دكتور مصطفى محمود

الله هو المحبوب وحده على وجه الأصالة وما نحب فى الآخرين إلا تجلياته وأنواره فجمال الوجوه من نوره وحنان القلوب من حنانه فنحن لا نملك من أنفسنا شيئاً إلا بقدر ما يخلع علينا سيدنا ومولانا من أنواره وأسمائه

Wednesday, April 4, 2007

ولا تزعل..عيدك عيدنا

يا لحظة عذاب.. غيبي عن صغار
غيبي عن براءة .. فوق كل اعتبار
دمعة طفل أسمر أغلى من نهار
غابت شمس حُبه .. بين حرب ودمار
***
ضحكة طفل لاهي .. بين مَيَّه وخضار
أجمل من حضارة.. يصرعها السعار
احموا الطفل منكم .. من ظلم الكبار
من لغو السياسة .. من طمع التجار
***
نظرة فيها حسرة .. فيها الجوع دموع
من عين طفل تايه .. لعنه على الجميع
***
نقطة دم سايحة .. من جسد الحضارة
طعنه للسلام .. في طفل المغارة
الطفل اللي فداكم بدمّه ..ارحموه
حبوا كل يتيم ..ضاعت منه أمّه
أو تاه عنه أبوه
كل سنة وكل طفل يتيم طيب
ويارب تخفف عنهم الامهم
وتفرحهم باليوم دة
وتقدرنا احنا كمان اننا نفرحهم اكتر
اميييييييييييييييين
ملحوظة
لكل شخص يود فى حضور حفل عيد اليتيم
تدعو قرية الموحدين للايتام بالاحتفال بهذا اليوم
هو سيكون بأذن الله تعالى يوم الجمعة القادمة
فى عنوانها الاتى
طوسون-خلف كلية التربية الرياضية
هيا فى طريق ابوقير
وتحياتى لكل طفل يتيم
********

14 comments:

مـحـمـد مـفـيـد said...

احيكي يا اسماء علي طرح الموضوع
ولكن لابد من الاهتمام بهم طوال العام وليس يوم واحد حتي لا يصاب الاطفقال بشئ نفسي
عندما يجدوا انفسهم مهملين طوال العام ويجدوا اسراب من الناس متدفقه عليهم يوم واحد فقط

-_- said...

و مع ذلك اعتقد ان اهتمام الناس بهذا اليوم شئ جميل و بداية طيبة لمجتمع راقي يحسن التعامل مع الايام

نبض اسكندرية said...

ميرسى يا محمد

ربنا ما يحرمنى من ردودك الحلوة دى

واكيد عندك حق

تحياتى

نبض اسكندرية said...

احمد شارم

ان شاء الله

والناس بقى عندها وعى عن الاول

ومش عايزاة اقولك الحفلة اللى انا كاتبة عنها دى كانت قد اية رائعة ولذيذة

ربنا يديم عليهم الصحة

تحياتى

Diyaa' said...

قلت نبض الإنسانية ومكنتش بجامل
ودلوقتي متأكد من الكلمة دي
يا ريت الكلام ده يشوفه كل طفل يتيم
عشان يعرف إن في ناس لسه بتحس
ربنا يجازكي كل خير وللأسف أنا من القاهرة وجيت متأخر
بس المرة الجاية أكيد لو ليا عمر مش هتأخر
ومش الفروض يبقي يوم بس في السنة
بشكرك علي البوست ده
مش لأني يتيم ...
لأني انسان وبتبسط لما ألاقي في حد زيك
سلام عليكم

Tamer Nabil Moussa said...

ربنا يهون على كل طفل يتيم
بوست مميز

تحياتى

Dalia said...

انا كمان للاسف جيت متأخره
بس انا روحت الدار دى قبل كده و قضيت يوم مع الايتام بجد كان يوم روعه

واحد من الناس::طارق:: said...

ظرة فيها حسرة .. فيها الجوع دموع
من عين طفل تايه .. لعنه على الجميع

حلوة اوى ... بجد

نبض اسكندرية said...

ضياء

ميرسى ميرسى ميرسى

بجد اسعدنى ردك قوى

واتمنى انك تزورنى على طول

وان شاء الله تحضر الحفلة القادمة

على فكرة الحفلة كانت حلوة مووووت

تحياتى

نبض اسكندرية said...

تامر نبيل

امين يارب

نورتنى

تحياتى

نبض اسكندرية said...

داليا


عندك حق يا جميل

اليوم بجد كان روعة

تحياتى

kaed said...

واللة انا كان نفسى أشارك بس انا جيت متأخر
الجيات كتير أن شاء اللة
سلام

نبض اسكندرية said...

طارق

ربنا يخليك ميرسى

ونورتنى

تحياتى

نبض اسكندرية said...

kaed

ان شاء الله

ميرسى ونورتنى

تحياتى