نبض اسكندرية

عنوان ابى الجديد ..أرض القبور

2011-09-16T12:47:00.000-07:00

مر على فراقة اسبوعا كاملا..فقررنا زيارتة ،ذهبنا جميعا لآجل زيارتة،كنت أشعر بأحاسيس غريبة هل أنا ذاهبة لزيارة أبى ،أبى هذا الذى كان يمشى بجوارى فى يوم من الايام لنزور أهلنا وأصدقائنا،اليوم أجيئة وحيدة بدونة ويكون هو من فى انتظارى،ماذا سأفعل عند زيارة بيتة الجديد هل سأبكى لدرجة أننى لن استطيع الوقوف على رجلى مرة أخرى أم سأدخل بأبتسامة عريضة كما كنت أفعل معة فى بيتنا..وظل يوم الوفاة يمر امام عينى كشريط فيلم وأتذكر اليوم من بدايتة حتى نهايتة وظلت مشاعرى متضاربة وقتا طويلا حتى تحرك أخى بالسيارة..وها نحن قد جئنا أرض القبور وبدأ قلبى يزداد دقا....

ووطأت قدمى أرض القبور واذا بعينى تملائها الدموع وتجرى وتسيل وظللت افكر فيهم اهل القبور فهم كانوا يوما من الايام فى مكانى يزورن اهل القبور وفجأة أصبحوا هم أهل القبور ما هذة الدنيا

!!!!!!!!!!!!!!!!!!!!!!!!!!!!

وظللت أبكى حتى جئنا قبر أبى

أبى انا ابنتك هل تسمعنى؟ هل سترد على؟ هل ستدعى لى؟

ابى اشتاق لحضنك هل ستأخذنى الية مرة اخرى
اشتاق الى لمسة ايدك الحانية
اشتاق الى عطرك الراقى

ابى..ابى ..ابى

ولكن لم يجيبنى، لم يجبينى غير تلك الاحجار الباردة والمنقوش بها اسمة الغالى

ومر على خاطرى وانا واقفة تلك الذكريات الجميلة ،فتذكرتة عندما كنت طفلة وكان يأخذنى معة الى العمل وكان يأخذنى لزيارة أهلى وكان يشترى لى كل شئ ولبس العيد كم كان يدبر المال الخاص بتلك المناسبة ولكن ما كان يعيينى كيف يدبرهم وكل ما يعنينى هو لبس العيد الجديد وهو كل ما يعنية ان يجد فى عينى الفرحة بتلك الملابس،وايضا الزى المدرسى كنت انت من تتولى امرة وامر احتياجات المدرسة كنت تتولى جميع شئونى ياحبيبى وكنت تحمل اعبائا كثيرة ولم نشعر بك يوما

وتتوالى بى الذكريات حتى استقرت بى مكانى

فازداد البكاء..وازدادت فى الدعاء

حتى الان لا اصدق انك ذهبت وتركتنى ،فأنا أشعر بك فى كل ركن بالمنزل ،ارى أشيائك كما وضعتها يدك لم تتحرك من مكانها ،

نظارتك كما هى والساعة كما هى ملابسك كما هى،كل شئ كما هو ولا يوجد غير الزمان هو الذى تغير بنا وبك ، أشعر انك فى مهمة وستأتى حالما تنتهى ،اشعر كل يوم انى سأراك فى مكانك المعتاد فى ركن بيتنا ،ستفتح يوما هذا الباب الذى تجمد بعدما فقد لمسة يديك

فهل ستأتى ياابى ؟ ابى كم كنت احبك ولا زلت احبك ولكنى لم اشعر بة غير الان، اسفة حقا لاننى لم استطيع ان اعبر عن حبى لك الا فى هذة الايام لم اقولها لك ولو مرة ولكنى اقولها الان باستمرار

احبك ابى وادعو الله لك دوما ان يغفرلك ذنوبك ويعفو عنك ويجعل قبرك نور ويؤنس وحشتك ويجعلك من اصحاب اليمين ويجعل عملك الصالح فى هذة الدنيا خير صاحب ويجعل القرأن خير أنيس

اللهم أمين

قصيدة رثاء فى أبى

2011-09-10T16:40:00.000-07:00

أمات أبوك ؟

ضلال .. انا لا يموت أبى

ففى البيت منه ..

روائح رب وذكرى نبى

هنا ركنه .. تلك أشياؤه

تفتق عن ألف غصن صبى

جريدته .. تبغه .. متكاه

كأن أبى , بعد , لم يذهب ..

وصحن الرماد .. و فنجانه

على حاله , بعد لم يشرب

و نظارتاه .. أيسلو الزجاج عيونا

أشف من المغرب

بقاياه , فى الحجرات الفساح

بقايا النسور على الملعب

أجول الزوايا عليه , فحث

أمر .. أمر على معشب

أشد يديه .. أميل عليه

أصلى على صدره المتعب

أبى .. لم يزل بيننا - والحديث

حديث الكؤوس على المشرب

يسامرنا , فالدوالى الحبالى

توالد من ثغرة الطيب

أبى , خبرا كان من جنة

و معنى من الأرحب الأرحب

و عينا أبى ملجأ للنجوم

فهل يذكر الشرق عينى أبى ؟

بذاكرة الصيف من والدى

كروم .. وذاكرة الكوكب ..

أبى .. يا أبى .. ان تاريخ طيب

وراءك يمشى , فلا تعتب

على اسمك نمضى .. فمن طيب

شهى المجانى الى أطيب

حملتك فى صحو عينى حتى

تهيأ للناس أنى أبى ..

أشيلك حتى بنبرة صوتى

فكيف ذهبت ولازلت بى ؟

اذا فلة الدار أعطت لدينا

ففى البيت ألف فم مذهب

فتحنا لتموز أبوابنا

ففى الصيف , لابد , يأتى أبى

نزار قبانى

يارب

2011-08-07T15:28:00.000-07:00

يــــــــــــــــــــــــــــــــــــــــــــــــــــــــــــــــارب

شوق وحنين

2011-07-17T16:16:00.000-07:00

وحشتينى اوى يامدونتى من زمان اوووى مفتحتكيش لكن مش عارفة عندى حنين ليكى بقالى يومين
حنين لآيام زمان وذكرياتها..انا لسة فاكرة اول مرة فتحت المدونة وعرفت يعنى اية مدونة؟
لسة فاكرة اول ناس حبايبى ساعدونى فى التدوين
اكرة التعليقات اللى كنت بستناها من ناس معينة وقد اية تعليقاتهم كانت بتفرحنى وتسعد مزاجى
وقد اية كنت بقعد افكر انزل اية بوست جديد كل مرة
وقد اية قضيت فيكى اسعد اوقاتى
وقد اية اشتكتلك هنا همى
وكام قد اية حصلتلى من زمان
بحبك يامدونتى وبحبك يانبض اسكندرية
وبحب التدوين وأهلة
ويارب اقدر اكتب هنا تانى زى زمان
:)

السلام على المسيحين والمصريين

2011-01-01T11:56:00.000-08:00

السلام عليكى يامصر الحبيبة
السلام عليكى ياأحلى عروس للبحر الابيض المتوسط
السلام على أهلى فى سيدى بشر
السلام على أخواتى فى كنيسة القديسين
السلام على شهداء الوحدة الوطنية
كنت هنا اليوم لآهنئ الاخوة المسيحيين بعيدهم
وأهنئ الجميع بالعام الجديد واتمنى لهم الخير الجديد والوفير فى العام الجديد
وان تحل مصر من اعظم دول العالم تقدما للامام
ولكن الوضع اختلف فأنا هنا الان لاعزى نفسى على ما اصابنا
وأعزى اهلى على شهدائهم
فنحن جميعا مصريون ونستاء لحالنا جميعا بدون تفريق
فالكل يخرج كل يوم الى عملة ليستقل المواصلات التى يقابل فيها المسلم والمسيحى معا
ونسلم على أصدقائنا فى الصباح فى العمل بنفس الطريقة للجميع دون تفريق (صباح الخير،صباح الفل)،كلها معانى جميلة نبتدئ بة يومنا
عندما حدثت النوة هى لما تفرق بين المسلم والمسيحى فأخذت فى وجهها الجميع ولم تفرق
احاول ان اتذكر معكم الليلة السابقة لها اليوم المشئوم وهى ليلة الخميس فكان الجميع فى مصر مسلمون ومسيحون جالسون امام التلفاز فى الساعة السادسة وكلا منهم يشجع فريقة ويتمنى لة الفوز فهل كان المسلمون يجلسون فى جانب والمسيحون يجلسون فى الجانب الاخر
ام كلا من الفريقين يشجع فريقة الذى يحبة؟
لماذا اتحدث هكذا؟ لا ادرى؟ ولا اتخيل انة كل ما نحاول ان تستقر بنا الاوضاعوتهدئ بنا الامور تعود مرة اخرى وتكون أسوأ من ذى قبل
هل الادراة الامنية فى مصر ضعيفة ووهنة للدرجة هذة؟
كم من المرات حدثت نفس الافعال؟ فمتى سنوقف الجريمة قبل ان تحدث؟
فى يوم رأس السنة الميلادية شعرت بالارهاق الشديد فدخلت لاستريح وانام دون انتظار الساعة الثانية عشر لانها أتية لا محالة واستيقظت فى صبيحة اليوم الثانى فى الفجر لاصلية واعكف على المذاكرة قليلا لاسمع فى اثير الراديو انة قد تم وقوع انفجار امام كنيسة القديسين ومات مسلمين ومسيحيين فأصبت بهلع وحالة من الذعر لما سمعتة ؟ وظللت اتذكر اصدقائى المسيحيين وادعو الله انة يكونوا بأفضل حال وان لا يكون مسهم سوء
وذهبت الى العمل ودخلت من الباب لاجد الجميع يبدو على وجهه الامتعاض والغضب الشديد
ولاول مرة ادخل وأسلم عليهم ويردون على بمنتهى القوة
شعرت انى حزينة طوال اليوم انا والجميع جميعا كنا فى حالة أسى واسف لما جرى
وبدأ يجرى على بالى مجموعة من الاسئلة
سأطرحها هنا كما خطرت ببالى؟
من قام بهذة الفعلة؟ولصالح من؟هل هو مسلم؟هل هو مسيحى؟من يريد اشعال نار الفتنة؟هل انتظرك اخى المسيحى لترد لى الضربة فى عيدى؟انا فى غاية القلق؟ماذا سنفعل نحن اتجاة هذا الموضوع؟ بما تشعر الان بداخلك اتجاهى اخى المسيحى؟هل تتمنى لو اعطوك سكينا بيدك وذهبت فى كل شوارع الاسكندرية لتأخذ بطارك؟ من الذى جند هذا المعتوة لكى يقوم بهذة الفعلة؟
كل هذة الاسئلة تدور بخاطرى انا انتظر بفارغ الصبر رؤية من فعل هذة الفعلة مقيد ومكبل ونأخذ مننا جميعا حقة مصريون بسميحية ومسلمية ولكن ما جعلنى فى حالة من القلق اكثر والهلع الشديد
هو ما دار اليوم من حديث بين اثنين من زميلاتى فى العمل
فدخلت واحدة من المسلمين لكى تسلم على زميلتها من المسيحين وقالت لها كل سنة وانتى طيبة؟
فردت الزميلة المسيحية وقالت:ما انتوا بعتلونا العدية
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!१
انتم من؟
هل انا؟ ام اختى؟امى زميلتى فى العمل؟ام عابرة الطريق؟ام من تقف على عربة الفول؟ ام عم محمد البقال؟ ام من؟
هنا تكمن المشكلة فالبعض ينظر لنا اننا المسئولون عن هذة الجريمة
من هنا تبدئ نار الفتنة؟
انا اراعى ما كانت فية زميلتى وما فية كل الشعب المصرى؟ ولا اعتب عليها فى مثل هذة الكلمة؟ لان هذا ليس وقتا للعتاب انما هو الوقت الذى لابد ان نكون فية يد واحدة امام هذا الخائن الغادر السفاح الذى يريد بنا شرا
وان لا ننولة مرادة من احداث الفتنة
ارجوكم اصدقائى المسلمين تهونوا على اصدقائكم المسيحين ويبرزوا موقفكم النبيل وموقف الاسلام من هذة الجريمة
وارجوكم اخواتى المسيحيين لا تنفعلوا؟ كونوا هادئيين وعاملوا الامر بحكمة
واعزى جميع المصريين فى شهداء الوطن
انا لله وانا الية راجعون

الصورة بقت زفت يابنات

2010-12-07T15:22:00.000-08:00

سؤال محيرنى

لية الشباب عندهم فكرة سيئة عن البنات فى طريقة تفكيرهم او مستواهم العقلى؟

لية الاحساس بأن البنات تافهة؟

وخصوصا بنات الانترنت او الفيس لآن معظم التعليقات اللى سمعتها على البنات فى طريقة تفكيرهم كانت من هذة المنطقة

اكيد زى ما فى بنت كويسة فى ولد كويس

وزى ما فى بنت تافهه فى ولد تافه

ولا أية؟

عيدكم سعيد

2010-11-14T15:51:00.001-08:00

عيدٌ بأيّةِ حالٍ عُدتَ يا عيدُ

مصر والجزائر كلاكيت تانى مرة

2010-11-04T15:12:00.001-07:00

تنوية:بمحض الصدفة والله ان يكون اخر موضوعين عن مصر والجزائر
انا فى البوست دة هحاول افرج فية عن نفسى وعن مدى استيائى من وضع مصر مع باقى الدول العربية حكومات وشعوب وبما ان لكل قاعدة شواذ مش بعمم مسألة كرة العرب للمصريين اكيد فى شواذ عن القاعدة وندخل فى الموضوع
الحكاية ان فى قناة العربية فى صفحتها على الفيس نزلت اعلان عن بعض اللاعبيين المرشحين لنوادى اوروبية ما علينا من جنسيتهم لكن كلهم عرب ومكنش فيهم مصريين فكان فى شاب مصرى علق على الخبر وقال يعنى مافيش مصريين؟
واجاركم الله على المهزلة اللى حصلت بعد كدة ودخل اخوة جزائريين واخوة مغاربة ومصريين وتبادل فى الشتائم والالفاظ القبيحة التى أخجل ان اذكرها لكم ولكن كل ما ستحدثكم بة انفسكم فهو ورد فتخيلوا الى ابعد الحدود حتى تدركوا كم المصيبة
فضلت قصيدة الردح والشتائم والالفاظ القذرة يومان كاملين لا هدنة ولا راحة هذا يسب هذا وهذا يلعن هذا وهذا يدخل فى عرض هذا والاخر يرد بأبشع رد وهكذا
هذا ما حدث وجعلنى حزينة ولكن ما جعلنى فى حالة استياء ان الجزائريين يكتبون اناشيد فقط ليشتمونا فيها والله انا ما رأيت هذا العمل معمول فى اسرائيل!!!!
والمحزن والمؤسف انهم يفترون على سيدنا عمرو بن العاص ويقولون مقولة هى والله لم وان تخرج من صاحبى رسول الله صلى الله علية وسلم ويرحفونها ويكتبونها كيفما يرون انها مناسبة لسبنا اكثر
انا مصرية وبحب مصر وبحب الجزائر ففيهم من دافع فى الحرب معى من أجل ارضى
احب لبنان وسوريا احب وطنى الصغير ووطنى الكبير
فلماذا يعكرون على هذا الحب؟
لماذا يجعونى فى حالة ضيق منهم؟
او ليست مصر هى من قال فيها النبى صلى الله علية وسلم
اذا دخلتم مصر فاستوصوا بالاقباط خيرا فأن لهم ذمة ورحما
اذا فتح الله عليكم مصر بعدى فاتخذوا منها جندا كثيفا،فذلك الجند خير أجناد الارض
هم فى رباط الى يوم القيامة
الم يقل سيدنا يوسف القرأن الكريم اجعلنى على خزائن الارض
فمن هي خزائن الأرض
؟؟؟؟؟؟؟؟؟؟؟؟؟؟؟؟؟؟؟
والله أنا لو اسمع صوت عربي واحد يريحينى ويقول لي أسباب لهذه البغضاء
كنت ارتاح !!!
لكن ما حدث شئ مفزع حقا

مصر والجزائر

2010-10-27T14:24:00.000-07:00

القصيدة طويلة جدا فاخترات منها اخر كام بيت

وطال بنا النوم عمرا طويــــلا
وما زادنا النـوم.. إلا سهــــادا

علي صدر سيناء يبكي شهيـــد
وآخر يصرخ فـــوق الجزائـــر
هنا كان بالأمس شعــب يثـــور
وأرض تضج.. ومجــــــد يفاخــــــر
هنا كان بالأمس صوت الشهيد
يزلزل أرضا.. ويحمي المصائر

ينام الصغير علي نار حقــــــــد
فمن أرضع الطفل هذي الكبائر ؟!
ومن علم الشعب أن الحــــروب
' كـرات' تطير.. وشعب يقـامر ؟!
ومن علم الأرض أن الدماء
تراب يجف.. وحــزن يسافـــــــر

ومن علم الناس أن البطولـــــــة
شعب يباع.. وحكم يتــــــاجر؟!
وأن العروش.. عروش الطغاة
بلاد تئن.. وقهر يجـــــــاهر
وكنا نـباهي بدم الشهيــــــــــــــد
فصرنا نباهي بقصف الحناجر!

