دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Thursday, March 12, 2009

مرمطة اجبارى كل 7 سنوات



ملحوظة:الموضوع دة مكتوب باللغة العامية قوى لانى مقدرتش اكتبة غير كدة

انا بعتذر عن اسلوب الكتابة لكل الناس


واليكم الموضوع


انا من ساعة ما عرفت ان بطاقة الرقم القومى هتتغير كل 7 سنوات وانا عندى حالة من الذهول

بيقولوا والله اعلم هما لسة بيقفشوا اللى بيقولوا ولا بس المهم انى سمعتهم بيقولوا ان القرار دة نزل عشان شكل الناس بيتغير فا الحكومة تبقة متابعة شكل الناس


يعنى وبالمرة بقة يدونا نصايح لكل واحدة حصل شوية تجاعيد زيادة

او اللى طخنت شوية يقولوا ازاى الحكومة متابعة وازاى هيا زادت والمرة الجاية مش هنسكت

اللى كان ابيض واسمر واللى كان وحش وبقة اوحش واللى كان اصفر وبقة اخضر


يعنى اقتراح عجبنى باردو لدرجة الشلل

بقة التذنيبة بتاعت السجل المدنى دى هانزورها كل 7 سنوات وكل 7 سنوات انا شكلى هيلحق يتغير

دماغ باردو


ولا نجيبها من الاخر ونقول ان الحكومة عايزة تلم فلوس زى ما الشارع كلة بيقول

وكمان الموضوع لوى دراع اللى هو اخر تعامل للبطايق فى شهر 3 والقرار نزل مثلا فى شهر 1

مذنوقين جامد فى الفلوس شكلهم


وياعينى بقة على الناس اللى على المعاش محدش هايعرف يصرف معاشة غير لما يغيير البطاقة


طب بالذمة الناس اللى على المعاش دى شكلهم هايتغير كل 7 سنوات ااااااازاى


ولا الحكومة مش عارفة ازاى تتعب شعبها اكتر من كدة


مش بالذمة حرام والله اللى الحكومة بتعملوة فينا

الجملة اللى جاية دى منقولة من المصرى اليوم واستمتعوا معايا


تحذير: الى كل من يعانون من الضغط ...سف شريط قبل ما تكمل

وانا لله وانا الية راجعون


قرار الوزارة بتجديد البطاقة الشخصية كل ٧ سنوات بأنه يستند إلى القانون، الذى منح الوزير الحق فى تحديد فترة صلاحية البطاقة، مشيراً إلى أن تغيير البطاقة لتحديثها وتلافى التزوير.


ونعمة الحكم


إن الوزارة راعت أن تكون مصاريف استخراج البطاقة ١٥ جنيهاً فقط، وهى المصاريف التى تتكبدها الوزارة بالضبط دون أى زيادة.


ياحرااااااام


أن المادة المستخدمة فى صنع البطاقة تسمى «بولى كاربونايت» وفترة صلاحيتها تتراوح بين ٥ و٧ سنوات،


وعلى كدة اللى تنتهى بطاقتة ميجيش يمها عشان هاتبقة

exp

مكنش فى مادة طويلة عن كدة شوية


مؤكداً أن الوزارة تعمل على مساعدة المواطنين خاصة من ذوى الاحتياجات الخاصة والمسنين حيث تتوجه إليهم لاستخراج البطاقة،


نفسى اشوف مسن واحد الحكومة جاتلة


من الاخر كدة القرار دة بجد زود تعب المواطنين اكتر ماهما تعبانين


هيا حكومتنا دى اية مش شايفة الناس عمالة ازاى


دة الناس قربت تنسى اسمها من ضغوط الحياة ومش نقصاكى يا حكومة بصراحة


ومش ناقصة افتكسات من كل وزير يطلع كل شوية يصدر قرارت تخنق المواطنين ويقول احنا بنعمل على راحة المواطن


انتوا فعلا هاتريحوا المواطن بس من الدنيا كلها


انا كنت عايزة اقول ان فى فجوة كبيرة جدا بين الحكومة والشعب

لدرجة ان فعلا الشعب غير متقبل اى اامر من الحكومة او قرار


ولانى انا واحدة من الشعب بقول الرحمة بقة ياحكومة

الرحمة بجد الناس كلها تعبانة ومحدش بيدور هما فين


واللى شايفة قدامى ان الحكومة ماشية فى طريق والناس ماشية فى طريق تانى

ومش عارفة هايقدروا يتلاقوا ولا هايفضولا كدة على طول


اتمنى من الله ان يصلح حالنا وحال حكومتنا

5 comments:

آلام وآمال said...

ده انتي جيتي ع الجرح والله
انا بئالي ييجي اسبوعين دايخ ف الحوار ده
بس بصراحة انا روحت عملتها ف الجامعة
هما مخصصين مكان هناك لكده
ومفيهوش تعب زي السجل
هو طابور كده وبيخلص اوام يعني
الحمد لله


غير كده بصراحة انا مبتكلمش ف السياسة
الحكومة تتعب الشعب متتعبهوش انا مليش دعوة
هما احرار مع بعض
:D

Hannoda said...

سوسووو

أنا آسفة اني غايبة جدا بس انت عارفة بقى الاجازة و عدم الاستقرار اللي بيكون فيها

أنا مالحقتش اقرى البوستات الجديدة بس حيبت أقولك على تجمع المدونين يوم التلات اللي جاي هنا في اسكندرية


يااااريت أشوفك فيه بجد نفسي


تابعى التفاصيل من مدونة فاتيما

hasona said...

السلام عليكم

الموضوع مهم جدا

كل وزير تتفتق عبقريته
بأي حاجة تزهق الجماهير العريضة

فعلا هناك فجوة كبيرة
بين الحكومة والشعب

لنا الله

وان شاء الله التغير التام قادم

بالتوفيق دايما

تحياتي

ملكة بحجابى said...

انا بسبب الموال الطين بتاع تغيير البطاقة ده
وانا مخنوقه بئى وماعنديش وقت اروح اغيرها ولا عندى استعداد انى اقف فى زحمة السجلات المدنى
حاجة بجد تإ‘رف
بلد بنت الـ....
بنت الريس
ودمتم
واعية جدا مدونتك هجيلك تانى
ملكة بحجابى

الشنكوتي الكبير said...

عاااااااااااااااا
انا قربت اجدد بطاقتي برده
غالبا ا خر السنه
ما علينا بقى اهي بلاوي بتتحدف علينا يا بنتي
بس انتي عايزه الحكومه تعمل ايه الحكومه لقت ان القبال على عمل البطايق انخفض جامد والأستمارات مبتتباعش زي الول لأن اول لما نزلت البطايق كانت عامله دخل كبير قوي للخرينه بتاعة الدوله علشان لسه كل الناس هتعملها وبعد كده الكل عملها مفيش غير حديثي السن اللي لسه بيدخلوا النظام جديد
فالحكومه لقت ان كده الدخل قل والموظفين قاعده تنش والحياه هتبقى وردي موظفين مبتتعبش في شغل ومواطنين بتستلم حاجتها بسرعه
وحاجه اخر تظبيط فصعبنا على الحكومه اصل ده ممكن يعمل بلبله في البلد
والبلبله دي عيييييييب اصلا

لنا الله بقى يا اختاه

سلاااااااااااااااااااااااااااام
اخبار السمك عندكم ايه
اخوكي ايهاب جاي على العشا