و خايفة الاقى روحى بقيت حاجة تانية
المهم إنك وحشتينى و قولت أعدى ارمى السلام
سلميلى على بحر إسكندرية
يا نبض إسكندرية

اسماء واحلام فى وجدانى said...

هنا الاسكندرية

اسماء واحلام فى وجدانى

اعتذر عن الغياب الطويل اوى

يا رب اعتذارى يكون مقبول

فاتيما said...

طب أجاوب على ضمانتك يا أسموءةبس محدش لو سمحتوا يضحك على إجاباتى
هاه
1
احساسى فى الصحرا غالبا هيبقى مركز فى طريقة خروجى منها او العيش فيها دون بهدلة لو مضطرة اعيش فيها
2
الغابة هتكون تقريبا نفس الحكاية هفكر هخرج منها على خير إزاى و لو مخرجتش ازاى اوفق وضعى عشان أعيش فيها دون اذى
3
هتردد طبعا كتير و غالبا لو معايا اكل و شرب و هدوم مش هفتحه خالص
و لو بتخيل فيه ايه ممكن يبقى فيه جنى
مش قولت محدش يضحك عليا !!!
4
لو حصان يا ريت يكون أسود خالص و بيلمع قوى ... هحاول طبعا أتفاهم معاه و أروضه على قدر إستطاعتى مع إنى مبعرفش أركب خيل خالص
5
لو فيه قعاد كتير و مفيش بوادر لأنقاذى تلوح فى الأفق .. هخده طبعا للمكان اللى هحضره أعيش فيه ..
اكيد هينفعنى فى حاجة إن شالله أحطه قصاد الكهف بتاعى و أتخيله شريط قطر
6
غالبا هيكون من مخلفات الحروب فيبقى مصنوع من المعدن و طبعا هحتفظ بيه هينفع فى الشرب و الحفر و عمل أشكل بالطين لو لقيت ميه كفاية
وحاجات كتير تستجد
7
أسد !! هتشاهد هعمل ايه يعنى
هجرى لو رجليا ساعدتنى
و متجمدتش من الخوف ...دا لو يعنى
8
هتكون جميلة و صافية و السمك باين من تحت المية كانه حوض سمك كبييييييير
و أشوف ينفع أعديها و لا مينفعش أصلى مبعرفشى أعوم ...
9
السلم معانا من كام سؤال ...
طبعا احاول اطلع أشوف ايه الحكاية وراه ..بس بليل عشان ميطلعشى وراه ناس متربصين بيا و منتظرينى و لا حاجة

أدينى جاوبت و ربنا يستر بقى
خالص حبى يا حبيبتى

Diyaa' said...

بعتلك إجابتي الطويلة أوي أوي علي الميل :))
عشان هنا حاسس إني هعمل إحتلال
سلام
وكوني بخير :)

-_- said...

مش دي الحلقة اللى كانت جت على راديو محطة مصر ؟

حياتك و نظرتك لنفسك و لشريك حياتك

ذو النون المصري said...