إذا ما التقينــــــا علي أي أرض
فليس لنا غير صدق المشاعر
سيبقي أخي رغم هذا الصـــراخ
يلملم في الليل وجهي المهاجر
عدوي عدوي.. فلا تخــدعوني
بوجه تخفـي بمليون ساتــــــر
فخلـــف الحـــــــدود عـــدو لئيــم
إذا ما غفونا تطل الخناجـــــر
فلا تتـــركوا فتنـة العابثيـــــــــن

تشـوه عمرا نقي الضمائــــــر
ولا تغرسوا في قلــوب الصغــار
خرابا وخوفا لتعمي البصــــائر

أنا من سنين أحـــب الجـــــزائـــر
ترابا وأرضا.. وشعبـــا يغامـــر
أحب الدمــاء التي حررتــــــــــه
أحب الشموخ.. ونبل السرائر
ومصر العريقة فوق العتـــــــاب
وأكبر من كل هذي الصغــــائر

أخي سوف تبقي ضميري وسيفي
فصبر جميل.. فللــيـــل آخــر
إذا كان في الكون شيء جميـــــل
فأجمل ما فيه.. نيل.. وشاعر

بدلة الاسير..قصة قصيرة

2010-10-21T14:12:00.000-07:00

كان جحشه بائع سجائر أول السابقين الى محطه الزقازيق حين اقترب ميعاد قدوم القطار وكان يعد المحطه بحق سوقه النافقه فيمضى على الافريز فى نشاط منقطع النظير يتصيد بعينيه الصغيرتين الخبيرتين ولعل جحشه لو سأل عن مهنته للعنها شر لعنه لأنه كبقيه الناس برم بحياته ساخط على حظه ولعله لو ملك حرية الاختيار لآثر أن يكون سائق سيارة أحد الأغنياء فيرتدى لباس الأفنديه ويأكل من طعام البك ويرافقه الى الأماكن المختاره فى الصيف والشتاء مؤثرا من أعمال الكفاح فى سبيل القوت ما هو أدنى الى التسليه والملهاة على أنه كانت له أسبابه الخاصه ودواعيه الخفيه لايثار هذا العمل وتمنيه من يوم رأى الغر سائق أحد الأعيان يتعرض للفتاة نبويه خادم المأمور فى الطريق ويغازلها بجساره وثقه بلك سمعه مره يقول لها وهو يفرك يده حبورا سآتى معك قريبا ومعى الخاتم ورأى الفتاة تبتسم فى دلال وترفع طرف الملاءة عن رأسها كأنها تسويها والحقيقه أنها أرادت أن تبدى عن شعرها الفاحم المدهون بالزيت ...
رأى ذلك فالتهب قلبه وأحس الغيره تنهشه نهشا موجعا وكان به من عينيها السوداوين أوجاع وأمراض وكان يتبعها عن كثب ويقطع عليها السبيل فى الذهاب والاياب حتى اذا خلى بها فى عطفه أعاد على أذنيها ما قال لها الغر سآتى قريبا ومعى الخاتم ولكنها لوت عنه رأسها وقطبت جبينها وقالت باحتقار : هات لك قبقاب أحسن فنظر الى قدميه الغليظتين كأنهما بطنا بخفى جمل وجلبابه القذر وطاقيته المعفره وقال : هذا سبب شقائى وأفول نجمى ونفس على الغر عمله وتمناه على ان آماله لم تقطعه عن مهنته فثابر على كده قانعا من آماله بالأحلام وقصد فى ذلك الأصيل الى محطة الزقازيق يحمل صندوقه وينظر القادم ونظر الى الأفق فرأى القطار قادما من بعد كأنه سحابة دخان وما زال يدنو ويقترب وتتميز أجزائه ويتاصعد ضجيجه حتى وقف على افريز المحطه وهرع جحشه الى العبات المتراصه فرأى لدهشته على الأبواب حراسا مسلحين ووجوها غريبه تطل من النوافذ بأعين ذاهله منكسره فقيل لهم بأن هؤلاء الأسرى الايطاليين تساقطو بين يدى عدوهم بغير حساب وأنهم يساقون اليوم الى المعتقلات ...
فوقف جحشه متحيرا يقلب عينيه فى الوجوه المغبره ثم أدركته الكآبه لأنه أيقن أن تلك الوجوه الشاحبه الغارقه فى البؤس والفقر لن يكون فى وسعها اشباع نهمها من سجائره ووجدهم يلتهمون ضندوقه بشراهة جوع فألقى عليهم نظرة سخط واحتقار وهم أن يوليهم ظهره ويعود من حيث أتى ولكنه سمع صوتا يصيح به بالعربيه بلهجه أفرنجيه قائلا : سجائر فحدجه بنظره دهشه وريبه ثم فرك سبابته بابهامه : أى نقود ففهم الجندى وأومأ برأسه فاقترب محاذرا ووقف على بعد لا تبلغه يد الجندى فخلع الحندى جاكتته بهدوء وقال له وهو يلوح بها : هذه نقودى فتعجب جحشه وتفرس فى الجاكته الرماديه ذات الأزرار الصفراء بين الدهشه والطمع ووجب قلبه ولكنه لم يكن ساذجا أو مغفلا فأخفى ما قام بنفسه أن يقع فريسه للايطالى وأبرز فى هدوء ظاهرى علبة سجائر ومد يديه ليأخذ الجاكته فقطب الجندى جبينه وصاح به : علبه واحده بجاكته ؟ هات عشرا فذعر جحشه وتراجع الى الوراء وقد غاض طمعه وأوشك أن يأخذ فى غير السبيل فصاح به الجندى : أعطنى عددا مناسبا تسعا أو ثمانيه فهز الشاب رأسه بعناد فقال الجندى : اذن سبعا ولكنه هز رأسه كما فعل فى الأولى وتظاهر بأنه يعتزم المسير فقنع الجندى بست ثم هبط الى خمس فلوح جحشه بيده متظاهرا باليأس وتراجع الى المقعد وجلس فصاح به الجندى المجنون : تعال رضيت بأربع فلم يلق له بالا وليدله على عدم اكتراثه أنه أشعل سيجاره ومضى يدخن فى تلذذ وهدوء فثارت ثائرة الجندى وأهاجه الغضب وبدا وكأنه ليس له غايه فى الوجود سوى الاستيلاء على سجائر فهبط بطلبه الى ثلاث ثم اثنين ولبث جحشه جالسا يغالب اضطرام عواطفه وأوجاع طمعه ولما نزل الجندى الى اثنتين أبدى حركه بغير اراده رآها الجندى فقال له وهو يمد يده بالجاكته : هات فلم ير بدا من النهوض ودنا من القطار حتى أخذ الجاكته وأعطى الجندى العلبتين وتفرس الجاكته بعين جذله راضيه وقد لاحت على شفتيه ابتسامة ظفر ووضع الصندوق على المقعد وارتدى الجاكته وزررها فبدت فضفاضه ولكنه لم يعن لذلك وتاه عجبا وسرورا واسترد صندوقه وأخذ يقطع الافريز فخزرا طروبا وارتسمت لعينيه ورة نبوية فى ملاءتها اللف فقال متمتما : لو ترانى الآن نعم لن تتجافانى بعد اليوم ولن تلوى وجهها عنى احتقارا ولن يجد الغر ما يفخر به على ولكنه ذكر أن الغر يرتدى بدلة كامله لا جاكته مفرده فكيف السبيل الى البنطلون ؟ وفكر مليا وألقى على رؤوس الأسرى المطله من نوافذ القطار نظرة ذات معنى ولعب الطمع بقلبه من جديد فاضطربت نفسه بعد أن أوشكت أن تستقر ودلف الى القطار ونادى بجرأه : سجائر سجائر العلبه بمنطلون لمن ليس معه نقود العلبه بمنطلون وأعاد ندائه هذا مثنى وثلاثا وخشى أن يغيب على الأفهام مقصده فمضى يومىء الى الجاكته التى يرتديها ويلوح بعلبة سجائر وأحدثت ايمائته الأثر المرجو فلم يتردد جندى أن يهم بخلع جاكتته ولنه سارع نحوه وأومأ اليه أن يتمهل ثم أشار الى بنطلونه يعنى أن ذلك بغيته وهز الجندى منكبيه باستهانه وخلع البنطلون وتم التبادل وقبضت يد جحشه على البنطلون بقوة يكاد يطير من الفرح وتقهقر الى مكانه الأول وأخذ يرتدى البنطلون وانتهى فى أقل من دقيقه فصار جنديا ايطاليا كاملا ترى هل ينقصه شىء الموسف حقا أن هؤلاء الأسرى لا يغطون رأسهم بالطرابيش ولكنهم يضعون أقدامهم فى أحذيه ولا غنى عن حذاء ليتساوى بالغر الذى يكرب حياته وحمل صندوقه وهرع الى القطار وهو يصرخ : سجائر العلبه بحذاء العلبه بحذاء واستعان على التفاهم بالاشاره كما فعل فى المره الأولى ولكنه قبل أن يظفر بزبون جديد آذنت صفارة القطار بالمسير فتمخضت عن موجة نشاط شمل الحراس جميعا وكانت سحائب الظلام تغشى جوانب المحطة وطائر الليل يحلق فى الفضاء فتوقف جحشه وفى نفسه لوعة وفى عينيه حسره وغيظ ولما أخذ القطار يتحرك لمحه حارس فى عربه اماميه فبدا على وجهه الغضب وصاح بالانجليزيه ثم بالايطاليه : اصعد بسرعه أيها الأسير فلم يفهم جحشه ما يقول واراد أن ينفس عن صدره فجعل يقلده فى حركاته مستهزءا مطمئنا الى بعده عن متناول يديه فصاح به الحارس مره أخرى والقطار يبتعد رويدا ورويدا : اصعد انى احذرك اصعد فزم جحشه شفتيه احتقارا وولاه ظهره وهم بالمسير فكور الحارس قبضة يسراه مهددا وصو بندقيته نحو الشاب الغافل وأطلق النار ودوى عزيف الرصاصه يصم الآذان واعقبتها صرخة الم وفزع وتصلب جسم جحشه فى مكانه فسقط الصندوق من يده وتناثرت علب السجائر والكبريت ثم انقلب على وجهه جثة هامده ...

عيد سعيد

2010-09-08T17:04:00.000-07:00

يا نيلنا ميتك سكر
وزرعك في الغيطان نور
تعيش يا نيل و تتهنى
ونحيي لك ليالي العيد

رمضان كريم ياصايمين

2010-08-12T03:00:00.000-07:00

رمــــــــضــــــــــــــــان كــــــــــــــــــــــــــــريـــــــــــــــم
كل عام وانتم بألف خير

فؤاد نجم...نبايع سيادتك

2010-07-17T12:04:00.000-07:00

نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره

أيها المدونين .......اليكم هذا النبأ

2010-07-13T13:44:00.000-07:00

وحشتووووووووووووووووووووووووووووونى
جدااااااااااااااااااااااااااااااا
جدااااااااااااااااااااااااااااااا
جدااااااااااااااااااااااااااااااا

مش مصدقة ان النت رجعلى تانى
فرحتى كبيرة بسبب كذا حاجة حصلتلى
عموما والله هرجع تانى واتابع تانى وهزهقكوا تانى تانى تانى

وربنا يدومها علينا نعمة ويحفظها من الزوال

وكل سنة وانتم طيبين يا قمماير ويا قمرات التدوين

عندى موضوع جامد طحن
هانزلة قريب جدا جدا بس أكملة

سلام مؤقت للحلوين

نص حالة

2009-07-18T11:07:00.000-07:00

حالة .. نشوة .. حب .. فرح .. قلق .. أنتظار .. أحساس .. جنون بالحياة

أنا لآ ارحب بك

2009-06-15T10:43:00.000-07:00

السلام عليكم ورحمة الله وبركاتة

انا برحب بكل الناس اللى تدخل عندى وتقولى تعليق على موضوع طرحتة ويأخذ منى الخبرات وأنا أيضا اتعلم منة خبراتة وكذلك هى فكرة المدونات فهى تبادل ثقافات وتبادل أفكار وتبادل أراء وتعلم مفاهيم أشخاص أخرين

وليس هذا ما كنت سأتحدث فية ولكن كل ما أرغب أن أقولة أننى أرحب بجميع الزائرين سواء مدونين أو مجهولين

وانا أحترم جميع الناس بدياناتهم و أفكارهم وأرائهم وأحترم كل من يحترمنى

لكن لا أرحب بأى شخص يسيئ الى دينى أو رسولى أو معتقداتى وأركز على كلمة رسولى

ولا تحسبوها أنها من التعصب ولكن هذا هو الطبيعى أنت يامن تسيئ الى رسولى الكريم هل تقبل بالاساءة الى رسولك الكريم مع أننى لم ولن أفعل ذلك طوال حياتى لآننى أؤمن بجميع الرسالات السماوية وجميع المرسلين ..بل وأن إيمانى ودينى لم ولن يكتمل الآ بأيمانى برسولك

لذلك أنا لا أرغب فى وجودك فى مدونتى لآنك لن تزيد ثقافتى شيئا ولن أدخل معك فى حوار أو سأرد عليك يوما ما

أنا

أحب دينى ورسولى ولن يغير ما تفعلة أنت شيئا فى أيمانى ..بل أننى أدعوك أن تظهر بمظهر يليق بدينك وتقدم للناس ما هى

شريعتك وكيف هو أيمانك أنفع لك مما تقدمة للناس من مهاترات وأكاذيب

أن فرعون أهلكة الله بظلمة فليهلك الله الظالم فى كل وقت وحين

وأن لم يهلك فى الدنيا فليستعد للهلاك فى يوم عظيم

وليغفر الله لى ان قد أساءت اليك فى شئ

وليغفر الله لجميع الناس انة الغفور الرحيم

بين الحب والخطأ والمغفرة

2009-06-02T10:39:00.000-07:00

عارفة مجال الشغل
دة

هى فتاة فى العشرين من عمرها الوردى يملأها الحب والحنان والمشاعر الطيبة وتفيض حبا لجميع الناس..تحب الخير وتكرة الشرة فهى كالوردة فى عيد ربيعها .. تخرج الى الحياة فلا تظهر لها أى عقبات فى حياتها عاشت ونمت فى حياة سهلة بسيطة ..حتى أحلامها كانت بسيطة فهى ترجو من الله بأن يكرمها برجل ذو خلق ودين تكمل معة هذة الحياة السهلة البسيطة

ويرزقها الله فى وقت ما بحب ومشاعر جميلة وصادقة نحو شخص ما وتحلم وتحلم وتبنى وبعدما تصدقة مشاعرها تستيقظ على الحقيقة وهى أن هذا الشخص كان كاذب فى أحساسة ومشاعرة غير صادقة ,أحساسة مزيف ,ملئ بالغش والخداع.. فهو مريض بالكذب والمكر... لكن لحسن ظنها بالله بأنة لن يضيعها فكشف لها حقيقة هذا الشخص صدفة... وتنتهى بها هذة القصة إلى جرح والم ومرارة ... ولكنها تتغلب على هذة الآلآم الصعبة وتنوى مهما يحدث لها فهى لن تتعامل مع أحد بكذب أو غش لآنها ذاقت طعم الجرح وهى لاتتمنى أن تكون سبب فى جرح لآحد حتى لآ يشعر بما شعرت بة ولا يمر بما مرت بة

وتمر بها السنين وتذهب بها الايام وتأتى فهى قويت وأشتدت وأستطاعت على ممارسة حياتها بشكل طبيعى ونسيت هذا الشخص بشكل سريع لكنها لآ تنسى ما حدث لها حتى لآ تقع مرة أخرى فى موقف كهذا أو تسبب لآى أحد أى جرح ولكنها على نفس أحساسيها البريئة النبيلة التى لم تنقص أو حتى تضار بشئ مما حدث لها

حتى أن قابلت رجل.. هو بالفعل رجل..وجدت فية الصدق التى كانت تبحث عنة وجدت فية مشاعر رقيقة للغاية وجدت فية كل ما كانت تبحث عنة وتتمناة بمعنى الكلمة.. ومرة تلو المرة تتحدث معة وتشتاق إلية وتشعر بأشياء غريبة ولكنها تصمت ويزيد تعلقها بية ولا تتكلم عن شئ ابدا والعجيب أنة هو الآخر يشعر بأشياء غريبة وحالة غريبة ولكنة لا يتحدث ودون أن تدرى وجدت نفسها فى حالة حب ..نعم هى تحبة هى اخيرا صادفتة .. ربى لآ أصدق أهو أيضا يبادلنى نفس المشاعر أنا فى حالة سعادة وفرحة غريبة .. وهو أيضا وجد نفسة فى نفس الحالة تماما بدون أى ترتيب منة أومنها ولكنها هى لعبة القدر يجتمعوا على الخوف.. الخوف من الآيام التى عادة تعطينا شيئا فتسرع فى أخد المقابل ..هم خائفين من الجرح..خائفين من الخسارة خسارة كل شخص الاخر اذا أتت الرياح بما لاتشتهى السفن

ثم صرحا لبعض عن حبهما وكانوا فى غاية من السعادة والابتهاج والآمل وأنما هذة الكلمات غير معبرة بالمرة عن حالتهم ولكن هذا حال الكلمات عادة تكون غير معبرة فى الحالات الاستثانئية هذة

وجأت بعد ذلك اللحظة التى يسألها عمن أن كان سبق لها وأحبت أو وجود شخص سابق فى حياتها .. نفت وجود أى أحد سابق فى حياتها وتصورتة هو أول رجل يدخل قلبها ويملك مشاعرها.. فقالت كل شئ عن حياتها سابقا الا هذا الشخص لم تذكرة بتاتا ولا أعرف لماذا؟

