دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Wednesday, November 28, 2007

خلينا ننسى الطبيعى ونتعايش مع اللى مش طبيعى

تنبية هام.....
البوست دة اظن انة غير مفهوم وبوست حزن فا اللى مش عايز يوجع دماغة ميقراش البوست دة وشكرا للزيارة طبعا
لية؟
لية الطبيعى فى زمانا.. مبقاش طبيعى
ولية اللى مش طبيعى فى زمانا.. بقى طبيعى
والغريب
ان اللى مش طبيعى فى زماننا بقينا نقول علية طبيعى واللى طبيعى بقينا نقول علية هو دة اللى مش طبيعى
والله انا حاسة ان كلمة طبيعى تعبتلى من كتر ما بقيت اقولها
لية زمان كان بجد زمان ونتمنى اننا كنا نعيش زمان ولو كنا عشنا زمان ياترى كنا هنرضى بية ولا هنكون زى حالنا دلوقتى
نقول ان زمان زمان كان احسن من زمان
الامام الشافعى بيقول
نعيب زماننا والعيب فينا ومال لزماننا عيبا سوانا
يعنى هو فعلا الغلط فينا
هو راحت فين القيم والمبادى؟؟؟؟؟؟؟؟؟؟؟؟؟
هو الناس عارفة تتأقلم مع الجو دلوقتى
يعنى قادرين تعيشوا من غير قيم ومبادى
انا مش عارفة اقول غير انى بجد نفسى اشوف انسان فرحان فى الزمن دة
نفسى يجى يووم القيامة قوى نفسى اشوف الناس اللى ظلموا دول هيكونوا ازاى؟؟؟
نفسى نبطل غنى عن الحب والحزن ؟؟؟؟ وكأن مافيش غيرهم فى حياتنا..... كأن هما دول المشكلة الرئيسية فى حياتنا
نفسى نبطل نقول هو النمص حلال ولا حرام هو البنطلون الواسع حرام ولا حلال
نفسى القوى يرحم الضعيف لكونة القوى
عمنا جاهين زمان قال: حاجة بجد حلوة بس ياريتنا نعرف نعملها
صبرك ويأسك بين ايديك وأنت حر
تيأس ما تيأس الحياة راح تمر
انا دقت من دا ومن دا
عجبى لقيت الصبر مر وباردوا اليأس مر
وقال كمان
حاسب من الاحزان وحاسب لها
حاسب على رقابيك من حبلها
راح تنتهى ولابد يوم راح تنتهى
مش انتهت احزان من قبلها
كنت قاعدة اقرى فى يوم اجندة مذكراتى
الاجندة دى مش فيها اية اللى بيحصلى كل يوم لكن بكتب فيها اشياء بتؤثر فى شخصيتى وفى تكوينها
ومن ضمنها كنت قريت كتاب علم نفس ولقيت فية تعريف الشخصية
اللى يهمنى فى تعريفها هو لا يوجد انسان معدوم الشخصية
والغريب ان كلمة شخصية مصدرها لاتينى معناها القناع فقد كان بعض الممثلين على المسرح الاغريقى يلبسون أقنعة تخفى عيوبهم الخلقية
فهل معنى ذلك ان الشخصية هى القناع الخارجى الذى نلبسة لنخفى الحقيقة الداخلية؟؟؟؟
السؤال اللى عايزة اسالة
لما بنقابل الناس الكدابين والغشاشين والظالمين والحاقدين بيكونوا عارفين انهم لابسين القناع دة؟
ولو كانوا عارفين ازاى بيصنعوا القناع دة؟
وياترى دة كمان بقة من الطبيعى اللى بقينا طبيعى اننا نشوفوة
انا اسفة لكل انسان هايقرى البوست دة بس انا فى حالة انكسار وانقسام وعقبات صعبة قوى وتغير فى شخصيتى
اعذرونى على البوست الرخم دة

16 comments:

اسكندراني اوي said...