الاجابات حول موضوع كيفية الاحساس و شكلة عموما بتكون صعبه جدا و محتاجه لوقت طويل للاجابه عنها لانها تحتاج لعمق في التفكير ،لكن نجاوب علي قدر ما نستطيع
س1) لو ماشي في الصحراء تخيل احساسك هيكون ازاي ؟متصورها ازاي؟و هتعمل ايه؟
لو في الصحراء احساسي هيكون حسب الحالة،فانا احب الفراغ جدا و احب الاتساع في المساحه و احب التامل و رجوت كثيرا ان اعيش في الصحراء ،فلو انا ماشي في الصحراء لكن بحال صحية جيده و معي مؤن اتعيش عليها لن اكون متضايق ابدا بل ساكون سعيد خصوصا اذا كان الجو بلا رطوبه او حرارة حارقه زو اتصور ان هذه الصحراء ستكون منبسطه و ممتده الي الافق و رمالها الناعمه لا تتخللها الحصي بل ستكون بعيدا جدا في الافق بعض الجبال و الكثبان الرملية القريبه
س2)لو ماشي في غابة احساسك هيكون ايه ؟ و هتعمل ايه لو لقيت نفسك فيها؟
انا بحب الغابات جدا و اراها دائما في التليفزيون و الافلام و لا اؤمن بان مصر اجمل بلد في العالم كما يحلو للبعض ان يغالي بسبب مشاهد الغابات في بعض البلاد ،و لو لم يكن هناك في بعض البلاد الا الغابات لكفتها كي ترجح كفتها في عالم جمال البلدان فالغابات قد تجعل أي بلد ملكة جمال البلدان ،و لو وجدت نفسي في غابة ساحاول ان استوطنها الي الابد
س3)
لو لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟
اكيد طبعا هافتحه حتي اعرف ما به خصوصا انه ليس مملوكا لاحد فيما يبدو ،و اعتقد انه هيكون فيه اثار قديمة و ربما يحوي عصا سحرية او ما شابه من اسرار العالم القديم السحرية
س5)لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟
اكيد لونه هيكون بني محمر و اكيد هحاول اركبه رغم اني لا احسن ركوب الخيل ،لكنه في الصحراء و هو احسن من عدمه
س6) لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟
اكيد هحاول اعرف السلم بيوصل الي اين؟ربما وجدت بعض الناس او بعض المتعلقات الخاصه بهم يمكن ان تفيدني اذا كانوا غادروا المكان بلا رجعة
س7) لو لقيت ماج فى الصحراء تفتكر هايكون شكلة ازاى؟ وهتعمل بية اية؟
صراحه مش مهتم بالماجات لكن عاوزه يكون زجاج شفاف و هاحتفظ بيه جايز احتاجه
س8) لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟
لا طبعا هحاول الاقي مكان بعيد عن نظره و انام فيه لحد ما يمشي و يغور
س9) لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟
شكلها اكيد هيكون ساحر ،الضباب يغطي سطحها و مياهها شفافه تنعكس علي سطحها صور الاشجار المحيطة بها ،و طبعا لو لقيتها هحاول اعيش جنبها
س10) لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟
لا هحاول امشي معاه لنهايته حتي اعرف الي اين ينتهي

اسماء واحلام فى وجدانى said...

ممكن اعرف ايه (((الماج))) ده بالضبط

لانى واقف عند السؤال ده

اسماء واحلام فى وجدانى said...

اولا مشيت فى الصحرا كتير والحاجة الوحيدة اللى كانت بتصبرنى انى عارف انى هاوصل للمكان اللى انا عايزه
اهم حاجة فى المشى بالصحرا هى الصبر والامل
*********************************************
احساس بالحرية وانا بعيد عن البنى ادمين
متصورها هدوء تام الطبيعة كما خلقت
واول حاجة هاعملها هابنى عشة فوق اعلى شجرة علشان اكشف كل اللى حواليا
*******************************************************************
فى الاول هاختبره يمكن اعرف من صوت الرجة الحاجة اللى جواه ولو عرفت هافتحه
ولو معرفتش هاخده معايا لاقرب مكان اكيد غيرى هيعرف ايه اللى جواه ولو خير ينقسم ما بينى وبينه
ولو شر يبقى ربنا يعوض علينا
*********************************************************
انا باحب اللون الاخضر فبتمنا ان يكون لونه اخضر
بس مش هاركبه هامشى جنبه علشان مايحش بانى باهينه
وطبعا مش هاسيبه
*************************************************
ايه اللى هايجيب سلم فى الصحرا
ولو حبيت اطلع هاطلع على ايه
على الحصان مثلا
انا قلت انى مش هاركب الحصان
بس هاخده اكيد هينفعنى
******************************************
ايا كان شكل الماج
هواكيد هينفعنى او حتى ينفع الحصان
*********************************************
والله من المعروف ان الاسد مش جبان
بس انا معايا صندوق مقفول ممكن اخوف بيه الاسد لانه هو كمان ميعرفش ايه اللى جواه
وممكن ساعتها افتحه والاقى جواه ذخيرة من آثر حرب
بس الاهم من كل ده انى لازم اخلى الحصان يهرب
********************************************************************
اكيد البحيرة دى هتكون نظيفة جدا
وبعدين موضوع انى اعديها ده موضوع مفروغ منه
لانى هاعدى هاعدى
والحمد لله ان الحصان بيعرف يعوم
********************************************
طبعا انا لو طلعت السور بالسلم الحصان مش هيعرف يطلع وانا ماقدرش اسيبه
بعد كل المشوار ده
فطبعا هادور على بوابة تعدينا انا وهو
منها حب استطلاع ومن معروف فى الحصان
*************************************************************
طبعا انا طولت عليكى
بس اسمحلى بكلمة انتى قلتى عيشوا بخيالكم
اما عن الواقع فكل هذه الاشياء لن تتواجد فى الحقيقة ابدا

انا مشعارف انا حاسس انى ناسى حاجة بس مش عارف ابه الحاجة دى
ربنا يستر

اسماء واحلام فى وجدانى said...