فى رأيها أنها مسحتة من مجلدات ذكرياتها لم ولن تذكرة فى حياتها فهى تقول أنة لا يستحق ان تذكرة من ضمن ذكرياتها ولها وجهة نظرها فى ذلك ولكنها لم تخون هذا الانسان الصادق ابدا وبمحض الصدفة ودون ترتيب منها عرف هذا الانسان قصة الشاب المخادع هذا وواجهها بأنة عرف وأنها لم تخبرة شئ عنة وأنها كذبت علية وشعر بجرح فى رجولتة وأحس بأنها كاذبة وغير صادقة وما كانت فية معة ما هو الا لعب بمشاعرة وتسلية وعندما تتركة ستبحث عن غيرة لتكمل معة باقى التسلية

وهذا كان ظنة فيها وظن فيها الكثير والكثير... وهى تبكى الآن أسفا لهذا الخطأ التى لم تقصدة وهى تندم كثيرا لآنها لم تروى لة هذة القصة ولكن ما حدث قد حدث ولا سبيل لها الآن فهو لايستطيع أن يغفر لهاوهى أعتذرت طويلا طويلا ولكن ما من أجابة .. فهى فى أول قصتهم هو من كان يخطأ كثيرا وهى كانت تغفر وتسامح كثيرا لآنها كانت تعرف بأن الشخص هو من يستحق الغفران بعد طلبها وكانت متسامحة لأبعد الحدود وكانت تتوقع أنها لديها رصيد كافى عندة من الحب والتسامح حتى اذا أخطأت غفر لها أيضا كما كانت تفعل معة

أليس جميعنا بشر من حقنا أن نخطأ ونصحح،نذنب ونغفر،ألا يوجد لكل منا خطأ فعلة وتاب عنة ..أتذكر الأن الآية الكريمة وليعفوا وليصفحوا الآ تحبون أن يغفر الله لكم أليست هذة الآية كافية حتى يراجع نفسة

أليست تستحق هذة الفتاة بأن تطمع فى كرم حبيبها بأن يغفر لها أول خطأ صدر منها..ولكنها ستبقى على أمل بأن يغير الله ما بة ويبدلة إلى الآحسن أن شاء الله

أن العفو عند المقدرة من أسمى أنواع العفو

أتمنى تكون رسالتى وصلت لجميع من يقرأها ولمن حدث لة أمر كهذا وأتمنى مشاركة حقيقة فى التعليقات فى هذة القصةوماذا فى وسع البنت أن تفعل؟وهل يغفر لها حبيبها أم لا؟
والسلام ختام

هو دة الاهلى حبيبى

2009-05-24T14:23:00.000-07:00

الاهلى غيرة مافيش.........................معلش يادارويش

أما انهاردة ياجدعان فرحتى متتوصفش مش عارفة اقولك اية ياأهلى غير بجد شكر شكرا شكرا

على الفرحة اللى خلتنى فيها انهاردة وفى كل بطولة تقدمهلنا

بجد ولادك اللى قالوا عليهم عواجيز كانوا رجالة ورجالة ورجالة

وطبعا يا اهلى ياحبيبى الغل والحقد والحسد مالى نفوس الحاسدين لكن ولا يهمك ياجميل

طالما انت معانا واحنا معاك عمرنا ماهيأثر علينا كلامهم مهما قالوا

وطبعا أحب اقول للاسماعيلى انت فريق كبير وبجد ليك احترامك عندنا يابرازيل الكورة المصرية

لكن كنا هانزعل جامد لو كنت اخدت مننا الدورى وشكرا طبعا على المباراة الحلوة اللى انت قدمتها

استمتعنا بجد واحنا كلنا فى حالة قلق احسن يضيع مننا الدورى لكن الحمدلله مشيئة ربنا كانت معانا

ومش قادرة اوصف البطولة دى طعمها ازاى وفرحتها ازاى فى قلبى اولا عشان النهائى كان عندنا فى اسكندرية حبيبتى

كان وشها خير الحمدلله على الاهلى حبيبى وثانيا لاننا كسبنا وربنا مضيعش مجهودنا على الارض

بجد فرحتى انهاردة فرحتين ويارب دايما ايامنا افراح مع الاهلى حبيبى

واخيرا وليس اخرا ان شاء الله ببارك لكل الاهلاوية والمصراوية اللى بيشجعوا الاهلى

الاهلى غيرة مافيش......................... معلش يادراويش

موقف غريب

2009-05-19T13:13:00.000-07:00

خرجت من الدوام فى وقت الظهيرة حيث الشمس عامودية والاشعة قوية والحر الشديد والعرق السائل من الجبين لتنتظر اى شئ لتستقلة لتذهب الى بيتها والحمدلله كان الامر سهل عن كل يوم ووجدت فعلا ما يقلها الى بيتها وهو المشروع اشارت لة فاوقف ووجدت الكرسى الموجود بجانب السائق فاضى فافتحت الباب لتركب بالسيارة وبعد محطة واحدة من ركوبها ووجدت سيدة تشير الى السيارة فاوقف السائق لها وكانت السيدة تمسك بأشياء كثيرة وكانت معها ابنتها التى لم تتعدى مرحلة الحضانة وكان المكان الوحيد الفارغ الذى بجوار السائق

فدخلت زميلتى هذة الى الداخل حتى تستطيع السيدة من الركوب وساعدتها زميلتى فأخذت بأيد البنت الصغيرة ومن ثم تناولت منها الاشياء التى كانت بيدها حتى تتمكن من الركوب وبالفعل تمكنت وجلست بجوار زميلتى وتعطى زميلتى هذة السيدة أشيائها

فنظرت لها السيدة فى نظرة حادة وقالت :: استنى لما اطلع الفلوس

فلم ترد زميلتى ولكنها كانت فى حالة صدمة من نظرة السيدة لها ومن اسلوبها فى الرد عليها ولكنها ما فعلتة ان تضع هذة الاشياء بجوارها

ومن ثم تحاول البنت الصغيرة الجلوس على رجل امها ولكن الام تقول لها:: رجلى يا ياسمين متركنيش يا ياسمين

ولا تجد ياسمين حلا اخر فى الجلوس الا على رجل زميلتى لان امها لا تطيق احدا من الواضح ولا حتى ياسمين

وصبرت زميلتى بالرغم من ثقل البنت على رجلها ولكنها لم تتفوة بكلمة ولم تحرك رجلها حتى لا تتضايق البنت وتظل البنت على هذا الوضع حتى يأتى المكان الذى سوف تنزل فية زميلتى فاتطلب من السائق الوقوف على جنب وبالفعل يقف السائق

وتطلب زميلتى من السيدة بأن تنزل لكى تتمكن زميلتى من النزول ايضا فاتقول لها فى صوت خشن:: انتى مقولتيش لية قبل ما اركب انا رجلى مكسورة تعرفى تنزلى كدة بقة ولا اية؟

فنظرت زميلتى لها فى نظرة استعجاب :: انا مكنتش اعرف

ومش هاعرف انزل كدة

فاقام السائق بالنزول من مكانة وقال لزميلتى :: تعالى ياأنسة من هنا

وقامت زميلتى بالنزول من مكان السائق

وظلت فى حالة تعجب من هذة السيدة

لماذا تعاملت معى هكذا؟

!!!!!!!!!!!!!!!!!!!!!!!!!!!!!!!!!!!

هم فى رباط ...فى ذكرى النكبة

2009-05-15T12:20:00.000-07:00

عن أبي أمامة قال : قال رسول الله صلى الله عليه وسلم: ( لا تزال طائفة من أمتي على الدين ظاهرين , لعدوهم قاهرين , لايضرهم من خالفهم إلا ما أصابهم من لأواء
حتى يأتيهم أمر الله وهم كذلك , قالوا وأين هم ؟ قال : ببيت المقدس وأكناف بيت المقدس
)

بنى أدم شو

2009-05-09T12:30:00.000-07:00

أنت بتقول أية؟

يعنى أنت عايز أية؟

سايقة عليكوا ولاد الحلال اللى يفهم البرنامج دة ييجى ويقولى؟

ولا هو برنامج زى البرامج الغريبة اللى موجودة دلوئتى؟

المعنى""

2009-04-24T13:12:00.000-07:00

السلام عليكم ورحمة الله وبركاتة

أزيكم يا أصدقائى وبعد ما تفضلتم جميعكم بالرد على البوست اللى فات

أدينى أهو ياجماعة هانزل دلالات الاسئلة واتمنى انى بجد اكون قدرت افيد اى حد او اى حد استفاد من اجابات التانى لكن فى النهاية كان هدفى الافادة مش اكتر ومش هانكر انى انا كمان استفادت من اجابات بعض الناس وكمان عرفت معظم الناس عايشين حياتهم ازاى وكمان شايفنها ازاى

وانى كمان لقيت ردودد من ناس مكنتش متوقعها انها هاتطلع حلوة اوى كدة وناس تانية ردت بسذاجة شوية

مش هطول عليكم واليكم المعنى

ملحوظة: البوست التانى اللى عايز لسة يرد فية هو مفتوح وهاتبعة دة لو فى حد مكنش قرا البوست اللى فات ودخل على الاسئلة على طول

الغابة والصحراء هما حياتك اللى انت عايشهم فاكر انت وصفتها ازاى وكان احساسك فيها اية؟

الماج او الفنجان هما الناس اللى انت بتقابلهم فى حياتك ورايك فيهم اية؟

الاسد هى المشاكل وطريقة تعاملك معاهم ؟

البحيرة هى الحياة العاطفية وانت وصفتها ازاى وان كنت هتنزلها ولا لاء؟

الصندوق هو انت من جوة فاكر انت لقيت جواة اية؟

اما السلم فهو الاصدقاء؟

اما الحصان هو شريك الحياة انت قولت هاتتعامل معاه ازاى؟

اما السور هو المستقبل وطريقة تعاملك مع السور هيا نفس الطريقة اللى بتحاول تعرف بكرة عامل ازاى؟

بس خلاص

كدة الاسئلة خلصت ويارب يكون كل واحد فينا قدر يعرف نفسة مع رحلة فى خيال المدونين

شكرا كتير للناس اللى ردت وشكرا للناس اللى مقدرتش ترد لضيق وقتهم

استنونى فى البوست القادم

دمتم بخير

......................

رحلة فى خيال المدونين...أعرف نفسك بجد

2009-03-29T06:11:00.000-07:00

اما عن موضوع انهاردة هحاول فية افيد نفسى ونستفيد من الكلام اللى هاقولة والبوست دة مش انا اللى هاكتبة بالعكس

ردود السادة المدونين هيا اللى هاتكتب البوست دة واقولكم الحكاية من اولها

وانا فى الشغل انهاردة دخلت عليا واحدة زملتى تسألنى عن بعض أسئلة وكانت غريبة لكن جميلة بشكل

وبعد ما جاوبت عن كل الاسئلة وجدتها تشرح لى كل سؤال ومعنى اجاباتى وبدأنا نسأل واحدة تلو الاخرى

لدرجة اننى كنت سعيدة جدا بردود الناس حتى أننى بدأت اغير من تفكيرى فى كذا سؤال من اجابات بعض الصديقات

وجاء فى ذهنى ان اكتب هذة الاسئلة فى بوست واشوف ردود اخواتى واصدقائى المدونين

وانا على يقين بأنى سأرى اجابات اكثر من رائعة واعذورنى سأطيل مدة هذا الموضوع حتى نستطيع ان نكتشف انفسنا بأنفسنا

وأما عن الاسئلة هتكون محتاجة منكم شوية تخيل جامد وفى نفس الوقت احساس قوى

ومش هحدد اجابات للاسئلة انا هاسبها مفتوحة كل واحد يكتب اجابتة زى ما هو حابب

ومش هعمل فيها دكتورة وهاقولكم انت شخصيتك كذا او كذا انت اللى هتبدأ تعرف نفسك بنفسك

لما انزل معنى كل سؤال فى بوست اخر ان شاء الله

بس انا عايزة اية بقة ابداع يا مبدعين عايزة اجابات خرافية عايزة اتعلم منكم بجد

وان شاء الله هابقة اكتب ردودى مع الناس كا نوع من المشاركة

ودلوئتى هانزل الاسئلة وهما عبارة عن تسعة أسئلة

تذكير هام: تذكر بأن تتخيل نفسك فى الاماكن التى سأذكرها وحاول ان تستشعرها ودع قدراتك الخالية تعمل مع الاسئلة

لو ماشي فى صحراء تخيل احساسك هايكون ازاى؟ متصورها ازاى؟ وهتعمل اية؟

لو ماشى فى غابة أحساسك هايكون أية؟ متصورها أية؟ وهتعمل أية لو لقيت نفسك فيها ؟

لو لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟

لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟

لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟

لو لقيت ماج فى الصحراء تفتكر هايكون شكلة ازاى؟ وهتعمل بية اية؟

لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟

لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟

لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟

الاسئلة كدة انتهت ولو فى مشكلة فى اى سؤال بمعنى انة مش مفهوم او مش واضح ياريت تكتبولى فى الردود

وان شاء الله البوست اللى بعدة هانزل فية معنى كل سؤال واية المخزى منة

وبكدة هاتكون عرفت نفسك بنفسك وحاول انك تستفيد وانا كمان استفيد من ردود الجميع

لانة فى الغالب هتلاقى اراء احسن بكتير من ارائك زى ما حصل معايا بالظبط

واتمنى كل واحد يحاول يبعت البوست دة لاكبر عدد من المدونين حتى نرى اراء وتفكير وخيال الجميع

انا مش هعلق على البوستات لانة مش بوست شخصى لكن ممكن نعلق على اراء بعضنا البعض

دمتم بخير

.................

حكم بثلاث سنوات للزيدى....والله حرام

2009-03-24T12:55:00.000-07:00

لا تأسفن على غدر الزمان لطالما رقصت على جثث الأسود كلابآ..

لاتحسبن برقصها تعلوا على اسيادها تبقى الأسود اسودآ والكلاب كلابا

فك الله أسرك وأزاح عنك همك
وفرج عنك كربك
أمين

مرمطة اجبارى كل 7 سنوات

2009-03-12T12:10:00.000-07:00

ملحوظة:الموضوع دة مكتوب باللغة العامية قوى لانى مقدرتش اكتبة غير كدة

انا بعتذر عن اسلوب الكتابة لكل الناس

واليكم الموضوع

انا من ساعة ما عرفت ان بطاقة الرقم القومى هتتغير كل 7 سنوات وانا عندى حالة من الذهول

بيقولوا والله اعلم هما لسة بيقفشوا اللى بيقولوا ولا بس المهم انى سمعتهم بيقولوا ان القرار دة نزل عشان شكل الناس بيتغير فا الحكومة تبقة متابعة شكل الناس

يعنى وبالمرة بقة يدونا نصايح لكل واحدة حصل شوية تجاعيد زيادة

او اللى طخنت شوية يقولوا ازاى الحكومة متابعة وازاى هيا زادت والمرة الجاية مش هنسكت

اللى كان ابيض واسمر واللى كان وحش وبقة اوحش واللى كان اصفر وبقة اخضر

يعنى اقتراح عجبنى باردو لدرجة الشلل

بقة التذنيبة بتاعت السجل المدنى دى هانزورها كل 7 سنوات وكل 7 سنوات انا شكلى هيلحق يتغير

دماغ باردو

ولا نجيبها من الاخر ونقول ان الحكومة عايزة تلم فلوس زى ما الشارع كلة بيقول

وكمان الموضوع لوى دراع اللى هو اخر تعامل للبطايق فى شهر 3 والقرار نزل مثلا فى شهر 1

مذنوقين جامد فى الفلوس شكلهم

وياعينى بقة على الناس اللى على المعاش محدش هايعرف يصرف معاشة غير لما يغيير البطاقة

طب بالذمة الناس اللى على المعاش دى شكلهم هايتغير كل 7 سنوات ااااااازاى

ولا الحكومة مش عارفة ازاى تتعب شعبها اكتر من كدة

مش بالذمة حرام والله اللى الحكومة بتعملوة فينا

الجملة اللى جاية دى منقولة من المصرى اليوم واستمتعوا معايا

تحذير: الى كل من يعانون من الضغط ...سف شريط قبل ما تكمل

وانا لله وانا الية راجعون

قرار الوزارة بتجديد البطاقة الشخصية كل ٧ سنوات بأنه يستند إلى القانون، الذى منح الوزير الحق فى تحديد فترة صلاحية البطاقة، مشيراً إلى أن تغيير البطاقة لتحديثها وتلافى التزوير.

ونعمة الحكم

إن الوزارة راعت أن تكون مصاريف استخراج البطاقة ١٥ جنيهاً فقط، وهى المصاريف التى تتكبدها الوزارة بالضبط دون أى زيادة.