اه ياااااني

الامور بالفعل اختلطت زي ورق الكوتشينه
بقى كله ماشي وكله بيمشي حاله ومحدش عاد بيسال ايه الصح وايه الغلط
ولما تراجعيه يقولك يا عم هيا جت عليا انا

ربنا يرحمنا برحمته

Anonymous said...

على فكرة الناس الجاهلة هيا اللى لسة بتفكر فى زمان

انسوا بقة وعيشوا عصرنا الحالى

بحلوة ومرة

http://kasperb4.blogspot.com/ said...

والله البوست مش رخم ولا حاجة بالعكس ده انتي بتتكلمي عن واقع احنا عايشينه فعلا واي حد عنده ذرة احساس بيعيش اللي انتي عايشاه ده وبيتألم نفس ألمك من اللي بيحصل ف الدنيا والناس اللي بتتغير
بس انا حاسس اننا بقينا نتكلم كتير اوي عن القيم والمبادىء والأخلاق اللي اتغيرت للأسوأ
وأحيانا كتير للأسف بننسى نفسنا

السؤال اللي سألتيه ده سؤال جامد جدا

"لما بنقابل الناس الكدابين والغشاشين والظالمين والحاقدين بيكونوا عارفين انهم لابسين القناع دة؟ ولو كانوا عارفين ازاى بيصنعوا القناع دة؟ وياترى دة كمان بقة من الطبيعى اللى بقينا طبيعى اننا نشوفوة"

تعرفي ان ساعات غصب عننا بنكون احنا الناس اللي بتتكلمي عنهم دول واحنا مش حاسسين

تعالي نحاول نبص لتصرفاتنا احنا ونتأمل في حياتنا احنا احنا ونشوف هل كل اللي بنعمله صح وطبيعي وانا اصدي الطبيعي الطبيعي اللي يرضي ربنا وكمان يحبب الناس فيا

مش الطبيعي اللي بقى طبيعي بسبب تغير القيم وبسبب الموازين المقلوبة

بيتهيألي كده بقى تعليقي انا اللي رخم مش البوست بتاعك
:))

ابو صهيب ( الجمعاوي الاصيل)سابقاً said...

والله محدش بقى عارف حاجة خالص

دى حتى انا مشعارف الجيش العربي فين

ممكن تدور معاي عليه

تعالى مدونة ميخا ممكن تلاقيه هناك

منتظرك في مدونة ميخا

Hannoda said...

لا بالعكس .. البوست مش رخم ولا حاجة

أساسا اللي بتقوليه ده مجنني بقالي فترة طويلة

فعلا المعايير اتقلبت
كل واحد فينا بد
اها بالانحراف عن الصحيح
و بقينا كلنا زي بعض
فحسينا ان الانحراف عادي

و اللي حولينا بدأو يتقبلونا رغم انحرافنا
فبقى الانحراف عندهم عادي

وتفشى الامر
فأصبح المستقيم غير عادي

الكلام ده في العلاقات
التعليم
الاخلاق
الدين
القوانين

كله

ده حاجة تخوف يا بنتي.. لانها بجر الناس
قالتها مرة مدرسة لينا زماااان
اللي محافظ على القيم في الزمن ده زي اللي ماسك جمرة نار و قافل ايده عليها

حسيت كلامها أيامها مبالغة
وحسيت ان الدنيا مش بالسوء ده
و ان القيم سهل جدا الحفاظ عليها طالما قلب الانسان مع ربه

لكن طلع كلامها صح

كلنا عندنا مجموعة من الأقنعة
وحتى لما نتجرد من كل اقنعتنا ..راغبين في الوضوح باخلاص

برضه بتبقى قناع
أعتقد اني حتى أنا .. ما عرفش ايه اللي ورى قناعي
و اللي يعرفه بس ربي

يا رب تعدي عقباتك و انكسارك بسلام
الحالة ده مهما كانت أسبابها خطر

خطر لو سبناها تلعب في قلوبنا
ما تلعب في العقل و لا الشخصية زي ما هي عاوزة

لكن الا القلب.. و الروح

يا رب يهديك للخير

قلبي معاكي
بجد

مدونه يلا نفضحهم said...