نبض اسكندرية

انتى روحتى فين

الاجابات موجودة من فترة

والمفروض تدخل الكنترول قبل ما تاخد

هوا

اسماء واحلام فى وجدانى said...

انا شايف إن غيابك ده مجرد اختبار

للصبر اصل غيابك مالهوش تفسير تانى

او شكلك اخذتى الاجابات وبيعتها

او هربتى بيها برة البلد

انا مش باشك فيكى ولا حاجة

ده مجرد راى

وفى الاول وفى الاخر

احنا جاين نهدى النفوس

diyaa said...
This comment has been removed by a blog administrator.
Diyaa' said...

لو ماشي فى صحراء تخيل احساسك هيكون ازاى؟ متصورها ازاى؟ وهتعمل ايه؟
إحساسي هيكون بالإنطلاق والصفاء . يعني مفيش حاجة تعطلني عن المشي أو النوم أو القعدة أو حتي الرقص ;) متصورها رمل نقي أصفر علي إمتداد البصر مع القليل من الكثبان الرملية..وسماء أكثر نقاءاً..هعمل إيه ..لو في وسط الصحرا هحاول أوصل لأطرافها وأنا خايف من التوهان..لو علي أطرافها يعني قريب من العمران..هقعد أستمتع بيها لحد ما تيجي عاصفة تقوللي روح بيتك يا عيل يا فاضي
:)

لو ماشى فى غابة أحساسك هيكون أيه؟ متصورها أيه؟ وهتعمل أية لو لقيت نفسك فيها ؟
الغابة غموض..بس اللون الأخضر بيحسسني بإن في حاجة حلوة هتحصل..متصورها طبعاً مهرجان نباتي سواء أشجار أو زهور ..والفروض شابكة في بعضها بقي وعاملة شبابيك لطيفة كده نشوف منها أشعة الشمس الرفيعة أوي دي..هعمل إيه لو في الغابة..هبني لنفسي كوخ وأعيش هناك طبعاً بس يبقي معايا لاب توب فيه كونكشن قمر صناعي وأشحنه بشاحن طاقة شمسية
:)

لو لقيت صندوق فى الصحراء هتحاول تفتحه ولا ؟ ولو فتحته تتخيل هايكون فية ايه؟
مش كل صندوق يتفتح..يعني حسب وزنه وحسب لما أحرك الصندوق وأحس إيه اللي بيتحرك جوه.كائن حي ولا حاجة خفيفة ولا مكتوم ومليان علي أخره
ولو فتحته غالباً هيكون أوراق أو كتب..وممكن حاجة أثرية سابهالنا الفراعنة ..وياه لو عفريت الصندوق من اللي يحققلي كام أمنية سياسية واجتماعية ..أصل المطالب الشخصية مش محتاجة عفاريت مصابيح ولا صناديق خلينا في الحاجات الكبيرة
:)
وممكن كانز فيروز مولع نار ..الله أعلم بقي

لو لقيت حصان فى الصحراء تفتكر هايكون لونه ايه؟ وهتركب ولا هتسيبه وتمشى؟
حصان في الصحرا..أكييييييد أبيض ناااااااصع ..لون ميعرفش يعمله بني ادم
ورغم إني عمري ما ركبت حصان بس طبيعي هركبه لو سمحلي بكده هو في أجمل من الطيران علي ضهر حصان ؟
:)

لو لقيت سلم فى الصحراء هتعمل ايه؟ هتاخده معاك ولا هتطلع ولا هاتسيبه وتمشى ولا اية؟
سلم في الصحراء ؟ أخده أعمل بيه إيه ؟ لأ طبعاً..الجو هيبقي حر والواحد مش ناقص حمل يتقل حركته ..بس لو السلم طويل بما فيه الكفاية ممكن أطلع عليه لما أغرزه في الرملة كده وأهاجر علي المريخ ..أكيد هناك السكان هيبقوا ألطف