ياحرااااااام

أن المادة المستخدمة فى صنع البطاقة تسمى «بولى كاربونايت» وفترة صلاحيتها تتراوح بين ٥ و٧ سنوات،

وعلى كدة اللى تنتهى بطاقتة ميجيش يمها عشان هاتبقة

exp

مكنش فى مادة طويلة عن كدة شوية

مؤكداً أن الوزارة تعمل على مساعدة المواطنين خاصة من ذوى الاحتياجات الخاصة والمسنين حيث تتوجه إليهم لاستخراج البطاقة،

نفسى اشوف مسن واحد الحكومة جاتلة

من الاخر كدة القرار دة بجد زود تعب المواطنين اكتر ماهما تعبانين

هيا حكومتنا دى اية مش شايفة الناس عمالة ازاى

دة الناس قربت تنسى اسمها من ضغوط الحياة ومش نقصاكى يا حكومة بصراحة

ومش ناقصة افتكسات من كل وزير يطلع كل شوية يصدر قرارت تخنق المواطنين ويقول احنا بنعمل على راحة المواطن

انتوا فعلا هاتريحوا المواطن بس من الدنيا كلها

انا كنت عايزة اقول ان فى فجوة كبيرة جدا بين الحكومة والشعب

لدرجة ان فعلا الشعب غير متقبل اى اامر من الحكومة او قرار

ولانى انا واحدة من الشعب بقول الرحمة بقة ياحكومة

الرحمة بجد الناس كلها تعبانة ومحدش بيدور هما فين

واللى شايفة قدامى ان الحكومة ماشية فى طريق والناس ماشية فى طريق تانى

ومش عارفة هايقدروا يتلاقوا ولا هايفضولا كدة على طول

اتمنى من الله ان يصلح حالنا وحال حكومتنا

"للذكـــرى

2009-02-27T03:57:00.000-08:00

سأل الأمام على بن أبي طالب متي يخرج الدجال وهو يخطب الجمعه على المنبر:.
فقال:. سأخبرك بعلمات وأسباب..
يتلو بعضهن بعضا
حذو النعل بالنعل...!!
ثم قال:.
فأعقد يديك..
فحفظ مأقوله لك
اذا أمات الناس الصلوات (يعني الصلاه ضيوعها)
وأضاعوا الأمانات
وكان الحكم ضعفا
والظلم فخرا
وامرائهم فجرا...
ووزرائهم خونه.
واعوانهم ظلمه...
وقرائهم فسقه...
وظهر الجور (الظلم في كل مكان)
وفشى الزنا
وظهر الربا
وقطعت الأرحام
وأتخذت القينات (ظهروا المطربات)
وشربت الخمور
ونقضت العهود
وضيعت العتمات (صلاه الليل ضاعت)
وتوانه الناس في صلاه الجماعات
وزخرفوا المساجد
وطولوا المنابر
وحلوا المصاحف
وأخذو الرشي (الرشوه)
أكلو الربا
استعملوا السفهاء (وظفوهم)
واستخفوا بالدماء (ارخص شي صار الدم)
وباعو الدين بالدنيا (سبحان الله كان الأمام على عايش بيننا)
وأتجرت المراه مع زوجها حرصا على الدنيا (دخلت المراه التجاره مع زوجها)
وركبت النساء الميافر (الدواب الفاخره)
وتشبهت بالرجال (الجنس الرابع)
وتشبها الرجال بالنساء (الجنس الثالث)
وكان السلام بينهم على معرفه (يسلم على اللي يعرفه بس)
وشهد شاهد من غير ان يستشهد (شهاده الزور)
وحلف قبل ان يستحلف
ولبسوا جلود الضان
علي قلوب الذئاب
وكانت قلوبهم أمر من الصبر
والسنتهم أحلى من العسل
وسرائرهم انتن من الجيف
والتمس الفقه لغير الدين(يتعلمون العلوم الشرعيه ليست لله)
وانكر المعروف
وعرف المنكر
ثم قال اذا حصل هذا:.
فالنجاه النجاه
الوحى الوحى
الثبات الثبات

جاهين،،

2009-02-22T05:43:00.000-08:00

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

عرفت قيمة الحياة من غيرة

2009-02-10T09:06:00.000-08:00

قد كدة كنت مفتقداة وقد كدة كانت حياتى صعبة من غيرة

ايامى اللى مرت من غيرة كانت عديمة الطعم واللون والفائدة

كنت حاسة انى دايما مهما عملت فى حاجة ناقصة وفى حاجة مش قادرة اكملها

مش قادرة ااوصف ازاى كل دقيقة كانت بتعدى واحتجلة فيها ومش الاقية قد اية كانت بتمر صعبة وقاسية قوى عليا

يارب ما تحرمنى منة تانى

ياجماعة عايزة اوضح حاجة عشان تفكيركم ميروحش بعيد

اللى انا اقصدة فى كلامى دة هو النت ياجماعة

بجد كل كلمة قولتها هى دى الحقيقة وبدون مبالغة ...5 شهور مروا عليا فى عناء بصراحة

شهور كنت حاسة فيها انى مش عايشة... بدون حياة...فى عالم تانى...مع الللا احياء...قول زى ما انت عايز

لكن الحمد لله فترة وعدت قبل ما عقلى يطير منة حاجة وان شاء الله النت مش يقطع تانى

اما بقة فى خبر تانى انا بجد فرحانة جدا بية وسعيدة جدا جدا جدا

انا السنة دى كملت 3 سنوات مع مدونتى الحبيبة

كل سنة وانتى طيبة يا مدونتى العزيزة ودايما معايا ودايما معاكى يارب

انا فاكرة يا جماعة اول توبيك نزلتة فى المدونة واول ناس بدأت تتابعنى وأول ناس ساعدتنى فى بدايتى

طبعا هما عارفين نفسهم من غير ماقول اسامى لانى مش هاقدر اقول اساميهم دلوقتى دول لو كانوا لسة فاكرين وبيتابعونى

طبعا بقدملهم كل الشكر والحب وباقولهم شكرا كتير جدا على كل شى قدمتمتموة لى بوجة خاص وللمدونة بشكل عام

لكم منى كل التحية والتقدير أصدقائى الغائيبين الحاضرين

فى نهاية كلامى الف الف شكر للكل الناس اللى كانت معايا فى غيابى

كل عام وانتى بخير سكندريتى الجميلة

نبض اسكندرية

back

2009-01-22T04:35:00.000-08:00

السلام عليكم ورحمة الله وبركاتة

ازيكو يا كل المدونين اصدقائى وكل المدونات صديقاتى

وحششتونى جدا جدا جدا جدا من هنا للسنة الجاية وحشتونى

وحشتنى مدونتكم وتعليقاتكم ومواضيعكم الجامدة فعلا

وحشنى الفيس بوك والجروبات بتاعتة

كل حاجة وكل فتفوتة فى النت وحشتنى

اظن يا جماعة اللى متعود على موضوع النت دة ويغيب عنة فترة اظن بيكون حالتة صعبة زى حالتى كدة

عموما عندى امل كبير جدا انى ارجع لموضوع النت دة تانى

وشكرا جدا جدا جدا لكل واحد كلف نفسة ولو برسالة صغيرة فسها سؤال عنى

وطبعا مش هايغيب عنى ان انتوا قمتم بكل شى تقدروا تعملوة لاهلنا فى غزة

وطبعا طبعا بنعى الجرحى اخواتى فى فلسطين الحبيبة والف الف الف مليون مبروك لمن استشهد واصابة الحظ فى الشهادة

وربنا يكتبها لكل واحد مشتاقلها بجد وانا منهم يارب

وطبعا بحى وبدعم المقاومة وببارك ليهم على النصر العظيم واتمنى مزيد من الانتصارات

وبشكر ربنا على كل شى حلو ان كان او ان كان فى نظرنا احنا وحش

وفى رأيى يا جماعة ان دى كانت فرصة لينا عشان نقدر نفهم الحكاية كويس قوى

ومنسبش القضية من تانى يا جماعة

احنا متسكين بحقنا فى شبر من ارضنا العربية ولن نتخلى عنها ابدا حتى اخر طفل عربى يستشهد فى سبيل حقة وارضة ودينة

وفى النهاية مش هايسعنى غير انى اقول هاتوحشونى مرة تانية

حتى ان ارجع واتابع باستمرار

تحية الى غزة وأينائها

تحية الى شرفاء الامة العربية

تحية الى المقاومة الفلسطينية

تحية الى وطنى العربى

تحية الى شعبى العربى

لكم منى كل التقدير

النصر للعرب والمسلمين...........

البنت ومحطة مصر والترام

2008-11-10T11:44:00.001-08:00

انهاردة هاحكى عن واحدة انا بجد استغربتها

احكى الحكاية ونشوف هنحكم عليها بأية فى الاخر

كانت رايحة لاكتر مكان فى اسكندرية فية زحمة كانت رايحة محطة مصر ولانها مش بتحب الزحمة كانت مضايقة جدا

عشان رايحة عند الزحمة لكن كانت وحشها الترام الصفرا وكشرى المدهش ومحطة مصر والجنينة اللى قضت فيه اجمل اوقات

المهم انها راحت هناك وفعلا ركبت الترام وكانت مستمتعة جدا بالجو بالرغم من الزحمة اصلها لو مكنتش زحمة متبقاش ليها طعم محطة مصر

ومشغلة الام بى سرى وعينها مش ملحقة نظرات على الاماكن والمحلات وعمالة تفتكر ذكرياتها الجميلة مع الاماكن دى

انا عارفة انها هتكون كدة لما تروح هناك ومش هطول عليكو فى احسسها كان ازاى يومها

لكن فى ظل الاحداث الجميلة اللى هيا بتعشها والذكريات الحلوة اللى كانت بتفتكرها

حدث ما افاقها على ضربات قلب سريعة واعصاب منفلتة ودموع بالعين لا تتمالك فى ايقافها

الترام اللى كانت راكبة فية خبط طفل صغير ومع فرملة الترام توقفت معاها كل هذة المشاعر والاحاسيس

ونزلت مسرعة من الترام لتحاول ان ترى ما حدث

بتبص على الترام من الناحية دى مش شايفة حاجة

تجرى بسرعة تبص من الناحية التانية وتجد الطفل البرىْ تحت الترام وقد قطعت يدة وانفصلت عن بعضها

منظر مش قادرة اقول او اشرح ازاى وقد اية كان صعب

مع صراخ وبكاء الطفل تفلتت كل اعصابها ولكنها تملكتها للحظات

توجهت مسرعة نحو الطفل لتحاول ان تساعدة

لكن الترام لما فرمل كان فرمل على ايد الطفل وايدة تحت الترام

طلبنا السائق بأن يرجع الى الوراء حتى تتمكن من جذب يد الطفل وبالفعل اخرجنا الطفل من تحت الترام

وهيا ممسكة بيدة وتضع يد الطفل على صدرة ومسح على رأسة لتطمئنة وتهمس فى أذنة متخافش يا حبيبى انت كويس دلوقتى ومتعيطش الرجالة مش بيعيطوا صح ولا اية

ولكن لا يستجيب الولد اللى ما قالتة وهو فى حالة صدمة شديدة

تقف مسرعة لتطلب الاسعاف ...مشغول....مشغول...مشغول...نفذ صبرها...تحاول اخر مرة يجيب الهاتف ويقول الرجل اسعاف

قالت ايوة فى حدثة هنا

الهاتف ...تيت ...تيت...تيت

الرجل اغلق الخط ...تفكر ماذا تفعل وترجع الى الطفل وتقعد بجانبة

ثم يقطعوا شنطة المدرسة من على ظهر الطفل

ويجدوا رقم موبايل فى كتاب الطفل وتأخذ الرقم وتتصل بالرقم يجيب شخص وكان والدة حاولت ان تبلغة الامر ببساطة وفعلا

جاء الرجل الى مكان الحادث ويبكى ويصرخ اسفا على ابنة وعلى حالة

وهى تقف بعيدا وتشاهد المنظر من بعيد وهى فى غاية القلق على الطفل

ومن سيارة الاسعاف التى لم تأتى بعد

تحاول مرة اخرى وتتصل بالاسعاف ويجيب الهاتف وتبلغهم عنالحادث فاتقول هى فى الطريق يا فندم

شكرا

بالفعل وصلت الاسعاف واخذت الطفل الى المستشفى

وهى الان نفسها ان تطمئن على الولد ولكن ماذا تفعل؟

فى وسط الزحام من البشر والقلق على اوجة الرجال وبكاء النساء وشهامة الشباب

ظهر ذلك الولد الذى نعرفة جميعا... الكتلة فى البرود...الردود العنيفة....اللامبالاة...الهزار السخيف

ويقول ما الولد كويس اهو دة الترام عدا على ايدة بس يعنى هو موتة

أظن لو كان ابو الولد حاضر وسمع هذا الولد متهيألى كان حاطة تحت الترام بدلا من ابنة

وتذهب هذة البنت والمنظر لا يختفى من امام عيناها وتصل الى مكان الركوب حتى تذهب الى بيتها

وهى فى حالة لا وعى لا تدرك ماذا تركب وماذا تفعل وماذا حدث للولد واسئلة كثيرة تشغل بالها

ثم تبدأ تستعيد وعيها بعد دقائق من اللاوعى وتبحث عن مكان لتغسل بية يدها من الدم

وبالفعل تركب المينى باص وترجع الى البيت

بالنسبة لموضوع انى عايزة احكم عليها

لان فى ناس قالت دى قلبها ميت

وناس قالت دى بنت جدعة وبتعرف تتصرف

وناس قالت دى بتعمل شو

وناس استغربت موقفها

لكن لست ادرى لما كانت هيا اول واحدة تنزل من الترام وتقف بجانب الطفل وتحاول ان تساعدة

لما كانت هيا البنت الوحيدة فى وسط الجمع الغفير من الرجال والشباب

لما كانت تحاول تطمئن الطفل وتخفف عنة الالام

يمكن عشان حست انها مسئولة عن مساعدة الطفل

يمكن ان الاوان لترد الجميل الذى حدث فى والداها

يمكن عشان لما والداها حصلتلة حادثة من شهور قليلة لم ينجدة غير الناس وشافت بعنيها حب الناس وخوف الناس على والداها

يمكن

ممكن

..........................................................................

ثلاث سنوات لمد الايد

2008-10-21T13:37:00.000-07:00

فى واقعة تحرش جنسى حدثت فى احدى شوارع القاهرة حيث ان الجانى كان يمر بالسيارة النصف نقل بجوار المجنى عليها واخرج يدة

من شباك السيارة وتحرش بها ثم نظر الى المجنى عليها وضحك وفر بالسيارة ومن ثم قامت الفتاة بالجرى وراء السيارة حتى استطاعت ان

تقفز فوق العربة فى الصندوق الخلفى واخذت تحاول معة لايقاف العربة وبالفعل اوقف الجانى العربة

ونزل منها واخذت المجنى عليها الجانى تجرجرة الى قسم الشرطة وقامت بعمل محضر تحرش جنسى لة

وتمت هذة الواقعة فى شهر يونيو من العام الحالى ومن هذا الوقت حتى الان لم يكن قد حكم فى القضية

واليوم الواحد والعشرون من شهر اكتوبر تم الحكم فى القضية وكان الحكم بثلاث سنوات سجن مع الحكم المشدد

وهكذا شهدت محمكة شمال القاهرة اول قضية تحرش جنسى وشهدت مصر اول حكم فى مد الايد

تهانينا لكل بنت مصرية وليست لصاحبة القضية فقط

وليتذكر كل من تسول لة نفسة فى مد يدة ان فى انتظارة من يقوم بمعافبتة

انا بحى القضاء المصرى فى هذا الحكم

وليكون هذا السفية لمن خلفة أية

تهنئة خاصة لصاحبة القضية على شجاعتها وجرائتها فى هذا العمل واهنيكى على فوزك فى هذة القضية

انا شايفة مستقبل مبشر ان شاء الله لانتهاء عصر قلة الادب والتحرشات المستوردة على مجتمعنا

احوالنا

2008-10-15T13:46:00.000-07:00

بسم الله الرحمن الرحيم

كنت راجعة امبارح من الشغل وطبعا مش هاوصف ازاى المواصلات بتكون زى الزفت واحنا راجعين من الشغل

بجد اصعب وقت تركب فية مواصلات هو وقت انصراف الموظفين وغير كدة بقة تلاقى السواقين تتعوج عليك

يركب الصبح على مزاجة والظهر على مزاجة وبالليل على مزاجة ولو متعوجش عليك فى المكان اللى انت رايحة

تلاقية اتعوج عليك فى الاجرة..مثلا

فى وقت الزحمة تلاقى الاجرة بقت الضعف ولو مش عاجبك انزل

بالليل بعد الساعة 12 بتزيد عشان مش عارفة لية؟

ولو مش عاجبك.. انزل يا حبيبى شوفلك حاجة تانية فى غيرك الف عايزين يركبوا ويدفعوا برضوا

وتحس ان الحياة بقت ماشية بالبلطجة ولوى الدراع ومش حاسة ان فى اوضاع بتصحح

المهم خلينى فى اللى كنت عايزة اقولة ..كنت راجعة امبارح من الشغل وبعدين وانا نازلة من المشروع

لقيت واحدة ست حاجة كبيرة وافقة فى نصف السكتين ومافيش ولا عربية عايزة تخلى عندها شوية دم وتقف لغايط ما الحاجة تعدى

لما عديت ووصلت عندها اخدتها وروحت معديها للرصيف التانى ولسة يا جماعة بلف نفسى وبرجع

لقيت سواق عربية نصف نقل قالى :ماتخفى يخربيت..................... اكيد بقة الباقى واضح

طبعا انا كنت فى نصف السكة ومكلمتش واخدت الكلمة وكملت عادى وروحت وركبت المشروع التانى

لما قعدت مع نفسى سألت نفسى هو لية شتمنى؟ يعنى كل دة عشان اوقف خمس ثوانى؟ ولا هو الدم اتعدم من البشر

طب لو كانت الحاجة دى تبقى والدتة هو.. تفتكروا كان شتمنى باردو وانا بعديها

بصراحة اسفى على احوال المصريين فى انحلالهم الاخلاقى المستورد عليهم

اكيد محتاجين اعادة تأهيل

ولو الحكومة وحشة فانا متأكدة انة مننا وبسببنا ومن اعمالنا ومن انفسنا

مثلما تكونوا يولى عليكم

يا جماعة عشان نبتدى نصلح فى المجتمع لازم نبتدى بين الاول لازم نصلح من انفسنا

لايغير الله ما بقوم حتى يغيروا ما بأنفسهم

اللهم اعنا

ملحوظة اخيرة: حملة صناع الحياة الجديدة هاتبدى بس لازم يكونوا 35 الف مشترك

محتاجين شباب كتير يا جماعة عشان نبتدى الحملة يلا الحاضر يعلم الغايب

وهتلاقى استمارة التسجيل على جروب صناع الحياة على الفيس بوك وعلى موقع الدكتور عمرو خالد

اللهم بلغت

تحياتى

حسنة قليلة تمنع بلاوى كتيرة

2008-10-06T15:40:00.000-07:00

توبيك غريب راجعة بية بس انا بحب كل حاجة غريبة عشان كدة متسغربوش من غرابة التوبيك

ازيكو يا جماعة عاملين اية؟ بجد والله انتوا كلكوا وحشتونى بحلوكوا ومروكوا وحشتونى وخلاص

طبعا كل سنة وانتم جميعا طيبين وهيا متأخرة شوية بس انا عارفة ان قلوبكم كبيرة وهتعديها

طبعا بحب اشكر كل اللى سأل عنى ومسألش باردو

اتمنى انى اكون وحشتكوا زى ما انتوا وحشتونى

ومش هطول عليكوا المرة دى وان شاء الله هانزل ببوست قريب

واتمنى ان الاسلوب الجديد فى الشحاتة يكون نال رضاكوا

صنع فى الصين

تحياتى

شهر الحبيب

2008-09-02T15:16:00.000-07:00

وعاد الينا شهر الحبيب

فاهيا نغتنم الفرصة ونعود بقلوبنا الى النور

.............................

