فى عيد ميلادى ال22 احب اقول شوية حاجات لنفسى
تسمحلى اعترفلك بأنك بجد حبيبتى ومش هقولك كل سنة وانتى طيبة وبس
هاقولك كل سنة وانتى حببتى وانتى صديقتى وانتى معايا وانتى مقومانى وانتى مقويانى على الطاعة وانتى مسعدانى فى عمل الخير كل سنة وانتى دايما معايا وانتى دايما فهمانى وانتى مش عصيانى وانتى انا .... ومش هاقولك غير اللى عاهدتك علية وغير اللى عاهدتينى علية لكن هاخليكى تقولى اللى انتى نفسك فية وانا عارفة وفاهمة انتى عايزة تقولى اية قولى ياحببتى انهاردة عيد ميلادك انتى قولى يلا:
قل أن نسكى ومحياى ومماتى لله رب العالمين
قل ان نسكى ومحياى ومماتى لله رب العالمين
قل ان نسكى ومحياى ومماتى لله رب العالمين
احب اقول عنى ان بجد كل سنة بتزيد من عمرى وكل ما اكبر سنة تفكيرى بيختلف واسلوبى بيختلف نظامى بيختلف رؤيتى للحياة بتختلف فهمى لدينى بيختلف وفهمى للدنيا بيختلف عايزة اقول انى بحب كل سنة فى عيد ميلادى اقيم السنة اللى عدت واشوف اية اللى محققتوش فى السنة دى واحاول انى احققة مع نفسى باردو السنة دى ودى حاجة فى حد ذاتها بحبها ...بحب انى اتغير وبحب ان كل سنة من عمرى مضاعش هباء بحب انها تأثر فيا وأثر فيها ودة لية معنى انى بتعلم ودة فى حد ذاتة شى فعال وايجابى وكمان لة تأثيرة السحرى عليا
نصيحة لكل الناس حب نفسك حب طبعك حب حياتك هتلاقى نظرتك اختلفت حاول انك تخلق من النفس الوحشة حاجة حلوة تسعد بيها نفسك حاول انك تقوم نفسك وتكون انت مؤثر عليها هتلاقى الامور بقت حاجة تانية خالص بس مش معناها انك تكون انانى اقصد حب نفسك عشان هيا نفسك هاتعيش وتموت وهيا ملازماك فى الدنيا يبقة الاولى انك تصلحها وتعدل منها ..اتمنى تكون رسالتى وصلت
بشكر كل الناس اللى افتكرتنى فى عيد ميلادى واتمنى من الله عز ووجل ان يديم اعمارهم بالصحة ويطيلها بالعافية
وكل سنة وانتوا من المهنئين والطيبين
تحياتى
بشكر كل الناس اللى افتكرتنى فى عيد ميلادى واتمنى من الله عز ووجل ان يديم اعمارهم بالصحة ويطيلها بالعافية
وكل سنة وانتوا من المهنئين والطيبين
تحياتى
41 comments:
جميل والله حديثك مع نفسك
والأجمل لإنك مصالحاها وفاهماها وبتحبيها
ودي نعمة تستحق الشكر فعلا
وربنا يديمها عليكي نعمة
كل سنة وانتي بخير وطيبة وفي سعادة دايما في طاعة الله يا أسماء
:)
كده تبقى دهبية يا أسماء هههههههه
كل سنه وانتى طيبه ياسمسمه:))
يارب تبقى أجمل سنه فى حياتك
ويابختك
وصلتى لدرجه رضا ومصالحه مع نفسك تحسدى عليها بجد
أسعدنى مرورى عندك أوى:))
تحياتى
شيماء:)
كل سنه وانتي طيبه
كل سنه وانتي مبدعه
كل سنه وانتي ودوده ومطيعه لربك
كل سنه وانتيمتواصله مع الناس ومخلصه لهم ولنفسك
حوارك جميل وجعل كل لحظه تمر عليكي في ميزان حسناتك
بدري اهو
:))))
كل سنه وانتي طيبه وبصحه وسلامه
وعقبال 100 سنه
صحه وهناااااا
كل سنة وانتى طيبة..
