دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Tuesday, October 21, 2008

ثلاث سنوات لمد الايد






فى واقعة تحرش جنسى حدثت فى احدى شوارع القاهرة حيث ان الجانى كان يمر بالسيارة النصف نقل بجوار المجنى عليها واخرج يدة
من شباك السيارة وتحرش بها ثم نظر الى المجنى عليها وضحك وفر بالسيارة ومن ثم قامت الفتاة بالجرى وراء السيارة حتى استطاعت ان
تقفز فوق العربة فى الصندوق الخلفى واخذت تحاول معة لايقاف العربة وبالفعل اوقف الجانى العربة



ونزل منها واخذت المجنى عليها الجانى تجرجرة الى قسم الشرطة وقامت بعمل محضر تحرش جنسى لة



وتمت هذة الواقعة فى شهر يونيو من العام الحالى ومن هذا الوقت حتى الان لم يكن قد حكم فى القضية



واليوم الواحد والعشرون من شهر اكتوبر تم الحكم فى القضية وكان الحكم بثلاث سنوات سجن مع الحكم المشدد



وهكذا شهدت محمكة شمال القاهرة اول قضية تحرش جنسى وشهدت مصر اول حكم فى مد الايد



تهانينا لكل بنت مصرية وليست لصاحبة القضية فقط



وليتذكر كل من تسول لة نفسة فى مد يدة ان فى انتظارة من يقوم بمعافبتة



انا بحى القضاء المصرى فى هذا الحكم



وليكون هذا السفية لمن خلفة أية



تهنئة خاصة لصاحبة القضية على شجاعتها وجرائتها فى هذا العمل واهنيكى على فوزك فى هذة القضية



انا شايفة مستقبل مبشر ان شاء الله لانتهاء عصر قلة الادب والتحرشات المستوردة على مجتمعنا






12 comments:

Hannoda said...

أنا تابعت قضية البنت ده في حلقة مع معتز الدمرداش

و يسعدني جدا ان الحكم ده صدر عشان الشباب في شوارعنا بيتعاملو مع البنات بشكل مالوش علاقة بالجهل أو الفقر أو الحرمان

له على بمفهوم تاني خالص ما قصدش بيه التجريح وهو الهمجية و التخلف

بلدنا مليانه ظلم كتير و كبير

بس ماينفعش توصل لاننا نظلم بعض و احنا اساسا اللي ساري علينا الظلم

سعيده جدا بالحكم ده
و أتمنى زي ما بتقولي يكون بداية لفكر جديد يدخل لراس الناس في الشارع
لتحضر يزرعه في البداية الخوف من القانون و بعدين يبقى عادة و طبع

يارب

نبض اسكندرية said...

وحشتنى جدا يا هانودا

وعندك حق طبعا فى اللى قولتية

وانا معاكى جدا

دمتى بخير حبيبتى

خالص تحياتى

Unknown said...

معقولة؟؟؟

اول مرة اسمع عن الموضوع ده بصراحة بس معقولة؟؟؟

تلات سنين سجن عشان مد ايده ؟؟؟

بجد حكم عادل وجميل ويستاهل اكتر كمان

ثانيا .. نبض الاسكندرية .. إنى احبك فى الله

:)

مـحـمـد مـفـيـد said...

اتمني انها تكون البدايه

انت تسال والكمبيوتر يجيب said...

السلام عليكم
يسرنا ان ندعوك للأشتراك بالراى فى برنامجنا الأذاعى من الأذاعه الرئيسيه لمصر وهو الأول من نوعه عن النت والمدونات
وذلك بزيارة مدونة البرنامج
http://netonradio.blogspot.com

نبض اسكندرية said...

انسانة

احبك الذى احببتنى فية

ربنا يخليكى ليا يا قمر

ادعيلى يا ياسمين

انا فى ظروف صعبة قوى عليا

وحشتنى جدا على فكرة

ميرسى لمرورك الكريم

تحياتى

نبض اسكندرية said...