نغفو دائما وننسى دائما ونلهو دائما

لكننا على يقين اننا سنعود وقاد جاءت الفرصة

هيا بنا نغتنمها اخوانى واخواتى

هيا نملآ صحفنا بالحسنات وندعو الله ان يكتبنا من الصائمين

ونكون من الذين يدخلون من باب الريان

ونكون ربانين وليس رمضانين

ويكون شعارنا وعجلت اليك ربى لترضى

ربى لا تحرمنا اجر هذا الشهر وبلغنا اخرة

امين امين امين

وصلى اللهم وسلم على سيدنا محمد وعلى اله وصحبة اجمعين

كل عام وانتم بخير

مظهر لا يليق بك

2008-08-17T11:59:00.000-07:00

السلام عليكم ورحمة الله وبركاتة

بقالى كتير غايبة عن التدوين والمتابعة وطبعا اسفة جدا انى مش متابعة حد خالص بس معلش ظروف بجد كانت جامدة

بس الحمد لله ربنا بيهون الامور المهم ان التدوين وحشنى جدا وكمان المدونات وحشتنى جدا جدا

لكن الموضوع اللى هاكتبة انهاردة لولاة بجد مكنتش هاكتب حاجة خالص دلوقتى انتو عارفين رمضان على الابواب ولازم الواحد يجهز نفسة للشهر العظيم دة

المهم كل سنة وانتوا ومدونتكوا طيبين ودايما يارب للامام فى كل امور الحياة

مش هطول عليكوا لكن باختصار الموضوع هو الثلاث صور اللى فوق دول

كنت ماشية امبارح على البحر انا واهلى ومجموعة ضيوف وبعدين بدور على شط فاضى نقدر نقعد فية بصورة كويسة ونستمتع كمان باليوم

وانا ماشية لقيت واحد من بتوع امن الشواطئ قاعد على البحر وبهزر ومعاة وبقولة

هو مش البحر دة بتاع ربنا

قالى : اة

قلتلة: فى حد يدفع فلوس عشان يدخل بحر ربنا

قالى : اة

قلتلة: ازاى

قالى: عشان صاحب الشط دافع 3 مليون جنية فية

قلتلة: دافعهم لربنا

ضحك وقالى: لا للمحافظة

قلتلة: طيب احنا مالنا

قالى: بصى يابنتى شايفة المكان اللى انا صورتة دة.. الحتة اللى فيها بلاط

قلتلة : ايوة

قالى: دى كانت مصلى كنا بنصلى فيها

وكان فى واحد مهم جدا جدا جدا جدا واخدين بالكو من جدا دى وكنا معاه واحد تانى زائر كان عندنا فى اسكندرية

وبعدين عدى صاحبنا المهم دة من على البحر وشاف المصلى دة والظاهر انة معجبوش على طول أمر بأزالتة

متهيألى كدة انة مكنش مظهرة حضارى فى نظرة يعنى.. فاقال شيلة اتشال طبعا لكن الديسكوهات اللى مليانة البحر من اولة للاخرة

مظهرها حضارى اكيد طالما بتجيب فلوس

وعشان صاحبنا المهم دة كمان كان جاى كنت قبلها فى يوم فى منتجع عند مدخل اسكندرية كدة كانت العملية مقفولة على الاخر ومصفحات امن مركزى نازلة وامن مركزى مرصوص من اول مدخل اسكندرية لغايط محطة مصر وماسك كمان شارع قناة السويس

انا بجد مش عارفة اقولة اية ؟ غير انك هاتعيش وتموت وتفضل فى سجن الحياة

مش هاقول غير .... ولا اقولكوا احنا قولنا كتير

خلية يشيل اما نشوف هايسدد منين فى الاخرة

تحياتى

تدبر وفكر وتذكر

2008-07-05T08:27:00.000-07:00

عجبت لكم

أراكم فى الصلاة تتوجهون بالملايين الى كعبة واحدة فى مكة..فإذا انقضت الصلاة انفرط الجميع وتفرقت بكم الطرق ..فمنكم من كعبتة واشنطن ومنكم من كعبتة باريس ومنكم من كعبتة جنيف ومنكم من كعبتة صندوق النقد الدولى ومنكم من كعبتة نفسة ! فأى نجاح تنتظرون

وكل منكم حرب على الاخر؟

فاصلاة المسلم هى مؤشر لحياتة ولا صلاة لكم وأنتم ممسكون بعضكم بخناق بعض

فاجتمعوا وتحابوا واتحدوا فقد تداعت عليكم الامم كما تداعى الاكلة على قصعتها وأنتم كثير وليس كغثاء السيل الذى انفرط وتفرق بددا

فهل أجتمعتم..قبل أن يأتى عليكم الطوفان؟
أليس فيكم رجل رشيد؟

مقتطفة من كتاب سواح فى دنيا الله للدكتور مصطفى محمود

لنعمل .. ونجتهد.. ولنساعد الضعيف
*ألا ترون أن القيم ضاعت معنا ونحن خلفاء الله فى الارض
*الا ترون أن الامانة ضاعت ونحن من حملنا الامانة بعد أن أبت السموات والارض حملها
*الاترون أننا نهتم بالمظاهر أكثر مما يلزم .. وغالبا المظاهر تخدع الكثيرين
*الا ترون أننا أن قدرنا لانعفو وقد قال الله تعالى: وليعفوا وليصفحوا ألا تحبون أن يغفر الله لكم .النور 22
*ألا ترون أننا أغفلنا عن حق الله فى أنفسنا وأموالنا وعبادتنا ومازال الله جل وعلا يرزقنا ويحيينا وينعم علينا
*سبحانك يارب نتضرع اليك بالمعاصى وتضرع الينا بعفوك وغفرانك
*ألا ترون أننا لانحسن الظن وقد قال الله تعالى أن بعض الظن أثم ومع ذلك لا نقترف ان سوء الظن من الذنوب عند الله
*أرجوكم غيروا من فكركم فأننا دائما مخطئين بحق بعض الناس مثل العصاة من الناس فادائما نكرة العاصى ومن منا لايعصى فى السر والجهر .. هيا بنا نغير ونعدل من تفكيرنا فحاول أن توصل للعاصى انك تكرة المعصية ولا تكرة عاصيها

أقول لنفسى من قبلكم هيا بنا نرجع لمعاملتنا السليمة ..هيا بنا نرجع للامانة ونشجع من حولنا على الامانة .. هيا بنا نحسن الظن بالجميع..هيا بنا نرتفع بقيامنا وعادتنا السليمة

نجعل مبدئنا حسن الظن والامانة والعفو عند المقدرة

وأخيرا أوصيكم ونفسى بأن نتعامل بالتوصية (وتواصو بالحق) نحن الان جميعنا يقول نفسى ثم نفسى ثم نفسى

هيا نغير هذا المبدأ هيا نوصى بعضنا على الحق

فى رأيكم ماذا ينقصنا من القيم والاخلاق حتى نرجع بديننا الى ما كان علية ونرجع نحن ايضا المسلمون وليس الاسلاميون؟

ما هى القيم التى اكتسبها الغرب حتى يكونوا فى هذة المكانة الحالية؟

.........................

متى ينتهى؟؟؟

2008-07-02T18:32:00.000-07:00

الوقت بالتقريب الساعة الخامسة صباحا

قد حان وقت الشروق ولكن مازال الجو مظلم

ارها فى غرفتها وهى تلبس العباءة بعد صلاة الفجر وتلبس حجابها وتتجة نحو باب الشقة وبيدها المحفظة

تنظر الى وتقول انتى صحيتى يا حبيبتى؟

ايوة يا ماما ..هاصلى الفجر انتى صليتى؟

ايوة الحمد لله

انا: رايحة فين ياماما؟

نازلة اجيب العيش وسبينى لحسن أتأخرت وهاروح مش هلحق

تخرج وتنظر لى بابتسامة جميلة وتجر الباب ثم يغلق

أتوضأوأصلى الفجر ثم ارجع الى سريرى ..الوقت مازال باكرا على ميعاد استيقاظى

أنام ...استيقظ على دعاء الشيخ محمد جبريل الساعة قاربت السابعة والنصف

أستيقظ وانهض من على سريرى... افتح باب غرفتى

ابى يجلس بالصالة...صباح الخير يابابا؟

صباح الخير يا حبيبتى

اذهب لاغسل ما تبقى من أثار النوم...واخرج من الحمام وابحث عنها فى أرجاء الشقة ولا أجدها

اعلم انها لم تأتى حتى الساعة 9 صباحا لم تأتى... وانزل من شقتنا وانا يجول بذهنى تفكير معين

متى ستنتهى هذة المأساة؟؟؟؟؟...........

مواطنة حزينة

ما تبرطمش كتير...

2008-06-19T15:28:00.000-07:00

السلام عليكم ورحمة الله وبركاتة

عن حال أغلبية المصريين أعتنقوا المذهب البرطمى الذى أسسة بطريموس الاول

قبل وفاتة وفية يتحول الكائن البشرى او المواطن والمتواطن والوطن مع الوقت

الى برطمان مغلق؟

بصيت قبل كدة على حالك وحال صاحبك بصيتى على نفسك واسلوبك فى الكلام وعلى صحبتك محستوش اننا بقينا بنبرطم كتير

تفتكروا البرطمة مرض اجتماعى من الضرورى ان يتوارثة الناس من جيل الى جيل حتى يستمر هذا المذهب

عموما اللى خلانى اقول كدة انى مرة كنت راكبة مشروع او ميكروباص وكان فية لجنة وقفت المشروع وفى واحد كان راكب من الواضح انهم اشتبهوا فية او زى ما الناس قالت عايزين يتغدوا شكلهم... اعدوا استفسروا عن حاجات وبعدين شافوا واحد تانى سألوة هو كمان بعض الاسئلة وبعدين شكلهم لقوا الموضوع تمام فاقلة امشى

المهم ان أخينا التانى اللى سألوة كان عامل زى الكتكوت المبلول قدام بتاع اللجنة واول ما المشروع طلع قال بقة: والله لو كان قالى حاجة كنت عملت وعملت وعملت وهو حتة ...بتاع يعنى هايشوف نفسة عليا واخينا الاول يقولوا اهو دة برة خدمتة ولا يسوى حاجة

الظريف بقة فى الموضوع اية؟ انهم بيبرطموا على بعض

لية اعتدنا اننا نبرطم على الفاضى؟

بس ارجع واقول هما كمان هايمنعوا البرطمة عن الناس تبقة خانقة من كلة بقة يمكن فى انسان بيبرطم لانة مش قادر يعمل حاجة غير كدة فى الوقت الحالى

وحين ميسرة بقة

وكما قال شاعر الفرعون::::: دع المبرطم يبرطم ما يشاء

فكل ما قد يبرطمة

هراء..كم برطم المصريون قرونا

فما تغير بالبرطمة قضاء

إنا وضعنا للبرطمة حدودا

تراق فى تجاوزها الدماء

سامح عثمان

عرض مغرى

2008-05-29T15:36:00.000-07:00

عايز تشوف الدنيا خضرة..

يبقى حديقة الازهر..

أو الفسطاط..

عايز تشوف الدنيا حلوة..

وتبقى واد رومانسى..

وتعيش ف الخيال..

عليك بقى وعلى أمانة السياسات..

قرفان لامؤاخذة من رجولتك..

عملية بسيطة وتبقى ست الستات..

نفسك تبقى حر ومش عارف..

اشتم الشاعر اللى بيكتب سلامات..

ياعم الناس لبعضيها..

فية إية..

دة احنا كلنا ف الهم إخوات..

ومتقلقش خالص..

لا فيها تعويض..

ولا تهمة تحريض..

ولا قانون طوارى..

ولا جنايات..

إنما لو كان بجد..

إحساسك مات..

مش هاقدر أعمل حاجة

على سلامة

التدوين والمدون وجهان لعملة واحدة

2008-05-18T13:21:00.000-07:00

حينما ابتدأت فى التدوين لم يكن يحظى بهذا الاهتمام الذى اقوم بية الان حيث ان المدونة وجميع المدونات اصبح اهم عندى من الجريدة المفضلة التى استمتع بقرأتها يوميا او اسبوعيا

حينما بدأت كانت لى بمثابة تجربة او طرق باب جديد يمكن ان اخرج منة بالنفع فى حياتى وبدأت ولم يكن لدى أدنى فكرة ماذا اكتب مثل حال جميع المدونين ولكن ما جعلنى استمد القدرة على الكتابة هم المدونين نفسهم .. أتذكر أن حال الانسان قبل التدوين شى وبعدة شى اخر

حيث ان مدونتة والتعليقات ممكن ان تأخذ كامل تفكيرة وكامل أنشغالة وحينما يمر علية موقف ووجد منة موضوع فعلى للكتابة لايتردد فى كتابتة وخصوصا اذا كان معروف والمدونين ينتظرون منة الجديد دائما

وعندما يضع المدون حالتة فى مقارنة قبل التدوين وبعد التدوين يجد ان رؤيتة للمواقف والحياة اليومية اختلفت تماما عما قبل.. يجد نفسة مرصادا للاحداث المثيرة ولاسيما اذا كان الحدث معة شخصيا ويكون مثير فى حد ذاتة او يكون لة السبق فى اعلان عن شى او رأى شيئا استنكرة واستنكر حدثة تجد المدون سريعا ما وضع النقاط فى ورقة حتى لا تذهب عن عقلة ..حتى اذا وصل الى الكمبيوتر وجد نفسة منهمرا فى الكتابة عن احداث الموقف ويتمنى لو الكمبيوتر معة فى وقت الحدث حتى يكتب كل حرف ولا ينسى شيئا

عجبا..لامر المدونة فهى شغلة الشاغل طول الوقت

وايضا عندما يقارن المدون حالة اذا مر علية هذا الموقف قبل التدوين لم يعطية هذا الاهتمام الواسع مثلما يكون بعد تجربة التدوين

وبعدما كانت الفكرة هى الكتابة عن النفس او الذات او حتى اشعار اصبحت المدونة حياة الانسان اليومية واصبحت ايضا اكثر وضوحا عند بعض الناس وحتى لو لم يكونوا مدونين فالمدونات الان لها شعبية جماهيرية عريقة ليست بقلة وكثيرا ما نجد ان من المتابعين للمدونة مجهول او شخص فتح صفحة بلوج ولم يفتح صفحة للتدوين وغيرهم.. فاهتمام معظم الناس الان عندما يدخلون على الانترنت تحول الى المدونات واخر مواضيع طرحها عملاقة التدوين وشغلهم الشاغل ايضا مؤخرا هو موقع الفيس بوك حيث انه ايضا له قاعدة عريقة من المتابعين وخصوصا بعد ارتباط الموقع بالمدونين والمدونات فهم الان جزء لايتجزأ من بعض عند معظم المدونين والمتابعين

ولكن .. جلست افكر كثيرا فيما هو مخيف بالنسبة الى المدون الجديد بماذا يفكر؟ عندما يجد اول تعليق عندة وخصوصا اذا كان التعليق من نجم نجوم المدونين؟ ماذا يفعل؟ هل يرتبك؟ ام يدخل عند هذا المدون ويأخذ ينهال علية بالشكر والمدح والثناء حيث انة اعطاة ثقة بالنفس ليست بقليلة؟