كل سنة وانتى كده فى سعادة..
ويارب تكون سنة سعيدة عليكى ان شاء الله
سورى انها متأخرة حبتين
كل سنة وانتى طيبة ياجميلة وكل سنة وانتى جميلة وصافية من جواكى كدة
اول مرة ازورك وان شاء الله مش آخر مرة
سلام عليكم
:)
معلش جات متاخرة شوية يا سوسو
بس عندي حق الصيادين ده
كل سنه وانتي طيبة
كل سنه وانتي الي الله اقرب والي طاعته أرغب وفي خير لا ينضب
كل سنة وانت طيبة
انا على فكرة اول مرة ادخل عندك المدونة هنا
وهي مدونة جميلة جدا
خاصة انها بتفكرني ببلدي اسكندرية اللي باموت فيها
بس للاسف بعيد قوي عنها
كل سنة وانتي طيبة ومتصالحة مع اسماء وحباها
عقبال مية سنة سعيدة يا جميلة
السلام عليكم ورحمة الله وبركاته
كل سنه وانت طيبه ويارب عقبال 22 مليون سنة في سعاده وفرحه
ويارب قبل ما تيجي السنه الجايه تموني حققتي كل اللي تتمنيه
سلام
كل سنه وانتي
طيبه
يا اختي
وعقبال مليون
عيد
تكوني سعيده فيه
واقبلي مني
الهديه المتوضعه
دي
http://www.awzan.com/birthday/birthday2.htm
ودي كمااااان
واتمنا ان اركي
في سعاد ه دائمااااااا
http://www.awzan.com/birthday/birthday3.htm
كل سنه و انتى طيبه
انا كمان كان عيد ميلادى يوم 11
و محتاجه اقعد اتكلم مع نفسى حبه ..
أجمل احتفال بعيد ميلاد شفته في حياتي القصيرة :)
يا رب طول سنين عمرك تفضلي زي ما إنتي كده وأحسن..نفس الجمال ونفس التصالح_حقوق الملكية الفكرية للأخت اللي لابسة قطة :)) _ ونفس القوة والمقدرة علي عمل الخير
كل سنة وإنتي أطيب يا جميل:)
معلش متأخر
شكلي وحش :(
أنا قولت أكون الأخير
كل سنة وأنت طيبة يا أسماء وعقبال مليون سنة إن شاء الله وإن شاء الله تكون أيامك القادمة أفضل إن شاء الله
عنتر
أنا قولت أكون الأخير
كل سنة وأنت طيبة يا أسماء وعقبال مليون سنة إن شاء الله وإن شاء الله تكون أيامك القادمة أفضل إن شاء الله
عنتر
كل سنة وانتي طيبة
و ربنا بإذن الله يديم عليكي تصالحك مع نفسك
أول زيارة للبلوج هنا يكون عيد ميلادك
طبعاً يبقى من دواعي اكرام الضيف اني آكل جاتوه و لا حتة م التورتة ... معلشي بقى طفاسة معهودة
محمود
وانت طيب يا محمود وربنا يكرمك ويعزك يارب
وانا قولتلك من يومها دهبية يا محمود
وان شاء الله تبقى على طول دهبية ياباشا
تحياتى يافنان
شيماء
والله انا اللى اسعدنى مرورك واتمنى انك تداومى عليها
نورتيتنى يا جميلة
خالص تحياتى
محمد مفيد
مع انى كنت زعلانة منك لكن التهنئة كانت اكثر من رائعة خلتنى نسيت كل حاجة
وربنا يخليك وتفضل نعم الاخ
خالص تحياتى ياابا العبدين
اسكندرانى اوى
ربنا يخليك وانت طيب ياباشا
ودايما منورنى وفى تواصل
تحياتى
سفاح كرموز
والله انا كنت فقدت الامل انك تيجى هنا تانى لكن خيبت ظنى
