دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Monday, February 25, 2008

....نعم.....للاحتراف


بالتوفيق يا اجمد حارس مرمى

8 comments:

http://kasperb4.blogspot.com/ said...

الحمد لله على سلامتك
:)
ايه الغيبة الطويلة دي؟

بصي بئا بصراحة ومن غير زعل

بلا حضري بلا كورة بلا وجع قلب
الناس تفضل تشجع وتتعصب وتحرق ف دمها من غير اي فايدة
وف الاخر اللعيبة هي اللي بتاخد الملايييين

انا مش بحقد ولا بتكلم على حد بعينه لأني مليش ف المورة اصلا
بس بستعجب اوي على الناس اللي مش لاقية تاااااكل والبلد في حالة لا يرثى لها ومع ذلك شاغلين روحنا بالكووووووورة

وطبعا ممكن حد يجي يرد عليا دلوقت ف التعليقات ويقولي يا عم خلي الناس تفرح وتهيص

طيب يا سيدي خليهم يفرحوا لما نشوف اخرتها ايه
هههههههههه

معلش طولت عليكي
ومتزعليش مني
انا بفضفض من زهقي بس

Ehab said...

اسكندرانيه يا سكره
بقولك ايه انا ماليش في الكوره ومش بحبها
واصلا لسه مش عارف حكاية الحضري ايه بالظبط كل اللي سمعته انه سافر سيوسرا هو ومراته
اقولك على حاجه
ربنا يوفق الجميع
ابقي نورينا ومتغيبيش كده تاني

سلاااااااااااااااااام

alexandrany said...

سلاااااااااااااام كبير وكتير من المرسى لبحرى لكرموز للسبع بنات وانت نازل خد معاك سلام من زيزينيا وخد كمان خالد وميامى واسكندر باشا ومعاها اوعى تنساها ابوقير ولياليها والبحر الميت
فين يا ستي اكلتي نص اسكندريه
سيدي بشر وعصفر وجليم
وستيفانو ع البحر وسيدي شاطبي ومزريطه وكوته وميدان خرطوم
اوعي تنسي تعدي نادي الصيد وارض مطار وعوايد وسيوف وكايرو و30
ونص البلد ومحرم بيه وغيط العنب واللبان ومنشيةوالعطارين والناس الحلوة وكل ده وسلامك كبيير اكيد من غرب وعجمي وانوفيل وقباري وصينيه ومكس وتلات ويوسف
وصل احلى سلام من احلي اسكندرانيه على بر المدونات
:)
يعني تغيبي تغيبي وترجعي وتقولي يا حضري
ماشي يا ستي لولا انك اهلاويه كنا فتحنا مطوه قرن غزال.
:)
حمد الله ع السلامه
تحياتي

نبض اسكندرية said...

الآم وامال

الغيبة الطويلة دى مش بسببى والله دة الهارد منة لله بقة

ما هو الفكرة اية بقة فى موضوع الكورة انك تحس اننا كلنا كاعرب بنجمع على راى واحد فا تحس اننا كلنا وحدة واحدة والغريب ان الحاجة دى مش عارفين نليقها غير فى الكورة متخيل قد اية بقة مافيش وحدة عربية


تانى حاجة مسالة التشجيع دى كل واحد يشجع بالطريقة اللى تروق لية

وغبى قوى اللى يتعصب فى الكورة

اما بالنسبة بقة لحال البلد الحلو دة واحنا شاغلين روحنا بالكورة

لا هو احنا لو ملقناش حاجة تانية نطلع فيها همومنا هنطق ونموت

عشان كدة لما تجيلك الفرصة انك تعرف تبقى مش انت اوعى تضيعها

واخيرا بقة انا سعيدة ان اول كومنت منك انت طبعا وانت ولا طولت ولا بتاع المدونة بتعاتك واقعد فيها براحتك يا جميل

تحييييييييييييييييييياتى

نبض اسكندرية said...

ايهاب

نورتنى والله كتير

وميرسى للكومنت بتاعك

اومال لو مكنتش عارف بقة عن الموضوع حاجة كنت كتبت اية يا جميل

ههههههههههههههههه

بضحك معاك

تحياتى

نبض اسكندرية said...

الاسكندرانى

ههههههههههههههههههههه

حلو قوى احلى سلام من على بر المدونات دى عمتا شكرا للسلام الجاااااااااااااامد قوى دة

وخلاص يا عم عرفنا انك صولات وجولات اسكندرية

وبعدين بعد السلام الجامد دة تقولى مطوة وقرن غزال كمان مع انى معرفهاش شكلها اية دة

بس مش مشكلة

عمتا مستينة ردك على البوست الجاى

تحياتى

Hannoda said...

أنا معاكي جدا
آه نعم للإحتراف
و آه بالتوفيق لأجمد حارس مرمى

لكن آه كمان لإحترام القانون
وآه لإحترام مكانة من أثق فيهم و يثقون فيّ

أعتقد ان زعلي من الحضري عشان اللي اتسبب فيه من هز صورته
أكبر بكتير من زعلي على خسارة الأهلي حارس كبير زيه


القيمة لا تعلوها المصلحة و ده اللي مافهمهوش الحضري


بس بحبه برضه
:)

نبض اسكندرية said...

هانودا

بصى يا هند بصراحة انا موافقتش على اللى عملة الحضرى غير لما سمعتة فى برنامج البيت بيتك اتكلم وقال انى مطلعتش من مصر غير لما النادى الاهلى رفض التفاوض مع نادى سيون ولما بعت سيون فاكس واتنين وعشرة للاهلى وباردو مردش

متهيالى من حق الحضرى انة يحدد مستقبلة وعمتا مش دى كانت النقطة اللى بتكلم علية

انا كان نفسى بجد انة يحترف بجد احساس رائع جدا لما تعرفى ان ابن بلدك لاعيب كويس وخصوصا انة عربى وتلاقى الغرب بيحترمة وبيقدرة وبيقدر قدراتة

وبعدين الحضرى عندة 35 سنة هيحترف امتى بقة؟

عمتا بالتوفيق لية سواء مع الاهلى او مع الاحتراف

واكيد يا هانودا كلنا بنحب الحضرى

تحياتى ليكى يا قمر