بصراحة من كتر ما اتعرضت للموضوع دة قررت اقول كلمة فية
احنا كلنا كا ناس وبشر من حقنا نحب اللى على مزاجنا ومنحبش اللى مش علي مزاجنا
كلام جميل
لكن ميفنعش انى اغصب عليك تحب واحد انت رافض تحبة او تكرة واحد لسبب انى مش بحبة
ومتهيالى ناس كتير تتفق معايا فى الراى دة
نفس الحكاية بالظبط
بعد كذا قرار كدة اصدرة المفتى \على جمعة وبالذات بعد موضوع تحريم ختان الاناث
سمعت والله ناس بتشتم وتسب وتلعن المفتى عشان اصدر القرار دة او الفتوى دى
هو يا جماعة الراجل مش دة اسمة مفتى
يعنى لة حق انة يفتى واحنا كا مسلمين ممكن ناخد بالفتوى ومش هيكون علينا وزر اكيد لو اتبعناها
لية ؟
لان على ابسط مثال لو بنصلى فى جماعة والامام غلط احنا كمامومين مينفعش نخالف الامام لازم نكمل وراة تمام كدة
ومش احنا اللى هنشيل الوزر فى الغلط دة
يعنى لو كانت الفتوى دى غير صحيحة او الاجتهاد دة بلاش نسميها فتوى غير صحيح
واحنا اتبعناه اللى هيشيل الوزر هو الشخص اللى افتى
مش بتكلم فى مسألة الختان بالاخص بكلم عموما
يعنى مش من حقنا اننا نشتم راجل زى دة عيب مش دى اخلاق المسلمين والله
احنا لازم نترفع عن هذا الاسلوب القبيح
اتمنى اى شخص سب الرجل دة او شتمة يستغفر ويتوب الى الله
وبعدين مش يجى واحد قاعد على القهوة عمال يضرب فى شيشة ويجى ويقولك على فكرة الفتوى دى مش صح
مش ممكن ابدا؟؟؟؟
اخيرا فاتكرت موقف للامام الشافعى رحمة الله علية: اختلف العلماء المسلمين مع الشعراء على نوعية الكلام الموجود بالشعر
يعنى لكونة بيوصف حاجة معينة فى الجسد
شوف بقى حكمة الراجل دة درس الشعر مخصوص عشان يقدر يفهم فكرة الشعراء
رحمة الله علية
مش ممكن يطلع كل واحد يحلل ويحرم وهو مش دارس حاجة خالص واللى يغيظك انة يجادل اتمنى اننا بجد نتغير ونغير كتير من اسليبنا فى الحياة
19 comments:
بتتكلمى صح...
اللى يعترض يعترض بذوق وادب مش يشتم ويكفر الراجل
على فكرة المفتى بتاعنا راجل زى العسسسسسسسل جدا للى يسعرفه من قريب..:)
عزيزتي بنت اسكندرانيه
احييك على هذا الكلام الموزون
في نقطه اغلب الناس مش واخده بالها منها
دا المفتي يا جماعه
يعني خريج ازهر
شيخ معمموعشان يبقى مفتي يعني درس اللي عمر ما حد من مقيو القهاوي يفكر مره يلمسه
هل دينا يامرنا بعدم احترامه ؟؟
فمابلكم بقى باللي بيشتم ويسب
عيييييييب
نفرض جدلا انه اخطا
جدلا
يبقى في الف طريقه لتنبيهه بخطاه
اولها واصحها انك تجادله بالادله والبراهين من الشريعه والقران والسنه ومنهج السلف الصالح
اما ان نفتي من على القهوه
فدا استخفاف بعلماء المسلمين
اللهم اهدي الامه الى ما تحب وترضى
واسف للاطاله
لكي التحيه على البوست والموضوع المهم اللذي اثرتيه
عزيزتي انتي مش عارفه ان شعبنا عباره عن سبعين مليون مفتي كل واحد عامل فيها شيخ الديار الفاسكونيه كلهم بيحللوا ويعقبوا كأنهم دكاتره المهم يعني عايز اقولك ان الراجل ده برغم اسلوبه المحترم وثقافته الا ان الناس مهما كانوا عارفين ان الشخص ده محترم الا انه اول ما يخالف رأيهم يبقى مش بيفهم وغلط غلطة عمره