وبعدما كانت المدونة ملموسة الكترونيا فقط وجدنا لان من اساتذة التدوين من يحاول ان يأخذ بأيدى مصير المدونة حتى تكون ملموسة لكل الاطراف سواء فى الكتب او على الصفحة الالكترونية وهى خطوة ايجابية وفعالة من وجهة نظرى وخصوصا فى وقتنا الحالى فالذى لم يستطيع ان يتابع المدونة من خلال الانترنت فهو سهل علية الان ان يتابعها من خلال الكتب وايضا نعود بمكانة الكتاب الى ما كان علية حيث ان القراءة الالكترونية اخذت مكان الكتاب واحتلت المرتبة الاولى فى القراءات ولم يعد أحد يهتم بالكتاب

اخر ما انهى بة كلامى هو استعجاب لحال الشباب اذا كان لدينا شباب قادر على الكلمة وقادر على التفكير وقادر على الكتابة وقادر على التفاعل مع الاحداث الداخلية والخارجية لماذا لايؤخذ برأية فى هذة البلدة؟ وماذا يفعل هؤلاء الشباب اذا قامت الدول الحاكمة بقطع وسائل الاتصال مثل الانترنت عن هذة البلد ماذا نفعل؟

هل نقوم بعمل شبكة عنكبوتية تخص الجزء المظلوم من العالم أم سيحل الصمت المكان

عقبالك يوم ميلادك

2008-05-07T13:43:00.001-07:00

فى عيد ميلادى ال22 احب اقول شوية حاجات لنفسى
تسمحلى اعترفلك بأنك بجد حبيبتى ومش هقولك كل سنة وانتى طيبة وبس

هاقولك كل سنة وانتى حببتى وانتى صديقتى وانتى معايا وانتى مقومانى وانتى مقويانى على الطاعة وانتى مسعدانى فى عمل الخير كل سنة وانتى دايما معايا وانتى دايما فهمانى وانتى مش عصيانى وانتى انا .... ومش هاقولك غير اللى عاهدتك علية وغير اللى عاهدتينى علية لكن هاخليكى تقولى اللى انتى نفسك فية وانا عارفة وفاهمة انتى عايزة تقولى اية قولى ياحببتى انهاردة عيد ميلادك انتى قولى يلا:

قل أن نسكى ومحياى ومماتى لله رب العالمين

قل ان نسكى ومحياى ومماتى لله رب العالمين

قل ان نسكى ومحياى ومماتى لله رب العالمين

احب اقول عنى ان بجد كل سنة بتزيد من عمرى وكل ما اكبر سنة تفكيرى بيختلف واسلوبى بيختلف نظامى بيختلف رؤيتى للحياة بتختلف فهمى لدينى بيختلف وفهمى للدنيا بيختلف عايزة اقول انى بحب كل سنة فى عيد ميلادى اقيم السنة اللى عدت واشوف اية اللى محققتوش فى السنة دى واحاول انى احققة مع نفسى باردو السنة دى ودى حاجة فى حد ذاتها بحبها ...بحب انى اتغير وبحب ان كل سنة من عمرى مضاعش هباء بحب انها تأثر فيا وأثر فيها ودة لية معنى انى بتعلم ودة فى حد ذاتة شى فعال وايجابى وكمان لة تأثيرة السحرى عليا

نصيحة لكل الناس حب نفسك حب طبعك حب حياتك هتلاقى نظرتك اختلفت حاول انك تخلق من النفس الوحشة حاجة حلوة تسعد بيها نفسك حاول انك تقوم نفسك وتكون انت مؤثر عليها هتلاقى الامور بقت حاجة تانية خالص بس مش معناها انك تكون انانى اقصد حب نفسك عشان هيا نفسك هاتعيش وتموت وهيا ملازماك فى الدنيا يبقة الاولى انك تصلحها وتعدل منها ..اتمنى تكون رسالتى وصلت

بشكر كل الناس اللى افتكرتنى فى عيد ميلادى واتمنى من الله عز ووجل ان يديم اعمارهم بالصحة ويطيلها بالعافية

وكل سنة وانتوا من المهنئين والطيبين

تحياتى

المدونون.....الصحفيون الجدد

2008-04-30T15:22:00.000-07:00

كنت قاعدة بقلب فى قنوات التليفزيون وقلبت على قناة الجزيرة لقيت برنامج بيتحدث عن المدونات وعامل تقارير عن معظم المدونات وكان اسمة تحت المجهر وعنوان الحلقة كان هو المدونون...الصحفيون الجدد وبما اننى فى مجال التدوين استوقفنى العنوان فاجلست وشاهدت بكل انتباة وكان البرنامج بيتحدث عما تتناولة المدونات من احداث مثل التعذيب فى اقسام الشرطة واضراب يوم 6 ابريل وما فعلتة بعض المدونات مثل مدونة الاخ كريم البحيرى عمال مصر عندما نزل وصور عمال المحلة وصور الاعتصامات والاضراب ومشاهد تهلك القلب حزنا وتقطعا على حال المصريين وحال الوطن والحكومة والنظام وكان من ضمن المدونين الرائعة نورايونس ووائل عباس صاحب مدونة الوعى المصرى وحسام الحملاوى صاحب مدونة عرباوى واظهر البرنامج ايضا حركة لم اسمع عنها قط وهى حركة شايفينكم واظهرت مدى تاثيرها فى الانتخابات السابقة وفى يوم الاضراب وما لم أكن أتخيلة أن المذيعة بثينة كامل قد تركت مجال الاعلام واتجهت الى مجال التدوين مما جعلنى افكر لهذة الدرجة التدوين اصبح مجال للاهتمام فى مصر؟

لدرجة ان تقوم الحكومة بفتح مكتب خاص للانترنت ومتابعة المدونات الاكثر قلقا؟

هل فعلا الحكومة تطالب بوضع قانون للتدوين والمدونات فى مصر؟

هل سيكون المدونون هم الصحفيون الجدد؟

هل سيكونون قادرين على فعل ما لم يستطع فعلة الصحفيين والمراسلين والاعلامينن؟

هل المدونات صداع فى دماغ الحكومة كما قال حسام؟

كما فعل قناص تارجيست بالمغرب عندما كشف عن قضية الرشاوى التى يتقضاها الضباط ولم يستطع اى احد معرفة من هو هذا الرجل ولا الامساك بة

بالرغم من اننى لم اشعر بخطورة التدوين الى هذا الحد لكن عندما شاهدت هذا البرنامج وجدت فعلا ما لم كنت اشعر بة من قبل

انا اتصور انة سيكون فى المستقبل شأن عظيم للمدونات والمدونين وستكون لهم جمعيات ومؤسسات تجمعهم وتتبناهم وسيكون لهم محاضرات ومؤتمرات هامة يحضرها شخصيات عظيمة وتتناولها وكالات الصحف والاعلام وسيكون لهم نادى يجتمع فية المدونون بل واكثر من هذا سيكون للمدونين نقابة وسيكون لهم الاحقية فى حضور بعض المؤتمرات ولن يهاجمهم رجال الامن والشرطة مرة ثانية لانهم سيكونون ذو مركز قوة فى المجتمع ولكن الاهم من هذا كلة ..........

هل ستكون المدونات فى صالح مصر والشعب ام سيظهر وجها اخر لا نعلمة وهل ستنتهك المدونات خصوصية الاشخاص بحيث من حق كل مدون يصور بالصوت والصورة ما يريدة ولا يهم خصوصية الاخر ام ماذا؟

واخيرا هذة عنواين المواقع التى ذكرتها

http://egyworkers.blogspot.com/مدونة عمال مصر لصاحبها كريم البحيرى

http://www.shayfeen.com/?q=rss.xmlحركة شايفينكم

http://misrdigital.blogspirit.com/مدونة الوعى المصرى لصاحبها وائل عباس

http://arabist.net/arabawy/مدونة عرباوى لصاحبها حسام الحملاوى

http://norayounis.com/مدونة نورا يونس وهيا غنية عن التعريف طبعا

http://ensaa.blogspot.com/مدونة انسى وفيها مشترك عدد من المدونين لكن منهم انجى اللى ظهرت فى البرنامج

نعم للتدوين .......نعم للمدونون

شيئا سايبقى بيننا

2008-04-26T11:12:00.000-07:00

استيقظت صباحا على صوت المنبة فى ميعادى المعتاد كى ابدأ يوما جديدا ولكنى شعرت ببعض الكسل وحدثت نفسى

وانا مابين النوم

والافاقة بأن أتأخرعن ميعادى نصف ساعة فاتركت المنبة يرن مرة تلو الاخرى حتى أفقت ورفعت رأسى من على وسادتى وبالفعل نزلت من على السرير ووجدت امى جالسة فى الصالة والنوم يغلبها فقلت لها

قومى ياماما نامى....

قالت لى: حاضر يا حبيبتى هعملك الاول السندوتش والشاى وبعدين أدخل انام

وهى لاتستطيع حتى أن تنظر لى وهى تتحدث من كثرة غلبة النوم عليها

ووجدت نفسى افكر فى النصف ساعة التى استحللتها لنفسى وشعورى بأنها اجمل نصف ساعة ممكن أن تمر عليا

أنتبانى شعور بأنى أنانية وهذا الذى أسمع عنة قد وجدتة فى نفسى أنانية الابناء فعلا انا كنت أنانية جدا ولذلك أعتذر لكى ياأمى

ما هذا الحنان يا أمى تسهرى وتأتى على نفسك كثيرا من أجلنا وما هذة الانانية التى استخلصتها لنفسى

مالى لااشعر بتعبك ألا قليلا جدا ومالى قاسية القلب عليكى هكذا

والله يا أمى أنى من غيرك مخلوق من عدم ومن غير وجودك لا يجود نكهة للحياة

فأنتى أحلى زهرة فى حياتى وأنتى أحلى صدر يضمنى وأنتى أحلى أبتسامة أراها فى الصباح

يارب جازى أمهاتنا عنا خير الجزاء وأجعلنا قرة أعين لهم

في كل يوم سوف أغرس وردة بيضاء
فوق جبينها
ليضيء قلب الأمهات
إن ماتت الدنيا حرام أن نقول
بأن نبع الحب مات
قد علمتني الصبر في سفر النوارس
علمتني العشق في دفء المدائن
علمتني أن تاج المرء في نبل الصفات
أن الشجاعة أن أقاوم شح نفسي‏
أن أقاوم خسة الغايات
بالأمس زارتني‏..‏وفوق وسادتي
تركت شريط الذكريات
كم قلت لي صبرا جميلا
إن ضوء الصبح آت
شاخت سنين العمر يا أمي
وقلبي حائر
مابين حلم لا يجيء‏
وطيف حب مات
وأفقت من نومي
دعوت الله أن يحمي
جميع الأمهات

شعر/فاروق جويدة

كلمتين وبس

2008-04-18T13:25:00.000-07:00

من حوالى شهرين كدة اخدت تطعيم ضد الكبدى بى ودى كان اسمها جرعة اولى المفروض انهم بيكونوا 5 جرعات

المهم تانى جرعة بتكون بعد الجرعة الاولى بشهر من ميعاد الجرعة الاولى وفعلا بعد شهر من ميعاد الجرعة الاولى

اخدت الجرعة الثانية نسيت اقول انى لما اخدت الجرعة الاولى مافيش اى اعراض او اى حاجة حصلتلى باختلاف الجرعة التانية

حصلى العجب اول ما اخدتها وقفت دراعى كلة وبعدها بدأت الدوخة وىوىوىوىوىوى..... الـــــــــــــخ

المهم ان الامر كان غير طبيعى سألت الناس اللى اخدوها معايا اية الاخبار نفس الاعراض بالظبط

بدأ الشك يتسلل داخلى قولت اتصل بدكتورة كانت اخدة اخر جرعة معاها البيت عشان تاخدها فى البيت تقرا زجاجة التطعيم

وبالفعل حدث ما كنت اتوقعة..............

التطعيم غلط.......طعمونا حاجة تانية اسمها رباعى واللى يعرف التطعيم دة اكيد هيكون حاسس بينا كنا عاملين ازاى

بجد كنا بنموت من الالام الحقنة وانك تحس ان دماغك دى تقيلة قوى وفاضية ومعها اعراض تانية بلاش اقولها عشان محدش يقرف

المهم انهم قالوا ان لو عدا اسبوع ومحدش حصلة حاجة يبقى الحمد لله مش هايكون فى حاجة

وفعلا الحمد لله محصلش حاجة ودة بفضل ربنا بجد وربنا سترها مع الناس المسئولة

بس اللى كنت عايزة اقولة انى لما سألت دكتورة الصيدلة اللى عطتنا زجاجة التطعيم قالت انها معرفتش تقرا اسم التطعيم

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يا جماعة فى حاجة اسمها اهمال واحيانا بتكون عواقب الاهمال دى خطيرة بجد

وترتب علية بقة ان الناس اللى كان ليها جرعة تانية مأخدتش طبعا جرعتها لانها خايفة يحصل نفس اللى حصل لينا

اتمنى اننا نراعى ربنا شوية فى اعمالنا وافعلنا لان لو ربنا معاك انهاردة وسترها معاك المرة دى

الله اعلم اية اللى هيكون المرة القادمة

الحــــــــرية

2008-04-05T12:47:00.002-07:00

تعريفات عن الحرية

جون لوك‏، يرى ..ان الحرية هي، القدرة والطاقة اللتان يوظفهما الانسان لاجل القيام بعمل، معين او تركه

‏جون ‏استيوارت، ميل‏، يقول: (ان الحرية عبارة عن قدرة الانسان على السعي، وراء مصلحته التي يراها، بحسب منظوره، شريطة ان لا تكون، مفضية الى اضرار الاخرين

‏كانت‏، فيقول: (الحرية عبارة عن استقلال الانسان عن اي، شي‏ء الا عن القانون الاخلاقى

آية اللّه جوادي :الحرية، من المنظور الاسلامي، عبارة عن، التفلت والتحرر من عبودية واطاعة غير اللّه تعالى‏

مع كل هذا لم نصل الى الحرية المطلوبة او الكافية لاتخاذ قرارت

فى الحقيقة ان البنت بوجة خاص فى مجتمعنا الشرقى حتى الان لم تملك الحرية الكافية لاتخاذ قرارت مصيرية فى حياتها ومنها مسألة الارتباط اذا كانت العائلة ترتضى للبنت هذا الشخص كازوج لها فاليس لرائيها قيمة فى هذة المسألة

فى عهد الرسول صلى الله علية وسلم كان للفتاة شأن عظيم وكانت لها الحرية اكثر من هذة الايام وبسبب الابتعاد عن الدين نوعا ما.. اختطلت الامور على الناس ولم يستطيعوا ان يستخدموا الحرية فى طريقها الصحيح

الحرية جزء لا يتجزأ من الانسان

ويقولون لما ازدادت معدلات الطلاق؟؟؟؟؟؟

الحب .. فى الزمن الحزين

2008-03-30T14:43:00.000-07:00

قد يسألونك ِ في زحام العمر عن أمل ِ الحبيب
عن عاشق ٍ ألقت به الأمواجُ في ليل ٍ كئيب
وأتاك ِ يوما ً مثلما
تلقى الطيورُ جراحها فوق الغروب
ورآك ِ أرضا ً كان يحلمُ عندها

بربيع عمر.. لا يذوب

لما بتقابل الناس الغلط فى الوقت الصح و لما بتقابل الناس الصح فى الوقت الغلط
عارف احساس الندم بيبقى قد اية
عارف احساسك انك بتفقد حاجة غالية عليك

لما تلاقى حاجة غالية قوى وتلاقيها بتضيع منك وانت مش عارف تعمل حاجة

لما تبقة متأكد ان ربنا مش بيعمل حاجة غير لما تكون فى مصلحتك
وفى نفس الوقت تلاقيها غير اللى اانت نفسك فية

لما تبقى مغصوب على حاجة ومش عارف تتصرف
عشان فى ناس عايزة كدة
لما تحس انسان قوى وبعدين يطلع احساسك غلط

لا تحزني..
فالآن يرحل عن ربوعك ِ
فارسٌ مغلوب..
أنا لا أصدقُ كيف كسّرنا
وفي الأعماق ِ.. أصواتَ الحنين
وعلى جبين ِ الدهرِ ماتَ الحبُ منَّا.. كالجنين
قد يسألونك ِ.. كيف ماتَ الحبُّ ؟؟
قولي...... جاءَ في زمن ٍ حزين !!

