دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Friday, February 2, 2007

الشيطان والمش

عــــــــامل وطـــــــــــالع ترحيله
حمل وشال على قد ما طــــــــاق
زوادته كانت عيش بـتـــــــــــــاو
وغموسه مش قديم حـــــــــــــــراق
فى الصبح كل ومسمــــــــــــاش
سبقه الشيطان وفطر ويـــــــــاه
فى الضهــــر برضه مسمـــــــــاش
جاله الشيطان اتغدى معـــــــــــاه
وفى العشيه الليل مســـــــــــــــا
طلع الشيطان من تحت قفــــــــــاه
صبر لحـــــــــــد ما يتعشــــــــى
ميل عليه ومســــــــك ايـــــــــده
وقال له ليه تحــــــــرق دمــــــى
المـــــش قطع مصارينــــــــــــــي
سايق عليك النبى سمــــــــــــــي

6 comments:

مـحـمـد مـفـيـد said...

جامده جدا
:)))))

نبض اسكندرية said...

ميرسى ليك كتير

على المرور الكريم دة

وعلى الرد اللذيذ دة

اخجلتم تواضعنا

تحياتى

مُزمُز said...

تعرفي هي القصة نفسها قديمة وكانت نكنة بتتقال من زمان

بس برغم ده عجبني أسلوبك

أولا عندك تمكن في الموسيقى شديد كمان واضح إن مفرداتك العامية ثرية جدا يعني زجلك أكيد هيبقى مميز لو المحتوى اختلف وبقى جاد

برافو
عندي ملاحظة رخمة
ياريت تشيلي الword verification

عشان دي تالت مرة أكتب الحروف العجيبة دي وتطلع غلط

Ahmad Hegab said...

اما شيطان خرع صحيح

بس برضه جامدة جدا

نبض اسكندرية said...

مزمز

ميرسى لمرورك الكريم دة

لكن مش انا اللى كاتباها

دى واحدة صحبتى عطتهالى فانزلتها

ميرسى لمرورك وتعليقك الحلو دة

احمد

ميرسى لمرورك واتمنى انك تنور مدونتى على طول

وعندك حق

شيطان خرع

دة المصريين ليهم ربنا بقى

دة حياتهم كلها مش

ميرسى ليك كتير

-_- said...

يا لهوي

بحب اوي الكلام القريب من القلب ده

جميلة اوي