دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Wednesday, May 7, 2008

عقبالك يوم ميلادك






فى عيد ميلادى ال22 احب اقول شوية حاجات لنفسى
تسمحلى اعترفلك بأنك بجد حبيبتى ومش هقولك كل سنة وانتى طيبة وبس

هاقولك كل سنة وانتى حببتى وانتى صديقتى وانتى معايا وانتى مقومانى وانتى مقويانى على الطاعة وانتى مسعدانى فى عمل الخير كل سنة وانتى دايما معايا وانتى دايما فهمانى وانتى مش عصيانى وانتى انا .... ومش هاقولك غير اللى عاهدتك علية وغير اللى عاهدتينى علية لكن هاخليكى تقولى اللى انتى نفسك فية وانا عارفة وفاهمة انتى عايزة تقولى اية قولى ياحببتى انهاردة عيد ميلادك انتى قولى يلا:

قل أن نسكى ومحياى ومماتى لله رب العالمين

قل ان نسكى ومحياى ومماتى لله رب العالمين

قل ان نسكى ومحياى ومماتى لله رب العالمين

احب اقول عنى ان بجد كل سنة بتزيد من عمرى وكل ما اكبر سنة تفكيرى بيختلف واسلوبى بيختلف نظامى بيختلف رؤيتى للحياة بتختلف فهمى لدينى بيختلف وفهمى للدنيا بيختلف عايزة اقول انى بحب كل سنة فى عيد ميلادى اقيم السنة اللى عدت واشوف اية اللى محققتوش فى السنة دى واحاول انى احققة مع نفسى باردو السنة دى ودى حاجة فى حد ذاتها بحبها ...بحب انى اتغير وبحب ان كل سنة من عمرى مضاعش هباء بحب انها تأثر فيا وأثر فيها ودة لية معنى انى بتعلم ودة فى حد ذاتة شى فعال وايجابى وكمان لة تأثيرة السحرى عليا
نصيحة لكل الناس حب نفسك حب طبعك حب حياتك هتلاقى نظرتك اختلفت حاول انك تخلق من النفس الوحشة حاجة حلوة تسعد بيها نفسك حاول انك تقوم نفسك وتكون انت مؤثر عليها هتلاقى الامور بقت حاجة تانية خالص بس مش معناها انك تكون انانى اقصد حب نفسك عشان هيا نفسك هاتعيش وتموت وهيا ملازماك فى الدنيا يبقة الاولى انك تصلحها وتعدل منها ..اتمنى تكون رسالتى وصلت

بشكر كل الناس اللى افتكرتنى فى عيد ميلادى واتمنى من الله عز ووجل ان يديم اعمارهم بالصحة ويطيلها بالعافية



وكل سنة وانتوا من المهنئين والطيبين

تحياتى

41 comments:

http://kasperb4.blogspot.com/ said...

جميل والله حديثك مع نفسك
والأجمل لإنك مصالحاها وفاهماها وبتحبيها
ودي نعمة تستحق الشكر فعلا
وربنا يديمها عليكي نعمة

كل سنة وانتي بخير وطيبة وفي سعادة دايما في طاعة الله يا أسماء
:)

http://kasperb4.blogspot.com/ said...

كده تبقى دهبية يا أسماء هههههههه

همسات دافئه said...

كل سنه وانتى طيبه ياسمسمه:))
يارب تبقى أجمل سنه فى حياتك
ويابختك
وصلتى لدرجه رضا ومصالحه مع نفسك تحسدى عليها بجد
أسعدنى مرورى عندك أوى:))
تحياتى
شيماء:)

مـحـمـد مـفـيـد said...

كل سنه وانتي طيبه
كل سنه وانتي مبدعه
كل سنه وانتي ودوده ومطيعه لربك
كل سنه وانتيمتواصله مع الناس ومخلصه لهم ولنفسك
حوارك جميل وجعل كل لحظه تمر عليكي في ميزان حسناتك

مـحـمـد مـفـيـد said...

بدري اهو
:))))

اسكندراني اوي said...

كل سنه وانتي طيبه وبصحه وسلامه
وعقبال 100 سنه
صحه وهناااااا

safa7_karmooz said...

كل سنة وانتى طيبة..

كل سنة وانتى كده فى سعادة..

ويارب تكون سنة سعيدة عليكى ان شاء الله

سورى انها متأخرة حبتين

Unknown said...

