عايز تشوف الدنيا خضرة..
يبقى حديقة الازهر..
أو الفسطاط..
عايز تشوف الدنيا حلوة..
وتبقى واد رومانسى..
وتعيش ف الخيال..
عليك بقى وعلى أمانة السياسات..
قرفان لامؤاخذة من رجولتك..
عملية بسيطة وتبقى ست الستات..
نفسك تبقى حر ومش عارف..
اشتم الشاعر اللى بيكتب سلامات..
ياعم الناس لبعضيها..
فية إية..
دة احنا كلنا ف الهم إخوات..
ومتقلقش خالص..
لا فيها تعويض..
ولا تهمة تحريض..
ولا قانون طوارى..
ولا جنايات..
إنما لو كان بجد..
إحساسك مات..
مش هاقدر أعمل حاجة
على سلامة
20 comments:
ايه الموهبة الفذة دي
:D
أهم حاجة الناس لبعضيها
الكلمة دي بتفكرني بواحد جارنا
عزيز عليا جدااااا
ههههههههههه
ابتسم انت في الاسماعيلية
حلوة قوي
فعلا لو الاحساس مات يبقي علية العوض ومنة العوض
سمراء
ايه كل الانشكاح والانبساط ده
لكن لو احساسك مات
مقدرش اعملك حاجة
كلمة ملهاش حل
ابدعتى فى اختصارك
السلام عليكم
ايه الاسلوب الساخر المبدع دة
بجد خلصتي كل المشاكل في بضعه سطور وكمان حلتيها
بوست جميل
تقبلي تحياتي
جميل الإختيار يااسماء
عايز تشوف الدنيا زرقه
عليك و شط اسكندرية
والمينا الشرقيه قبل ساعه المغربية
عايز تشوف الدنيا صفرا
يبقي تعالي واحجزلك أوضه في الفندق اللي قاعد فيه
:)
محمود
والله يابنى دة احنا امكانيات بس مين يقدر
هيييييييييية يلا بقة
بس مين جارك دة بقة وكان بيقولك اية؟
وصلتنى تحيتك ياباشا
تحياتى
سمراء
نورتينى ودمتى بخير يا قمر
خالص تحياتى
سفاح كرموز
عقبال عندك
(:
انا كدة
على سلامة بقة
والبركة فية يا جميل
تحياتى
الدمعة
اهلا بيكى يا قمر فى مدونتى المتواضعة
اتمنى انك تكررى زيارتك تانى
واسلوب على سلامة فعلا ساخر بس بيوصل بسرعة
الصراحة تسلم ايدة
دمتى بخير
تحياتى
محمد
ميرسى يا محمد واسعدنى مرورك
تحياتى
الاسكندرانى
ااااااااااااة منها دى ام عيون زرقا
وسما صافية
فعلا اسكندرية جمال الروح
جميلة منك يا اسكندرانى
خالص تحياتى
السلام عليكم
الله عليكى
بوست رائع
فعلا كلماتك رائعة
ولا اروع من الاحساس بدونة لاتكون للحياة معنى
تقبلى تحياتى
ومتعك الله لابالحب والسعادة
ممكن أكون اول مرة آجى هنا
بس موضوع لذيذ
الاجابة
من كتر ما بشوف فى بلدنا واللى بيحصل لينا كشعب او كبشر فى البلد دى
أقدر أقول ان احساسي مات
ومش حاسس باى حاجه انتى قلتيها او مش لقيت ليا حل من حلولك
حلوووووووو أوى
بجد بجد بجد بجد بيعبر جدااا
بالذات بتاعت آمانة السياسات
تشكرى فعلا على البوووووست دا
أخوكى
طارق الغنام
اسعدك الله انت ايضا
وشكرا على المرور الكريم دة
تحياتى
عبدة محتاس
هو اهلا بيك طبعا
ونورت المدونة جدا
هيا الحلول اللى قلتها حلول ظاهرية
يعنى مش حلول اقدر اقولك خد بيها
وعمتا ربنا يحسن الاوضاع ان شاء الله
تحياتى
اخوانى
الله يكرمك وشكرا على المرور الكريم دة
تحياتى
Post a Comment