لو لقيت ماج فى الصحراء تفتكر هايكون شكله ازاى؟ وهتعمل بيه ايه؟
ماج في الصحرا ؟ أكيد هيكون عنده جفاف وألوانه راحت طبعاً ومحتاج طن مياه مغلية عشان ينضف..بس هاخده معايا للذكري وأهو أحط فيه شوية زلط ألعب بيهم و أسلي نفسي :$

لو كنت ماشى فى الغابة ولقيت أسد هتعمل ايه؟ هاتجرى ياترى؟ ولا هتهاجم ؟ ولاهاتقف مكانك ولا ايه؟
أسد ..لأ مش هجري..لأنه لو شبعان مش هيهاجمني طالما مش حس مني بنية غدر..ولو جعان هيجيبني ولو في بطن حوت ..بس ممكن أتسلل لأقرب شجرة وأطلع عليها ..أكيد هيزهق ويمشي يعني..وبعدين أهاجم مين ..مش معروف عني إني طرزان المدينة يعني

لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟
بحيرة فيها تماسيح طبعاً..هو التماسيح..بس لو المياه بتاعتها نقية والنور موضح سطحها..أكيد هعمل طوف من شوية فروع شجر وأجدف للناحية التانية كنوع من الفضول..لكن بدون الشروط دي أنا مش هطمع غير في إني أفضل علي الضفة اللي أنا كنت عليها أستمتع بالمنظر وخلاص

لو شفت سور فى الصحراء على شرط انه مرتفع قوى وطويل قوى قوى هتعمل ايه ؟ هتمشى معاة وتشوف اخره؟ ولا هتحاول تكسره ولا هتعمل ايه؟
لو أنا تايه هحاول أكسره ..لو مفيش وسيلة للكسر..همشي معاه وفقاً لما تمليه عليا الحاسة السابعة
:)
لأن لو حاسس إني خلاص أخر أيام عمري هقضيها عطشان وبدعي ربنا يغفرلي ذنوبي بقي..يبقي أستمتع بارتواء فضولي وأعرف الناحية التانية فيها إيه ..لكن لو كنت علي أطراف الصحرا زي ما قلت قبل كده والعمران واضح ..يبقي أكيد مش هفكر أقرب من السور لأن أكيد اللي بناه عنده القدرة علي حمايته أو عقاب اللي يعدي منه ..ومينفعش أضيع وقتي في حاجة مش من حقي أوصلها أصلاً

بس خلاص

Ehab said...

همشي احاول اوفر طاقتي علشان متعبش بسرعه واحاول اركز في حاجه خياليه انسى بيها المكان

2 هقلق قوي من اي حاجه متداريه وهحاول اركز انا سامع ايه وهخلع اي عصايه او خشبه من اللي حواليا استخدمها سلاح

3 هحاول افتحه طبعا واتوقع الاقي فيه ملابس وسكينه وحبل

4 حصان في الصحرا اكيد بني واكيد هركبه

5 سلم في الصحراء عجيبه قوي هطلعه طبعا لو كان بيؤدي لأي مكان اما لو كان سلم من اللي بيتشال ده فغالبا هسيبه لأن معتقدش ليه لزمه في الصحرا

6 مج ي الصحرا اول لما قريتها شفته ابيض في خيالي مدور وايده رفيعه

7 لو لقيت اسد مش هجري علشان غالبا هتوتر قوي وهخاف اجري فياكلني من ضهري مبحبش احساس المطاره ولا اقدر اهاجمه طبعا هو انا عبيط غالبا هقف قصاده في انتظار حل من عند ربنا

8 السور اكيد له نهايه يعني فهمشي معاه لحد ما الاقي بوابه ادخل منها علشان لو فيه فايده من الناس اللي جواه مضيعش علاقتي بيهم لما ادخل هجوم عليهم كده واكسر السور بتاعهم

======
انا مرضتش اقرأ البوست بتاع الحلول غير لما احل السئله علشان انفاجأ بقى
ههههههههههههه
حلو البوست ولو اني مستغرب من شوية اسئله فيه كده بس ماشي هنشوف

سلااااااااااااااااااام