محمد

حمد لله على السلامة ياباشا

اخيرا حنيت علينا ودخلت مدونتنا المتواضعة

والله المدونة بترقص من الفرح يا محمد

وانا ايضا يا محمد اتمنى انها تكون البداية والنهاية ومحدش تانى يتسجن بسبب رغباتة الغبية

دمت بخير
تحياتى

ذو النون المصري said...

الحكم فعلا كان قنبله و البنت طلعت جدعه و شاطره و جابوها في البيت بيتك و فرحت جدا لهذا الحكم
كان ممكن يمر بفعلته و تفضل شايله في قلبها
لكن اصرارها ريحت نفسها و بالها للابد

7oR@$ said...

أنا أسف يا أسماء إني بقالي كتير مش بدخل بس مش بإيدي انا مشغول في الكلية علي الأخر وأديني دخلت أهه علشان ألاقي موضوع ساخن من مواضيعك المميزة

طبعا موضوع التحرش دة كان أنتشر أوي في الأونة الأخيرة مش في القاهرة بس لكن في أسكندرية كمان في محطة الرمل بالذات علشان أنا سمعت عن أكتر من عملية تحرش هناك بس الحكم دة يمكن يخوف كتير من إلي فاكر إن الموضوع حيعدي بسهولة وإن 3 سنين من عمر الأنسان في السجن علي حاجة مكنش ليها لزمة تحصل أصلا

هوة بتصرف أهوج هدم أسرة سواء كان يعولها أو فرد فيها وأكيد الحكم دة حيكون نقلة جديدة في حياة مصر

وأسف علي التقصير

أحمد عنتر حورس

نبض اسكندرية said...

ذو النون

اكيد طبعا

واتمنى تكون الشجاعة دى عند كل بنت يحصلها موقف ززى دة

نورتنى

نبض اسكندرية said...

حورس

ولا يهمك ياباشا

بس مالك مختفى فين دلوقتى


عمتا نورتنى يا جميل

تحياتى

Ehab said...

مش عارف اقولك ايه
حاسس انك متفائله
عصر التحرش هل هينتهي ولا لأ
مظنش عارفه ليه علشان كل لما بنذود العقوبات كل لما بتذاد الأغرائات سامحيني في كلمتي لكن في من البنات سفله فعلا في لبسهم
في من الستات الكبيره واللي مهياش صغننه نونه يعني وبتلبس لبس اقل ما يقال عنه انه بتاع واحده في شارع الهرم تفتكري هي دي الحريه والتطور هي دي الحياه المتحضره اللي احنا عايزينها
اعتقد مش من حق اي حد يتحرش بست او بنت مهما كانت لابسه لكن صدقيني انتي بتتكلمي في مجتمع معظمه مرضى نفسيين ومحرومين
ما تتوقعيش منهم انك تعرضي عليهم البضاع اللي بيحلموا بيها وهم هيقفوا ملتزمين
ده رغيف العيش لما شح في السوق وبتوع مجلس الشعب بعتوه للناس ببلاش في منطقه هنا جنبنا الناس بقت تهجم عليه بجنون لدرجة ان في طفل مات بسبب عربية العيش دي
فتخيلي شعب جعان وهيموت على كل شهوات الدنيا اللي محروم منها تتعرض عليه البضاعه بالرخص ده هيعمل ايه

سامحيني اذا كان كلامي مش لطيف بس انا بكلمك علشان انتي زي اختي وبفضفض معاكي
كتير من البنات اللي بتكلم عنهم دول بتبقى انسانه محترمه وطيبه جدا وبشوفهم بعيني بيعملوا خير قد ايه لكن تفكيرهم غلط الكبار معرفوش يقوللهم ده صح وده غلط
العيب مش فينا العيب في اللي ربونا

سلاااااااااااااااااااااام
اخوكي ايهاب