كل سنة وانتى طيبة ياجميلة وكل سنة وانتى جميلة وصافية من جواكى كدة

اول مرة ازورك وان شاء الله مش آخر مرة

سلام عليكم
:)

alexandrany said...

معلش جات متاخرة شوية يا سوسو
بس عندي حق الصيادين ده
كل سنه وانتي طيبة
كل سنه وانتي الي الله اقرب والي طاعته أرغب وفي خير لا ينضب

مصري بالغربة said...

كل سنة وانت طيبة

انا على فكرة اول مرة ادخل عندك المدونة هنا

وهي مدونة جميلة جدا

خاصة انها بتفكرني ببلدي اسكندرية اللي باموت فيها

بس للاسف بعيد قوي عنها

saso said...

كل سنة وانتي طيبة ومتصالحة مع اسماء وحباها

عقبال مية سنة سعيدة يا جميلة

خمسة فضفضة said...

السلام عليكم ورحمة الله وبركاته

كل سنه وانت طيبه ويارب عقبال 22 مليون سنة في سعاده وفرحه
ويارب قبل ما تيجي السنه الجايه تموني حققتي كل اللي تتمنيه

سلام

الشاعر والكاتب احمد هيكل said...

كل سنه وانتي
طيبه
يا اختي
وعقبال مليون
عيد
تكوني سعيده فيه
واقبلي مني
الهديه المتوضعه
دي
http://www.awzan.com/birthday/birthday2.htm

ودي كمااااان
واتمنا ان اركي
في سعاد ه دائمااااااا
http://www.awzan.com/birthday/birthday3.htm

catroz said...

كل سنه و انتى طيبه

انا كمان كان عيد ميلادى يوم 11

و محتاجه اقعد اتكلم مع نفسى حبه ..

Diyaa' said...

أجمل احتفال بعيد ميلاد شفته في حياتي القصيرة :)
يا رب طول سنين عمرك تفضلي زي ما إنتي كده وأحسن..نفس الجمال ونفس التصالح_حقوق الملكية الفكرية للأخت اللي لابسة قطة :)) _ ونفس القوة والمقدرة علي عمل الخير
كل سنة وإنتي أطيب يا جميل:)
معلش متأخر
شكلي وحش :(

7oR@$ said...

أنا قولت أكون الأخير

كل سنة وأنت طيبة يا أسماء وعقبال مليون سنة إن شاء الله وإن شاء الله تكون أيامك القادمة أفضل إن شاء الله

عنتر

7oR@$ said...

أنا قولت أكون الأخير

كل سنة وأنت طيبة يا أسماء وعقبال مليون سنة إن شاء الله وإن شاء الله تكون أيامك القادمة أفضل إن شاء الله

عنتر

Darsh said...

كل سنة وانتي طيبة

و ربنا بإذن الله يديم عليكي تصالحك مع نفسك

أول زيارة للبلوج هنا يكون عيد ميلادك

طبعاً يبقى من دواعي اكرام الضيف اني آكل جاتوه و لا حتة م التورتة ... معلشي بقى طفاسة معهودة

نبض اسكندرية said...

محمود
وانت طيب يا محمود وربنا يكرمك ويعزك يارب

وانا قولتلك من يومها دهبية يا محمود

وان شاء الله تبقى على طول دهبية ياباشا

تحياتى يافنان

نبض اسكندرية said...

شيماء

والله انا اللى اسعدنى مرورك واتمنى انك تداومى عليها

نورتيتنى يا جميلة

خالص تحياتى

نبض اسكندرية said...

محمد مفيد

مع انى كنت زعلانة منك لكن التهنئة كانت اكثر من رائعة خلتنى نسيت كل حاجة

وربنا يخليك وتفضل نعم الاخ

خالص تحياتى ياابا العبدين

نبض اسكندرية said...

اسكندرانى اوى

ربنا يخليك وانت طيب ياباشا

ودايما منورنى وفى تواصل

تحياتى

نبض اسكندرية said...

سفاح كرموز

والله انا كنت فقدت الامل انك تيجى هنا تانى لكن خيبت ظنى

وانت طيب ياباشا ومش مشكلة انها متأخرة الاهم انها اتقالت

تحياتى

نبض اسكندرية said...

انسانة

وانتى طيبة واجمل واحلى ياقمر

واتمنى فعلا انها متكنش اخر مرة

تحياتى

نبض اسكندرية said...

