دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Saturday, August 25, 2007

أهل الهوى

اللحم طين والعروق دود من ديدان الطين

أدم وحوا على أرض العدم حاطين

عاقبهم الرب.. اخرجهم من الجنة

أدم عمل حضن حوا جنتة وغنى

الناس يتتهنى مهما يكونوا منحطين



الولف لو شاف وليفتة ورا الجبل هدمة

ياميت ندامة على جبلين واصطدموا

اتهد منهم جبل اسمة هابيل وانهار

قابيل اخوة اللى قاتلة سكب دموع أنهار

واللى افتتن بالنهار.. بالليل يا ندمة



مرات عزيز مصر شابة وجوزها راجل كهل

يوسف حليوة فلسطينى عديم الاهل

فؤادها قاد نار وصار تحت النهود لاعب

تهبش فى يوسف وتترجاة وتداعب

والعقل صاعب لكين خلق المتاعب سهل



وفى التاريخ كليوباترا الاسمرانية

كانت غرامها غرام اسكندرانية

غرام عنيف له حفيف تعبان ولسعة نار

من عشقها لحسنها خافت علية يحتار

واختارت الانتحار...المعجانية



من برق سيف الجدع..يطلع صباح أملة

عنتر معنتر لكين مسكين ابوة هملة

بسيفة قدف فى بحر الدم عداة عوم

ولجل عبلة وقبلة منها.. ساد القوم


دى كانت قصيدة اهل الهوى للمبدع صلاح جاهين


هيا لسة فيها باقى هاكملة فى البوست الجاى ان شاء الله


11 comments:

اسكندراني اوي said...

في انتظار التكمله ولو ان ليا بعض التحفظات على بعض الكلمات

Diyaa' said...

قوية أوي
الناس يتتهنى مهما يكونوا منحطين
مفهمتش دي بس
لو فهماها قوليلي هو يقصد إيه بدي
يتتهني !!

http://kasperb4.blogspot.com/ said...

صلاح جاهين
حكاية
مع تحفظي انا كمان على بعض كلمات قصائده ورباعياته
إلا ان ده ميمنعش انه كان راجل جاااامد جدااا ودماغه كانت عالية اوي
وعلى فكرة التحفظ ده نابع من بعض ما اكرمني الله به من تعلم أمور ومسائل العقيدة الصحيحة فعرفت ان عنده بعض أخطاء في كلمات الله اعلم طبعا هو يقصدها ولا لاء
بس بإذن الله مش اصدها يعني
ربنا يرحمه ويدخله الجنة


بالنسبة بقى للقصيدة اللي اخترتيها
جااامدة وجميلة جداا بصراحة
وصلاح جاهين مشهور بين الناس اكتر برباعياته
لكن ده نوع تاني من فن جاهين على شكل الخماسيات
وتحمل معنى رائع غاية في الجمال والعمق

"" الناس بتتهنى مهما كانو منحطين ""

احيانا الواحد فعلا بيغرق في المعصية ويوهم نفسه انه متهني وهو في الحقيقة منحط لأنه بيعصي خالقه

تحيتي لأختيارك وعايز اقولك كلمة بيني وبينك
الخماسية الاخيرة راجعيها تاني انتي تقريبا سبتي شطر لأن الوزن كده مش مكتمل

ومستنين بقيتها بس متتأخريش علينا

أنا المصرى said...

لأ يا سومه
مع احترامى لزوقك
فى ألفاظ مش حلوه فى الكلام ده


بس منتظرين الباقى

نبض اسكندرية said...

اسكندرانى اوى

انا كمان ليا تحفظات وفكرت كتير جدا قبل ما انزلها بصراحة

بس المشكلة انى ماليش الحق انى احذف بيت من الابيات قلت يا انزلها كلها يا اما بلاش

فا قررت انزلها وبعدين قلت لما هانيجى نبص نشوف الابيات اللى عجبانا واللى مش عجبانا كاننا مش شفنها

مش اكتر

تحياتى يا اسكندرانى باشا

نبض اسكندرية said...

ضياء الشمس
مرسيى كتير
ومش عايزة ا4قولك انى انا كمان فعلا مش فاهمة الحتة دى

وعشان مكنتش عايزة انزلها

بس اللى حصل بقة واديك حطتنى فى موقف لا احسد علية

عموما نورتنى وكرر الزيارة يابخيل

نبض اسكندرية said...

الام وامال

والله انا كمان معاك فى نفس التحفظات بس كل الحكاية انى يا انزل يا ما انزلش القصيدة بس مش اكتر

وهدور تانى على يمكن يكون فعلا فى بيت ناقص منى

تحياتى كتير جدا

نبض اسكندرية said...

بلال

انا كمان معاك يابلال

ميرسى بمرورك يابن عمى

تحياتى

Hannoda said...

القصيدة جميلةبس حسيتها بتلمس حاجات بشكل منفر... لكنها جميلة

تصدقي إني ما قرتش أبدا لجاهين للأسف.. لكن أكيد حابدأ


واحشاااااني

Ahmed Al-Sabbagh said...
This comment has been removed by the author.
Ahmed Al-Sabbagh said...

جميلة اوى اوى اوى

الله يرحكم يا ابو صلاح

بس هو الله سبحانة وتعالى ما عاقبش ادم وخرجة من الجنة ونزلة الاض كعقاب


اظن انه جل جلالة خلقة اصلا ليكون خليفتة فى الارض


مش كدة ولا ايه


تعالى اقرى رباعياتى بقى

تحياتى