احييكي على غيرتك على شيخ كبير مثله واحييكي على موقفك الجميل ده
انا مش عايزك تزعلي مني يا قمرايه
سلااااااااااااااااام يا عروسة البحر
بس مين يسمعك يا نبض
ياريت الكل يمشي باللي انتي قلتي عليه
لكن تقولي ايه بقي للشعب المصري اللي لازم يغالط
وبعدين يا سيتي كلنا مفتيين
رربنا يهدي الجميع
ندعوكم لزيارة العدد الثالث من مجلة نفسنا
ومن لدية القدرة على الكتابة ويريد الكتابة معنا يراسلنا
nafsena@gmail.com
اصلك بعيد عنك العادات والتقاليد الجافية او البالية اللي معششة في ادمغة الناس دي
واللي البسوها ثوب الدين
وجعلوها من مسلمات وفروض الدين خلت الناس دي يتجرؤو على العلماء وينهشو في لحمهم بالطريقة دي
وزي ما الشنكوتي قال
كل واحد فاكر نفسه مفتي وعمال يفتي
وهوا ميعرفش حاجة ولا يفهم في حاجة
ومش في الدين بس
لا يفتي ويجرأ على كل حاجة
تسأليه في الطب يجاوبك
في الدجل يجاوبك
لو قلتليله كم عدد سكان الصين ؟؟
هتلاقي يقولك دول كذا مليون ويقولك اساميهم كمان
حاجات تقرف
الله يكرمك يا سومه
هى دى فعلاً طبيعه الشعب المصرى
كل واحد بيفتى على مزاجه
ولو كان المفتى صح ولأ غلط
هو مفتى الديار المصريه
وهو بيقول أنا اللى هتحمل الوزر يوم القيامه
والله المستعان
سفاح كرموز
عندك حق والله
ميرسى انك موافقنى الراى
غير اسلوب حياة
اسكندرانى اوى
بصراحة الله ينور على كلامك
خيرة ما قل ودل
تحياتى يا باشا
ومتنساش تيجى تانى
الشنكوتى الكبير
اانا مش زعلانة والله
بس كنت بغلس لانك من زمان مدخلتش عندى بس مش اكتر
وكلامك فى الجووووووووووووول
تمام يا شنكوتى
تحياتى
سمراء النيل
ما هو دة اللى بتكلم فية
وامين يارب
ونورتينى يا قمر
واحد من الناس
ههههههههههههه
هيقولى اساميهم كمان
دة غلب بتوع علم الفلك
هههههههههههههه
ميرسى لردك كتير
ونورتنى بجد
تحياتى
انا المصرى
الله عليك يابن عمى
ربنا يهدى كل الناس
وتبدا تفهم الصح فين
والله المستعان
الحكاية كلها ضيق خلق.. أعتقد كده
أغلب الناس خلقها ضيق
مش فايق هو عشان يستوعب الموضوع من كل جوانبه و أوجهه
مش رايق كمان عشان يشوف تأثير الفتوى ده على إختلاف الناس و المجتمعات اللي فمصر
وإحتمال كبير كمان إنه ماكانش له خلق يسمع كلام المفتي لآخره عشان يستوعب قصد المفتي بالضبط
نفسي نتناقش صح و نعترض صح و لما نكتشف إن راينا غلط نتراجع عادي
هانودا
حضور بعد غياب طويل
تسلمى يا غالية على الحضور الجامد دة
وحشتنينى كتير
وكلامك فى شى من الصح
نورتى يا جميل
وبشجع كلامك جدا
تحياتى
والله وحشتني مدونتك وبآلي كتير مش بزورك معلش انا اسف
بس ليه تعليق بسيط على كلمتين ف البوست ده
اولا موضوع الختان انا اثرته ف مدونتي وكنت معترض على تحريمه
وده مش لأني شايفو واجب او كده
لاء ده لأني مقتنع انه مش حرام
انتي ممكن تفتكري ان كلامي متناقض لكن بدعوكي لزيارة مدونتي واقري الموضوعين اللي اتكلمت فيهم عن القضية دي وهتفهمي كلامي ان شاء الله
ثانيا بقى والكلمتين اللي كنت عايز اعلق عليهم ف البوست بتاعك هما ان احنا مش هنتحاسب لو اتبعنا المفتي حتى لو كان كلامه غلط
!!!