فاروق جويدة

الجزء التانى... محدش يضحك

2008-03-25T12:12:00.000-07:00

السلام عليكم ورحمة الله وبركاتة

حبيت قبل ما أبدأ اكمل البوست اللى فات حبيت اوريكوا حاجة عجبتنى جدا واتمنى ان الصور تكون واضحة وعلى فكرة انا مشوفتش الاستيكر فى المكانين دول بس انا شوفتها كتير بس للاسف مكنتش بلحق اصور

الله اكبر....... ولله الحمد

لما رحت بقة الموقف وقبلت الحاجة اللى قالتلى انهاردة اية؟ وجوابتها قالتلى عشان كدة

قولتلها عشان كدة أية ياماما؟

قالتلى يوم الخميس مش بيبقى فية مشاريع خالص

رديت انا بقة قولتلها ....لا والله وقولت فى بالى (يارتنى ما عرف) وكان هاين عليا اعيط بعد كوباية الماية الساقعة اللى رمتها عليا ربنا يسامحها بقة المهم وقفت شوية وفعلا مافيش مشاريع خالص

قعدت افكر اعمل اية؟ قولت خلاص اتمشى لغايط حتة اسمها الساعة فكتوريا فيها هناك مشاريع للمندرة

ملحوظة ...انا كنت جعانة جدااااااااااا وماكنش معايا فلوس عشان أشترى أكل ولا حتى أركب مواصلة لغايط فكتوريا

وطبعا عملت باردو خمسة رياضة واتمشيت شارع الجلاء كلة لغايط ما وصلت الحمد لله الساعة

كان كل خوفى ساعتها بقة انى اروح للساعة وملاقيش مشاريع متهيالى كنت هنام على الرصيف واريح دماغى

لكن الحمد لله رحت ولقيت فعلا مشروع بيحمل مندرة وركبت الحمد لله ومش عارفة اوصفلكوا الانشكاح اللى كنت فية اول ما لقيت مشروع بيحمل مندرة

ومشى المشروع.............وفجأأأأأأأأأأأأأأأأأأأأأأأأأأأأأأأأأأأأة! ان ان ان أأأأأأأأأأأأأأأأاة

بــــــــــــــــــــــــــــوم

العجلة فرقعت ... ماذا تفعل لو كنت مكانى

انا ساعتها فضلت اضحك ضحك اول ماسمعت صوت العجلة فرقعت

شكل كدة نحسى هو الى فرقع العجلة دى يومها مش ممكن على المواقف اللى بتحصلى وراة بعضها

اللى افتكرة ساعتها انى نزل عليا هستريا ضحك ومعرفتش اوقف نفسى من الضحك ونزل السواق عشان يركب الاستبن والحمد لله انة كان معاة الاستبن بس اللى مكنش معاه بقة المفتاح اللى هيربط بية الاستبن

والناس كلها نزلت من المشروع وانا فضلت قاعدة

السواق قالى انزلى اركبى حاجة تانية... قولتلة لالالالالا

انا معاك لغايط ما تركب الاستبن ان شالله نبات هنا

قولتلة انا مش هعرف اركب حاجة من هنا

ضحك وقالى متخافيش انا هاركبك.. وفعلا وقفلى مشروع وركبنى والمفأجاة

انى روحت والله رووحت ومش مكنتش مصدقة انى عرفت اروح اليوم العجيب دة

استحالة انساه ابدا.....اتمنى ان محدش يحصلة زى اللى حصلى

وحد يقولى بقة الدرس المستفاد من حدوة جحا ويوم الخميس دى؟

يوم فى حياتى...بس محدش يضحك

2008-03-19T14:25:00.000-07:00

من يومين كدة كان فى زحمة عجيبة جدا من ساعة ما نزلت من البيت لغايط ما وصلت الشغل زحمة اول مرة اشوفها فى اسكندرية. عمتا وصلنا الشغل طبعا ومضينا تأخير على 15 دقيقة بس عشان لسة فى نصف الشهر ومش هاقولكوا بقة على دلع اخر الشهر بقة.

ما علينا باردو. اللى كنت عايزة اقولة أن زحمة انهاردة دى فكرتنى بموقف حصلى أيام دراستى بالمعهد

وأليكم الموقف يا حضرات بس محدش يضحك

كنت راجعة من منطقة أسمها الحضرة لو حد يسمع عنها المهم أن وسيلة المواصلات الوحيدة اللى تعتبر سهلة هيا القطر وفعلا قررت انى اركب القطر (ويارتنى ما ركبت) القطر فضل ماشى تمام قوى لغايط محطة ( الرمل) وصلنا بقة للمحطة اللى بعدها وهيا النقراشى( فكتوريا)

والقطر عطل قالوا محدش ينزل القطر اللى وراة هيحركة (ويارتنى نزلت) جة فعلا القطر وحرك قطرنا بكام متر بعد المحطة ووقف تانى أية يا جماعة اللى حصل القطر التانى وقف فى المحطة عشان ينزل ركابة....طيب ماشى

ربع ساعة عدت.........يا جماعة القطر عطل......يالهووووووووى

متخافوش فى قطر تالت هايجى يحرك القطرين( يزق بالعامية قوى) طيب ماشى وفعلا جة القطر التالت ( والتالتة تابتة) حرك هو كمان شوية وعطل .................... جة محصل التذاكر( الكومسرى) قال يا جماعة أنزلوا القطر دة هايروح الورشة

وطبعا من غير ما أوضح عملت خمسة رياضة ونطيت من القطر.......كان شكلى وحش قوى

وبعدين رحت على موقف المشاريع اللى فى فكتوريا..

اليوم واضح يا جماعة من أولة وصلت وملقيتش ولا مشروع

اسأل الناس هو مافيش مشاريع لية؟

واحدة قالتلى هو أنهاردة اية يابنتى؟

قولتلها الخميس يا حاجة قالتلى؟

أأأأأأأأأأأأأأأأأأأأأة عشان كدة

وبعدين انا أيدى وجعتنى من الكتابة هاكملكوا الموقف فى البوست الجاى ان شاء الله

لان اللى جاى محدش هيصدقة ابدا وبجد اليوم دة يعتبر يوم فى حياتى

وأستحالة انساة اصلها كانت مأساة والظريف فى الموضوع أن اليوم دة كنت مروحة فرحانة قوى عشان خلصنا محاضرت بدرى وهروح بدرى

ويا خيبة الامل..................أستودعكم الله

حملة حماية

2008-03-13T06:22:00.000-07:00

حملة حماية دى حملة اطلقها الاستاذ عمرو خالد من أجل ايقاف المخدرات وعلاج الشباب المدمنين والهدف من المشروع اننا نحاول ننشر الاستيكر بتاع حملة حماية فى كل مكان حتى لو كان على موبايلك يلا يا جماعة نكون ايجابين ونحاول نساعد فى الحملة دى وعايزة اقول ان الناس كلها مستنية متش الاهلى والزمالك اللى هيكون يوم الجمعة القادمة عايزة اقول ان الاستيكر بتاع حملة حماية هيكون متوزع على 30 الف مشاهد فى الملعب وغير احتمال يكون اللعيبة لابسة كمان تشيرتات مطبوع عليها استيكر حملة حماية اتمنى ان الشباب تستجيب للحملة وتبدأ فى عمل الخير

كمان لو تعرف حد مدمن حملة حماية بتدعوا المدمنين أن يتصلوا على الارقام الموجودة على موقع عمرو خالد عشان يتعالجوا وكمان لو اسرعت ممكن يكون العلاج مجانى وهيكون فى رعاية خاصة ومتابعة جيدة من قبل الاستاذ عمرو خالد واعضاء حملة حماية وعايزة اقول كمان ان قناة مودرن سبورت بترعى الحملة والبيت بيتك مع محمود سعد بيرعى الحملة ورياضين بيرعوا الحملة وى كمان فى دبى الشرطة بتاعت دبى بادرت على تنفيذ الخطة

مش ممكن تكون الناس دى كلها بتتحرك واحنا لسة واقفين...... انا قولت يمكن يكون جزء من اللى عندى

اخيرا... الللهم اجعلة فى ميزان حسناتنا

واهو لينك الموقع عشان نبدأبالتحرك والمتابعة هتكون مع عمرو خالد على موقعة

http://www.amrkhaled.net/

حملة حماية ... أوقف المخدرات.. غير حياتك

أخبار خفيفة

2008-03-04T14:17:00.000-08:00

بارك أوباما: أنى صديق أسرائيل ولم أكن مسلما ولم أتعلم فى مدرسة أسلامية وعندما أقسمت أقسمت على التوراة وعلى أننى مسيحى

لاداعى للتفاؤل

الفنان عمار الشريعى: متهم بقطع شجرة عمرها أكثر من 100 عام

ونعمة الاتهامات

أولمرت: لابد من محاكمة الارهابين والمقصود بهم الاخوة الفلسطنين اللذين يقاوموا الاحتلال

اللى هما أصحاب الارض والحق

المذيعة منى الشاذلى فى سؤالها للسفير الامريكى فرنسيس أذا أحتلت أمريكا يوما ما وحاولتوا انتوا ان تدافعوا عن حقكم من هذا الاحتلال هل ترضى أن يوصفكم العالم بأنكم ارهابين؟؟؟؟؟؟؟؟؟؟؟؟؟؟؟؟؟؟؟؟؟؟؟

لعبة ال بلوت تسبب أزمات فى السعودية؟؟

أسرائيل: ستقوم بعمل هولو كوست فى قطاع غزة

السيد عباس أبو مازن يرتدى حذاء بمبلغ 20ألف يورو

حاجة تجن والله

أين الامان يا بلدى ؟ وأبناءك يموتوا على أرضك بدون أى ذنب ولا أحد يتكلم أو يدين ولنا العزاء ......وداعا سماح

حامى الحما يطالب اتحاد الكورة بحسم قضية الحضرى ...... ولم نسمع تصريح واحد عن الطفلة سماح

ولا واحدة فى وش الفجر تبرطع مالية الدنيا صوات قال اية جوز خالتوا ام احمد سلفة اخوها السيد مات

وصول السفينة الحربية كول أدام إلى لبنان

رجل يموت فى طابور العيش فى الدقهلية

السعودية وغيرها من البلاد تسحب رعياها من لبنان

نزلت إلى مصر وجدت فيها وزارة للتنمية الاقتصادية ولم أجد فيها تنمية أقتصادية

الامام محمد عبدة فى زيارتة الى فرنسا قال: وجدت أسلاما ولم أجد مسليمن

نجل وزير التنمية يوقع على أيصالات أمانة للضحايا بمبلغ 11مليون جنية 30 ضحية يتهمون ابن الوزير بحصولة على أموالهم

ونعم التنمية

لماذا تعاقبوا الحضرى ؟ ولم تعاقبوا أشرف مروان قبل وفاتة؟

لطالما رقصت الكلاب على جثث الاسود لاتحسبن برقصاها تعلو على أسيادها تظل الكلاب كلاب والاسود أسود

من أقوال حكيم: أكتشفت يابنى ان اعظم فضيلة فى الحياة الصدق وإن الكذب وإن نجى فالصدق أخلق بمن كان مثلك يا بندر

تابعوا معى حلقات أخبار خفيفة

يعيش أهل بلدى

2008-02-29T08:28:00.000-08:00

وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صحبه
ونهتف .. يعيش
يعيش أهل بلدي

يعيش المثقف على مقهى ريش
يعيش يعيش يعيش
محفلط مزفلط كتير كلام
عديم الممارسه
عدو الزحام
بكام كلمة فاضيه
وكام اصطلاح
يفبرك حلول المشاكل قوام
يعيش المثقف
يعيش يعيش يعيش
يعيش أهل بلدي

يعيش التنابله
فى حي الزمالك
وحى الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك إذا عزت توصف حياتهم
تقول الحياة عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه
قفاهم عجينه
كروشهم سمينه
جلودهم بتضوي
دماغهم تخينه
سنانهم مبادر تفوت فى الجليد
ما فيش سخن بارد
بياكلوا الحديد
ما دام نهر وارد
وجاي م الصعيد
تزيد الموارد
كروشهم تزيد
وتسمع وتسلم
بأن التنابله
أو الأكالين
حيسمح كبيرهم
ويعمل مقابله
مع الفلاحين
ويحصل تحالف
ما بين الجميع
ونملا المصارف
بدم القطيع

أطيع الخليفه
أطيع والديك
أطيع التنابله
دا مفروض عليك
وتزرع وتبعت لحي الزمالك
وحي الزمالك
مسالك مسالك
تحاول تفكر تهوب هنالك
تودر حياتك بلاش المهالك
لذلك
إذا حد جاب لك سيرتهم
تبسمل تكبر
وتهتف كذلك
يعيش التنابله
يعيش يعيش يعيش
يعيش أهل بلدي

يعيش الغلابه
فى طي النجوع
نهارهم سحابه
وليلهم دموع
سواعد هزيله
لكن فيها حيله
تبدر تخضر جفاف الربوع
مكن شغل كايرو
ما يتعبش دايره
لا ياكل
ولا حتى يقدر يجوع
يا غلبان بلدنا
يا فلاح يا صانع
يا شحم السواقي
يا فحم المصانع
يا منتج
يا مبهج
يا آخر حلاوه
يا هادي
يا راضي
يا عاقل
يا قانع
ما تتعبش عقلك
فى شغل السياسه
وشوف انت شغلك
بهمه وحماسه
وعود عيالك فضيله الرضا
لأن إحنا طبعا
عبيد القضا
ورزقك ورزقي ورزق الكلاب
دا موضوع مؤجل ليوم الحساب
كمان الصحافه
حتكتب فى حالتك
وتنشر مناظر لخالك وخالتك
وتتطلع يا مسعد عليك الغناوي
وتسمع باسمك
فى قلب القهاوي
تحبك مشيره وبنات الجزيره
وقصه غرامك
تشيع فى الرداوي
يعيش عم مسعد
يعيش يعيش يعيش
يعيش أهل بلدي

....نعم.....للاحتراف

2008-02-25T13:53:00.000-08:00

بالتوفيق يا اجمد حارس مرمى

يا عم غايب ارجع بقة

2008-01-13T08:50:00.000-08:00

بقالى كتير مقعدتش على النت وبقالى كتير ماتبعتش مدونات

ودة مش بسببى والله دة لان الكمبيوتر قرر انة مش هيشتغل تانى لان الهارد قال بااااااااااااااى

لكن عما قريب ان شاء الله هاتبع كل المدونات ادعولى انتوا بس

وكل سنة وانتوا كلكوا طيبين مع انها متاخرة

وميرسى لكل اللى سأل عليا واللى مسألش

تحياااااااااااتى

خلينا ننسى الطبيعى ونتعايش مع اللى مش طبيعى

2007-11-28T14:04:00.000-08:00

تنبية هام.....

البوست دة اظن انة غير مفهوم وبوست حزن فا اللى مش عايز يوجع دماغة ميقراش البوست دة وشكرا للزيارة طبعا

لية؟

لية الطبيعى فى زمانا.. مبقاش طبيعى

ولية اللى مش طبيعى فى زمانا.. بقى طبيعى

والغريب

ان اللى مش طبيعى فى زماننا بقينا نقول علية طبيعى واللى طبيعى بقينا نقول علية هو دة اللى مش طبيعى

والله انا حاسة ان كلمة طبيعى تعبتلى من كتر ما بقيت اقولها

لية زمان كان بجد زمان ونتمنى اننا كنا نعيش زمان ولو كنا عشنا زمان ياترى كنا هنرضى بية ولا هنكون زى حالنا دلوقتى

نقول ان زمان زمان كان احسن من زمان

الامام الشافعى بيقول

نعيب زماننا والعيب فينا ومال لزماننا عيبا سوانا

يعنى هو فعلا الغلط فينا

هو راحت فين القيم والمبادى؟؟؟؟؟؟؟؟؟؟؟؟؟

هو الناس عارفة تتأقلم مع الجو دلوقتى

يعنى قادرين تعيشوا من غير قيم ومبادى

انا مش عارفة اقول غير انى بجد نفسى اشوف انسان فرحان فى الزمن دة

نفسى يجى يووم القيامة قوى نفسى اشوف الناس اللى ظلموا دول هيكونوا ازاى؟؟؟

نفسى نبطل غنى عن الحب والحزن ؟؟؟؟ وكأن مافيش غيرهم فى حياتنا..... كأن هما دول المشكلة الرئيسية فى حياتنا

نفسى نبطل نقول هو النمص حلال ولا حرام هو البنطلون الواسع حرام ولا حلال

نفسى القوى يرحم الضعيف لكونة القوى

عمنا جاهين زمان قال: حاجة بجد حلوة بس ياريتنا نعرف نعملها

صبرك ويأسك بين ايديك وأنت حر

تيأس ما تيأس الحياة راح تمر

انا دقت من دا ومن دا

عجبى لقيت الصبر مر وباردوا اليأس مر

وقال كمان

حاسب من الاحزان وحاسب لها

حاسب على رقابيك من حبلها

راح تنتهى ولابد يوم راح تنتهى

مش انتهت احزان من قبلها

كنت قاعدة اقرى فى يوم اجندة مذكراتى

الاجندة دى مش فيها اية اللى بيحصلى كل يوم لكن بكتب فيها اشياء بتؤثر فى شخصيتى وفى تكوينها

ومن ضمنها كنت قريت كتاب علم نفس ولقيت فية تعريف الشخصية

اللى يهمنى فى تعريفها هو لا يوجد انسان معدوم الشخصية

والغريب ان كلمة شخصية مصدرها لاتينى معناها القناع فقد كان بعض الممثلين على المسرح الاغريقى يلبسون أقنعة تخفى عيوبهم الخلقية

فهل معنى ذلك ان الشخصية هى القناع الخارجى الذى نلبسة لنخفى الحقيقة الداخلية؟؟؟؟

السؤال اللى عايزة اسالة

لما بنقابل الناس الكدابين والغشاشين والظالمين والحاقدين بيكونوا عارفين انهم لابسين القناع دة؟

ولو كانوا عارفين ازاى بيصنعوا القناع دة؟

وياترى دة كمان بقة من الطبيعى اللى بقينا طبيعى اننا نشوفوة

انا اسفة لكل انسان هايقرى البوست دة بس انا فى حالة انكسار وانقسام وعقبات صعبة قوى وتغير فى شخصيتى

اعذرونى على البوست الرخم دة

وودوا لو تكفرون

2007-10-30T13:13:00.000-07:00

تحس ان الموضوع اللى هكلم فية انهاردة مش موضوع معين

وعلى الارجح مش هيكون مرتب واحتمال يكون غير مفهوم قصدة عند الناس

بس انا جوايا تساؤولات وتناقضات عايزة اخرجها

يعنى هو اية اللى هيحصلنا اكتر من اللى احنا فية؟؟؟؟

هو لسة فى مراحل أسوأ هنتعرض ليها تانى ؟؟؟؟؟

ولا كفاية علينا اللى احنا فية ؟؟؟؟؟؟

هو قناة الحيات وزكريا بطرس عايزين اية من المسلمين؟؟؟؟؟

انا مش عارفة اكلم عليها غير انى اقول حسبنا الله ونعم الوكيل

لان الناس دى بتضرب فى قلب الاسلام

وتلاقى بقة عدم احترام اثناء الحوار والسخرية الزائدة عن الحد لدرجة انة يستهزى بالقران الكريم وبمحمد صلى الله علية وعلى اله وسلم

بعدها اسكت شوية وافتكر اللى حصل لمحمد صلى الله علية وسلم واقول اكيد دة محصلش جزء من اللى اتعرض لية

المصطفى اشرف الخلق اجمعين صلى الله علية وسلم

شوف قد اية عدد المسلمين دلوقتى ومع ذلك لسة الاسلام بيتهاجم من عدد قليل جدا محصولش حتى ربع المسلمين

فما بالك ايام النبى صلى الله علية وسلم اللى كانوا مكملوش حتى عشر اللى كانوا موجودين

تتخيل بقة مدى الايذاء اللى كانوا بيتعرضوا لية

ولكن استحملوا وصبروا واحنا دلوقتى مش قادرين نصبر على كلمتين يطلع يقولهم زكريا بطرس دة ولا حتى الدنمارك لما تعمل زى اللى عملتة

يااااااااااااااااااااة دة احنا ضعاف بشكل؟؟؟؟؟؟؟

ومظنش هيا دى الصورة اللى كان مستنيها النبى صلى الله علية وسلم من اخوانة اللى هما احنا

واظن اللى احنا فية دلوقتى دة بسببنا احنا

ولكن ارجع واقول ما لازم الاسلام هيحصلة كدة لان النبى صلى الله علية وسلم بلغنا بكدة

بدأ الاسلام غريبا وسيعود غريبا فطوبى للغرباء

صدق رسول الله صلى الله علية وسلم

قال رسول الله ( صلي الله عليه وآله ) : يأتي على الناس زمان الصابر منهم على دينه كالقابض على الجمر )) الأمالي ص 484 .