وانت طيب ياباشا ومش مشكلة انها متأخرة الاهم انها اتقالت
تحياتى
انسانة
وانتى طيبة واجمل واحلى ياقمر
واتمنى فعلا انها متكنش اخر مرة
تحياتى
الاسكندرانى
وانت طيب ياباشا وخلاص طالما عندك حق الصيادين دة يبقة كدة هايرجعلى
تحياتى
مصرى بالغربة
وانت طيب واسعدنى مرورك هنا وتعليقك واتمنى دوام المتابعة
وان شاء الله تكون قريب من اسكندرية ومعاها قريب وربنا يهون ايام الغربة
تحياتى
ساسو
وانتى طيبة يا جميلة وربنا يخليكى
ودايما منورانى
تحياتى
خمسة فضفضة
وعليكم السلام ورحمة الله وبركاتة
ربنا يخليكى يا قمر
وانتى طيبة وانتى دايما منورانى
خالص تحياتى
احمد هيكل
ربنا يخليك ياباشا
وانت طيب يا شاعر
وهدية مقبولة ياباشا
تحياتى
catroz
وانتى طيبة ياقمر
وكل سنة وانتى طيب وبصحة وسعادة يا حبيبتى
على فكرة ادحنا طلعنا قرايب اهو عشان مولودين فى نفس الشهر
واتكلمى كتير قوى يا قمر مع نفسك عشان زى ماقلت مالكيش غيرها واحدة هاتعيشى بيها طول عمرك يا قومتيها وقدرتى عليها ان شاء الله يا مقدرتيش
بس ان شاء الله دايما من النفوس الصالحة الطائعة يا قمر
نورتينى واتمنى دوام المتابعة
تحياتى
ضياء
وانت طيب يا ضياء
فعلا شكلك وحش قوى
بس يلا بقة هو مين فينا مش بيكون شكلة وحش احيانا
تحياتى ياباشا
احمد
وانت طيب يا احمد وربنا يخليك
تحياتى
مصطفى
والله التورتة كلها تحت امرك ياباشا
وميرسى لزيارتك واتمنى منك الدوام
تحياتى
الف مبروك و عقبال الف سنه
كل يوم بيمر بنتغير فيه عن اليوم السابق عليه
تعرف المثل اللي بيقول اكبر منك بيوم يعرف عنك بسنه؟؟؟
المثل ده اتغير خلاص
معدش الكبير بيعرف اكتر لان الصغير اتاقلم مع العصر و الكبير للاسف تخلف
يارب تتغير دايما للافضل
و كل سنه و انت طيب
كل سنة و انت طيبة
كل سنة و نفسك طيبة
طبعا جيت متأخر و التورتة اتكلت كلهها
بس مش مشكلة يبقا ليا عندك
تحياتي وكل سنة و انت طيبة مرة تانية
مممممممممم
كل سنة وانتي طيبة وبالف صحة وخير
ووحشتيني
ووحشتني مدونتك اوي
كل سنة وانتى طيبة وعقبال الف سنة يا
اسماء
كل عام وانتى الى الله اقرب
ذو النون المصرى
شكرا لمرورك الكريم اسعدتنى زيارتك جدا
وحضرتك طيب وميرسى على التهنئة
وفعلا اختلفت المقاييس حاليا
تحياتى
اسكندرانى فى الغربة
لا حول ولا قوة الا بالله هو حد قالك أتأخر يعنى كدة هتخلينا نغرم تانى
بس ميهمكش ياباشا تورتة ليك مخصوص
انت ـامر ومتتأر تانى
ووانت طيب وبألف صحة
تحياتى
انجى
وانتى طيبة يأحلى سمراء عرفتها
وانتى كمان وحشتينى كتير والله
دمتى بخير يا غالية
تحياتى
الغزالى
وشك ولا وش القمر
فينك من زمان قوى
لكن حمدلله على السلامة ويلا بقة مستنين بوستاتك الجامدة فى مصر ياما يا بهية
ووانت طيب وبالف خير يا غزالى
خالص تحياتى
Post a Comment