دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Saturday, July 17, 2010

فؤاد نجم...نبايع سيادتك



نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره

18 comments:

Diyaa' said...

حبيبي والله :) حشاش ولاسع ومهيس وضارب :)
بس بيقول كلام في الجون
بس عارفة الفكرة مش في وريث ولا رئيس عصابة .. الفكرة في المحكومين بالعصابة نفسهم .. لحد ما أغلبهم يبقوا فيهم المميزات الكافية اللي متسمحلهمش يتحكموا بواسطة الأشكال دي

حمد الله على السلامة :)

نبض اسكندرية said...

عندك حق والله ياضياء
بس فعلا الراجل دة بيقول كلام فى الجول بجد وانا عن نفسة بح
ب3. ا كتير

بس نفسى أسألة هو دخل أمن دولة قبل كدة ولا؟

الله يسلمك ياجميل :)

Diyaa' said...

اتحبس في زمن عبد الناصر _ ولسه بيحبه _ وبعدين في زمن السادات

Hanan Elshafey said...

حلو الاختيار يا سمسم
مظبطنا بعد العوده

ودي

-_- said...

رهيب نجم

نبض اسكندرية said...

حنا
شكرا ليكى ياقمر
نورتينى

نبض اسكندرية said...

sharm

فعلا رهيب
نورتنى

richardCatheart said...

ازيك يا نبض وحشتينى جدااااااااااااااااااااااا

والله وانا بتفرج على صور التجمع اقول البت دى مش راجعه ولا ايه

حمد لله على السلامه ويارب ديما نعانا وبخير
ومانتحرمش منك ابداااااااااااااا
اولا عجبانى مممممممممممممممممممممموت صورتك الاهلى حديد اصيله يا اسكندرانيه

ثانيا نجم دا كااااااااااااارثه متنقله على رجلين
جميله طبعا القصيده
تسلمى يا نبض
ويعود عليكى الايام بالف خير

عاشقه الرومانسيه said...

اولا كل سنه وانتى طيبه ياقمر اسكندريه
ثانيا حمد الله على السلامه واتمنى مش يكون فى غياب تانى ابدااااااا
ثالثا عم فؤاد ده راااجل حدوته انا بحبه موووت
اصله بيقول اللى مش بيقدر كتير مننا يقوله وبيعرف يعبر عننا صح جـــــدا
تسلم اختياراتك ياقمر

Anonymous said...

صباحك سكر
جميل ما اختارتيه

دعوه عامه للتجمع فى الاسكندريه

ودعوه خاصه ليكى
البوست موجود فى المدونه
الحب الجميل

نبض اسكندرية said...

مارو
انتى كمان وحشتينى جدا والله
وعايزة اشوف الصور دى بليز
ايميلى على المدونة ضفينى عندك
وميرسى لزيارتك ياحبيبتى
نورتينى

نبض اسكندرية said...

دودو

ازيك ياعمة؟
انتى وحشتينى كتير اوى بجد
يارب تكونى تمام
نورتينى ياقمر اسكندرية
تحياتى

نبض اسكندرية said...

الحب الجميل
الله يعزك ياحبيبتى انا يشرفنى الحضور طبعا وبعد الدعوة الخاصة دى
لكن والله هحاول انى اجى ولو حتى اجى اسلم وامشى
لكن ان شاء الله اجى
نورتينى فى اول زيارة ويارب متكنش الاخيرة

تحياتى

Anonymous said...

صباح الخيرات

نبض اسكندريه
المهم تيجى ونشوفك ونتعرف عليكى
واى تفاصيل موجوده عندى او عند قلب القطه مارو
هستناكى

عطش الصبار said...

كدايا اسماء
تقلقينا عليكى لاانا زعلانه منك زعل ام وحشتها بنتها لكناول ما تسمع صوتها بتسامحها على طول
كانت فرحتى كبيره لما شفت تعليق منكاحنا فى انتظرالموضوع الطحن اللى
وعدتينا بيه ن

عطش الصبار said...

ايه يا اسماء
تانى هتستخبى ولا ايه
فى انتظارك

أحمد الصعيدي said...

أبقي دوما من عشاق نجم


وتبقي مدونتك رائعة


اسعدك الله

P A S H A said...

كل سنة وحضرتك طيبة وبألف خير وصحة وسلامة إن شاء الله
:)
رمضان كريم