صدق رسول الله صلى الله علية وسلم

فا المفروض نفرح لان كلام النبى صلى الله علية وسلم اتحقق عشان الناس اللى بتشكك فى نبوة محمد صلى الله علية وسلم تعرف انة على حق

وانة اخر نبى بعث

انا مش عارفة انا قادرة اوصل اللى فى دماغى ولا

لكن افتكر مرة كنت بكلم مع زميلة مسيحية وكنت بتناقش معاها فى الدين المسيحى وكدة

ولما حاولت افهم منها شوية الدين المسيحى قائم على اية بالظبط

امتنعت عن الكلام وقالتلى عايزة تعرفى الدين المسيحى اقرى فى الكتب ومتاخديش العقيدة من شخص

لانى انا جزء من الكل

فى حين ان زكريا بطرس بيحاول يوضح الاسلام وعقيدتة من خلال المشايخ

لانة فى الحقيقة مش لاقى حاجة يقولها عن الدين فا كان حوارة كلة عن المشايخ والحوارت اللى بتحصل امام الكاميرات

لا حول ولا قوة الا بالله

انا دلوقتى افتكرت الاية

(ان تمسسكم حسنة تسؤهم , و ان تصبكم سيئة يفرحوا بها).

قد اية كانت القناة دى كانت هتكون افيد ليهم هما لما يبدؤا يعرفوا الناس على دينهم

لو يبطلوا بقة غل وحقد للاسلام اكيد كانوا هيكونوا أحسن

{ ولا يزالون يقاتلونكم حتى يردوكم عن دينكم إن استطاعوا } ( البقرة : 217 )

..

{ وودوا لو تكفرون كما كفروا فتكونون سواء } (الممتحنة : 2 ) .

{ ولن ترضى عنك اليهود ولا النصارى حتى تتبع ملتهم } .. (البقرة : 120)

, { ود كثيرٌ من أهل الكتاب لو يردوكم من بعد إيمانكم كفاراً } ( البقرة : 109 )

واخيرا انا بقول لزكريا بطرس دة

يمكرون ويمكر الله والله خير الماكرين

وبقولة اتقى الله انت تعلم ان الاسلام على حق ومن دونة هو الباطل

وبقول لاى واحد ايمانة ضعيف اثبت انت على الحق

عجبا لدهر ترى فية الكلاب ترقص على جثث الاسود. لاتحسبن برقصها تعلو على أسيادها..تبقى الكلاب كلاب والاسود اسود

وبقول لاى واحد ارتد عن دين الحق

يقول القرآن الكريم

ومن يرتد منكم عن دينه فيمت وهو كافر فأولئك حبطت أعمالهم في الدنيا والآخرة وأولئك أصحاب النار هم فيها خالدون البقرة 217 .

انا نوعا ما قلت شوية من الكلام اللى عايزاة اقولة لكن يبقى السؤال؟؟؟؟

ماذا يجب على المسلمين فعلة فى هذا الزمان؟؟؟؟؟

تحياااااااااتى

أهـــــ الهوى ـــــل..... الجزء الاخير

2007-10-23T14:48:00.000-07:00

كنت عايزة فى البوست دة اكمل قصيدة اهل الهوى

للناس اللى مستنية تكملها انا هاعيد اخر بيت عشان كان فية غلط

من برق سيف الجدع.. يطلع صباح أملة

عنتر معنتر لكين مسكين أبوة هملة

بسيفة قدف فى بحر الدم عداة عوم

ولجل عبلة وقبلة منها.. ساد القوم

والحر لة يوم يدوق الشهد من عملة

عنتر من الغرب،أسمر،يندهولة عطيل

كلل على ديدمونة وشالها فى عينية شيل

بياض عيونة لمع من ضى حلاوتها

أولاد حرام غيروة بالغيرة موتها

والغيرة غشوتها ما تفرق نهار من ليل

كل الاحبة على حبال الهوى طالعة

فاكرين نجوم السما شبابيك غرام والعة

انظر لروميو الجرى طالع يشوف جولييت

نعرف بأن الغرام يكرة بيبان البيت

واإن كنت حبيت ما تهزم قلبك القلعة

الريح تباريح جريح ما ينتهيلة أنين

حسن قتيل من سنين ونعيمة فى المجانين

على كل ملقف هوا تستنى تستنى

يحيلها صوت كلة موت ويئن لة أنة

والحب لة ناس فى جنة وناس غلبانين

كان ياما كان فية ملك لكن مالوش أحباب

عشق رمى التاج وعاش العمر كلة شباب

فية ناس يقولوا علية مجنون وناس جاحد

وأنا اقول أبيع عمرى كلة بيوم غرام واحد

دة الحب والحق واحد يا أولى الالباب

عودة باشتياق ولكن

2007-10-18T15:57:00.000-07:00

كل سنة وانتم طيبين

طبعا بشكر كل اللى عيد عليا وبتأسف للى معرفتش اعيد علية

بجد وحشتونى كتييييييييييييييييييييير جدا

ووحشنى التدوين كتير لكن

طالعة من رمضان والعيد فى حالة كسل فظيعة مش عايزة ادخل اكتب حاجة خالص عايزة افضل اقرى وبس

مش عايزة اكتب حاجة خالص

بس بجد رمضان السنة دى كان مختلف معايا بكل المقاييس والعيد كمان كان فرحة كبيرة قوى فى قلبى

بجد انا حاسة انة احلى رمضان عدى عليا

يااااااااااااااااة على الروحانيات اللى كانت فية

انا متهيالى ان انا كنت اخدة اجازة من كل حاجة واتفرغت لحاجة واحدة كنت سايبها بقالى فترة كبيرة وكنت بعيدة عنها

العبادة لرب العباد

القران حبيبى

محمد اللهم صلى علىحبيبى قلبى ونور عينى وعلى الهادى صاحب المقام الرفيع صلاة لم تصلى بها من قبل علية

بصراحة مهما اتكلم مش هقدر اوصف احساسى

عموما دة سلام على الماشى كدة

وان شاء الله هنزل توبيك قريب للمشتاقين أمثالى

تحياتى

خليها على الله

2007-09-05T14:41:00.000-07:00

يا رب خليت السما بالشمس بتنور وهلال بيتحول قمر سبحان من صور انت ال عارف نيتي وبرحمتك عرفا مطرح ما عيني تلتفت في كل

شيء شايفا ففرحة ال مصلي الفرض فسجدة المؤمن عل الارض رضاك عني يا ام ال محلي الحياه فنصيحة ابوي لي خليها على الله بدوب في حبي لربنا ومحبتو عبادة النية صافية وجنبها سبحة وسجادة بنسى عدابي وشكوتي لما افضفض ليه وانده عليه فوحدتي قبل الندى القيه ففرحة ال مصلي الفرض فسجدة المؤمن عل الارض يال انت اقرب لي مني عمرك ما كنت بعيد الكون ده كل يمكن وانت بس ال اكيد يارب بحق ما شقيت لموسى جوه البحر طريق بحق ما رزقت مريم ميا تبل الريق بحق ما حفظت يونس جوه فبطن الحوت بحق ما نجدت ابراهيم من اللهب والموت بحق يوسف الامين على تلال المال بحق ايوب ما صبر صبرو يهز جبال ترزقني ضي فسكتي وكتابي باليمين وتصلي على سدنا النبي امام المرسلين عليه الصلاة والسلام

كل سنة وانتوا طيبيبن رمضان خلاص هلالة نور علينا الدنيا

وادى الشيطاطين هتاخد اجازة لمدة شهر

وهيفضل لكل واحد نفسة يا ينتهز الفرصة ويقومها

يا خاب وخسر من ادرك رمضان ولم يغفر لة

اللهم بارك لنا فى شعبان وبلغنا رمضان اعوام عديدة

واجعلنا من عتقائك من النار ياارحم بنا من انفسنا

اللهم بلغنا العشر الاوخر من رمضان وبلغنا ليلة القدر

اللهم لا تحرمنا اجر هذة الليلة

بك استجير فمن يجير سواك

فاجر ضعيفا يحتمي بحماك

اني ضعيف استعين على قواك

ذنبي ومعصيتي ببعض قواك

اذنبت ياربي واذتني ذنوب

مالها من غافر الاك

دنياي غرتني وعفوك غريني

ماحيلتي في هذه او ذاك

يا رجائي

مننساش يا جماعة للصائم دعوة لا ترد عند فطرة فاياريت مننساش اخوانا المسلمين فى فلسطين

واخوانا فى كل مكان

الدعاء للاسلام والامة

هنقطع عن التدوين طول فترة الشهر الكريم

وان شاء الله هكمل القصيدة بعد رمضان لان معلش مافيش وقت انزلها

يارب لك الحمد حتى ترضى ولك الحمد اذا رضيت ولك الحمد بعد الرضا

تقبلوا فائق احترامى وتحياتى

أهل الهوى

2007-08-25T14:47:00.000-07:00

اللحم طين والعروق دود من ديدان الطين

أدم وحوا على أرض العدم حاطين

عاقبهم الرب.. اخرجهم من الجنة

أدم عمل حضن حوا جنتة وغنى

الناس يتتهنى مهما يكونوا منحطين

الولف لو شاف وليفتة ورا الجبل هدمة

ياميت ندامة على جبلين واصطدموا

اتهد منهم جبل اسمة هابيل وانهار

قابيل اخوة اللى قاتلة سكب دموع أنهار

واللى افتتن بالنهار.. بالليل يا ندمة

مرات عزيز مصر شابة وجوزها راجل كهل

يوسف حليوة فلسطينى عديم الاهل

فؤادها قاد نار وصار تحت النهود لاعب

تهبش فى يوسف وتترجاة وتداعب

والعقل صاعب لكين خلق المتاعب سهل

وفى التاريخ كليوباترا الاسمرانية

كانت غرامها غرام اسكندرانية

غرام عنيف له حفيف تعبان ولسعة نار

من عشقها لحسنها خافت علية يحتار

واختارت الانتحار...المعجانية

من برق سيف الجدع..يطلع صباح أملة

عنتر معنتر لكين مسكين ابوة هملة

بسيفة قدف فى بحر الدم عداة عوم

ولجل عبلة وقبلة منها.. ساد القوم

دى كانت قصيدة اهل الهوى للمبدع صلاح جاهين

هيا لسة فيها باقى هاكملة فى البوست الجاى ان شاء الله

شط اسكندرية(الجزء التانى)تابعوا

2007-08-18T13:46:00.000-07:00

مش هلاقى اكتر من الصور دى توصف جمال احلى مكان على الارض

اتمنى تكون الصور وضحت شوية من جمالها الاصلى

اسكندرية ماريا وترابها زعفران

يلا نغير اسلوب حياة

2007-07-27T14:44:00.000-07:00

بصراحة من كتر ما اتعرضت للموضوع دة قررت اقول كلمة فية

احنا كلنا كا ناس وبشر من حقنا نحب اللى على مزاجنا ومنحبش اللى مش علي مزاجنا

كلام جميل

لكن ميفنعش انى اغصب عليك تحب واحد انت رافض تحبة او تكرة واحد لسبب انى مش بحبة

ومتهيالى ناس كتير تتفق معايا فى الراى دة

نفس الحكاية بالظبط

بعد كذا قرار كدة اصدرة المفتى \على جمعة وبالذات بعد موضوع تحريم ختان الاناث

سمعت والله ناس بتشتم وتسب وتلعن المفتى عشان اصدر القرار دة او الفتوى دى

هو يا جماعة الراجل مش دة اسمة مفتى

يعنى لة حق انة يفتى واحنا كا مسلمين ممكن ناخد بالفتوى ومش هيكون علينا وزر اكيد لو اتبعناها

لية ؟

لان على ابسط مثال لو بنصلى فى جماعة والامام غلط احنا كمامومين مينفعش نخالف الامام لازم نكمل وراة تمام كدة

ومش احنا اللى هنشيل الوزر فى الغلط دة

يعنى لو كانت الفتوى دى غير صحيحة او الاجتهاد دة بلاش نسميها فتوى غير صحيح

واحنا اتبعناه اللى هيشيل الوزر هو الشخص اللى افتى

مش بتكلم فى مسألة الختان بالاخص بكلم عموما

يعنى مش من حقنا اننا نشتم راجل زى دة عيب مش دى اخلاق المسلمين والله

احنا لازم نترفع عن هذا الاسلوب القبيح

اتمنى اى شخص سب الرجل دة او شتمة يستغفر ويتوب الى الله

وبعدين مش يجى واحد قاعد على القهوة عمال يضرب فى شيشة ويجى ويقولك على فكرة الفتوى دى مش صح

مش ممكن ابدا؟؟؟؟

اخيرا فاتكرت موقف للامام الشافعى رحمة الله علية: اختلف العلماء المسلمين مع الشعراء على نوعية الكلام الموجود بالشعر

يعنى لكونة بيوصف حاجة معينة فى الجسد

شوف بقى حكمة الراجل دة درس الشعر مخصوص عشان يقدر يفهم فكرة الشعراء

رحمة الله علية

مش ممكن يطلع كل واحد يحلل ويحرم وهو مش دارس حاجة خالص واللى يغيظك انة يجادل اتمنى اننا بجد نتغير ونغير كتير من اسليبنا فى الحياة

تـــ.....ـــلـــ....ــــومنى ....الدنيـــا

2007-07-18T16:32:00.000-07:00

تلومي الدنيا إذا أحببته
كأنني .. أنا خلقت الحب وأخترعته
كأنني أنا على خدود الورد قد رسمته
كأنني انا التي
للطير في السماء قد علمته
وفي حقول القمح قد زرعته
وفي مياه البحر قد زوبته
كأنني .. انا التي
كالقمر الجميل في السماء
قد علقته
تلومني الدنيا إذا ...
سميت من أحب .. أو ذكرته
كأنني انا الهوى
وأمه .. وأخته
هذا الهوى الذي أتى ..
من حيث ما أنتظرته
مختلف عن كل ما عرفته
مختلف عن كل ما قراته
وكل ما سمعته
لوكنت أدري انه
نوع من الأدمان ... ما أدمنته
لو كنت أدري انه ..
باب كثير الريح .. ما فتحته
لو كنت .. أدري انه
عود من الكبريت .. ما أشعلته
هذا الهوى .. أعنف حب عشته
فليتني حين أتاى فاتحاً
يديه لى ... رددته
وليتني من قبل أن يقتلني .. قتلته
هذا الهوى الذي أراه في الليل
علي ستائري
أراه ... في ثوبي
وفي عطري .. وفي أساوري
أراه .. مرسوماً على وجه يدي
أراه منقوشاً على مشاعري
لو أخبروني أنه
طفل كثير اللهو والضوضاء ما أدخلته
وأنه سيكسر الزجاج في قلبي لما تركته
لو أخبروني أنه
سيضرم النيران في دقائق
ويقلب الأشياء في دقائق
ويصبغ الجدران بالأحمر والأزرق في دقائق
لكنت قد طردته
يا أيها الغالي الذي ..
أرضيت عنى الله ... إذ أحببته
هذا الهوى أجمل حب عشته
أروع حب عشته
فليتني حين أتاني زائراً
بالورد قد طوقته ...
وليتني حين أتاني باكياً
فتحت أبوابي له ... وبسته

نزار قبانى