طبعا مع احترامي ليكي ولكل الناس اللي علقت ده كلام غير صحيح بالمرة
انا هطرح عليكي سؤال وارجوكي تجاوبي عليه بكل صراحة
لو الدكتور على جمعه نفسه جه وطلع فتوى قال فيها ان النقاب فرض على كل مسلمة ومن لا ترتديه تكون اثمة
وهنفترض ان الكلام ده احنا عارفين انه غلط ومش صح لكن المفتي افتى بيه
بالله عليكي هل ساعتها هتقولي ان ده المفتي ومينفعش نعترض على كلامه ولازم نتبعه حتى لو كان كلامه غلط
!!؟؟
هل الموضوع يا جماعة بقى متعلق بأهواءنا الشخصية
اللي ييجي على هوانا يبقى هو ده الدين واللي مش على هوانا يبقى تشدد وتعصب
لاء والله احنا محتاجين نتغير بجد نغير فعلا اسلوب حياتنا
انا اسف جدااااااااا على الاطالة ومعلش لو كنت صدعتك وانا والله عندي كلام تاني كتير اوي بس مش عايز اطول عليكي اكتر من كده عشان مش تتخنقي مني ولي عودة ان شاء الله
:)
على فكرة انا متفق معاكي تماما ان اسلوب الشتيمة والرد الهمجي والاعتراض السفسطائي دول كلهم اساليب غير محترمة بالمرة وانا ضدها وبضم صوتي لصوتك ف النقطة دي
تقبلي تحيتي
الام وامال
والله انا دخلت ومكنتش هعلق بس كلامك عجبنى جدا لدرجة انى ضحكت من اسلوبة اللى عجبنى بجد
اشكرك على ادبك فى النقد دى اولا
ثانيا انا يشرفنى ازور مدونتك واكون من متابعيها باذن الله تعالى
ثالثا انا هرد عليك وهاقولك انا لما كتبت موضوع الختان مكتبتوش عشان الموضوع انا كل الحكاية ان طرحت مثال اتعرض قدامى مش اكتر وليكن موضوع الختان
لما قولت ان اللى هيشيل الوزر هو المفتى مش انا لان هو اهل العلم ولو مكنش اهل العلم فا كان يبقى المفتى بتاع اية المفروض يعنى
وحتى ربنا جل وعلا قالى اسألو اهل الذكر
الراجل دة فى رايى اهل الذكر فى عصرنا دة
اللى بيخلينا نتبعة فى حاجات كتير باردو زى رؤية الهلال مثلا
واللى قصدتة استفتى قلبك متاخدش الكلام وتقول امين
يعنى نوزن الامور وحتى لو فى اعتراض يكون باسلوب لائق ومحترم وميمسش حد ويكون الاعتراض ببراهين وبالسنة اما مسالة الختان حلال ولا حرام فى انا مش هعرف اقول فيها حاجة لانى مش شغلتى افتى
واتمنى يكون كلامى وصل وبجد عجبنى جدا كلامك وردك وانا هاستنى تدخل وتناقش تانى وتقول اللى عندك
منى اليك
تحياتى وفائق احترامى
شكرا بجد على اهتمامك وردك وعلى فكرة انا الحمد لله فاهم اللي قصدتيه من البوست لكن حبيت اوضح لك وجهة نظري ف المثال اللي ذكرتيه واعتقد هي مش وجهة نظر ولا حاجة لأن ده دين ولازم ناخ
بالنا كويس جدا عمن نأخذ ديننا
ممكن حد يفتكر اني بعمل فتنة ولا حاجة او حابب اني اعترض وخلاص والموضوع مش كده ابدا والله
بصي انا دلوقتي بس ورايا مشوار مهم هروح واجي تاني اكملك كلامي
سلام مؤقت
Post a Comment