الانتر نت
************
*********
*******************
وبإيه يفيد الإنترنت وخدماته
فى بلد بتصحى الناس وتنام على أزماته
ومش باقيلهم من خيره إلا فُتاته
لكن هقول أنا ايه ؟ أصل اللى اختشوا ماتوا !!
****
هيحلها ازاى أزمتنا الاقتصادية
فى الفرق بين الأسعار الاستفزازية
ودخل أى موظف مربوط له ماهية
وماهى إلا مُسكَن بيزيد أناته !!
****
هيحلها ازاى أزمة زحمة مدارسنا
والمنهج الأمريكى الغربى اللى فارسنا
واحنا اللى أصل العلم خرج من كراريسنا
للناس فى كل الدنيا
على مدى قرون فاتوا !!
****
هيحلها ازاى أزمتنا المستعصية
ع الحل ، واللى بتتسمى دروس حصوصية
وهى من أخطر أشكال اللصوصية
فى بلد بتُستنزف كافة مُدخراته !!
****
هيجيب منين الحل لأزمة مشافينا
وهى ولا بتموتنا ولا بتشفينا
بقى مُر مع سيق الإصرار أحلى ما فينا
والبركة فى التأمين الصحى وعياداته !!
****
إعلامنا منحاز راديو وتلفاز وصحافة
للجانب الرسمى وكله نفاق وهيافة
هل يقدر النت بقى بروحه الشفافة
يرضى المواطن ويخفف من مأساته ؟
****
النت يعمل إيه لبلد إدّى شبابه
شهادات وسابهم ع القهوة بعد ما خابوا
شباب صحيح لكن قبل التلاتين شابوا
بسبب شعورهم بالإحباط ومضاعفاته !!
****
يا قوم قاوموا الجهل بقى وعيشوا الواقع
وآمنوا إنه ( اتسع الخرق على الراقع )
ومستحيل هتلاقوا على النت مواقع
تقدر تعيد للميت من تانى حيانه
وعجبى
2 comments:
السلام عليكم
اقولك هيعمل ايه
هيخلي الشباب تقول اللي مش عارفه تقوله بره
هتعرفي ان في في مصر ناس موهوبه ناس مثقفه ناس مهمشه ناس مطحونه
هتعرفي الوجه الحقيقه للبلد مش الوجه االمهجن المعروض علي الفضائيات
مدونتك رائعه واصبحت من المتابعين لها
ميرسىيا محمد ليك بجد
واتمنى انها تكون نالت اعجابك
وفعلا زى ما انت قلت الانترنت هو المنفذ الوحيد لقبر الذل الذى نقمع فية بدون ارادة ومع جو الاستبدادية الذى نعيش فية
واشكرك للمتابعة ودة يزدنى شرف يا فندم
تحياتى
Post a Comment