تتشرف اسرة يالانفضحهم
بدعوة سيادتكم لافتتاح مقرها بالاسكندرية
مركز ضحايا
للاستشارات القانونية والتأهيل النفسى

محاضرة بعنوان مبادىء واساسيات حقوق الانسان

وورشه عمل لتقسيم فريق الاسكندرية وذلك يوم الجمعة اوافق 14/12/2007 فى تمام الساعة الواحدة ظهرا

العنوان :- 9ش مسجد الايمان متفرع من شارع اسكندر ابراهيم خلف جزارة الزهيرى - ميامى - الاسكندرية
ت:- 5484897 - 0166885063

مدحت محمد said...

والله الامور مش اختلطت ولا حاجة والطبيعى طبيعى
واللى مش طبيعى مش طبيعى
والحال لسة مسائش اوى
لانى الوحش بيبان
والكويس كمان بيبان
ومعروف
يمكن اللى مش طبيعى زاد
والخوف من انه يجى فى يوم يبقى طبيعى
خالص تحياتى

نبض اسكندرية said...

اسكندرانى اوى

الظريف فى الموضوع كمان لما تيجى تتكلم يقولك يعنى انت اللى هتصلح الكون

احنا مقصرين قوى

وربنا اكيد هايحسبنا على ذنب زماننا

فعلا ربنا يرحمنا برحمتة

نورتنى يا اسكندرانى يا جاااااااااااااامد قوى

نبض اسكندرية said...

anonymous

ميرسى للمرور ومش فاهمة قاصدك

نبض اسكندرية said...

الام وامال

بشكرك لمتبعتك بجد ويارب اشوف ردودك عندى على طول

لانى بعتز برايك ودايما بيعجبنى

وردك بجد مش رخم ولا حاجة

بس احنا احيانا كدة ممكن تضغط على الدنيا قوى تخلينا نلبس القناع دة بس مش على طول وان كنا بنلبسة فى احنا مش بنلبسة للشر احنا بنلبسة عشان نقدر نكمل ونعدى الموجة

لكن الناس اللى بتقدر تلبسة وقت ما تحب وتخلعة وقت ما تحب والحياة عندهم ساهلة وبسيطة

وبعدين مين اللى غير القيم؟

يعنى نحاسب مين على اللى احنا فية

والمفروض اننا لما نربى اجيالنا نربيها كدة بقة من غير قيم ومبادى

اعلمة اللى يقدر ياخدة بايدة ياخدة وميهموش حد

واسفى على قيامنا ومبدأنا

نبض اسكندرية said...

الجمعاوى الاصيل

جارى التنفيذ الى مدونة ميخا

نبض اسكندرية said...

هانودا

انا بجد تعبانة ونفسى النستقيم دة يرجع بقة

يا احنا اللى نسيبة ونمشى

نبض اسكندرية said...

ضحى

لو بجد الامور عندك لسة مسأتش قوى كدة فعلا

يبقى يا بختك لكن احذرى لانة هايجى اليوم دة وقريبا

تحياتى

Iskanderani said...

مساء الخير نبض الاسكندرية؛

كل سنة وحضرتك طيب وبالف خير
عام جديد سعيد عليك وعلى كل احبائك

تحيات إسكندراني في بلاد الله الواسعة

Iskanderani said...

مساء الخير نبض الاسكندرية؛

كل سنة وحضرتك طيب وبالف خير
عام جديد سعيد عليك وعلى كل احبائك

تحيات إسكندراني في بلاد الله الواسعة

safa7_karmooz said...

فيييييييييييييييييييييييييييييينك

:(