الاسكندرانى

وانت طيب ياباشا وخلاص طالما عندك حق الصيادين دة يبقة كدة هايرجعلى

تحياتى

نبض اسكندرية said...

مصرى بالغربة

وانت طيب واسعدنى مرورك هنا وتعليقك واتمنى دوام المتابعة

وان شاء الله تكون قريب من اسكندرية ومعاها قريب وربنا يهون ايام الغربة

تحياتى

نبض اسكندرية said...

ساسو

وانتى طيبة يا جميلة وربنا يخليكى

ودايما منورانى

تحياتى

نبض اسكندرية said...

خمسة فضفضة

وعليكم السلام ورحمة الله وبركاتة

ربنا يخليكى يا قمر

وانتى طيبة وانتى دايما منورانى

خالص تحياتى

نبض اسكندرية said...

احمد هيكل

ربنا يخليك ياباشا
وانت طيب يا شاعر
وهدية مقبولة ياباشا

تحياتى

نبض اسكندرية said...

catroz

وانتى طيبة ياقمر

وكل سنة وانتى طيب وبصحة وسعادة يا حبيبتى

على فكرة ادحنا طلعنا قرايب اهو عشان مولودين فى نفس الشهر

واتكلمى كتير قوى يا قمر مع نفسك عشان زى ماقلت مالكيش غيرها واحدة هاتعيشى بيها طول عمرك يا قومتيها وقدرتى عليها ان شاء الله يا مقدرتيش

بس ان شاء الله دايما من النفوس الصالحة الطائعة يا قمر

نورتينى واتمنى دوام المتابعة

تحياتى

نبض اسكندرية said...

ضياء

وانت طيب يا ضياء

فعلا شكلك وحش قوى

بس يلا بقة هو مين فينا مش بيكون شكلة وحش احيانا

تحياتى ياباشا

نبض اسكندرية said...

احمد

وانت طيب يا احمد وربنا يخليك

تحياتى

نبض اسكندرية said...

مصطفى

والله التورتة كلها تحت امرك ياباشا

وميرسى لزيارتك واتمنى منك الدوام

تحياتى

ذو النون المصري said...

الف مبروك و عقبال الف سنه
كل يوم بيمر بنتغير فيه عن اليوم السابق عليه
تعرف المثل اللي بيقول اكبر منك بيوم يعرف عنك بسنه؟؟؟
المثل ده اتغير خلاص
معدش الكبير بيعرف اكتر لان الصغير اتاقلم مع العصر و الكبير للاسف تخلف
يارب تتغير دايما للافضل
و كل سنه و انت طيب

اسكندراني في الغربة said...

كل سنة و انت طيبة
كل سنة و نفسك طيبة
طبعا جيت متأخر و التورتة اتكلت كلهها
بس مش مشكلة يبقا ليا عندك

تحياتي وكل سنة و انت طيبة مرة تانية

smraa alnil said...

مممممممممم

كل سنة وانتي طيبة وبالف صحة وخير

ووحشتيني

ووحشتني مدونتك اوي

.:.-=- ELGaZaLy-=-.:. said...

كل سنة وانتى طيبة وعقبال الف سنة يا
اسماء

كل عام وانتى الى الله اقرب

نبض اسكندرية said...

ذو النون المصرى

شكرا لمرورك الكريم اسعدتنى زيارتك جدا

وحضرتك طيب وميرسى على التهنئة

وفعلا اختلفت المقاييس حاليا

تحياتى

نبض اسكندرية said...

اسكندرانى فى الغربة

لا حول ولا قوة الا بالله هو حد قالك أتأخر يعنى كدة هتخلينا نغرم تانى

بس ميهمكش ياباشا تورتة ليك مخصوص

انت ـامر ومتتأر تانى

ووانت طيب وبألف صحة

تحياتى

نبض اسكندرية said...

انجى

وانتى طيبة يأحلى سمراء عرفتها

وانتى كمان وحشتينى كتير والله

دمتى بخير يا غالية

تحياتى

نبض اسكندرية said...

الغزالى

وشك ولا وش القمر

فينك من زمان قوى

لكن حمدلله على السلامة ويلا بقة مستنين بوستاتك الجامدة فى مصر ياما يا بهية

ووانت طيب وبالف خير يا غزالى

خالص تحياتى